شركة الأولى للتسويق المحلي للوقود ( أولى وقود )

[IPO]

سلام
نعم للبيع بدون أي محتوى
(فاضي حاليا)

 

[المناور]

اليوم شاهدت اعلان
على جريدة 808080

هذا نصه,,,,,,

مطلوب شراء أسهم أولى وقود على 600 فلس

مكتب محمد نصار سوق الجت

 

[Bronze]

اذا وصلت التوقعات 1,100 والاشاعه تقول رايحه ديــنار

انا بصراحه بالتصويت اخترت 600- 800 فلس

والحين تحسفت لو مختار فوق 800 فلس كان افضل ..

لاني اشوف السهم 1,300

لايبى اتغشمر بس والله كل شي محتمل ووارد في سوق الكويت

 

[البيروتي]

اليوم شاهدت اعلان
على جريدة 808080

هذا نصه,,,,,,

مطلوب شراء أسهم أولى وقود على 600 فلس

مكتب محمد نصار سوق الجت

جم رقم المكتب؟

 

[المناور]

جم رقم المكتب؟

الأعلان لم يذكر رقم هاتف المكتب

فقط ذكر اسم صاحب المكتب ( محمد نصار )

إذا فيه أحد من الأخوان يعرف تلفونه ياليت يزودنا فيه

 

[بو يوسف84]

بالعكس

المشكلة ادراجها في وسط الضباب السائد في سوقنا الله يستر !

راح يكون ادراجها بفترة صعود للسوق و اعتقد ان السهم راح يكون قريب من الـ 500 و هذا سعر ممتاز له.

و الله يتمم على خير

 

[مارجن]

هل هناك من ضم أسهم الأولى للوقود إلى محفظته بالأوسط ؟ وكيف ؟​

 

[abo othman]

لايمكنك ضمها لمحفظه الاوسط الا بعد 10 ايام

 

[barbarian]

لايمكنك ضمها لمحفظه الاوسط الا بعد 10 ايام

أخوي انت متأكد تقدر تضم اسهمك في الاوسط بعد 10 أيام ؟

لأن في بنك بوبيان ما خلونا انحطهم وقالولنا لازم تبيعونهم من السوق

على قولت الموظف " جايتنا تعليمات من البورصه انه ما نضم الاسهم عندنا"

هل نفس السيناريو راح يصير بالاولى ؟؟؟

طبعاً الشغله معروفه ليش ما يبون الناس اتحط اسهمهم في الاوسط !!

في ناس وايد ما عندهم حسابات بالبورصه...قول 100 ألف شخص فقط مع اني اعتقد أكثر على الزحمه اللي صارت

100 ألف ضرب دينارين فتح الحساب = 200 ألف دينار

يا حلوها

 

[الحكمة]

اذا ربحية يتروجلف 3 فلوس وسعرها 700 فلس
اذا ربحية بوبيان 2 فلس وصل سعرها 680 فلس



ربحية الاولى للوقود 9.7 فلس المنطق شيقول ؟؟؟؟

مع وجود عوامل مساعده اخرى .. مثل

1- قلة راس المال عكس بوبيان اسهمه كثيرة
2- نشاط الشركة ليس جديد وانما الشركة شغاله ...

 

[B99]

اذا ربحية يتروجلف 3 فلوس وسعرها 700 فلس
اذا ربحية بوبيان 2 فلس وصل سعرها 680 فلس



ربحية الاولى للوقود 9.7 فلس المنطق شيقول ؟؟؟؟

مع وجود عوامل مساعده اخرى .. مثل

1- قلة راس المال عكس بوبيان اسهمه كثيرة
2- نشاط الشركة ليس جديد وانما الشركة شغاله ...

حكمه وكلامك حكم
اضم صوتي معاك

 

[الخبر]

قبل شوي اتصلت على مكتب بسوق الجت ( 2441793) و اكد لي ان مكتب محمد نصار يشتري الاولى للوقود ب 600 فلس.....

