التوجه شمالا :- ان شاء الله Target :- 2 السعر الحالي :- 0.96 نسبه الصعود :- 108 % وان هبطت الى سنت فان الهدف هو :- 1.15 نسبه الصعود :- 11,500 % والله اعلم ____________________________________ ملاحظه : ارجو ملاحظه الشرعيه في كل الشركات التي ارشحها .
أنا ما أصدق .. خالد السلوم يرشح سهم تحت الدولار .. عساك تسعد .. هذا الكلام الي يفرح .. عساه تكون البداية .. وأحنا بعد وياكم ..
وين الغيبات ياالحبيب .... قلنا يمكن الرجال تزوج واعتزل السوق ...هاها ....... على فكره انا عمري ما شريت شركه اقل من 7 دولار لكن بعض الاحيان يكون بعض الاخوان مهتم بشركه من نمونه السنتات ... وانا لا زلت ضد هالنوع من الشركات لكن من اليوم انا باهتم فيها ... يكفي ان الغلبان يحبها ... واللي يحب الغلبان حنا نحبه ... والا ايه ؟
بو فهد اقصد ان الفوليوم جدا ضعيف وشوف الرابط اللي حطيته فوق ومع ذلك الشارت يقول ان الاتجاه الى اعلى تقريبا 1.5
الحقيقه يا ابو فهد انا معجب في غموضك والذي يصيب اهدافه دائما ولكن السهم هذا لا يتفق ابدا مع اختياراتي والاسباب الشركه قاعده تنهار كل يوم بزياده الدخل في نقصان مستمر والكاش في نقصان مستمر والاداره نايمه وعلى مخده من الريش الناعم وفي حاله مثل هذه يكون الافلاس هو المصير وطبعا انا ما اقدر اعارضك ولا اخفف من نسبة نجاح في اختيارك لأن _ س _ ص _ غير معروفه نظريتها بالنسبه لي وايضا حتى لو الشارت يساعد في الايمان بأن الصعود قادم فهو لا يتفق مع وضع الشركه المحرج ولا مع الفوليوم الهزيل هذا رأيي وربما نجد السهم بعد شهر 2 دولار وربما نجد السهم مطرز بحرف Q وفي رايي ان السهم بحاجه الى خبر ينقذه حتى لو خبر بالكذب والله الموفق
الله يعطيك العافيه يا عزيز بوفهد لو تلاحظ السهم والفوليوم حقه تلاحظ قلة التداول يعني فرضا لو اخذت في السهم 75000 سهم من سيشتري مني هذه الكميه والسهم لم يتجاوز هذه الكميه
اولا :- اخوي عجيم قبل تسع سنوات كان عندي مجموعه كتب وملازم وابحاث خاصه فقط للفوليوم واهميته وانواع الاستراتيجيات اللي ممكن يستفاد فيها من الفوليوم .. وبعد فتره وجدت ان افضل طريقه اسويها هي ان اشوف اقرب حاويه الله يكرمكم وارميها فيها لسبب بسيط هو ان الفوليوم عمره ما كان leading indicator ... ثانيا :- ابغاك فقط ترجع الى معظم الشركات وخصوصا small و med cap بتجد ان اللون الازرق يكاد ما يبان من تحت الشارت .. اي ان التداول سهم ونصف .... سهمين وثلاثه ارباع .... وفجأه BOOOOm الفوليوم بالملايين ... طيب كيف وليش ؟ الجواب هو حينما تجد ان الفوليوم هزيل فهذا يعطي دلاله ان المتحركين هم الصفوه الحذره جدا وحينما ياتي الركب وجموع المتحمسين فوقتها يتغير الوضع ونشوف الفوليوم يدسم الشوارب .... وعلى اي حال يا عجيم انا عمري ما شريت شركه الفوليوم حقها اقل من مليونين .. ليس لاني اؤمن بذلك ولكني اؤمن ان الموت مع الجماعه رحمه .... --------------------------------------------------------------------------------------- الاخ / عزيز صدقت في كل ما قلت وانا اؤيد ما قلت تماما ... ولكن منذ متى السوق سار او يسير على المنطق والواقع ... حينما كنا نسير كذلك لم نهنأ من الدولارات الا بالنظر ... وبالنسبه للغموض فيما سمي بنظريه سين صاد ... فاحب ان انوه انها مشروحه في مقال المنطق الرياضي انما الاخ الحبيب العفار اعطاها هالكنيه ... انا شخصيا لم اشتري منذ ان بدأت التعامل مع الاسهم منذ عام 1989 شركات اقل من عشره دولارات ... لسبب بسيط هو ان ال pattern لكل الشركات وكذلك للسوق ياخذ نظام . الوحده ... وحده اي ال unit اما ما دون ذلك .. اي اجزاء الوحده فهو في الغالب ياخذ وقوده من تعاملات خرافيه ربما تصل الى مئات الملايين من الاسهم بتذبذب سنت وثلاثه .. ولا يحكم ذلك في الغالب نظريه وان كان كذلك فالتحكم بوضع سعر من بيع او شراء يشبه المعجزه ... على اي حال حينما وضعت الشركه كتوصيه هي فقط لرغبه بعض الاصدقاء الذين يؤمنون بما لا اؤمن في هذا النوع من الشركات .... وكذلك من اجل ان نضمن قهوه مبهره ترد الروح مثل قهوه ابو عبدالله ( العفار ) الله يمسيه بالخير ....
يا ابو فهد انا ماعندي قهوه مبهره بالهيل ينفع كبتشينو ؟؟ ولا عصير كوكتيل ؟؟ وشوف لنا _ س _ ص _ وش تقول عن الاسهم هذي : cstm ssty plkc bico وبعد ما تشرب الكوكتيل وتروق عطنا رايك
