اول يـــــــــوم ،، امـــــــــتناع عن التدخيـــــن

الموضوع في 'إستراحة المنتدى' بواسطة MOHAMMED11, بتاريخ ‏2 ديسمبر 2006.

  1. MOHAMMED11

    MOHAMMED11 عضو جديد

    التسجيل:
    ‏24 يوليو 2006
    المشاركات:
    3,046
    عدد الإعجابات:
    1
    مكان الإقامة:
    قلب امــــي
    السلام عليكم ورحمة الله وبركاته

    طبعا سالفتي مالها شاهد بس فضفضه لااكثر ولااقل

    اليوم اخوكم اوّل يوم من امتناعه عن التدخين (دق الطبول ):)
    واذبحوا الذبائح :p
    وصراحه شي رهيب لا يوصف ،، دوخه
    لهفه للزقاره
    سرحان
    الخ الخ

    الظهر نفذ صبري ورحت الجمعيه والنيه اشتري زقاير
    وتّميت اطالع الزقاير واتذكر ( من ترك شي لله عوضه خير منه
    قلت ياولد اصبر كلها كم يوم بس ،، ماتقدر تصبر واقعد احوس بالجمعيه مثل اللي ماوده يطلع قبل لايشتري زقاير ،، المهم تعوذت من الشيطان واخذت بدال الزقاير كاكاو وحلاو وحب
    ورجعت البيت
    نمت واول ماقعدت من النوم طرت على بالي الزقاره ،، ادخن ماادخن ،، ادخن ماادخن
    قلت تأبى المروئه :)
    وتذكرت من ترك شي لله عوضه خير منه
    اتصلت على واحد من الربع من غير المدخنين ،، قلت له ماعندك مشوار
    قال بروح اشتري خام
    قلت له مرني
    كنوع من التسليه والابتعاد عن التفكير بالزقاره
    وطلعنا وقبل ساعه رجعت
    ولازال صوت الشيطان يناديني ،، ياابو جاسم دق الزقاره
    ليش تعذب روحك الخ الخ
    وانا اردد ،، من ترك شي لله عوضه خير منه ،، واصبر نفسي واجاهد

    طبعا من غير ضيقة التدخين انا متضايق خلقه اليوم مادري شفيني
    قلت ياولد قوم صل كم ركعه لين تدوخ وتنام
    والحمد الله توضيت وصلّيت واطلت بالصلاة
    وانا بالصلاة الحمد الله نسيت كل شي ونسيت لهفتي للتدخين
    ولكن مجرد ان طويت سجادتي عاد كل شي لي

    والشيطان لازال يقول ،،يابن الحلال انت بروحك متضايق تزيده بضيقة ترك التدخين
    دخّن بس دخّن
    الخ الخ
    ولازال الفتى محمد يقاوم ويقاوم
    لاااااااااااااااااااااااا
    كم مرّه اعاهد الله بترك التدخين ولا افعل واخون العهد
    كم مرّه يضحك مني الشيطان
    اليوم لن اجعله يضحك علي
    اليوم ياانا يا هذا الشيطان اللعين
    ويقاوم محمد
    ويصبح كاسكو له لياقه عجيبه بأكل الحب
    ،،،،،،،،،،،،،،،،،،،،،،،،،،
    اكلنا حب
    شربنا جاي مخدّر ،، حسب نصيحة احد الشباب الذين تركوا التدخين
    ولا كن لا فائده
    فالامر اصبح لا يحتمل

    ضيقة خلق ،، وفوقها حرمان من التدخين
    ( صعبه ،، ادخن ماادخن )

    لااااااااااااااااااااااااااااا

    ويذهب محمد بوجه الذبلان ورأسه المتوجّع
    وقلبه الحزين
    إلى الكمبيوتر
    يريد ان يتسلا بقرائة الشعر
    ،،،،

    قصيده قديمه كنت قد قرأتها بأحد المنتديات واعجبتني
    وحبّيت انّي اقراها واهيجن فيها قليلا
    يذهب محمد ويضع عنوان القصيده ولا يظهر شي
    القصيده قديمه جدا
    ويغير بإسم القصيده ماذا ظهر

