شركة فيلا مودا لايف ستايل ش.م.ك مقفلة (646)

abbasmos

عضو نشط
التسجيل
9 مايو 2006
المشاركات
807
12:30 -سهم فيلا مودا لايف ستايل حققت ربح وقدره 2000 دينار كويتي وذلك عن الصفقه التي تمت عن طريق العضو abbasmos وعليه سوف تعود الشركه الى التداول بعد عشردقائق .




بالله عليك هذي شركه يا بوعلي يدرجونها كلها 3 جناط على تنورتين و بوكين :p :p

:D الشركة زينه بس لما يسوون تنزيلات هههههههه
 

abbasmos

عضو نشط
التسجيل
9 مايو 2006
المشاركات
807
بس تره الماركات الي تطنزون عليها قويه جدا
والناس تشتري منهم بس الذويقه الي عندهم فلوس :)
تدرون شنو مشكلة السهم؟؟؟
انه الشيخ النعومي صاحب الشركة ماياب صانع سوق خبير يعرف شلون يحرك السهم , الحبيب علباله انه بس يدرج السهم بالبورصه الناس بتتراكض عليه وبيصير خمط مخامط مثل لما يسوي تنزيلات :) وهلكلام حقيقه مو طنازه
 

ياقوت

عضو نشط
التسجيل
18 فبراير 2006
المشاركات
1,726
الإقامة
kuwait
المشكله الحين الغش صاير حتى بالماركات :) وباكثر من محل معروف عندنا بالكويت صايدين تقليد :) وحتى الروس الكبيره يشوفونهم يتفرفرون بالصين :) شيسوون هناك ياكلون زهيوي مشوي مثلا :) والا ايبولنا جناط وملابس تقليد يقصون عليها فينا :)
واللبيب بالاشارة يفهمو :)

والذوق ما يعتمد على السعر العالي لانك لو بتفتر هناك بتشوف خلاجين عليهم اربعميه وخمسميه


الفلوس ما تييب الذوق :)


 

سوق التجار

مشرف قسم الناسجت
التسجيل
1 ديسمبر 2004
المشاركات
1,857
برأسمال 20 مليون ريال قطري
'فيلا مودا' تشارك في تأسيس بروة الريان للتطوير العقاري



25/03/2007 كتبت صفاء المطري:
أعلن رئيس مجلس إدارة شركة فيلا مودا لايف ستايل الشيخ ماجد الحمود الصباح عن تأسيس شركة بروة الريان للتطوير العقاري (ذات مسؤولية محدودة) برأسمال قدره 20 مليون ريال قطري، مشيرا إلى أنها نتاج تحالف استراتيجي بين بروة العقارية (شركة مساهمة قطرية ومقرها الدوحة) وشركة فيلا مودا لايف ستايل.
وأوضح الشيخ ماجد في مؤتمر صحفي عقد أمس أن الشركة الجديدة سيكون مقرها الدوحة، وانها تأسست بغرض القيام بأعمال التطوير والبناء والتشغيل والإدارة للأراضي والعقارات محليا وإقليميا ودوليا، لافتا إلى أنها ستمثل أغراض التمويل وإدارة المشاريع بأنواعها، بالإضافة إلى تشغيل وإدارة الأسواق والمجمعات السكنية والتجارية والصناعية وغيرها.
حصص المؤسسين
وأعلن الشيخ ماجد ان حصة شركة بروة الريان ستكون موزعة كالتالي: 70% من رأس المال بروة العقارية و30% لفيلا مودا الكويت، على أن يتولى إدارة الشركة مجلس مديرين من بين المؤسسين برئاسة غانم بن سعد آل سعد كرئيس وعضو منتدب، والشيخ ماجد حمود الصباح نائبا للرئيس.
وأشار إلى أن 'بروة الريان' ستشرع فورا في تنفيذ أول مشاريعها التطويرية في مدينة الدوحة حيث تم الاتفاق على الأطر العامة للمشروع وتمت مناقشة دراسة الجدوى الاقتصادية والخطوط العامة للجداول الذهنية للتنفيذ.
النشاط العقاري
ولفت الشيخ ماجد إلى أنه تم اختيار النشاط العقاري تحديدا كنشاط جديد للشركة أولا لتنويع مصادر الدخل وثانيا لأن العقار دائما يمثل قيمة مضافة وثالثا لأن القطاع العقاري شهد نموا متزايدا منذ فترة في أرباحه، ضاربا المثل بأسعار المنطقة الحرة كيف كانت منذ 5 سنوات وما أصبحت عليه الآن.
 

أبو فلسين

عضو نشط
التسجيل
9 مارس 2007
المشاركات
4,498
زين خبر ممتاز مثل شركة سهمها بالحضيض عسي ترتفع اليوم
 

FLOOD

عضو مميز
التسجيل
23 يناير 2006
المشاركات
2,473
اخللللللللللللللص فيلا مودا تحقق ارباح بواقع 13.6 فلس للسنه المنتهيه 2006 والله موهينه

مبروك لملاك السهم :cool:


وتوصى بعدم ارباح توزع هل سنه
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
13.6 فلس ربحية السهم وماتبي توزع أرباح !!

