أي موضوع عن السوق يكتب هنا ..!!

[InUrEyEs]

مثل ماسمعت انه الخرافى راح يرفع قضييه يوم الاثنين اطالبهم بتعويض الخساره الى حصلت له؟

وراح يرفع القضيه على البورصه وطالبها بالتعويض؟؟

فى حالت ان الخرافى ربح القضيه ؟؟ باجر كل من خسر راح يرفع قضيه على البورصه


نصيحه ترقبوا السوق ليمه يوم الاثنين على ماتعدى القضيه

ولى سمعته انه راح احاولون انه اشيلوون القانون اليديد وعدلونه علشان يعطون كل شركه مهله 3 شهور علشان اتعدل اوضااعه وهم يرضون الخرافى علشان مايرفع القضيه


الله صبر صغار المستثمرين وعوضنا

 

[real stock]

سؤال للحكومة إلي أين

هل تنون تدمير الوضع الاقتصادي في البلد؟
هل تنون علي تدمير الأسر الكويتية؟
هل تريدون طبقتين في البلد؟
هل تنون علي مسح المواطن؟
أم هل تنون علي قلب نظام الحكم من أمارة ألي مملكة؟

ماذا تريدون منا نحنو ناس علي قد حالنا يدوب هل جم فلس نعيش منهم.

ليشي كل الأمور في هذا الوقت مو كان كافي عليكم سنه من الدمار الاقتصادي

ما أقول إلي حسبية الله و نعم الوكيل فيكم عس الله ما يريح بالكم و يدمركم مثل ما دمرتمونا.

 

[rahaly]

واذا رفع قضية ؟؟؟
ثم ان القضية تحتاج سنة او سنتين على ما تخلص.... فما تاثيرها على السوق يوم الاثنين؟؟؟

 

[قاروه]

هل تنون تدمير الوضع الاقتصادي في البلد؟
هل تنون علي تدمير الأسر الكويتية؟
هل تريدون طبقتين في البلد؟
هل تنون علي مسح المواطن؟
أم هل تنون علي قلب نظام الحكم من أمارة ألي مملكة؟

ماذا تريدون منا نحنو ناس علي قد حالنا يدوب هل جم فلس نعيش منهم.

ليشي كل الأمور في هذا الوقت مو كان كافي عليكم سنه من الدمار الاقتصادي

ما أقول إلي حسبية الله و نعم الوكيل فيكم عس الله ما يريح بالكم و يدمركم مثل ما دمرتمونا.

س-هل تنون تدمير الوضع الاقتصادي في البلد؟
ج- لا
س-هل تنون علي تدمير الأسر الكويتية؟
ج- اغلب الاسر وليس الكل
س-هل تريدون طبقتين في البلد؟
ج-نعم و بشده
س-أم هل تنون علي قلب نظام الحكم من أمارة ألي مملكة؟
ج-ربما ولكن ليس بالوقت الراهن


ليشي كل الأمور في هذا الوقت مو كان كافي عليكم سنه من الدمار الاقتصادي
دمار ! كثير من الشركات ربحيتها جيده بل ممتازه << هالكلام الي نسمعه

 

[البواردي]

القضيه اخوي مو بيوم وليله
واذا جذي المسأله احنا اولى ان نرفع قضايا على البورصه
واقل ما فيها نرفع قضيه على اللي حصل من خلل في لوحات السوق وتوقيفها واجراء صفقات كثيره مما ادى إلى نزول بعض الاسهم ولم نتمكن من بيعها بسبب الخلل الطارئ

هذي القضيه اولى من قضية الخرافي بصراحه

 

[C-oNtROoL]

النجدة 777

من لديه معلومة تصبرنا
فلا يبخل علينا

<< نمسك أسهمنا أم نبيع قبل تكبد المزيد من الخسائر >>

فمن فرج كربة عن أخيه فرج الله عنه كربا من كربات يوم القيامة​

 

[stillhamad]

هذا سؤال المليون ولو استطعنا اجابته لكان الحال غير الحال ...

انا أوقفت خسارتي يوم الثلاثاء بعد أن صبرت وصبرت حتي طفرت فما كان من السوق ألا أن أرتفع يوم الأربعاء وكأن لسان حاله يقول لي ..

والله لأتوبك من شي أسمه سوق والله لازيد همك هم .. والله لأحملنك مالا طاقة لك به حتي تجزع فتضيق بك الأرض علي أتساعها ...

 

[مستثمر مبتدئ]

إذا عيال السلطان يبون عشر مليارات

هذا شيكفيه تكفون علمووووووني!!!!

 

[غازى]

هو انتوا لسه شفتوا حاجة

الحكومة تسألكم تبون شئ غير اسقاط القروض لا تستحون اطلبوا

 

[mkh8888]

اللى قاعد يصير كارثة يا إخوان

 

[jasemll]

الحكومة تسألكم تبون شئ غير اسقاط القروض لا تستحون اطلبوا


يالله السلامه

 

[Riskman]

قرار تحويل البورصه الى سوق الغنم

شنو ح

ال البورصه !!!!

مادري من التخبط السياسي اللي صاير ولا من الحراميه اللي قاعده تنهب بأملاك الدوله ولا موضوع القروض اللي موراضين نخلص منها.



اول الحراميه معروفين او ينعدون على الاصابع الحين مافي احد مو قاعد يبوق بس يبي يكون بمنصب علشان ينهب.



