احسن الله عزاكم

الموضوع في 'السوق الكويتي للأوراق الماليه' بواسطة بايعها, بتاريخ ‏25 يونيو 2003.

  1. بايعها

    بايعها عضو جديد

    التسجيل:
    ‏3 يونيو 2003
    المشاركات:
    198
    عدد الإعجابات:
    0
    صغار المستثمرين

    الله يكون بعونهم

    هم اللي تضرروا وأكلوها صج

    وصدقوني لاتنقدون علي اذا قلت انهم يستاهلون هالشيء

    والسبب بسيط جدا

    في ناس يا جماعة الخير بالسوق موعارف وين الله حاطه

    والله موعارف شنو يعني اسهم وشنو بيع وشنو مشترى

    اهو بس عنده كم الف دينار ويبي باسرع وقت الربح

    وبعضهم مع حركة السوق الرهيبة هل كم يوم اللي طافوا

    ماقام يشوف شي بالمره واستانس الاخ وقال اخيرا ضرب الحظ معاي

    واكبر دليل على كلامي

    ونتا قاعد بالبورصة التفت حواليك وشوف هالبشر وحاول تسولف مع اي

    واحد من اللي يسمون نفسهم مضاربين او مستثمرين ولاحظ كم

    المعلومات والمخزون التكتيكي اللي عنده !! ( صفر على الشمال )

    البعض يبيع ويشتري على التوصية فقط ( فلان قال وفلان فعل ) ولما

    تسأل منو فلان هذا يقولك واحد من الكباريه (الهوامير )

    بالسوق !!

    والله ماضيع هالناس المساكين الا هالكباريه

    ولما صار الفاس بالراس الكل الحين متندم ومتحسر ويسب ويشتم

    بالكبار وان هذيل هم سبب البلاوي

    هذا سوق والكل يبي مصلحته بعد هذي مافيها شي والكل يتحمل

    انا اشوف ان قلة الوعي وغياب التخطيط وضعف خبرة التكتيك في

    عمليات البيع والشراء هي سبب مصايب صغار المستثمرين
     
  2. بايعها

    بايعها عضو جديد

    التسجيل:
    ‏3 يونيو 2003
    المشاركات:
    198
    عدد الإعجابات:
    0
    بعدين في شغلة غريبة ومحيرة في السوق الكويتي

    على حسب مانعرف ان صحة المعلومات ودقتها تلعب دور رئيسي في

    اسعار الاسهم من حيث الارتفاع والانخفاض الا السوق الكويتي في

    وادي ثاني

    وان كانت موجودة فهي بنسبة بسيطة جدا لاتذكر

    وموضوع الانهيار اللي حصل بالسوق خير شاهد

    يعني كثير من الشركات هناك اخبار جدا ممتازة عنها وهناك عقود راح

    تتوقع وهناك تعويضات بالطريق وهناك ارباح متوقع عنها انها مرتفعة جدا

    لبعض الشركات فضلا عن السيولة المتوافرة بالسوق والاوضاع

    السياسية المستقرة وغيره وغيره كل هالاشياء

    تخليك تجزم ان مؤشر السوق راح يطوف حتى 4500 نقطة الا ان العكس

    حصل !!

    او على الاقل حتى في حالات الهبوط المفاجئة المفروض من هالاسهم

    انها تتماسك وماتنهار بسهولة !!

    لكن للاسف هذا الشي ماصار

    حتى لما تتحدث مع ناس مخضرمين بالسوق والمفروض انه عنده خبرة

    والله وبالله وتالله لم اسمع توقع من اي شخص بالسوق الا وصار العكس

    تماما . ما سألت شخص عن شركة معينة من حيث ارتفاع السهم او

    انخفاضه الا وطلع كلامه خرطي

    وهذا شي غريب لو تركز فيه

    الله يرحم الحال بس

    وكان الله فو عونكم ياصغار المستثمرين