شركة مجموعة الصفوة ش.م.ك مقفلة قابضة ( الصفوة ) .... 2

نفتتح الجزء الثاني لشركة الصفوة

http://www.indexsignal.com/vb/showthread.php?t=45314


ابومشعل​

 

السهم طيب يا جماعه بس يحتاج وقت

 

الله يحفظه ويخليه لأمه

 

الله يهديك مسلسل مكسيكي وخلص والصفوة من سنة مكانك سر


يا حلوة بالنزول وياشينها بالصعود للمؤشر السعري

 

للرفع

 

اليوم الصفقة هذه

الصفوة 104 3,960,000 12:21:35

شنو معناتها ؟؟؟؟؟
مبين انها شراء لأن كان معروض وطق هالكمية

أحد عنده خبر او تعليق او تحليل

لا يكون تهويشة ومضاربة بو فلسين

 

اشدعوة
الظاهر محد له خلق هالشركة
ما الومكم بس جنى في بوادر ... ها يعني هالخمس ملايين أخر السوق
ان شاء الله صج هالمرة

أخاف تكون بسبب الإفصاحات!!!! وسوالف التخلص قبل تحييد

 

الكل ايقول صبروا
هذا احنا صابرين والرزق مكتوب
اذا لنا نصيب ابناخذه واذا لأ
ماكو شنسوي بعد
كانا قاعدين انطامر من سهم لسهم
انحلل و نسمع توصيات ونسمع أخبار ونفكر ونحاول وإن شاء الله الخير جدامنا

 

شباب
ماكو أخبار ؟ ماكو علوم ؟

 

السهم ليلحين ما استوعب ان السوق أخضر ؟

يبيله كم يوم أخضر يا الله يقوم من النوم لووول

الله يكون بعون ملاكه

 

عفيه سهم والله فوق الـ300 نقطة ولا راضى يتصحصح ..... والله حالة .... بس تدرون اشلون اليوم ماخذين على 106 فلوس فوق الـ3 ملايين سهم ان اتوقع انه فى الايام الجايه والسوق نازل تشوفونه على 110 او 112 .... وهم اتوقع يصير جنى ارباح خلال هالاسبوع والعلم عند الله

 

هذا الاسبوع بتشوف 112 انشاءالله والاسبوع القادم 120 فلس

ويمكن اكثر !!!!!!!!!!!!!!!!!!!!!!!!!!!!!!!!!!!!!!!!!!!!!!

 

ههههههههههه

بالاحلام مع هالشركه الدايخه

 

لا يلحبيب الحلم علم وانا اكلمك وانا في قاع الجدر يعني مدبوووووس دبس بهسوق بس هسهم الي بياخذة بهلسعار ماراح يخسر وراح يتحرك فوق واجريب حيل خذها من مجرب عرف وش لون الخسااااارة عدل

 

الصراحه أحسن شي في هالسهم انه عنده صانع سوق قوي

شوف طلبات الشراء فوق الـ 6 ملايين على 102 فلس يعني كأنه يقول حق الناس اللي يبي يشتري 104 فلس وطالع وبس...

الصراحه السهم قثيث بس أحترمه في هذه المواقف

 

الكمية المتداولة اليوم 9,440,000

 

شباب...سؤال يطرح نفسه...

شنو يصير لو محفظه تلم الـ 6 ملايين ونص على 106 فلس بعد شوي

السهم راح يصكر 114 فلس لووول

 

تصكيره قويه الصراحه على آخر الثواني 400 ألف على 106 فلس

بس ليش ما جمع على 104 فلس ؟ !!

أعتقد راح يصعد السهم عن قريب...ربما الأربعاء القادم

 

والله يا جماعة مادرى شقول تصريف ولا تجميع اذا امس يقلون بـ 4 ملا يين تقريبا تحت مادرى شسالفة هالسهم واليوم هم 3 تقريبا بعد

 

8 ملايين دينار أرباحا لـ 'الصفوة' من بيع الترابح

18/12/2006 كتب محمد شعبان:
قال مصدر مطلع ل'القبس' ان شركة مجموعة الصفوة باعت كامل حصتها في شركة الترابح السعودية. واكد المصدر ان اجمالي ارباح الشركة بلغت 8 ملايين دينار كويتي.
وتشكل تلك الربحية نحو 8 فلوس لسهم الشركة وبحسب مصدر ستظهر كامل تلك الربحية ضمن ارباح السنة المالية 2006.جدير بالذكر ان 'الصفوة' لديها عدد من الاستثمارات الناجحة في شركات متعددة الانشطة محليا واقليميا.
ولدى 'الصفوة' شركات تابعة يتم اعادة هيكلتها لادراجها في السوق المالي، الموازي او الرسمي بحسب ما ستنطبق عليها الشروط