افيدونى

الموضوع في 'اعلانات المركبات' بواسطة ابو مالك, بتاريخ ‏1 يناير 2007.

حالة الموضوع:
مغلق
  1. ابو مالك

    ابو مالك عضو جديد

    التسجيل:
    ‏27 نوفمبر 2006
    المشاركات:
    321
    عدد الإعجابات:
    0
    الحين انا بشترى سياره من امريكا مو عارف شلون الطريقه ممكن احد يدلنى شلون اشترى سياره من صاحبها مباشره ؟
     
  2. FLOOD

    FLOOD عضو مميز

    التسجيل:
    ‏23 يناير 2006
    المشاركات:
    2,472
    عدد الإعجابات:
    1
    والله ياطويل السلامه ترى الموضوع مو سهل سالفة طويله عريضة وما انصحك فيها اذا ماعندك خبره انا عن نفسى سويتها 4 مرات ,,,,,مره سويتها وانا بامريكا شريت سياره بالا E-BAY كانت من اسهل ما يمكن و 3 مرات شريت سيارات وانا من الكويت قمة البهذله بس اليك الخطوات التاليه


    1- لازم يكون عندك حساب بال eBAY
    2- لازم يكون عندك حساب بال PAY PAL عشان تدفع مقدم
    3- لازم تدخل على السياره الى تبى تشتريها وتزيد بالسعر بس لازم تقرا المواصفات عدل وعارف شقاعد تشترى وتجيك الى قاعد تشترى منا شخص عادى ولا شركة( شركة اأمن)
    4- اذا صفى عليك المزاد
    1- تراسل الشارى ممكن يقبل بسعر المزاد و ممكن ما يقبل
    2- اذا قبل
    1- تدفعلة مبلغ المقدم المتفق علية و تتفق معاه ان باجى المبلغ راح تسويله اياه حواله ولازم تاخذ رقم حسابة و فرع و عنوان بنكه واسمه وكل التفاصيل المطلوبه للحواله
    بعد دفع الحواله اهوا يكمل الاجرائات وتصير السياره باسمك هناك



    نى حق مرحة اهم الحين
    1- الشحن البرى من بيت البايع الى اقرب مينا حواليه
    لازم تتفق مع شركة شحن برى توصلك السياره اهناك
    حط فى بالك كل ما بيت البايع بعيد عن المينا كل ما يزيد اجور الشحن البرى
    2- السياره وصلت المينا يبيلك الحين شحن بحرى عشان توصل السياره الكويت
    3- لازم تتفق مع شركة شحن بحرى ويكون سعرها مناسب ولا تنسى فى شى اسمة تخليص جمركى بامريكا لازم تتفق مع شركة تخليص جمركى هناك او تخلى شركة الشحن تخلص لك المعاملة بالمينا
    واول ما يخلصون اجرائات المينا لازم يدزولك اوراق السياره وبياناتها على بريدك يفضل DHL
    حط فى بالك كل يختلف الشحن البحرى من ولايه الى ولايه

    4- تستلم اوراق DHL وتروح وزارة التجاره وتسوى اجراءات تدخيل السياره
    وبعدين تنطر ما يقارب 24 يوم و توصل السياره بالكويت غالبا مينا شويخ والاوراق تكون عندك الى مع الاوراق الى مطلعها من التجاره تروح تشوفلك مخلص جمركى يخلصلك اياها و تدفع الجمرك و تستلم سيارتك تروح المرور تحط لها ارقام

    كل الى قتلك اياه يكلفك ما يقارب 2000 – 3500 دولار

    فى وايد شغلات تفصيلية انا ماذكرتها بس اذا تبى تعرفها حاظر لان حيثياتها وايد
    وطريقة الشرى كلها تعتمد على الية البيع الى حاطها راعى السياره ومدى ثقتك بالى بتشترى منه لانك قاعد تشترى سمك بالماى لمن يوصلك وتشوفا وتتأكد منا عشان جذى اقولك اشتر من شركات ولا تشترى من افراد لان غالبا الشركات يكون عندهم مصداقية اكثر بس مو دايم !!


    ادرى هونت موفق بس اقولك ترى شغله مربحة بس تعور الراس وانا بطلت منها

    اى احد يبى يعرف اى شى حاظر ورسم الخدمة بس اسئل
     
  3. ابو مالك

    ابو مالك عضو جديد

    التسجيل:
    ‏27 نوفمبر 2006
    المشاركات:
    321
    عدد الإعجابات:
    0
    بطلنا خلنا على الكويت
     
حالة الموضوع:
مغلق