الوضع السياسي وتخبط من قبل الحكومه وبالاخص رئيس مجلس الوزراء



موضوع القروض ماله نهايه كل من يتكلم بصوب والحكومه مو راضيه تحسم الجلسه



سوق متعب بكل النواحي



اول قالو العراق او عقبها النووي او عقبها حرب لبنان او الحين الوضع السياسي او عقبها مدينه الحرير او عقبها مجلس الحكم





انصح الكل بأن يتجه الى سوق الغنم وتجاره المواشي ( بس دربالكم من مرض جنون البقر)



فلونزا الطيور او المد الاحمر



بورصه مدغشقر نازله



بورصه جزر القمر نازله





كـــــــــــــــــــــل هــــــــــــذا يــــــــــأثــــــــــــر على بورصه من اقوى واعرق بورصه بالوطن العربي

الصراحه شي غريب​

 

[دربيل]

هذا خراب بيوت ياناس

الذبح الجماعي لجميع الاسهم (الصالح والطالح) وهدر دم البورصة بهذا الشكل المخيف هو خراب بيوت وتدمير متعمد للطبقة الوسطى والدنيا من المجتع الكويتي(متوسطي الدخل والفقارى)

ما يبون احد يصير عنده فلوس وينجارهم بالتجارة

يبون الديرة لهم والتجارة لهم

واحنا نعيش على معونات الحكومة وزيادة الخمسين دينار كل 10 سنين

يبونا نصير مثل بعض الدول الي حوالينا ... نصحى الصبح نفكر شلون نسد جوعنا وجوع عيالنا يبونا نلهث علشان اللقمة ...مع ان خير بلدنا يغطي الدنيا

لكن هيهات ان يتحقق لهم مايريدون.....

الشعب الكويتي عزيز النفس وعالى الكرامة

حسبنا الله ونعم الوكيل

 

[FREE7OB]

يا ايها الصامتون اعتبرونا لبنانيون او بنغلادشيون نستحق الأغاثه

السلام عليكم ورحمه الله وبركاته

اول مشاركه احب ان اطلب من مجلس الوزاراء المجتمع حاليا ان يعتبر الشعب الكويتى منكوب ويعلنو حاله الطوارى فليعتبروننا لبنانيون او بنغال او امريكيين مر علينا اعصار طشر قشنا وفلوسنا
شباب ابى بداله مستشفى الطب النفسى
انا تعقدت واحتاج علاج نفسى مو علشان الخساير الماليه الفلوس تروح وتجى ولكن الى عقدنى تصرفات الحكومه وتناقضاتها

ملاحظه : العنون اخذته من منتدى سعودى ترى هم اخواننا السعوديين يمرون بنفس المعاناه

 

[شبروح]

ضاع الحلال يا ولد العم

الله يكون بالعون

بس ما قول الا الله يطيح حظك يا مجلس الخمه

 

[المعرس]

من لديه معلومة تصبرنا
فلا يبخل علينا

<< نمسك أسهمنا أم نبيع قبل تكبد المزيد من الخسائر >>

فمن فرج كربة عن أخيه فرج الله عنه كربا من كربات يوم القيامة​

مع انه سؤالك متأخر سؤالك المفروض تحد خسارتك قبل اسبوع اسبوعين مو الحين بس المهم الله يعوضك انشالله وانت قلت تبي معلومه تصبرك انا اقولك المؤشر السعري حاليًا بمنطقة مقاومه قويه (بالنسبه حق سنة 2006)

بالعربي.. مؤشر السوق ثلاث مرات انهار هالسنه وهذي المره الرابعه.. آخر مرتين انهار المؤشر كان قاعد ينزل ينزل بس لما وصل 9250 وقف النزول وارتد وصعد.. والحين المؤشر شوفة عينك الاسابيع اللي طافت كان ينزل ينزل والحين على طريف واقف عند ال9297

يعني احتمال يرتد المؤشر اليوم او باجر او عقبه بالكثير.. اذا ما ارتد وكمل نزوله..... احتمال كبير تصير مصيبه ويصير عندنا قاع يديد

 

[المجحم]

أويد اقتراحك وبالمناسبه قدوم عيد الاضحى وارتفاع سعر المواشي تشتري الطلي بـ 30 دينار تبيعه بعد شهر بـ 60
والي يسئلك قوله اشتغل بالصفاه
ولو تحسبها جنه سهم تدوبل أثر استحواذ عليه
فعلا قرار سديد
ماقول الا الله يكون بالعون
وشكرا

 

[sultan2007]

هل هذه الحكمة ؟!!! يا حكومة !!!!!!!!!

فعلا بلاد العجائب ......

يعني هذا جزاء الاقتصادييين اللي يوصلون العالمية ايجمدونهم باي وسيلة ليش لانهم بصراحة حاسدينهم ومن يحسدون يحسدون نفسهم لان هذه الشركات تدر ارباح لاهل الكويت اقصد (مجموعه السلطان والخرافي )

ليش التامينات ومعاشات الناس وين مستثمرة وشئون القصر وين مستثمرة

ووين ووين هذا كله اهدار لاقتصاد او بمعنى اصح ان الحكومة بطت عينها بنفسها ليش (( خبال حسد مايعلمه الا الله ) ليش هالشئ يصير مع شركات صعدت بخطى ثابتة للعالمية ليش

حسبنا الله ونعم الوكيل

ايقولون اصلاح

وين اصلاح ورا اسماعيل الشطي وعبد الهادي الصالح

الله يستر

 

[جاد جدا]

اي تجارة فيها فايده احسن من الاسهم

 

[بومحمد222]

إنشاءالله إن السوق يرتد عند 9227

إصبر ولا تبيع أسهمك وإنشاءالله راح الله يعوضك لمايرتد السوق
أهم شئ إن المؤشر يقفل عند نقطه قريبه من 9227
والله أعلم