    شوفو حكمة الله
    واقسم بالله هذا مااظهر لي وكأنه صوت يخاطبني ويشدد من ازري


    أقرئوا معي
    وتذكروا ان محمد اول يوم له بترك التدخين
    وتذكروا ان محمد حزين بعض الشي

    ابعد الله الحزن عنكم جميعا

    ...اقرئوا

    حسبك الله يكفيك من كل ما أهمك فيحفظك في الأزمات ، ويرعاك في الملمات ، ويحميك في المدلهمات ، فلا تخش ولا تخف ولا تحزن ولا تقلق . فمن تخاف ونحن معك ، ومن تخشى ولدينا نصرك ، ومن ترهب وعندنا عزك فيكفيك : أن حسبك الله .

    حسبك الله فهو ناصرك على كل عدو ، ومظهرك على كل خصم ، ومؤيدك في كل أمر ، يعطيك إذا سألت ، ويغفر لك إذا استغفرت ، ويزيدك إذا شكرت ، ويذكرك إذا ذكرت ، وينصرك إذا حاربت ، ويوفقك إذا حكمت .

    حسبك الله فيمنحك العز بلا عشيرة ، والغنى بلا مال ، والحفظ بلا حرس ، فأنت المظفر لأن الله حسبك ، وأنت المنصور لأن الله حسبك ، وأنت الموفق لأن الله حسبك ، فلا تخاف من عين حاسد ولا من كيد كائد
    إذا سمعت صولة الباطل ، ودعاية الشر ، وجلبة الخصوم ، و، وشماتة الحاسدين ، فاثبت لأن حسبك الله ، إذا ولى الزمان ، وجفا الإخوان وأعرض القريب ، وشمت العدو ، وضعفت النفس ، وأبطأ الفرج ، فاثبت لأن حسبك الله . إذا داهمتك المصائب ، ونازلتك الخطوب ، وحفت بك المكاره ، وأحاطت بك الكوارث فاثبت لأن حسبك الله ، لا تلتفت إلى أحد من الناس ، ولا تدعو أحد من البشر ولا تتجه لكائن من كان غير الله ؛ لأن حسبك الله .

    إذا ألم بك مرض ، وأرهقك دين ، وأحل بك فقر ، أو عرضت لك حاجة فلا تحزن ؛ لأن حسبك الله . إذا أبطأ النصر ، وتأخر الفتح ، واشتد الكرب ، وثقل الحمل ، وادلهم الخطب فلا تحزن ؛ لأن حسبك الله ، أنت محفوظ لأنك بأعيننا ، وأنت عبدنا المجتبى ونبينا المصطفى .

    حسبك الله يا محمد ، فهو الذي شرح لك صدرك ، ووضع عنك وزرك ، ورفع ذكرك ، وأصلح أمرك ، وأعلى قدرك ، أغناك من الفقر ، وهداك من الضلالة ، أمنك من الخوف ، أعزك بعد الذلة ، أيدك بعد الضعف .
    انتهى


    طبعا الكلام للحبيب المصطفى صلى الله عليه وسلم
    ولكن الشي بالشي يذكر ولنا برسول الله اسوة حسنه
    ،،،،
    المهم


    وبعد ان قرأت الكلام اطمأنت نفسي
    وهدأ شيطاني
    وصبّرت نفسي
    وقلت اكتب لكم هذا الموضوع
    كنوع من التسليه اولا
    وان تئازروني وتشدّوا من ازري ثانيا

    إلى اللقاء غدا
    بيوم آخر من الامنتناع عن التدخين
    اخوكم محمد
     
  2. q8ia_edaria

    q8ia_edaria عضو جديد

    التسجيل:
    ‏5 مايو 2006
    المشاركات:
    684
    عدد الإعجابات:
    0
    مبروووووووووووووك,,,, المرحلة الاولى...

    ماشاء الله اخوي محمد ،، الله يتمم عليك ان شاء الله :)

    شد حيلك ولا تضعف ترى الزقاير مامنها فايدة... كافي ريحتهااا وعووووووو تخنق...