 

[الزايرالفيلكاوي]

مبروكين ياصغار المستثمرين راح تستانسون ان شاءالله يوم الاثنين وعسى الله يوفق كل خسران يالله شعليكم الشق من هنيه لي هنيه يوم الاثنين​

 

[ibrahimi]

يلا اخذ من كيسة وعايد علية بنبيع من اهنية وندش ابسه ثاني حالهم حال اسهم بوبيان وبالاخير نطلع من المولد بلا حمص

 

[bo-hamad]

أنشاءالله يستمر الصعود لين تنزل الشركة بتصير ذبح عليها

 

[زمان اقتصادي]

معلومات الشركة
اسم الشركة الشركة الأولى للتسويق المحلي للوقود (ش.م.ك)‏
تاريخ التأسيس ‏17 مايو 2004
تاريخ الادراج في السوق 18-12-2006
العنوان الشرق - شارع احمد الجابر - برج دار العوضي - الدور التاسع
صندوق البريد ‏29009 الصفاة 13151 الكويت
تلفون 800111
فاكس 2321111
موقع الانترنت www.oula1.com
البريد الالكتروني info@oula1.com
اغراض الشركة تملك وحيازة وانشاء واستئجار وتشغيل وصيانة محطات الوقود انشاء وتطوير
وتشغيل وصيانة مراكز خدمة العملاء بتلك المحطات وتقدم الشركة فيه هذه
المراكز كافة الخدمات للسيارات والمعدات بما في ذلك تغيير الزيوت وغسيل
السيارات وخدمات ورش الصيانة والتصليح والفحس الفني للمركبات تقديم خدمات
النقل والتجار في المنتجات البترولية بالشراء او البيع بالجملة والتجزئة
شراء واستئجار وتملك وبيع الاراضي العقارية في المواقع المختلفة بهدف
تحقيق اغراض الشركة المذكورة اعلاه .‏

رأس المال المصرح به ‏30.000.000
رأس المال المدفوع 29.972.654
القيمة الاسمية للسهم 100
عدد الاسهم المصدرة 299.726.545
عدد اسهم الخزينة --
عدد الأسهم القائمة 299.726.545

مجلس الادارة
رئيس مجلس الادارة سعود عبدالعزيز سعود البابطين
نائب الرئيس مهدي محمود حاجي حيدر
العضو المنتدب عبدالهادي عبدالله حاجية بوصخر
عضو مهند محمد عبدالمحسن الخرافي
عضو احمد عبدالعزيز احمد الغنام
عضو محمد عقاب محمد الخطيب
عضو مشاري احمد عبدالله العبيد
عضو احمد ابراهيم عبدالرحمن العصفور
عضو ابراهيم احمد نايف الخليفي
الرئيس التنفيذي
مراقبا الحسابات مور ستيفنس النصف وشركاه
بي دي او برقان علي الحساوي وشركاه
بيانات الافصاح عن ملكية كبار المساهمين
النسبة المرهونة / طريقة المساهمة اسم المساهم / النسبة
مباشرة / -- مؤسسة البترول الكويتية / 24%‏

 

[ChuCky]

اذا ممكن ارباح الشركه بالدينار و بالفلس للسنه المالية

 

[زمان اقتصادي]

اذا ممكن ارباح الشركه بالدينار و بالفلس للسنه المالية

السلام عليكم


الأرباح: 2.893.242 د.ك

ربحية السهم: 9.70 حتى 30/9/2006

 

[الغول]

السلام عليكم ورحمة الله وبركاته ....


اذا كانت مؤسسة البترول الكويتية مساهمة بنسبة 24%‏

يعني لو نعطي رقم تقريبي للكمية المملوكة للبترول الكويتية تطلع بحدود ال 72 مليون سهم من اصل 299.726.545

يطلع معانا المتبقى بالسوق بحدود 227 مليون سهم ...
تعالوا نشوف الاستحواذ شلون راح يكون عند اول يوم تداول سواء كان من اعضاء مجلس الادارة وكبار الملاك لتعزيز مناصبهم .. او الشركات والمحافظ ... هذا ناهيك عن اللي راح يضاربون في سهم طيب مثل هالسهم في بداية تداولاته خصوصا ان عدد 227 مليون سهم عدد يعتبر ليس بالكثير على غرار بنك بوبيان مليار سهم او حتى شركة القرين للبتروكيماويات اللي اسهمها ملياااااار الله يستر ومئة مليون سهم الله يخارجنا .... مع العلم اني ما املك ولا سهم في شركه الاولى للوقود لكن الله يرزقنا ويرزقكم ان شاء الله الخير الوفير الكثير ويكفيكم شرّه ....

اتوقع للشركة سعر إدارج طيب ان شاء الله ...

اعتقد سعر 600 فلس كبداية يكون منصف للسهم .

والسلام مسك الختام.....تحياتي

 

[بوشيخة ليمتد]

انا سالت الجماعة بالشرق الاوسط قالولي راجع ادارة البورصة اذا سمحوا مافي مشكلة ولكن ما انصح البيع عن طريق الاوسط بالكسور لانه لازم الموضفر يضيفك ما يكون بشكل مباشر مو نفس السوق الرسمي