شنو استفدت من البورصه ..؟؟؟؟

[aldub2000]

السلام عليكم .؟؟

بصراحه انا استفدت اشياء من البورصه ويا زينها ...

1- صرت بالحساب مافي احسن مني احسبها بالفلس ...من الآجل والعمولات ....

2- صرت سريع عند استخدام الآله الحاسبه بسرعه الصاروخ ...

3- استفدت شخصيا من البورصه مخزن متروس اوراق ...البونات والتقارير...

4- قمت انام بسرعه من يصير نزول قوي عشان انسى ....

5- بس يبا اخلي شويه لكم يا اعضائنا المحترمين ....

وتصدقون الشي الوحيد اللي ما شفته من البورصه كلش هو ( الربح ) ...؟؟؟

الله يكون بالعون ....

والله المستعان..؟؟؟

 

[بوحمد2]

بشرنا يالدوب شصار على تجاااره في ااامل ترتفع

 

[aldub2000]

الله كريم ..؟؟

بشرنا يالدوب شصار على تجاااره في ااامل ترتفع

هلا فيك شلونك...

الله يهديك ليش ما بعت لما راحت 255 فلس صرت مردم مثلنا وانصدت وغروك بالملايين...

بس ان شاء الله لها صعود باذن الله قريبا بعد افتتاح مشروع عروس البحر وراح يحطون ارباح قويه بالربع الاخير يعني لا تبيع بالنازل كلش ...وعندهم توزيعه ارباح زينه تقريبا 12 نقدي ....

ترى فيه محافظ قاعده تلم السهم الحين واضح جدا جدا ...؟؟؟؟؟

انتظر مثلنا والله كريم ولا تستعجل بالبيع ....

والله المستعان..؟؟؟

 

[raay]

اهم شي تعلمته واستفدت منه هو هذا المنتدى واهله

 

[الطائي]

السلام عليكم .؟؟

بصراحه انا استفدت اشياء من البورصه ويا زينها ...

1- صرت بالحساب مافي احسن مني احسبها بالفلس ...من الآجل والعمولات ....

2- صرت سريع عند استخدام الآله الحاسبه بسرعه الصاروخ ...

3- استفدت شخصيا من البورصه مخزن متروس اوراق ...البونات والتقارير...

4- قمت انام بسرعه من يصير نزول قوي عشان انسى ....

5- بس يبا اخلي شويه لكم يا اعضائنا المحترمين ....

وتصدقون الشي الوحيد اللي ما شفته من البورصه كلش هو ( الربح ) ...؟؟؟

الله يكون بالعون ....

والله المستعان..؟؟؟

أستفدت الخسارة وانشغال البال والنسيان والله المستعان

 

[alhilo]

صرت اصحى قبل الديك اطالع الصفحات الاقتصادية فى جميع الجرايد وصار عندى لاب توب كشخة يعنى كلش الاخ صاير بيل غيتس وكل اللى عندى 5000 سهم مخازن ومكوع فيهم وصرت محلل اسهم وسى ان بى سى عربية طلبتنى بس انا رفضت

 

[محتار شلون أربح]

دنيا خداعة

بصراحة أنا من يوم دخلت للبورصة للحين ما استفدت غير مبلغ بسيط لا يتجاوز راتب شهر واحد!!!!!!!!!!!!

يعني كل ماربحنا كم ألف وقلنا عوضنا صبرنا اللي فات تطلعلنا سالفة ويطيح السوق ونضيع بيومين كل اللي جمعنا بشهور!!!!!

ما عاد لي صبر على عوار الراس ومتابعة الأخبار اليومية خاصة الاقتصادية وكل يوم نرقب اللي بعده ويوم واحد نفرح وعشرين يوم الضغط مرتفع والأعصاب متشنجة

وصبح وليل فاتح على هالمنتدى اللي يواسيني في كل أزمة واللي أعتبره الفائدة الوحيدة من دخولي السوق

حتى تفكيري ضايع بهالأسهم ومو قادر أفكر بمشروع ولو صغير

حسبنا الله ونعم الوكيل

لكن الحمدلله إني ما خسرت شي من راس المال يعني أحسن شوي من غيري الله يعوضهم على خسارتهم لكن أعتبر المجهود والوقت وحرق الأعصاب هم خسارة بعد كل هالمدة...........

 

[aldub2000]

الله كريم .؟؟

الله يكون بالعون ...

ايه نسيت اقولكم ...ما قمت افرق بين اللون الاصفر واللون الاخضر والاحمر من التبقق بشريط البورصه وخصوصا آخر السوق يا ساتر ..اذا مر عليك برق الشريط ..؟؟؟؟؟

والله المستعان..؟؟

 

[شبروح]

الله يعوض علينا وعليكم يا خوان

صدقونى يا جماعة الخير انا من دشيت متاهت البورصة ما ترقعت

حسبنا الله ونعم الوكيل

 

[al7bebe]

فيها خير ورزق ولكن :-

لمن يصعد الدرج درجه درجه على المدى البعيد وبهدوء.
والطمع سبب الخساره في كل مشروع وتجارة.