    الله يثبتك ان شاء الله .. ويعطيك الامل والمثابرة والكفااااح من اجل ترك هذا السم القاتل ...
    دعائي لك :

    اللهم اني اعوذ بك من فتن الدنيا

    اللهم اني اعوذ بك من فتن الدنيا

    اللهم اني اعوذ بك من فتن الدنيا


    اللهم لا هادي لمن أضللت , ولا معطي لما منعت ولا مانع لما أعطيت ولا باسط
    لما قبضت ولا مقدم لما أخرت ولا مؤخر لما قدمت .

    اللهم أنت الحليم فلا تعجل وأنت الجواد فلا تبخل وأنت العزيز فلا تذل
    وأنت المنيع فلا ترام وأنت المجير فلا تضام وأنت على كل شئ قدير .
    ...................................

    انتم السابقووون وهم اللاحقووون :p
     
  3. NBK

    NBK عضو نشط

    التسجيل:
    ‏29 مارس 2006
    المشاركات:
    5,313
    عدد الإعجابات:
    38
    مكان الإقامة:
    الكويت الحبيبه
    كفو والله يا بوجاسم
    قدها وقدووووووووووووووووووود
     
  4. boalons

    boalons عضو محترف

    التسجيل:
    ‏17 سبتمبر 2003
    المشاركات:
    4,058
    عدد الإعجابات:
    0
    مكان الإقامة:
    KUWAIT
    والله يا محمد نصيختي لك مثل نصيحه الدكاتره

    اقطع شوي شوي لان القطعه مره وحده تعب , عندي واحد من الربع صارله اسبوعين قاطع وادري بالمعاناه الي عاناها اسبوعين واهو مسبه ودايخ وكان تعبان نفسيا

    انا قبل مده جربت اقطع باني اخفف شوي شوي ! شلون ؟

    اول ما افتح الباكيت اقط منه عشر زقارات او حسب ما كنت ادخن من قبل ( انا كنت ادخن اقل من باكيت باليوم )
    وبعدها بسبوع خليتهم سبع ولما وصلت الى ثالث اسبوع او الرابع وصلت الى ثلاث باليوم او والله كانوا مكفين , انتا بهالحركه تعود جسمك على تقليل نسبه النيكوتين وبعدها القطعه ان شاء الله تصير سهله

    انا مشكلتي ما قطعت لان ماكان عندي اراده ولا والله كانت راح تكون سهله على لو مكمل

    او استخدم لزقات النيكوتين اعرف ناس جربوها يمدحونها يقولك تكره الزقاره لما تلزقها :)

    الله يوفقك
     
  5. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    مبروووووووووووك والفال لنا ان شاء الله

    انا عندي صديق حاول عدة مرات يترك الزقاير ماقدر
    وفي المره الاخيره قدر يتركها والحين صار له اكثر من سنه ما يدخن

    المهم سألته عن سبب فشله بترك الزقاير في المرات الاولى ونجاحه بالمره الاخيره .
    قالي في المرات الاولى كنت احاول اتركها بسبب انها عاده سيئه وتؤثر بالصحه اضافه الى ريحتها .
    وبعد معاناه كم يوم اشوف الكثير يدخن واقول حق نفسي الكثير يدخن واللي يبي يصير علي يبي يصير على كل هالعدد الكبير من المدخنين والريحه مقدور عليها وهنيه ارجع للتدخين .

    اما في المره الاخيره واللي استمر فيها بترك الزقاير قالي :

    قطعت الزقاير تقربا لله سبحانه ولانني التزمت باداء جميع الصلواة بالمسجد
    وبعد كل صلاة ادعو الله ان يثبتني على تركها وهنيه ما صرت افكر فيها
    لاني تركتها لانها حرام وكيف افعل الحرام وانا اصلي جميع الفروض بالمسجد
    واطلب من الله ان يغفر لي ويرحمني ويرزقني .وقال من يطمع بالرزق والمغفره والرحمه من الله سبحانه عليه الابتعاد عن المحرمات .