سؤال ليش مدرجينها البورصه ممكن اعرف

ماتبي توزيع ارباح ليش الادراج انا أبي واحد

يفهمني الحين الصفوة اللي ياما كنت أعيب عليها

صرت الحين احترمها لأنهم قاموا يشتغلون بزيادة رأس المال

وطلعوا منها ارباح وكاهم بوزعون 9% وهذي فيلا مودا

ربحية السهم 13 فلس وماتوزع شي وسعرها أعلى من

سعر الصفوه !!! :mad: :mad: أخ لو يخلوني مدير البورصة

يومين بس عشان أطشر نص الشركات اللي بالسوق أوديهم

السوق الموازي :D
 

ryaq

عضو نشط
التسجيل
28 أبريل 2005
المشاركات
69
سعر السهم الدفترى

شركة فيلامودا شركة جديدة ، هل من الاخوان عنده فكرة عن سعر سهمها الدفترى ، ومقارنته بالسعر السوقى ، اى بيانات عن السهم نرجو الافادة وشكرا لكم.
 

abo faleh

عضو نشط
التسجيل
23 يونيو 2005
المشاركات
183
صبحكم الله بالخير جميعا هذا الخبر اليوم على Cnbc عن الشركه لديها شراكه في قطر وقيمة هذي الشركه 20 مليون ريال وتملك بالشركه 30بالميه او خمسه وثلاثين بالميه والخبر هذا اليوم وممكن تتاكدون اذا كان موجود الخبر في سوق الدوحه للاوراق الماليه


مع العلم اني مو من ملاك هذي الشركه وبالتوفيق انشاء الله
 

Cha3bar

عضو متميز
التسجيل
2 يوليو 2005
المشاركات
3,528
الإقامة
Pangea Ultima
يقال إنهم إفتحوا فرع جديد مقابل سوق الحريم

الصراحة أنا شفت مبنى قيد الترميم لكن ما فتح ليلحين
 

Horizen

عضو نشط
التسجيل
25 مارس 2006
المشاركات
13
تحذير

والله انا احذركم من هالشركة وراح تشوفون شراح يسوي بالمساهمين
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
اكثر من اللي سوو فيهم وخلصوا ههههه

128 فلس سعر السهم الحين جم بعد بنزله 100 فلس !!! :)
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
السلام عليكم

شلون يعني هالشركه محد فيكم راضي يشارك بموضوعها

ولا شنو القضيه ليش تعبانين و مخصصين لها موضوع :D :D

للرفـــــــــــــــــــــــــــع عناد بس عشان أقولكم ترى فيلا مودا مسوين

خصم وتصفية لغاية 90% على بضائعهم والموقع في المنطقه الحره

في فندق موفنبيك مأجرين قاعه في الفندق عشان التصفية

مادري شنو ناوين يسوون بفلوس التصفيه :rolleyes: :rolleyes:

أسعار التصفية : البضائع أسعارها بالأساس بين 10 - 2000 دينار

وأسعار التصفيات حاليا بين 5 الى 50 دينار

انا بس عندي سؤال بريء الشي اللي كان سعره 2000 دينار

والحين يبيعه على 50 دينار هذا جم كان نسبة ربحيته فيه !!!؟؟؟ :eek: :eek:

اشتروا يمكن ترتفع أرباحهم ويرتفع وياها السهم يعلق له يومين :D :p
 

sprite

عضو مميز
التسجيل
22 يوليو 2005
المشاركات
3,543
فيلا مودا للمراقبه .. :d

جم أرباحهم بالربع الأول ؟
 

الملفات المرفقه:

  • فيلا.JPG
    فيلا.JPG
    الحجم: 67.8 KB   المشاهدات: 297

قاروه

بوعبدالعزيز
التسجيل
22 نوفمبر 2005
المشاركات
7,976
فيلا مودا للمراقبه .. :d

جم أرباحهم بالربع الأول ؟

فيلا مودا مره وحده :eek:
اتوقع 13 فلس
يا فرحتك يا ليوووو :D :D
 

sprite

عضو مميز
التسجيل
22 يوليو 2005
المشاركات
3,543
فيلا مودا مره وحده :eek:
اتوقع 13 فلس
يا فرحتك يا ليوووو :D :D

يمكن يصير عليها إستحواذ و لا شي .. :D
الأخ ليو يقول قاعدين يصفون بضاعتهم

بس ما أعتقد 13 فلس .. هذي ربحية عام 2006
 

قاروه

بوعبدالعزيز
التسجيل
22 نوفمبر 2005
المشاركات
7,976
يمكن يصير عليها إستحواذ و لا شي .. :D
الأخ ليو يقول قاعدين يصفون بضاعتهم

بس ما أعتقد 13 فلس .. هذي ربحية عام 2006

عدل رحت على ربحية العام

انا وبوعلي بنتسحود عليها وبنبيعها على ليو بالعالي :D :D :p
هدي ارباحها
 

الملفات المرفقه:

  • فيلا.png
    فيلا.png
    الحجم: 98.1 KB   المشاهدات: 388
أعلى