شركة مجموعة الصفوة ش.م.ك مقفلة قابضة ( الصفوة ) .... 2

[barbarian]

اها فهمت الحين يعنى ما تبي تخسر لان السهم ثابت

وطبعا ما تبي تربح لان ايضا السهم ثابت

تدري شلون

روح اشتغل اي شغله ثانيه

بس

الا البورصه

من قالك أخوي مابي أربح...لازم تعرف متى تدش ومتى تطلع من السهم وربحك يكون فلسين أو 4 فلوس حلوه

القناعه كنز لا يفني

أقصد اللي يشتري كميه مو يقعد يضارب بوحده وحده !! ما تسوي شي

 

[barbarian]

مبروك اقفال اليوم 108 فلس...هذا يعتبر انجاز بحد ذاته لووول

 

[h1964kw]

مبروك اقفال اليوم 108 فلس...هذا يعتبر انجاز بحد ذاته لووول

وين الانجاز الاسهم الثانية تصعد صعده حلوة مو فلسين ، خاصة ان السهم ميت في حركته يعني ما منها فايدة .

 

[barbarian]

وين الانجاز الاسهم الثانية تصعد صعده حلوة مو فلسين ، خاصة ان السهم ميت في حركته يعني ما منها فايدة .

قاعد أتطنز يا الحبيب...ما شفت الـ لووووول

 

[عطني البون]

????!!!!!!( !!!!!!! ???????? ( ??!!??!!???!!!(

 

[barbarian]

مبروك الـ 110 فلس وباجر يصكر السهم مثل ما قلت 112 فلس أو أكثر


قال 106 فلس قال....

 

[محمد2000]

الحذر يا اخوان
غداً اغلاق الربع الاخير
ومثل ما قلت السهم راح يغلق علي 106 فلس
وبالتوفيق للجميـــــــع

 

[Champion]

الحين منو نصدق بالله ؟ واحد يقول 112 و واحد يقول 106 ؟
قاعدين بحقل تجارب احنا ؟
حطوا تحليل حطوا شي مانبي كلام من فراغ لو سمحتوا

 

[قاروه]

من زمان ما تشاقيت وياك

حجي
قصدك 37 مليون سهم من مليار
المتبقي اكثر من 36 مليون :d
100 مليون رأس مال الشركه
100.000.000.000 ملياار
اول مره اكتب رقم جذي
لوووووووووووول :d :d

الله يرزقنا وياك المليار يا بوعلي
بس شلون بنعدهم

 

[Q8 Stock]

اخواني الكرام
اغلاق السهم 106 او 112
شنو المشكله ؟؟
المهم هو هل يستمر التحرك ام لاء
هل في ارباح للشركه من الاغلاق
هل حققت انت المطلوب من هذا الاغلاق..!!

الله يرزقنا وياك المليار يا بوعلي
بس شلون بنعدهم

اجمعين
بس مليار طقتن وحده مرتن بالحيل
انا رقم وما عرفت اكتبه
هالمره شسمه
لووووووووووووووووووووووول


عندك سلف 20 دينار

 

[boali]

اخواني الكرام
اغلاق السهم 106 او 112
شنو المشكله ؟؟
المهم هو هل يستمر التحرك ام لاء
هل في ارباح للشركه من الاغلاق
هل حققت انت المطلوب من هذا الاغلاق..!!



اجمعين
بس مليار طقتن وحده مرتن بالحيل
انا رقم وما عرفت اكتبه
هالمره شسمه
لووووووووووووووووووووووول


عندك سلف 20 دينار

ما الومك يا بوعلي

 

[مستثمر من 1996]

مجموعة الصفوة تتملك 5 % في شركة الصفاة للاستثمار

 

[kuwait20006]

»الصفوة« تتملك %5 من رأسمال »الصفاة«​

كشف رئيس مجلس الادارة في شركة مجموعة الصفوة وليد عبدالرحيم العصفور عن تملك الشركة لنسبة %5 من رأسمال شركة الصفاة للاستثمار، موضحا ان استكمال تملك هذه النسبة تم في تداولات الامس.

واوضح العصفور لـ »الوطن« ان »الصفوة تعتزم تعزيز ملكيتها في الصفاة للاستثمار في المرحلة المقبلة انطلاقا من القناعة بالسياسة الاستثمارية التي تنتهجها شركة الصفاة ضمن توجهات توسعية تشمل كافة دول الخليج«.

واعتبر العصفور ان قرب تحول شركة الصفاة للعمل وفق الشريعة الاسلامية مثل عنصر جذب لـ »الصفوة« في تملك نسبة ملكية مؤثرة في الصفاة.

ولفت العصفور الى ان الشركتين »الصفوة والصفاة« تسعيان حاليا لتأسيس بنك في مملكة البحرين، مشيرا في الوقت ذاته الى نية الصفوة في زيادة استثماراتها في منطقة الخليج في المرحلة المقبلة، خصوصا سلطنة عمان ضمن القطاعين الصناعي والعقاري اضافة الى اسواق السعودية والامارات والبحرين وقطر.

يشار الى ان تداولات الامس كشفت كثافة التداولات على سهم الصفاة المرتبطة بتملك الصفوة لنسبة %5 في ملكيتها حيث اقفل سعر السهم مرتفعا في تداولات الامس بواقع 10 فلوس عند مستوى 320 فلسا للسهم بعد ان تم تداول نحو 5.8 ملايين سهم بقيمة نقدية بلغت نحو 1.8 مليون دينار عبر 104 صفقات.

يذكر كذلك ان سعر سهم الصفوة اقفل في تداولات الامس مرتفعا بواقع فلسين عند مستوى 110 فلوس بعد ان تم تداول نحو 10.6 ملايين سهم بنحو 1.2 مليون دينار عبر 209 صفقات.

تاريخ النشر: الاربعاء 27/12/2006 جريدة الوطن

 

[بورصة نت]

اشتروا الصفوه

شباب الصفوه اليوم الاغلاق لن يقل عن 112 بالتوفيق

 

[النــاقــد]

وين اللي قبل يقولون شهر 11 هو شهر الصفوة و اخرتها طلع كلامهم كله فشنك !

حنا الحين اخر يوم تداول في السنة والسهم شوفت عيونكم محلك سر !

 

[Leoo]

قامتين السهم ما يبونه يصعد ماني عارف منو المستفيد ؟؟!!!

 

[barbarian]

مبروك الـ 110 فلس وباجر يصكر السهم مثل ما قلت 112 فلس أو أكثر


قال 106 فلس قال....

للأسف شباب السهم كان راح يصكر على 112 فلس مثل ما قلتلكم

بس ما عطوه مجال كلش وتم شراء فوق 13 مليون على 110 فلس لكن دون جدوى

المهم أحسن من اللي قال بصكرونه على 106 فلس

 

[Champion]

للأسف شباب السهم كان راح يصكر على 112 فلس مثل ما قلتلكم

بس ما عطوه مجال كلش وتم شراء فوق 13 مليون على 110 فلس لكن دون جدوى

المهم أحسن من اللي قال بصكرونه على 106 فلس

يعطيك العافيه والحمدلله بعنا بربح .. وعيدكم مبارك

 

[Fazler]

يعطيك العافيه والحمدلله بعنا بربح .. وعيدكم مبارك

وانا بعد معاك بعت وناطر السنة اليديدة يمكن انصيده كالعادة 102 فلس
وعيدكم مبارك

 

[Fazler]

صبحكم الله بالخير
اشلونكم شباب بعد هالإجازة
ان شاء الله هدت النفسية لاستقبال سنة 2007
للرفع