    اما انا اقول اذا الله عطانا عمر اذا استمريت يابوجاسم 30 يوم بترك الزقاير
    سوف ابتدئ بتركها اعتبارا من اليوم ال31 .
    وانت الحين قدوتنا يابو جاسم شد حيلك .

    وان شاء الله تتركها ونتركها من بعدك .
     
  6. سعد الاسعد

    سعد الاسعد عضو جديد

    التسجيل:
    ‏18 سبتمبر 2006
    المشاركات:
    22
    عدد الإعجابات:
    0
    والله يوم قريت معاناتك مع الزقاير وشلون تفتر على الجمعيه حسيت ودي اشرب زقاير بدالك معني ما اشرب.
    الله يعينك. ترا ماراح تقطعها الا اذا كانت نيتك صافيه لله وعازم التوبه.
     
  7. stillhamad

    stillhamad موقوف

    التسجيل:
    ‏13 نوفمبر 2005
    المشاركات:
    1,965
    عدد الإعجابات:
    0
    شلونك أخوي ابو جاسم

    خطوه موفقه ..

    صدق وأمن بالله كان مجرد قولي لأصدقائي وأهلي أني ناوي أقطع الزقاير كانت بمثابة نكته ...

    كنت أدخن زقاير بشكل مو طبيعي وباليوم أشرب باكيتين ونص وأحيانا ثلاثه .. مع راسين سلوم في حال كنت قاعد بقهوه ..

    تخيل هالكميه من التدخين ولمدة 17 عام تقريبا .. شي مو بسيط أنك تمتنع عنه فجأه وتشيله من حياتك ..

    أنا ما سويت أي شي .. ما أكلت حب ولا سبحت بمسباح ولا علجت علج نيكوتين ولا أي بدائل ثانيه .. كان قرار ونفذته ..

    قررت أقطعها وقطعتها .. الشوق واللهفه للزقاره كانت تطري علي لمدة شهر تقريبا وبعدين أصبحت ذكري سيئه شلتها من راسي ..

    علي فكره

    دراسه بريطانيه تقول .. أنه من توقف عن التدخين فجأه وبلا تدرج فأن فرص عودته للتدخين أقل بكثير من فرص من توقف عنه تدريجيا .. ..

    فأقطع العرج وسيح دمه وكمل ولا تقص علي نفسك بسالفة التدريج واليوم 5 وباجر 4 واللي قبه 3 ..

    أصمل علي رايك وكمل للأخير ... صدقني ومثل ما قلت سابقا في مشاركه لي بهذا الخصوص ..

    ما راح يتغير شي بالدنيا .. ستظل كما هي وأن كان هناك من شيء ستفتقده لن يكون سوي رائحة ملابسك الكريهه و ضيق تنفسك وأعتلال صحتك التي وأن لم تعتل اليوم ... فأنها ستعتل بالغد أو بعد الغد ..
     
  8. ياقوت

    ياقوت عضو جديد

    التسجيل:
    ‏18 فبراير 2006
    المشاركات:
    1,726
    عدد الإعجابات:
    0
    مكان الإقامة:
    kuwait
    موفق ان شاء الله
    ويارب نسمع منك الاخبار الزينه


    :)
     
  9. N70

    N70 عضو جديد

    التسجيل:
    ‏14 فبراير 2006
    المشاركات:
    87
    عدد الإعجابات:
    0
    مكان الإقامة:
    الكويت
    أنا ولله الحمد صارلي 13 يوم ولا زقاره ولا شيشه
    مع اني حاولت فوق العشر مرات ترك التدخين ورديت لها
    بس هالمرة قطعتها نهائيا
    والله كريم ويثبتنا على تركها
     
  10. سهمكووو

    سهمكووو عضو جديد

    التسجيل:
    ‏30 نوفمبر 2005
    المشاركات:
    873
    عدد الإعجابات:
    0
    انا قطعت الزقاير اكثر من اربع مرات

