ماذا سيحدث لو تم الغاء نظام الوحدات وسوق الكسور

الموضوع في 'السوق الكويتي للأوراق الماليه' بواسطة دخيل الله, بتاريخ ‏8 يناير 2007.

  1. دخيل الله

    دخيل الله عضو جديد

    التسجيل:
    ‏17 يونيو 2006
    المشاركات:
    451
    عدد الإعجابات:
    0
    بسم الله الرحمن الرحيم

    من بعد قرارات التحييد والتصحيح القوي بداية 2006 ،تمت عدة مناقشات حول انظمة وقوانين السوق.

    ومما لا شك فيه ان السوق الكويتي "قابل" للتلاعب بالاسعار وقيمة المؤشر لوجود ثغرات بالقوانين لا تحمي
    صغار المستثمرين ولعدم وجود عقوبات واضحه او عدم تطبيقها في حال وجودها على هؤلاء المتلاعبين.


    للظروف السابقه وغيرها سمعنا عن انشاء هيئة سوق المال وتعديل بعض القوانين
    .... الخ الخ الخ.

    ولم اسمع انه تم مناقشة نظام الوحدات او عن تأثيره بالسوق وايضا على
    صغار المستثمرين.


    مما قرأت بالمنتديات لا اجد الا اننا "المتميزون" في العالم بهذا النظام.
    ولا اجد اي فائده منه سوى انه يسهل عملية حساب الارباح.

    طقه فوق تربح 50 بالوحده، تحت خساره خمسين في الوحده.
    نظام للشياب فقط.

    غيره هذا، لا فائده من هذا النظام.
    بالاسواق الثانيه يتكلمون عن نسبة كذا ربح او خساره، عندنا طقه فوق طقه تحت.
    واذا بذرابه تقول "تكه" فوق. :)

    المضار من نظام الوحدات حدث ولا حرج.

    موضوع للمناقشه، ماذا سيحدث لو تم الغائه بالنسبه لك؟

    ماهي المضار والفوائد لنظام الوحدات، ايضا بالنسبه لك؟





    .
     
  2. Q8 Stock

    Q8 Stock مشرف

    التسجيل:
    ‏12 يونيو 2005
    المشاركات:
    24,306
    عدد الإعجابات:
    4
    مكان الإقامة:
    الكــويـت
    السلام عليكم

    نعطيهم ارقابنا على طبق من ذهب :)

    بالنسبه لي نظام الوحدات افضل
     
  3. دخيل الله

    دخيل الله عضو جديد

    التسجيل:
    ‏17 يونيو 2006
    المشاركات:
    451
    عدد الإعجابات:
    0
    وعليكم السلام

    ليش نعطيهم ارقابنا؟؟

    اخوي بوعلي انا اقصد "كمية الوحده"، يعني عدد الاسهم غير محدد
    للوحده "مفتوح"، وليس نظام تغير الاسعار، يبقى كما هو لحدود التداول
    العليا والدنيا.







    .
     
  4. Q8 Stock

    Q8 Stock مشرف

    التسجيل:
    ‏12 يونيو 2005
    المشاركات:
    24,306
    عدد الإعجابات:
    4
    مكان الإقامة:
    الكــويـت
    انت تقول
    وكان تعليقي على هذه النقطه
     
  5. دخيل الله

    دخيل الله عضو جديد

    التسجيل:
    ‏17 يونيو 2006
    المشاركات:
    451
    عدد الإعجابات:
    0
    اقصد فيها اسلوب التفكير

    بسبب النظام عندنا، نقول تعليقه ،صعد طقه ثنتين، وغلب الناس
    لو تسالها كم نسبة ربح سهمك "اليوم" ما يعرف الا 10 و20 فلس او طقه طقتين.

    نظام تغير السعر زين وكذلك الحد الاعلى والادنى بعد زين
    بس الكلام على الالزام على عدد الاسهم للوحده وسوق الكسور.

