يا فتاح يا عليم

[متفائل]

دعواااااااااااااتكم يا جماعة

اليوم حيقتحم متفائل السوق ربنا يستر

السهم اللي اخترته ANAD ... بعد تحليل وتمحيص أبغى رأيكم ولا تبخلوا على أخيكم بالنصيحة

السهم عجبني شكله وإن شاء الله أتوفق فيه لان البداية مهمة جدا لزيادة الثقة في النفس

صديق انت فيه سوي دعاااااااء

 

[ابو رواف]

با التوفيق ,

لاتدخل بكامل راس المال بصفقة واحد , وكن واثق من نفسك , والي مثلك ماحتاج توصية .

 

[ابو رواف]

با النسبة للسهم . فأعتقد انك ممكن تستفيد اكثر من اختراق مقاومة 50 على 200 بعد الارتداد .

يعني انا لاحظت ان متوسطين اذا تقاطعوا تقاطع ايجابي (( زي حالة سهمك )) السهم سينزل الى المقاومة الاقوى ويرتد من عندها الى اعلى , واعتقد انك ستجدة اليوم او بكرة يلمس المتوسط ويرتد من عندة الى اعلا .

هذة ليست قاعدة ولكنها ملاحظة ممكن تصير .!!

 

[متفائل]

هلا بالغالي أبو رواف

وألف شكر على دعاءك

شيئ غريب أبو رواف ... السهم أمس وصل الهاي 3.09 .... وبعد الافتر اورز بقدرة قادر انباع على 3.65 ..... شكله فيه شي بيصير والله أعلم

 

[تقني]

الكاش في السهم (3.32) أعلى من سعره الحالي وهذه ميزة جيدة
حتى ولو كانت الديون عالية نسبيا
طبعا يمكن هذي ماتأثر كثير بالنسبة للمضارب
رأيي المتواضع أشوف الشارت حلو
على فكرة ترى تجاوز الفلتر بعد التعديل

بالتوفيق

 

[وحيد]

الاخ متفائل

الله يرزقك من فضله

اختيار موفق

 

[طموح]

أهلاً بأخينا متفائل وأخيراااااااااً دخلت الله يوفقك إنشالله
ونريد منك بعد فترة تقول لنا مالفرق بين الحقيقة والخيال لأني ماجربتها مثلك
....تحياتي لك.....

 

[ابوخالد]

يا مرحبا والله بمتفائل في عالم الاسهم الحقيقي
اخوي انت مايحتاج لك ماشاء الله توصيه لكن فيه شئ مابعد جربته من قبل (ان يدك تاكلك على الشراء بشكل سريع كأن السهم بيطير اذا ماشريت )
بالتوفيق لك ولجميع اخواننا بالمنتدى

 

[متفائل]

الإخوة الكرام تقني ... وحيد .. طموح ... أبو خالد

شكرا لكم على دعواتكم لي وأسأل الله أن يجزيكم بأضعاف ما تمنيتم لي من الرزق الحلال

طموح وأبو خالد ... بعد فترة إن شاء الله سأخبركم بالفرق بين الحالتين

 

[متفائل]

وأخيرا بعناه السهم هذا

لخبط بكل حساباتي لمن فتح على ارتفاع كبير واضطريت للشراء على 3.44 وهبط الى 2.94 بس كنت واثق بإذن الله انه لازم يوصل 3.72

ويمكن المضاربة الوهمية علمتني الصبر شوي ... ووصل اليوم الحمد له للسعر المستهدف وتعداه الى 3.75 وانا بعت على 3.72

الربح 8.14 مو بطالة في أول دخول فعلي ... وشكرا على دعواتكم الصادقة

 

[ابوخالد]

الف مبروك اخوي متفائل
الله يرزقك الرزق الحلال
بس الله الله لاتستعجل في التفريط بالكاش
ترا السوق ماهو طاير حتى مع ارتفاع امس
زي ماقلت لك مشكلتي في اني اذا بعت سهم اكون محدد السهم الي ابشتريه

 

[doji]

مبروك متفائل

يبغالها بارتي متفائل
الف مبروك وتستاهل اكثر على كذا راح تتعب ابو علي في دورة المؤشر نت (ماشاء الله عليك )
تمنياتي لك بالتوفيق

 

[متفائل]

وجه الخير أبو خالد

انت من يوم دعيت لي وانا مستبشر خير

بس قلي إيش الفائدة أجمد الكاش عندي ؟؟؟

_________________

دوجي ... بما أناا أخوان خلاص خليت البارتي عليك

 

[ابوخالد]

ياعمي يابعد حيي
انا ماقلت جمد الكاش
انا اقول لايصير الكاش وسيله ضغط عليك لاتخاذ قرارات سريعه بالشراء بدون دراسه وهدوء
والله عن تجربه ياعمي كأن السوق ينتظر دخولي علشان يرتفع
ومن امسك السهم تقول ماسك حيه نزول الله لايوريك
وسلم على فروحه الاموره (

 

[تقني]

متفائل
السهم عليه أب قريد اليوم