    واطول فتره كانت خمس سنوات

    وثانيه سنتين

    وثالثة 3 شهور

    والرابعه شهرين

    والاخيرة الان ومستمر اكثر من سنه

    نصيحه حين الرغبة بالزقاره حاول ممارسة المشي او الجري والاكثار من شرب الماء

    عود نفسك بمجالسة غير المدخنين ... اذا كنت في وقت فراغ لا تجلس لوحدك حاول تكون مع ناس تخجل من مسك الزقاره امامهم مثل الام او الاب او ناس تقدرهم وتخل من التدخين امامهم

    تذكر ان من ترك شيء لوجه الله يعوضه الله احسن منه

    وانصحك في اول مراح الامتناع عن التدخين استعمال ملصقات النكوتين

    يفضل استخدامها

    اول ثلاث ايام بشكل مستمر

    ثاني ثلاث ايام يوم وترك

    ثالث ثلاث ايام يوم بيومين

    وبعدها انشاء الله ستجد نفسك طبيعي

    والله يثبتك ويثبتنا
     
  11. bo fawaz

    bo fawaz عضو نشط

    التسجيل:
    ‏25 يونيو 2006
    المشاركات:
    4,890
    عدد الإعجابات:
    2
    ياهلاء ببوجويس وين الغيبه
    وبنسبه للزقاير الله يثبتك ان شاء الله واصبر اذاصبرت يوم تقدر تصبر يومين
    ويغدى شرك
    وعسى الله يعصمك منها

    بس لاتابع البورصه اليومين وبتخليها
    اذا تابعت كرز مايكفيك:d
     
  12. bo fawaz

    bo fawaz عضو نشط

    التسجيل:
    ‏25 يونيو 2006
    المشاركات:
    4,890
    عدد الإعجابات:
    2
    هذى يابوجويس خوش نصايح جربها وان شاء الله تساعدك

    وماقصرت اخوى سهمكوا على النصيحه
     
  13. ALMFJR

    ALMFJR موقوف

    التسجيل:
    ‏24 نوفمبر 2005
    المشاركات:
    1,129
    عدد الإعجابات:
    0
    طبعا انا مع عدم التدخين
     
  14. boali

    boali عضو نشط

    التسجيل:
    ‏22 سبتمبر 2005
    المشاركات:
    3,890
    عدد الإعجابات:
    7
    مكان الإقامة:
    المؤشر نت
    بوجاسم تكفه اذا صارلك أسبوع على ترك التدخين

    دزلي على الخاص وقولي

    علشان اتشجع واقطعها معاك

    قبل جم يوم كنت بالمستشفى ,, كان حايشني عوار قلبوسويت تخطيط قلب

    والحمدلله مرت بسلام

    وعقب ما طلعت من المستشفى فتحت الباكيت وطلعت زقارره وشربتها

    وهذا لازم اترك التدخين بعد,,
     
  15. MOHAMMED11

    MOHAMMED11 عضو جديد

    التسجيل:
    ‏24 يوليو 2006
    المشاركات:
    3,046
    عدد الإعجابات:
    1
    مكان الإقامة:
    قلب امــــي
    جزاج الله خير اختي على دعواتج الكريمه


    هلا ولله بالطيّب الخلوق
    وان شاء الله راح اكون عند حسن الظن



    مشكور اخوي على مرورك
    وانا ان شاء الله مابذني ماي قاطعها قاطعها ،



    هلا بالغالي ابو عبد الله

    انا طال عمرك ولا ازكي نفسي على الله ما قطعتها إلا تقربا لله
    وان شاء الله ربي يثبتني

    الف شكر على مرورك


    هلا اخوي سعد
    شاكر مرورك وجايك بالكلام اليوم المعاناه اشد واشد
    بذكرها بعد ماارد على الاخوان برد خاص
    الف شكر طال عمرك

    هلا بو حميييييييد هلا بالغالي
    اي نعم اخوي حمد لازلت اذكر مشاركتك القديمه حين قلت
    لازالت الدنيا هي الدنيا ولم يتغير شي
    وكلامك كان جدا منطقي وجميل