 

[bo fawaz]

الله يرزقكم ان شاء الله وتستفيدون عن قريب
وسعوا باالكم التجاره تبى صبر

والاستفاده الى حصلتها من البورصه خلتنى اعرف منتدى المؤشر نت
واتعرف على الوجيه الطيبه فيه

 

[Nagooshy]

الله يرزقكم ان شاء الله وتستفيدون عن قريب
وسعوا باالكم التجاره تبى صبر

والاستفاده الى حصلتها من البورصه خلتنى اعرف منتدى المؤشر نت
واتعرف على الوجيه الطيبه فيه

عزيز وغالي بوفواز

عدل كلامك الصبر زين​

 

[علمونى]

والله العظيم

1- نص راس مالى طار

2- الانطواء ومجابل اللاب توب

3- عصبى زياده عن اللزوم

4- الالام وعوار بعظامى

5- ندم

6- تاخير والغاء مواعيد طبيه وغير طبيه

7- ضعف بالنظر

8- توقف التفكير عندى

9- تذمر المحيطين فينى

10- مطلوب فلوس

 

[al haris]

علشان كل طقة بتعلومة

استفدت المعلومات ومستعد أسوى كتاب بس شكلة ماراح ينباع شكل أسهمى

 

[aldub2000]

وينكم.؟؟

معقوله ..؟؟؟

وينكم مافي احد استفاد من البورصه ابد .؟؟؟

يعني الحين كم عضو عندنا بالمنتدى مافي احد يكتب شي يفيدنا ...؟؟؟

يالله عاد كتبوا اي شي ..؟؟

والله المستعان..؟؟

 

[C-oNtROoL]

امبلا انا استفدت
- تغيرت شخصيتى 180 درجة
- ماقمت اثق بحد كل شخص اقول عنه جذاب
- عصبي زيادة ، ماتحكم باعصابي
- احلل كل شي يمر علي بحياتي العملية والعلمية ​

 

[الهامي]

والله العظيم

1- نص راس مالى طار

2- الانطواء ومجابل اللاب توب

3- عصبى زياده عن اللزوم

4- الالام وعوار بعظامى

5- ندم

6- تاخير والغاء مواعيد طبيه وغير طبيه

7- ضعف بالنظر

8- توقف التفكير عندى

9- تذمر المحيطين فينى

10- مطلوب فلوس

اضف الي كل ذلك 11-القلق والارق وقلة النوم
12-زيادة التدخين وكثر الطلب علي السلوم
13-العصبيه الزياده عن حدها بسبب وبدون سبب
14-الانعزال والابتعاد عن المناسبات الاجتماعية ومتابعة الاخبار الاقتصادية ومجابل المؤشر نت كل الوقت

 

[boali]

السلام عليكم .؟؟

بصراحه انا استفدت اشياء من البورصه ويا زينها ...

1- صرت بالحساب مافي احسن مني احسبها بالفلس ...من الآجل والعمولات ....

2- صرت سريع عند استخدام الآله الحاسبه بسرعه الصاروخ ...

3- استفدت شخصيا من البورصه مخزن متروس اوراق ...البونات والتقارير...

4- قمت انام بسرعه من يصير نزول قوي عشان انسى ....

5- بس يبا اخلي شويه لكم يا اعضائنا المحترمين ....

وتصدقون الشي الوحيد اللي ما شفته من البورصه كلش هو ( الربح ) ...؟؟؟

الله يكون بالعون ....

والله المستعان..؟؟؟

الله يعينك

أنا اللي شفته بالورصة ما شفته بحياتي

 

[white soul]

أنا اللي شفته بالورصة ما شفته بحياتي

1-تاليف كتاب عن بدليات شباب المؤشر نت وهالكتاب لاقى اقبال كبير وقدرت اعوض جزء كبير من حسايري بسبة هالكتاب

2_مشاركة مرضى القولون آلامهم

3_كثرة احلام اليقظه ( (

4-الخوف والتوتر قمت امشي واخاف محفظه من المحافظ يقطون علي 400 الف سهم صناعات

5_مرات امشي واكلم نفسي

6-فلوسي وفلوس الاجيال القادمه راحت

7-طلعلي قلب ​

 

[صايدها]

الحمد لله لما كان السوق بخير والله استفدنا وربحنا
الواحد يقول اللي له واللي عليه
ولما كوكس طمعنا ومابعنا وخسرنا
ومقيوله من طمع طبع

والله المستعاااااااااااااااان​