للأسف جريدة الوطن والتي يمثلها كاتبها الصحفي فيصل الحمراني يتسابق بالكذب الصحفي من أجل السبق الصحفي حيث يذكر في جريدة الوطن يوم أمس بأن مواطنة تقود دراجة نارية برفقة إبنها ولقيت مصرعها ...................... كلام ومقال هذا مختصره ......... والحادثة بشهود العيان وبشهادة كل الحضور والناس من أهلها ((المهم وبالعامية)) القصة الحقيقية الموقع في شاليهات منطقة الخيران المره بالشاليه مع بناتها قالت لأخوها ودي اتمشى وقام واخذها من ايدها يمشيها وهي تمشي معاه على جنب الطريق ويسمع اخوها صوت البانشي من وراه ويتفاااااجئ بالبانشي متجه عليهم مامداه يوخرها والا يدعمهم ويكسرهم المرأه توفت بنفس الوقت نزيف بالراس رحمها الله والرجل اخوها طاح بالارض مايقدر يمشي كان يزحف زحف لأخته الكبيره وينصدم فيها ماتد ولا في اي نبض... وصلت الدوريات والاسعاف نقلو الرجال الي اصيب بكسور في الساق والحوض ونزيف داخلي وسايق البانشي الجاني .والذي اصيب بكسر في يده اظن.... ونقلت المتوفية من قبل الادله الجنائية الساعه 10 والحادث صار الساعه 7 ............................................................. هذه القصة الحقيقية فيا اخي الكريم فيصل الحمراني اقول لك ولكل صاحب لسان وقلم قول الرسول صلى الله عليه وسلم"كفا بالمرء كذبا أن يحدث بكل ماسمع" المرأه اولا ليس لديا أولاد عندها بنات سويت راكبه البجي مع ابنها ..! هذي وحده(1) والمرأه سياره ما تسوق وسويتها تسوق بجي!(2) والمرأه بناتها تخاف عليهم من مرور البجي صوبهم بس وسويتها راكبه بجي!(3) والمرأه كبيره بالسن فوق ال 50 من عمرها وأم وزين منها تمشي سويتها راقبه بقي ورادفه ولدها مادري رادفها !!! والرجل كبير عمره تقريبا ال40سنة وابو عيال سويتة راكب بقي ورادف امه ! واهي اخته الكبيره وحب يمشي معاها . وغيره وغيره وغيره وللأسف الشديد ان الجاني ماعليه حراسه ولا شي !! وين الداخليه ؟ اذكر قبل فتره واحد دعم واحد وانقلب ولا صار فيه شي والسايق كان عليه حراسه شديده بالمستشفى لانه طالع من الاشاره الحمرا !!! والحين هذا سايق بانشي ويذبح الحرمه ويصيب الرجال بالإعاقه وينومة المستشفى ولا عليه اي حراسه ؟ هل هذا بسبب توصيات !!!!! تمهيدا لتطميم السالفه وقلب الحقائق والجريده ماتكتب الخبر الصحيح وتطلع الغلطان من دون غلط وكأنه غلط مشترك؟ والمصيبة الاكبر انه لما طلب من الجريدة بتصحيح الخبر الخاطئ ترفض الجريده وتقول الشيخ قالنا كتبوا !!!!!! ويقول الصحفي دقو على الشيخ الشيخ يقول الي يبي يغير الكلام يدق علي كلام من غير منطق اظن الموظوع مايستاه ل رفع قضية اذا الواحد تفهم غلطه وصحح خبره نقله من غير تثبت وبعجله من اجل السبق(الكذب)الصحفي واذا اخذ الامر ودي لكن بسبب العناد وعدم اعتذار الجريده عن نقل الخبر الصحيح اقول لك يا صفحي الناس تدعي عليه في أوقات الدعوه فيها مجابة ودعوة المظلوم مجابه وانت ظالمهم بكلامك هذا ولا تحب دعاوي الناس تصيبك واسال الله ان يرحم الأم برحمته الواسعه ويسكنها فسيح جنانه ويشفي الرجل ويقومه بالسلام واسال الله ان يفكنا ويفك الديره من هالبانشيات الي يتمت ناس .
