الى رئيس هيئه سوق المال مع التحيه

[مستثمرالى الابد]

أقول الله يهديهم بس

ومسوين زحمه والشارع فاضي

وأكتتاب ورى أكتتاب

وأخرتها شركات برأس مال بقاله

خلاص بسنا بقالات مهو كافي الى بالشوارع عندنا ​

 

[يزيد محمد]

يامعالي الرئيس

أشكرك على أهتمامك وتواضعك بالرد على موضوعي

ترى والكلام بيني وبينك

الموضوع كبير ويبغي له فرقه

بس ممكن نعطي مجال لاصحاب الشأن

ونأخذ رأيهم بعد علشان ما يقولون انك متفرد برايك

وتنحاس الدعوه وتصير مثل اللى يقول (كنك يابو زيد ماغزيت )

يعني خذ راي الحيتان و الهوامير والاستشاريين الماليين والمحللين الفنيين

يعني سددوا وقاربوا

لان في قانون أسمه محاربه الاغراق

وتخبر (ن3) لك عليه شوي هالايام

يعني يبي لك توازن بين عمق السوق اللى انت تسعى له وبين حاجه السوق

وتري حاجه السوق ماهو بس بالكميه لا حاجه السوق بالنوعيه

يعني مهو كل من قال انا مطبق الشروط قلت يالله نزلوها

لا وانا أخوك الله يهديك

حنا ودنا بنوعيه شركات متفرده على مستوى المنطقه

مهو بس اكبر سوق واكبر شركات وبعد نبي افضل شركات بالمنطقه

والعارف لا يعرف

وش رايك طال عمرك​

درر يابونوره فيما قلت ,,كلامك اشعر فيه معني كبير
لاتحرمنا انت من رايك .. وتراني مستمع جيد ومواظب لمواضيعك:
بس انت ماتدري اني جالس اشاهدك مااحب اقولك لاني اعرف انك
عصبي

 

[مستثمرالى الابد]

درر يابونوره فيما قلت ,,كلامك اشعر فيه معني كبير
لاتحرمنا انت من رايك .. وتراني مستمع جيد ومواظب لمواضيعك:
بس انت ماتدري اني جالس اشاهدك مااحب اقولك لاني اعرف انك
عصبي:d :d

يامعالي الرئيس

أشكرك على أعطائي من وقتككم الثمين لمتابعه مواضيعي

وأتمنى من معاليكم كما يتمنى الجميع

محاربه الفساد الذي بداء يستشري بسرعه في هيكلكم النتظيمي

كسرعه النار في الهشيم

منعسكاً على قراراتكم العامره

تحياتي​

 

[مستثمرالى الابد]

طلب بسيط

ممكن تكلف مستشاريك بأعاده جدوله للشركات التي سوف تدرج بالسوق

للعام القادم بما يتوافق مع حاجه السوق السعودي

بحيث يتم التوافيق بين هدف عمق السوق وحاجه السوق

يعني لا يطغى عنصر على الاخر

وانت حريص وأبخص​

يا معالي الرئيس

طال عمرك الان تم تعميق جزئي للسوق

في قطاع الصناعه والتأمين والخدمات

طيب باقي قطاع الاسمنت والبنوك

لازم تتعمق قبل نصعد

أذا أكتمل التعميق الجزئي للسوق بجميع قطاعاته

بعدين نطلع الى ال 10000

بعدها ننزل مره ثانيه جني أرباح قوي الى حدود ال 7500 الى ال7200

وبعدين تكمل تعميق السوق للدفعه الاخيره

ويكون ضمنها الاتصالات الجديده وآخيراً الكهرباء

بعدين خلاص الواحد يدخل السوق أستثمار طويل الاجل

ولي رجاء خاص أنتبه من اللي حوليك

ترى ما عندك أحد

أو عندك أحد بس مغمضين بمزاجهم

تحياتي​

 

[مستثمرالى الابد]

مع كل نزول للسوق السعودي

1/ أدفع بشركات جديده للأكتتاب ومن الافضل أن تكون عن طريق زياده رأس المال .