    بسبب النظام الكثير مقيد بتداولاته بعدد محدود من الاسهم
    لان اقل سعر بالوحده 2500 دينار، وممكن هذا سبب للجوء البعض للآجل.
    نظام الوحدات يشكل اعاقه للكثير ويحرم الكثير "اصحاب الاموال المحدوده" من اتباع استراتيجيات للتداول.

    غير هذا اذا انكسرت الوحده تضطر تعرض الكسر بسوق الكسور "سوق تكفى اشتر مني" :p


    لو تم الغاء نظام الوحدات، السلبيه الوحيده اللي افكر فيها هو احتمال
    ارتفاع مضاعف الPe الى ارقام لم نألفها.

    الايجابيات، عد وخربط.
    يكفي انه راح تنسى اليوم اللي تشوف السوق مفتوح له نص ساعه
    وكم درزن من شركات معروفه ما عليها تداول، وبالتحليل الفني
    اتوقع والله اعلم ان الفوليوم يكون له دلاله اوضح.





    .
     
  6. Q8 Stock

    Q8 Stock مشرف

    التسجيل:
    ‏12 يونيو 2005
    المشاركات:
    24,306
    عدد الإعجابات:
    4
    مكان الإقامة:
    الكــويـت
    الله يعطيك العافيه



    فعلا تكون كمية التداول مرتفع مع دمج اسهم سوق الكسور

    الظاهر اني فهمت موضوعك غلط

    ارجوا المعذر :)
     
  7. كرباج

    كرباج عضو نشط

    التسجيل:
    ‏9 سبتمبر 2005
    المشاركات:
    845
    عدد الإعجابات:
    12
    مكان الإقامة:
    kuwait
    نظام الوحدات فاشل وعقيم ونكره لايوجد الا بسوقنا بدعة تجار
     
  8. دخيل الله

    دخيل الله عضو جديد

    التسجيل:
    ‏17 يونيو 2006
    المشاركات:
    451
    عدد الإعجابات:
    0
    الله يعافيك.

    ابوعلى منك العذر لو ماقدرت اوصل اللي افكر فيه
     
  9. دخيل الله

    دخيل الله عضو جديد

    التسجيل:
    ‏17 يونيو 2006
    المشاركات:
    451
    عدد الإعجابات:
    0


    هذا المطلوب من الموضوع اخ كرباج اننا نبين فشل النظام وتأثيره السلبي
    فرصه لو تم انشاء هيئة للسوق لتغييرهذا النظام.

    لو ما شاركت انت وابو على كان اعتقدت اني انا الوحيد "مستثمر صغير" بالمنتدى يوم شف 40 واحد دش الموضوع ولا تعليق منهم

    يعني شنو بس حنا فقارى المنتدى.... ارائكم ياشباب.
    من يدري... ممكن من هنا "المؤشر" يتم تغيير قوانين في البورصه.



    .
     
  10. Master-Leo

    Master-Leo عضو مميز

    التسجيل:
    ‏27 نوفمبر 2006
    المشاركات:
    10,156
    عدد الإعجابات:
    0
    مكان الإقامة:
    الكويت
    أتذكر أول مابديت بالسوق الأمريكي قبل 7 سنوات شريت 10 أسهم في شركة AMD :) قلت للتجربه

    عشان اشوف الحساب مالي شغال ولا لأ :D 10 أسهم قيمتهم وقتها ماتتعدى 200 دولار

    بسوق الكويت أول مابديت بشركة المال كانت

    104 فلوس يعني لازم تشتري 20 ألف سهم :mad:

    فإذا بدش السوق لازم عندك فوق2500 ولا ماتدش :confused:

    فأحسن حل للسوق النظام المفتوح( اشتري كثر ماتبي)

    وتحديد زياده أو نقصان بالنسبه المئوية من 1% الى 5%

    بدال زياده1 أو 2 أو 5 و10 و 20 فلس
     
  11. دخيل الله

    دخيل الله عضو جديد

    التسجيل:
    ‏17 يونيو 2006
    المشاركات:
    451
    عدد الإعجابات:
    0
    يا سلام سلم لو اقدر اشتري ب200 دينار بالسوق الرسمي

    تلقا السوق كل ما تنزل الرواتب يصعد.

