الخروج ام الدخول ..... للعلم الاوضاع السياسيه ماتطمئن بخير ... ؟

التسجيل
7 يوليو 2005
المشاركات
517
بسم الله الرحمن الرحيم ....

الصراحه شباب حاولت اكتب موضوع يلفت الانتباه بالبدايه
لموضوعي وشفت هذا هو احسن عنوان ...

اللي صار يا اخوان ان كلمت صديقي ( دلال ) اليوم
شنو اشتري باجر ( عادة مايقصر يشور علينا باسهم زينه )
بس قالي لاتشتري باجر شي واذا عندك شي سيل
وانطر :eek: قتله ليش قال ياابن الحلال اسمع كلامي
قتله الحين اعلانات وتوزيع ارباح ولحق لاتلحق قبل
لاتطير الاسهم فوق قال واحد هامور سيل محفظته اللي
عندنا الاسبوع اللي فات ولما كلمه صاحبي الدلال اللي
معاي بالمكتب رد عليه ( قاعده تطبخ ... الله يستر )
طبعا يقصد الاوضاع السياسيه بالمنطقه ....

فحبيت انقل لكم اللي صارلي ... وابي اخذ رايكم
هل فعلا الوضع خطر لهذه الدرجه ؟ ام لا ؟
ام ان راح نتفرج على الارباح والاعلانات ونقول لعبوها
علينا التجار وبعدين غصبا علينا نشتري منهم من فوق ؟

وشاكر للجميع : اخوكم : الـــزايـــــــــر .
 

wesam707

عضو نشط
التسجيل
16 يونيو 2006
المشاركات
263
الدلالين بالبورصة اهم اكثر ناس تقدر تتكل عليهم باخبار السيولة اذا ادخلت واذا اطلعت من السوق ونقدر نعتبرهم مؤشر السوق الخفي
 

العتيبيQ8

عضو نشط
التسجيل
2 يوليو 2005
المشاركات
811
الإقامة
q8_
من خاف سلم ................:) ................... تبي الصراحه افوت الربح ولا اتعلق بالخساره .والله يعين
 

البيروتي

عضو نشط
التسجيل
23 فبراير 2006
المشاركات
1,293
الإقامة
الكويت
انا اعتقد انه الوضع طبيعى وماكو خوف مو معناته انه تاجر سيل نروح نبيع كلنا السوق اللى يتحكم فيه هم الصناديق وصناع السوق الكبار وليس التجار الصغار
 

الكويت غاليه

عضو نشط
التسجيل
6 أبريل 2006
المشاركات
666
الزيارة الأخيره لرايس (وزيرة الخارجيه الأمريكيه) فيها علامة إستفهام كبيره. والله يسترنا بستره
 

سعسعالعود

عضو نشط
التسجيل
2 ديسمبر 2006
المشاركات
204
يا اخوان اللي قاعد يصير هاليومين مثل ماقال اخونا ((الزير الفيلكاوي))
مايطمن واشوف البوادر الاسبوع الي فات الاعضاء في مجلس الامه كنك
قاط بينهم لغم مايلحقون على الديوانيات مع كثر مايفرون وفي كلام كبير
عن حل مجلس الامه وتعرفون شنو راح ممكن يصير بعد ذلك الله يستر.
 
التسجيل
7 يوليو 2005
المشاركات
517
الاخبار اللي قالها صاحبنا توقعتها عن الوضع بالمنطقه
عن العراق وايران بس الظاهر ان الهامور يقصد ديرتنا
في اشاعه قويه طالعه عن حل مجلس الامه واجتماع
الاسره الحاكمه ... الله يستر على الديره ..
ياجماعه ادعوا بصلاتكم عسى يحفظ ديرتنا .. اللهم امين
 

بو سليمان1

عضو نشط
التسجيل
26 مارس 2006
المشاركات
77
ترى الاوضاع السياسيه والاقتصاديه وايد زينه0000000000 بس الاداريه الله يكون بالعون 000000 يعتمد على الاصلاح000000
 

sarem

عضو نشط
التسجيل
1 يونيو 2005
المشاركات
746
الزيارة الأخيره لرايس (وزيرة الخارجيه الأمريكيه) فيها علامة إستفهام كبيره. والله يسترنا بستره

نزول السوق الماضي في شهر فبراير عام 2006 كان عقب زيارة رايس للمنطقة :( :( :(

للتذكير فقط
 

الجارح

عضو نشط
التسجيل
16 مارس 2006
المشاركات
1,939
الإقامة
بلد الخير
نزول 800 نقطه والله اعلم
 

fawaz74

عضو نشط
التسجيل
30 ديسمبر 2006
المشاركات
1,272
حسبالي تقول اول ماقريت صديقتي دلال هههه ماعليه....المهم ماقالك الهامور صحابه سيل جم اميه مليون عشان نعرف لان شكله اهو الي نزل السوق السبوع الي طاف ...الله المستعان :) موفقين
 
أعلى