من المستفيد من تكسير عظام سوق الكويت للأوراق المالية؟

[browser]

في اشاعة تقول ان الحكم اليوم

 

[Senator]

مجموعة الخرافى

--------------------------------------------------------------------------------

السلام عليكم
عندى خبر سيئ جدا وصلنى قبل دقائق ومفاده هو ان المحكمه رفضت قبول الطعن المقدم من مجموعة الخرافى ضد قرار التحييد واكدت صحة الاجراء الذى قامت به لجنة السوق
رحنا وطى يالربع

منقول من منتدى النوادي للاخ بومناور

 

[browser]

مجموعة الخرافى

--------------------------------------------------------------------------------

السلام عليكم
عندى خبر سيئ جدا وصلنى قبل دقائق ومفاده هو ان المحكمه رفضت قبول الطعن المقدم من مجموعة الخرافى ضد قرار التحييد واكدت صحة الاجراء الذى قامت به لجنة السوق
رحنا وطى يالربع

منقول من منتدى النوادي للاخ بومناور

ليش الحكم مو زين ؟

 

[انور النقوشي]

منقول عن النوادي:
تم التأجيل​

 

[usama123456]

يا ويلنا

راحت المخازن و قبليها الرابطة و الان السوق بالكامل (ياويلنا)

 

[دكتوراسهم]

ههههههههه

 

[usama123456]

ههههههههه

تضحك لا انت مفروض تبكى( ( (

 

[حسرااان]

ياويلنا من شنو؟؟؟؟؟؟

الحمد لله رب العالمين,
مادري ياويلنا من شنو؟ يا أخي أحمد الله على الامن والصحه والعافيه. شنو يعني السوق طايح باكر يتعدل وهذا حال الاسواق.

 

[browser]

لا تأجيل ولا شي ليلحين ما طلع شي

 

[دكتوراسهم]

تضحك لا انت مفروض تبكى( ( (

ليش ابجي الحمدلله على الصحه والعافيه والحمدلله بخير ونعمه

 

[محمد2000]

سوق الاسهم كل شيء فية جايز وتوقع غير المتوقع
يقولون سوقنا ممتاز ومتين
سوق السعودية قالوا عنة اغلب المحللين انة سوق واعد وسوق قيادي وممتاز والانسب للاستثمار فية وتراجع وخسر اكثر من 50 % من قيمتة
اللي خسر محد فادة من هالمحللين

 

[Believer]

سوق الكويت جدا ممتاز ... واللي يبي ياخذ ربح منه يشتري ما يبيع لسنه ... وأنا معاكم ...

 

[مضاربجي2006]

الصبر.................................. زييييييييييييييييين

أدعو أخواني أعضاء المنتدى أهل الصمود والمقاومة الي الصبر وعدم الإستعجال في البيع الي أن تعدي هذه الأزمة وأن نقاوم حتى آخر رمق ,,,,,,,,,, عفوا حتى آخر فلس

 

[Ba7ri]

الثبات والصبر. ضغط متوقع قبل الإنطلاقة الجديدة بشهر 12، إنشالله شهر 12 بيكون أفضل شهر بالسنة عالإطلاق. إللي عنده سيولة هذي فرصة رائعة للتبريد، وإللي ماعنده يقفل الكمبيوتر ويروح يتمشى عالبحر أو بسوق شرق ورد السبت الياي إنشالله.

 

[ابو العداله]

صامدين
مجبرا اخاك لا بطل

 

[ALMFJR]

التولول عيب واللى يبى الدح ما يقول اح الدنيا ماهى وردية دايما اخوى

 

[سوق المناخ]

بسنا تخبط
وليش هالقرارات الضبابيه والغير واضحه

 

[freeweek]

حتى العاشرة صباحا غدا

 

[سهمكووو]

ما ظل بيها صبر

 

[المعرس]

اول شي هالكلام حق المضاربين مو المستثمرين.. اول شي الله يعينكم ويعوضكم انشالله اللي خسرتوه واكثر

في ناس باعت من الاسبوع اللي طاف ووقفت خسايرها وقاعد تطالع الحين وكل ما نزل السوق استانسو اكثر ليش انه بيردون يشترون نفس اسهمهم بسعر ارخص من اللي باعوه.. صج انهم باعو بخساره بس خسارة 50فلس قبل اسبوع ولا خسارة 200فلس الحين.. والحمدلله انا واحد منهم

وناس لي الحين تبي تصمد.. تعاند نفسها.. المؤشر الوزني اذا وصل -5 اشارة بيع واليوم المؤشر الوزني -16.. مؤشر الماكد شق خط الصفر رواسي وانتو لي الحين صامدين.. حرام اللي تسوونه بنفسكم والله وبعدين تقولون المحللين خسرونا والتحليل مايمشي على سوق الكويت.. الا يمشي ونص واشارة البيع كانت واضحه من قبل شهر.. وهذي مشاركتي بتاريخ 3/11 حذرت فيها بخط عريض احمر http://www.indexsignal.com/vb/showpost.php?p=520586&postcount=864

انا ماقول انه السوق 100% بينزل لانه صراحه الاسعار اولريدي نازله وايد واسعارها رخيصه وتعتبر فرص استثماريه.. معظم المؤشرات سلبيه ماعدا الrsi وصل 30 وعطى اشارة شراء.. يمكن اي وقت يوقف الانهيار وترد عافية السوق.. وانشالله يرد مثل ماكان واحسن والله يعوضكم

بس الوضع خطر ونسبة المخاطره كبيره هالايام ماتدري السوق لي متى بيظل ينزل.. والمؤشرات الفنيه والاخبار معظمها سلبيه

هذا رايي ويمكن ناس وايد تختلف معاي .. والبيع والشرا مسؤووووولية شخصيه