انا لله وانا اليه راجعون رحم الله الفقيده والهم اهلها الصبر والسلوان الله يلعن البانشى والبقى والسياكل ولعنه على من يبيعهم ويتاجر فيهم
رحمها الله وهدى الصحفيين لنشر الحق الله يرحم الفقيدة ويقبلها فى الصالحين ويصبر بناتها وكل اهلها ويرحمنا اذا صرنا الى ما صارت اليه يا اخوة المشكلة مو بالسياكل والبقى المشكلة فى روح الاستهتار والجراة على الغلط اللى صارت سمة الكثير من شبابنا والسبب هو التقليد الاعمى لسيئات الغرب المنحل يا ريت نقلدهم بايجابياتهم ونعتز باخلاقنا ودينا اما جريدة الوطن فانا والله يعلم لا احبها ولا احب مجمل اسلوبها احس انها تميل للتحريض والتهيج وفؤاد الهاشم الله يهدينا ويهديه كثيرا من الاحيان ما يتهجم ويستخف بالقيم الاسلاميه الله يهدى الجميع ويقينا الفتن
لا حول ولا قوة الا بالله بارك الله فيك متداول على التنبيه والله ياجرهم في مصيبتهم ويصبرهم اما جريدة الوطن يستاهلون من يقاطعهم على هالكذب زادوا مصيبة العايلة مصيبه وخلوهم سالفه بحلوج اللي ما يخافون الله مالهم غير الله ثم المحكمة والرياجيل اللي فيها خير مثلك بارك الله فيك حتى ياخذون حقهم. لا حول ولا قوة الا بالله
انا لله وانا اليه راجعون رحم الله الفقيده والهم اهلها الصبر والسلوان السلام عليكم ورحمة الله وبركاتة حبيت اعقب على كلام الاخ abbass على ان كل المشاكل من الغرب....... لا يا الغالي هذا كلام غير صحيح وغير منطقي ..... المنطق يقول من مستفيد من ادخال البقي والسياكل للبلد بدو ترخيص او رقابة هل هي امريكا او الاتحاد الاروبي او مخلوقات من الفضاء ؟؟؟؟؟؟؟ هل رأيت شخص في لندن او بروكسل او واشنطن او لوس انجلس او دبي او قطر او مسقط او المنامة يسوق بقي يعمل حركات بهلوانية بكل استهتار امام كل الناس بدون رادع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ياريت واحد يجاوبني علي بعض علامات التعجب التي تحصل بالبلد ؟ انا اسف اخي abbass بس المشكله فينا ولازم نصلح انفسنا قبل ان نتهم الاخرين . وانا معاك الغرب لا يتمني لنا الخير وهذا واضح وضوح الشمس . اما جريدة الوطن مايهمها من مات ومن خسر ومن انهار المهم البيع والتوزيع حتى لو كان على حساب المواطن ............. انا لله وانا اليه راجعون
يقول الله سبحانه وتعالى بعد بسم الله الرحمن الرحيم "يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين" (الحجرات: 6) فهذا حال كل الوسائل الاعلامية بدون استثناء
نفس الشي صار قبل كم أسبوع واحد من الربع سوا حادث في شارع البدع صاحبنا كان يمشي في حارته على راحته ، واحد من الشارع الثاني مسرع دش بالرصيف و دش بصاحبنا يعني دش فيه رونق سايد وطبعا صاحب السيارة اللي داشه رونق سايد توفى الجريدة كاتبه الخبر إن صاحبنا اهو اللي خاطر الرصيف وداش بالثاني!!
السبق الصحفي التثبت من المعلومات أمر في غاية الأهمية لان في حال طلعت المعلومة خطأ سيترتب عليه التالي : 1 - التشهير بالناس وهو أمر يدعو للغضب ( 2 - وتشويه صورة الناس 3 - فقدان المصداقية للجريدة . وبصراحة اقول اقرأ الجريدة بس صدق بنسبة 50% لان نصها كلام غير دقيق أو مبالغ فيه أو كذب .ولا تصير طيب تصدق كل شيء تقراه وتروح تسولف فيه .
آمين يارب العالمين الله ينتقم من الظالمين الكاذبين الحاقدين ويزيد الأمر سوء لما ننصدم في تلاعب بالتحقيق وقلب الحقائق لكن ربك لهم بالمرصاد ولله الحمد يقيض من يقف بوجه الظالم ======= مادري شنو مصلحة احد المحققين لما يحاول قلب الحقائق لتبرأة الجاني وجعل المجني عليه هو الجاني ! لكن لله الحمد في ناس صاحيه وترد الله يكثر من امثالهم اما الكاتب هذا الحمراني يزداد سوء وعناد ويسند على الشيخ ويقطها بظهره ويقول هو من قال لي اكتب وانا جايب التقرير من وزارة الداخليه والتقرير والتحقيق الصحيح متحفظ عليه عند النيابه بعكس مايقول ويثبت بان المره والرجال يمشون واتى الشاب بقيادة البانشي ودهسهم وتسبب بالوفات والاعاقه للرجل والله يلطف ويسهل
تم تصحيح الخبر اليوم بجريدة الوطن (ص83) تحت عنوان .. توضيح من ذويها : الفقيده توفيت بعدما صدمها "بقي" و لم تكن تركبه مع شقيقها .
لما تدخل وزير الأعلام بعدم رفع قضايا على الصحافه لما وضعت تنويه الوطن لا وتنويه وليس اعتذار !!!!!! لكن ربك يمهل ولايهمل لا والكاتب الحمراني رافع خشمه مرده بينذل عند رب العالمين وله يوم. والقبس كاتبين اليوم تصحيح للخبر كذلك جزاهم الله خير وسوف يذاع بالراديو. في برنامج صباحي ويوم الخميس الساعه 12 من قبل وزار الداخليه برنامج سوف يتم تصحيح الخبر لانه من قبل اذاع بالرايدو خطأ من قبل الداخلية . الله المستعان والله يكفينا شرهم
المقال تاريخ النشر: الاربعاء 14/2/2007 تعليقات القراء - التعليقات تمثل رأي صاحبها فقط ولا تمثل صحيفة الوطن http://www.alwatan.com.kw/Default.aspx?MgDid=468748&pageId=163 أضف تعليقك