    شاكر مرورك واحساسك بخوك

    هلا اختي
    جزاج الله خير وان شاء الله بتسمعين مايسرّك

    الله يثبتك اخوي
    وان شاء الله بحجز مكاني بجوارك عن قريب


    كلامك ونصايحك جدا جميله وتحاكي الواقع
    وبالذات كلمتك ،، اذا اشتقت للزقاره مارس الجري
    وفعلا هذا اللي انا سويته

    الف شكر اخي الكريم على مرورك


    هلا بالغالي والحبيب ابو فواز
    انا موجود طال عمرك
    والسوق مكتوب علينا شنسوي بعد ،، نبي فكّته لاك اهو موراضي

    اسعدني مرورك طال عمرك



    وانا بعد معاك
    والكل يكره التدخين

    شاكر مرورك طال عمرك




    هلا بو علي
    هلا بالغالي ولله

    ماتشوف شر طال عمرك
    لاباس طهور ان شاء الله
    الله يعطيك الصحه ان شاء الله

    وانا تراني ماني بعيد عنّك هم القلب لك علييه

    الف شكر على مرورك
     
  16. MOHAMMED11

    MOHAMMED11 عضو جديد

    التسجيل:
    ‏24 يوليو 2006
    المشاركات:
    3,046
    عدد الإعجابات:
    1
    مكان الإقامة:
    قلب امــــي
    اليوم الثاني

    ،،،،،،،،،،،،،،،،،،،،،،،،،،،،،،


    قبل لا انام امس تذكرت مشاركه قديمه في برنامج عرض على قناة البحرين
    عن التدخين ومضارها وكيفية تركها
    من ضمن المتصلين اتصل شخص وقال انا من اول يوم تركت فيه التدخين
    شربت المرّه وصرت بين فتره وفتره من كل يوم اشرب المرّه واذا اشتهيت الزقاره شربت مرّه لين جسمي تشبع من المرّه وصرت اكره الزقاره

    ،،،،،،

    تذكرت الكلام هذا وقلت خلني اجرب ، ورحت للوالده وقلت لها سويلي مرّه وعبّيها داخل بطل ماي صحه صغير اذا قعدت الصبح ابيه


    قعدت الصبح واخذت المرّه معاي ورحت السوق
    انا كنت بطريقي من البيت للبورصه ادخن مابين اربع لثلاث زقارات ،، اليوم صرت كل ماشتهيت الزقاره شربت المرّه


    وصلت السوق وتريقت هناك

    طبعا الشوق للزقاره لازال موجود واكثر من امس بعد
    وصراحه شي رهيييييييييييب
    طول ماانا قاعد بالسوق بس احك ضروسي لا شعوريا
    وطاااااااااااااااافي مرّه وحده
    وعيوني طالعه قدااااااام
    ومشدووه ومسبّه
    ومالي خلق
    وعلج ورى علج
    صراااااااااااااااااااااااحه عذاب
    وكل مامرني جرسون المطعم طلبت شي
    مره جاي
    مره عصير
    مره جزر
    قمت اخبص تخبيييييييييييص
    عشان انسى الزقاره
    ماهقيت قطعتها بالقساوه هذي

    لكن قلت مايبيلها كلها كم يوووم وانساها ،، لازم تقاوم يمحمد وتصبر

    المهم خلصنا من السوق الدايخ
    ورحت البيت
    وماادري ليش كنت مشتاق اشرب المرّه
    واول ماركبت السياره طلّعت المرّه وشربتها
    من غير مبالغه مفعولها حلو

    المهم وماطولها عليكم
    وصلت البيت

    ولعبت على القاري شوي
    بعدين اخذت دش ونمت بعد صلاة العصر


    قعدت قبل المغرب
    تغديت ،، ولاّ لا طبنا ولاغدا الشر
    لازالت اللهفه والشوق للزقاره موجود
    واحس جسمي كله متخدر او ذبلان
    وكل هذا بسبب زقاره
    رجال طول وعرض واطّيحه زقاره ،،
    <==== هذا كلامي حق نفسي
    افا يمحمد كل هذا عشان زقاره

