الكويت تتبرع ب 250 مليون للاردن لسداد ديونه لليابان و500 مليون منحه للمغرب ماهي المسألة بالضبط هل هي عناد وحرّه على قلوبنا بصراحه الازم اسقاط القروض الآن لا والله خل الشعب يلحق على باقي فلوسه انا اقول الجماعه يعاندون ويحرّون الشعب الكويتي صدقوني هذا الي واضح ما كو تفسير منطقي الاّ هذا
مليون شنو عاد ؟؟؟ اردني و لا دولار ولا تومان والله صج قهر .. المفروض الفلوس هذي يبنون لنا فيها مستشفيات بدال العلاج في الخارج .. المفروض الفلوس هذي يصرفونها حق الأسكان والسكن الله كريم
هناك تفسير منطقي و منطقي جدا وهو ان اسقاط القروض حل غير عادل والحكومة حكيمة وعندها افكار لمساواة المقترضين بغير المقترضين لكن المشكله انهم يريدون اسقاط القروض فقط بدون حلول اخرى وهذا تعنت وقرار رفض اسقاط القروض انا اشوفه قرار حكيم سيكون هناك بدائل للمساواة لكن اسقاط القروض فقط حل غير عادل و غير شرعي لأن الي عليهم قروض اغلبهم مقترضين قروض ربويه و قال الرسول صلى الله عليه و سلم : آكل الربا كسابح ببحر من دم يوم القيامه و فكرة اسقاط القروض تشجع المواطن السوي بدخول الحرام وهذا اول ما سيحدث اذا اسقطت القروض اما الكلام الغير منصف عن الحكومه الكويتية فلتعلموا يا اخوان ان الحكومة الكويتية افضل حكومه بالعالم ولا يوجد ديموقراطية افضل من الديموقراطيه الكويتيه
يستاهلون الاردن .. لهم مواقف مشرفه بالغزو العراقي الغاشم مع دولة وحكومة الكويت وما قصرو مع الشعب الكويتي في ذاك الوقت يستاهلون ! (خاف صج ) يبدو ان الحكومه ترى بزاويه حاده قائمه منفرجه والمغرب منحــــــه (اللي عنده قرش ومحيره يشتريله حمام ويطيره) بالتوفيق يا حكومـــــــــه ...
يا اخوي برونز بس مواقفهم بالغزو ؟؟؟ مواقفهم الحين مع الطلبه كل يوم طالب مطقوق واللي مبيوقه سيارته والحكومه تشجعهم وتعطيهم قروض عشان يسددون اللي عليهم ويتفرغون حق عيالنا
ميزان ادارة السياسه الخارجية والسياسه الداخلية . -- لكل حاكم له ميزان متساويان في السياسه الداخلية والخارجية . ولكن ان رجحت ادارة السياسه الخارجية عن ادارة السياسه الداخلية كان هناك خلل في ادارة الحكم مما يكون له مردود سلبي وخطر على نظام الحكم من الداخل .