على أن تكون نشاطاتها مختلفه من حيث القطاعات

2/ زياده رأس مال الشركات العامله بالسوق حالياً

على أن تكون ذات جدوى أقتصاديه وتتماشي مع التوجه العام لخطه مجلس الاقتصاد الاعلى وبدون علاوات أصدار يبغون ولا بكيفهم

مهو بس تنزل الشركات بالواسطه

مثل (المملكه اللي ما تسوي 2.5 وتنزولونها ب عشرتريل)

3/ أعلانات الشركات لارباحها تعلن مع الارتدادات.

4/ ياخي عمق قطاع الاسمنت تكفى طلبتك عاد لا تردني .

5/ البنك الاهلى والخطوط السعوديه والسكه الحديد والموانيء

ما يحصل تنزل للاكتتاب .

6/ .............................................هذي للهيئه عاد اذا عندكم شيء جاهز حطوه .​

 

[مستثمرالى الابد]

يسألون عن مدى التنسيق بين بعض الوزارات المعنيه بالسوق

ونسوا أو نتاسوا أو ماهم عارفين

أن رئيس مجلس الاقتصاد الاعلى هو

خادم الحرمين الشريفين

ونائبه هو

ولي العهد

ومن أعضاءه

معالي وزير البترول

ومعالي وزير الماليه

ومعالي وزير التجاره

ومعالي وزير التخطيط والاقتصاد الوطني

والامين العام للمجلس الاقتصادي الاعلى

معالي رئيس هيئه سوق المال


يعني بالله عليكم فيه أكثر من كذا تنسيق وعلى أعلى المستويات بالبلد

لرسم والأشرف على الخطط العلياالاقتصاد منها السوق السعودي

والحرص على تنفيذخططها والرقي بجميع ما يتعلق بالمناخ الاستثماري والوضع الاقتصادي للبلد

والتنسيق لجميع المستجدات التي تتعلق بالسوق

وتنظيمه على أعلى مستوى

وهناك لجان لدراسه كافه القضايا التى تتعلق برسم ..........

وتعمل تحت مظله المجلس الاقتصادي الاعلى

لكن وش تقول الله يبعد عنا وعنكم الجهل

تحياتي​

 

[سهم استراتيجى]

حالتك مستعصية واثار انهيار السوق واضحة عليك


الله يعين المسلمين ويحفظ اموالهم من الضيااااااع والخسارة

ياجماعة خلكم من المضاربة واعملوا على الاستثمار

وعندي سؤال للخبراء هل تتوقعون فية فساد بالاكتتابات

يعني هل اسعار الاسهم التي نزلت للاكتتابات مبالغ فيها ؟؟

اكرر للخبراء

 

[اختصاصي قانوني]

الحمدلله ان السؤال موجه للخبراء فقط

يعني اخذ راحتي واستريييييييييييح

 

[مستثمرالى الابد]

حالتك مستعصية واثار انهيار السوق واضحة عليك


الله يعين المسلمين ويحفظ اموالهم من الضيااااااع والخسارة

ياجماعة خلكم من المضاربة واعملوا على الاستثمار

وعندي سؤال للخبراء هل تتوقعون فية فساد بالاكتتابات

يعني هل اسعار الاسهم التي نزلت للاكتتابات مبالغ فيها ؟؟

اكرر للخبراء

أي سوق تقصد السوق السعودي

ولا السوق الكويتي


أذا كان قصدك السوق السعودي

فأقولك أن أثار الانهيار تنتهي مع أول موجه صعود بعد الانهيار ويبداء كل شخص يعامل مع السوق حسب الشارت

أما أذا كان السوق الكويتي

أقول الله يعينهم وهم في بدايه الطريق والله يجبر مصابهم

والخبراء فشلونا الليله على الهواء مباشراً على قناه CMBC عربيه

ولا عرفوا يجابون

حاله يرثى لها كلاً يفتي وأثر ما عندك أحد​