    شرط حزتها احط بكل سهم "شرعي طبعا" 100 سهم للاجيال القادمه :D

    وافتخر اني مساهم ب20 شركه على الاقل بالسوق :D

    وياويلهم يا سواد ليلهم ان لقيت صانع سوق مو مسوي ولا صفقه على سهمه
    لاروح واشتري سهم واحد بس :D بس علشان اسجل تداول عليه :D










    الغاء نظام الوحدات كله ايجابيات، مرادف لكلمة "الحريه" في التداول.
    تاليتها شكلي ابي اصير ليبرالي:p



    بس احد يقدر يذكر ولو سلبيه وحده على الغاءه ؟؟؟




    .


    .
     
  12. wzer

    wzer موقوف

    التسجيل:
    ‏1 نوفمبر 2006
    المشاركات:
    493
    عدد الإعجابات:
    0
    السؤال الحقيقى هو كالتالى :

    هل كل بورصات العالم غلط واحنا صح ؟؟؟؟

    انا اييد السوق المفتوح والحريه بالشراء حتى لو سهم واحد

    وارد على اللى يقول راح يتحكمون بالاقفالات
    اقوله مثل ما اهم يسكرون السعر بعشر اسهم لصالحهم هم انا اقدر اسكر السهم لصالحى بخمس اسهم بالنهايه الاحتمالات متساويه
    وهذا اهم شى ان الفرص تكون متساويه بين كل المستثمرين بالسوق
    وهذا هو الاصل بالبورصه .
    لكن بما انى كويتى واعرف ديرتى واعرف شلون تصدر القوانين فيها
    راح تبقون على طمام المرحوم ليمن تلحقونه بالقبر والبورصه مثل ما هى بورصة الشياب :)
     
  13. fawaz74

    fawaz74 عضو جديد

    التسجيل:
    ‏30 ديسمبر 2006
    المشاركات:
    1,272
    عدد الإعجابات:
    0
    السلام عليكم...انا اختلف معاكم لسبب واحد وان اغلب الناس تشتكي من الاقفالات الوهميه سواء بالصعود او النزول للسهم وفي حال الغاء نظام الوحدات انتو عارفين الباجي يعني واتمني محد ينكر انه من اسباب تماسك سوقنا نظام الوحدات الحالي مع عيوبه الكثيره...بختصار اخر نص ساعه المفروض تكون في كميات محدده للاقفال منعا للتلاعب اما بالنسبه لسوق الكسور يكون التداول فيه مفتوح بنفس الطريقه الي ذكروها الاخوان مع عدم ربط الاسعار بتداول السوق الرسمي ومايتجاوز كميه الوحده وهني كل واحد وكيفه شغل شياب شغل شباب الله يوفق الجميع :)
     
  14. CONTROLLER

    CONTROLLER عضو جديد

    التسجيل:
    ‏15 مايو 2006
    المشاركات:
    14
    عدد الإعجابات:
    2
    السلام عليكم . سعر الاغلاق يحسب على اساس متوسط الاسعار.
     
