ستقام مسيره يوم الاحد 25/2شكر وعرفان لسمو الشيخ سالم العلى الصباح 0وندعوكم بالمشلركه

[wwwQ8]

في تمام الساعه العاشره صباحا



نطالب الاخوه والخوات المشاركه بالمسيره لشكر سمو الشيخ سالم العلى الصباح اطال الله عمره
ونشكره لتبرعه السخى الكبير لشعب الكويت نعم يسمو الشيخ سالم وصلت كلمتك لشعب يستحق الكثير والكثير وتستحق الدعاء

نعم هذى التبرع السخى والكبير 100 مليون دينار
ودعاك الله ذخر للكويت واهل الكويت

 

[صقرالبحر]

بييه شدعوة مو شايفين خير احنا ؟ قصدي ككويتيين

اذا هذي زكاة فماله شكر لان الزكاة كل واحد يخرجها غصبن عليه
واعتقد انها زكاة مو تبرع فالمال في هذي الحاله مال الله مو مال سالم العلي
اليمن توهم قابضين من الكويت 200 مليون ماشفنا مسيرات
وبنغلادش مليار دولار ماشفنا مسيرات منهم
اذا بتطلع مسيره اطلع عشان فلوس الكويت هذي اللي راحت واخرتها يبكون ويقيمون مجالس عزاء حق صدام

شدعوة مسيره ؟ شصاير

 

[فهد الفهود]

انا اقترح انه نسجد له يدام قصره !!!!!!!!!!!!

 

[طير شلوة]

المسيره هذي اسمها تربط عصاعص

 

[wzer]

ما ادرى شقول وبنفس الوقت ما اقدر اطوف الموضوع
ولذلك افضل كلمة اشوفها مناسبه للرد على الموضوع
لاتعليق

 

[ALMFJR]

انا اقترح انه نسجد له يدام قصره !!!!!!!!!!!!

اخوى وضح كلامك للى يقراه لأن وقف مخى مع جملتك اللى كتبتها منو اللى نسجد لة ويدام قصرة؟؟؟؟؟؟؟؟ يمكن طايفنى شى وانا مادرى
صاحب الدعوة انا مانى معاك بالمسيرة ولكن بصراحة يجب شكر شيخنا سالم العلى بس مادرى شلون شوف غير هالطريقة واحنا معاك

 

[سعد الاسعد]

انا اقترح انه نسجد له يدام قصره !!!!!!!!!!!!

ياشين السرج على البقر
هههههههههههههههههههههههههههههههه

 

[Champion]

يدام ؟ يعني جدام ولا شنو ؟

 

[mercury]

ياشين السرج على البقر
هههههههههههههههههههههههههههههههه

صدقت ياخوي

 

[SMoOoKY]

وشحقه....؟ بس ليش فكر يتبرع وهو وينه طول السنين الي فاتت...بسكم فشلتونا ياناس.....صرنا بنظر الناس العن من بعض الجنسيات ((ماني محدد))....ندور الفلس لو تحت الارض....الي يقول احنا مو اهل خير ونعمه.....حمدوا ربكم ياناس......صرتوا مثل قردة السيرك الي يطقلكم دف ترقصوله.....بس مانقول الا الله يعينكم على مابتلاكم من مرض نفسي....وين الله يغنيكم وانتوا هذي حياتكم....

فلوسه لو حاطها بحساب القصر ودار الايتام الف مره ابركله من انه يصرفها لبيت الزكاة ويخلي الناس كلها تتعشم...وبتشوفون الواسطات وحب الخشوم لوين بيوصل....

لاحول ولاقوة الا بالله .....
الله المستعان......

**ليسمحولي اخواني المشرفين بس هالرد مانبع الا من حزن على حالنا وكأنه المنتديات محصوره على الكويتين مايدرون انه كل العالم يقدر يدخل ويشوف هالكلام الي ينكتب وينقال....

 

[aziz777]

دام فيها بيت الزكاة والواسطات لا بالله توهقو الي سلمو انفسهم حق التنفيذ المدني....

 

[Falcon]

أولا الحمدلله على نعمه الكثيرة
واللي عمله الشيخ طال الله عمره ما هو الا عمل خير...عسى يتقبله الله و يجعلة من نصيب حسناته...
الكويت تستاهل و هم الكويتيين بجميع طوائفها يستاهلون...
-----------------------------------------------------------

مو أحسن من الاشاعات.... مرة راح يعطون معاش دبل ..... ومر راح يعطون ألف دينار لكل كويتي ........و مرة راح يعطون أسهم صاروخية ..... و وو وو

الظاهر احنا نعيش في عصر الاشاعات و مصدرها معروف وواضح ...

والله كريم

 

[boalons]

انا اقترح انه نسجد له يدام قصره !!!!!!!!!!!!

الله يهديك شهالحجي

 

[F16]

الله يجزاه خير سواء كانت زكاه او صدقه على الاقل سمها بسم المحتاجين من الكويتين احسن من لى يشبع جاره ويجوع اعياله 0

 

[Abdulazeez]

الله يجزاه خير سواء كانت زكاه او صدقه على الاقل سمها بسم المحتاجين من الكويتين احسن من لى يشبع جاره ويجوع اعياله 0

وهذا هو الحاصل تقريبـا​

 

[bo_walid]

انا اقترح انه نسجد له يدام قصره !!!!!!!!!!!!

يمكن قلتهـا بحسـن نيــه السجود فقط لله سبحانه وتعالى فستغفر ربك