    وتذكرت شعر عراقي يقوله واحد من الربع

    اريد ابجي واعبّي الدمع بسطول
    زلم ماظلّت زلم ،، بس طول :)

    المهم صليت المغرب بالمسجد وتعمّدت اقعد لي صلاة العشاء اقرا قرآن
    عشان انسى الزقاره ،، ودعيت ربّي يثبتني
    صلّيت العشاء

    ورجعت البيت وكلمت واحد من الربع وطلعنا ،، خلصت شغله ومرينا كم مكان ورجعنا


    الخلاصه

    طبعا انا اكتب عشان اتسلى وادوخ لين تجيني النومه وانام
    لاني حاليا وانا اطبع لكم الكلام مشتاق للزقاره
    لكن للامانه لازلت اقاوم
    لان المسئله فيها عذاااب
    شي بين اديك وتشتهيه وجسمك يبييه بطريقه لاتوصف
    لكن تحرم نفسك منّه بعد ماتعودت عليه دون انقطاع لمدة عشرين سنه

    لكن ان شاء الله بتكون الاراده اقوى

    طبعا انا ضد اللي يقول خفف واليوم نص باكبت وباجر ربع الخ الخ
    تبي تقطع مثل ماقال اخوي حمد
    اقطع العرج وسيل دمّه
    يااكوووووووووووووووووون او لا اكوووووووووووووووووون


    بالنسبه لي اعتبر يوم غد هو الفيصل لو استمريت للغد بكون ان شاء الله تعدّيت مرحلة الخطر

    دعواتكم


    ابو عبد الله
    ابو علي

    جهزوا انفسكم


    واكتبوا عندكم الملاحظات اذا ان شاء الله تركتها دون رجعه

    اهم شي المرّه :)
    والرياضه
    وقبل كل شي الارداه


    ادري ازعجتكم
     
  17. سبع الليل

    سبع الليل موقوف

    التسجيل:
    ‏21 مارس 2006
    المشاركات:
    534
    عدد الإعجابات:
    0
    إشلك بالكلام الفاضي الرياضة ورجيم و الرشاقة و عدم التدخين..شنو عايش بمستشفى؟؟!!
    أنا أتفق معاك بأن التدخين سبب لك الكثير من المشاكل و تريد التخلص منها...بس يمكن مو التدخين بحد ذاته هو سبب المشاكل...احتمال نوع السيجاير هو السبب...جرب سجاير 555 أو القط الأسود أو كليوبترا.
     
  18. MOHAMMED11

    MOHAMMED11 عضو جديد

    التسجيل:
    ‏24 يوليو 2006
    المشاركات:
    3,046
    عدد الإعجابات:
    1
    مكان الإقامة:
    قلب امــــي
    هلا بالحبيب سبع الليل

    تصدق اخوي سبع الليل انا من اليوم قاعد وبخاطري اطق احد
    ودّي امسك انسان بس بشرط ان الطق مايأثّر فيه واقعد اتسلى فييه لين انام
    يعني طراقات فناجر بجسات ،، اذا تعبت تقرّص
    اسحبه من شعره واصكه بزاوية المكتبه :)
    اذا فيك هذي الصفه وهي عدم الاحساس بالطق مرني الحين الحين ضروري
    :)
     
  19. Abdulazeez

    Abdulazeez عضو نشط

    التسجيل:
    ‏7 سبتمبر 2004
    المشاركات:
    5,644
    عدد الإعجابات:
    5
    مكان الإقامة:
    Kuwait
    الســلام عليكم


    أتمنى لك التوفيق بمسعاك ... وأنك تقطعهـا إلى الأبد

    الله يعينك ويصبرك


    آمين :)


    -------------------------------------------------------------------------------------------
     
  20. boali

    boali عضو نشط

    التسجيل:
    ‏22 سبتمبر 2005
    المشاركات:
    3,890
    عدد الإعجابات:
    7
    مكان الإقامة:
    المؤشر نت
    الله يوفقك يا بوجاسم

    وعسى الله يبارك لك بترك الآفه اللعينة

    وتكون الزقارة لك ماضي