  15. fawaz74

    fawaz74 عضو جديد

    التسجيل:
    ‏30 ديسمبر 2006
    المشاركات:
    1,272
    عدد الإعجابات:
    0
    كلام سليم...بس بالحاله هذي لازم يكون حساب الؤشر اثناء التداول ايضا...حلوه ايضا يازتلي مبني على اساس متوسط الاسعار
     
  16. FLOOD

    FLOOD عضو مميز

    التسجيل:
    ‏23 يناير 2006
    المشاركات:
    2,472
    عدد الإعجابات:
    1
    نظام الوحدات نظام اكثر من ممتاز و نسبه الارتفاع والهبوط حمايه حقنا وهذا نظام ايجابى من صالحنا كصغار مستثمرين ولا نملك السيوله الكافيه والنفس العميق لنجاريهم بالخساره واستحمال المده بتنزيل السهم والعب بنفسيات المتداولين رغم ان هذا حق مشروع ولكل متداول سياسته لتحقيق ربحه


    نظام الكسور نظام فاشل بكل المقايس والمعاير ولا يمد للتداول الصحيح بصله وهو تكسير عظام بالاجبار وغير مقبول نهائيا وغير مقنع لامن نحاية الفكره ولا من ناحية الاليه ولامناحيه الهدف والمضمون
     
  17. FaWWaZ

    FaWWaZ عضو جديد

    التسجيل:
    ‏7 يوليو 2004
    المشاركات:
    56
    عدد الإعجابات:
    0
    بس احد يقدر يذكر ولو سلبيه وحده على الغاءه ؟؟؟

    السلام عليكم
    و الله هذا بالضبط أسباب إنتقادي لسوق الكسور و دائما أسأل نفسي سؤال واحد !! ما الحكمة من إنشاء سوق الكسور ؟؟
    للأسف و الله لم أجد إجابة مقنعة لهذا السؤال
    على العموم قواك الله على طرح هل موضوع هذا
     
  18. Master-Leo

    Master-Leo عضو مميز

    التسجيل:
    ‏27 نوفمبر 2006
    المشاركات:
    10,156
    عدد الإعجابات:
    0
    مكان الإقامة:
    الكويت
    نظام السوق المفتوح وعدم تحديد وحدات للشراء

    أفضل مثل ماقال اخونا new Trader ممكن مع

    الرواتب السوق يصعد والكل يشتري الكميه

    اللي يبيها لأن الكل عنده السيوله الكافيه

    والكل يبي يدعم أسهمه .

    واذا فيه سلبيات اتوقع زيادة هائله في سجل الأوامر

    في نظام البورصه ( عاد بروحه مو ناقص :) )
     
  19. FaWWaZ

    FaWWaZ عضو جديد

    التسجيل:
    ‏7 يوليو 2004
    المشاركات:
    56
    عدد الإعجابات:
    0
    ممكن إيجاد آليه لتلك المعضلة يا السمي شرايك بالكلام :cool:
     
  20. fawaz74

    fawaz74 عضو جديد

    التسجيل:
    ‏30 ديسمبر 2006
    المشاركات:
    1,272
    عدد الإعجابات:
    0
    هلا بالسمي :) والله الاليات والمدراعات وايد وماتخلص اولها يمنعون الوحده والوحدتين اخر ربع ساعه على الاقل لان اليوم طويل وكافي للي بيشتري اما بالنسبه للكسور فهو سوق ممتاز برائي على الاقل ماتحتاج تداول كميه كبيره بالرسمي عشان محتاج جم دينار للجمعيه وتخفس بالاسعار ومقارنة اسهمنا بالاسواق الثانيه تختلف لان كلمه سهم بالتاسيس تفرق بينا وبينهم وبالعكس والخليج بالتحديد ودهم يطبقون النظام الي عندنا والمستقبل بيثبت الشي هذا بدليل تاجزئه الاسهم واذا النظام الي عندنا بدعه فهي نعمه من الله ولا جان مؤشرنا الحين ماني قايل بس الماخذ على الكسور انه ماتطلب كميه لا لازم تنطر المعروض ومربوط بالسوق الرسمي...ماعتقد فيها مشكله لو كان مفتوح للعرض والطلب وبنسبه 5% من سعر الاساس للسهم باليوم نفسه وخلك على مينونك لا اييك اين منه :)