سوق الاجل .....علي اي اساس تختار السهم ....؟؟؟

[الوزير1]

السلام عليكم ورحمه الله وبركاته
تحية للجميع .............
حبيت اتناقش مع الاخوان بالمنتدي حول موضوع الاجل وكيفية اختيار السهم وعلي اي سعر يتم الشراء به ........
فالمشاهد لكميات الاجل نلاحظ عدة امور :
اولا : كميات الاجل ضخمة علي بعض الاسهم مثل المجموعة د..العقارات المتحدة ....وكثير من الاسهم
ثانيا : اغلب الشركات او كلها تقريبا عليها اجل رغم ان بعض هالاسهم ليس عليها حركة تداول
فالمتداول بالسوق يا أما انه بنفسه عنده أجل او شراء اجل بالسابق او يعرف احد عنده سهم أجل
>>>>>>>>>>>
فسؤالي بالموضوع ::كيف وعلي اي اساس تختار اي سهم بالاجل ؟؟؟؟؟؟؟وهل تحقق لك ارباح او خساير للمتداول بالاجل ....وما سبب ذلك ؟؟؟
ارجو من الاخوان المشاركة علي الموضوع للفائدة فقط ....وابداء الراي
اخوك الوزير1 ​

 

[fawaz74]

وعليكم السلام...ابعد عن الاجل وغني له واذا ماعندك سيوله تغطي الاجل بأي لحضه انت متهور وسلمت رقبتك للقصاب...وعلى طاري المجموعه الدوليه تقريبا 25 مليون سهم اجل على اسعار فوق 500 فلس يعني داشين القرقور وناطرين معجزه تنقذهم

 

[الوزير1]

وعليكم السلام...ابعد عن الاجل وغني له واذا ماعندك سيوله تغطي الاجل بأي لحضه انت متهور وسلمت رقبتك للقصاب...وعلى طاري المجموعه الدوليه تقريبا 25 مليون سهم اجل على اسعار فوق 500 فلس يعني داشين القرقور وناطرين معجزه تنقذهم

السلام عليكم
هلا اخوي فواز ......
ليه الابتعاد .....بدون ذكر السبب
ما الاسباب انك ذكر المجموعة د انها عليها اجل علي اسعار 500 فلس
الصورة اللي تشوفها سوداء بالاجل .....
ليه ما تشوف الاجل اللي علي الوطنية للاتصالات 30مليون سهم اجل علي اسعار 2500 بقيمة 100مليون دينار والحين السعر 3100
اخوي فواز كل واحد يحط سعر شراء معين للشراء وسعر بيع معين للربح او الخسارة
وألا اشرايك
اخوك الوزير1 ​

 

[Master-Leo]

انا اتفق ويا اخوي فواز بخصوص الأجل اللي مايعرفله عدل

ولايعرف ناس ثقه يعطونه معلومات 100% عن اختيار الشركة

فلايقرب صوب الأجل ويخليه على السوق الرسمي

وبمناسبة الحديث عن الأجل عندي سؤال من باب الاستزاده بالمعرفه

اللي عنده آجل يستحق توزيع الارباح أم لأ وشلون حسبتها اذا كان يستحق؟

 

[الوزير1]

انا اتفق ويا اخوي فواز بخصوص الأجل اللي مايعرفله عدل

ولايعرف ناس ثقه يعطونه معلومات 100% عن اختيار الشركة

فلايقرب صوب الأجل ويخليه على السوق الرسمي

وبمناسبة الحديث عن الأجل عندي سؤال من باب الاستزاده بالمعرفه

اللي عنده آجل يستحق توزيع الارباح أم لأ وشلون حسبتها اذا كان يستحق؟

هلا بالملك
وانا بعد وياكم بالابتعاد عن الاجل عن اللي ما يعرفه
بس الفائدة للموضوع المعرفة للكل .......
لان بعض الاخوان يدخلون بالاجل دون معرفة بس معاهم معاهم عليهم عليهم (اشرايك بالحكمة (
اوكي سؤالك بموضوع الاجل حلو للمعرفة :
صاحب الاجل يستحق الارباح ىوزيادة راس المال لو موجوده ...
اخوك الوزير1​

 

[المضاربه فن]

أخوي الوزير1
السلام عليكم
بالنسبه للأجل أنا يمكن أكثر شخص تدمر منه وصارلي ثلاث سنين ما ربحت ولا ربع دينار بسبة الأجل .
الاساب
الطمع أغلب الي يدش أجل يكون طماع ويبي الغني بسرعه والأعتراف بالحق فضيله ولكن كل واحد وحسب ظروفه
يعني ما يجيب راسك ألف ولا ألفين دينار تبيلك ضربات قويه!! ما أقولك ما تصير بالعكس تصير بس أذا كان عندك معلومه قويه أو شنص قوي.
وصدقني أبتعد عنه ولا تدش ألا وانت متأكد من معلومه ومضمونه ؟
وصدقني قليل دائم ولا كثير متقطع
والسلام عليكم ورحمة الله وبركاته​

 

[Master-Leo]

وصدقني قليل دائم ولا كثير متقطع والسلام عليكم ورحمة الله وبركاته​

هذي اهي المفروض سياسة المضارب القنوع اخوي الجنتل

القناعه بالقليل لو كل اسبوع تربح 100 ترى هذي 400 بالشهر

و في سنه ممكن توصل 4000 دينار ليش لأ


وانا وياك اخوي الوزير مثل ماتفضلت فيه ناس تاخذ آجل ومالهم

خبره فيه بس ياخذونه من كلام ناس آخرين ..... وهذا اللي يسبب الخساير

 

[fawaz74]

السلام عليكم
هلا اخوي فواز ......
ليه الابتعاد .....بدون ذكر السبب
ما الاسباب انك ذكر المجموعة د انها عليها اجل علي اسعار 500 فلس
الصورة اللي تشوفها سوداء بالاجل .....
ليه ما تشوف الاجل اللي علي الوطنية للاتصالات 30مليون سهم اجل علي اسعار 2500 بقيمة 100مليون دينار والحين السعر 3100
اخوي فواز كل واحد يحط سعر شراء معين للشراء وسعر بيع معين للربح او الخسارة
وألا اشرايك
اخوك الوزير1 ​

عدل كلامك بس الاجل الي حاصل بسوقنا ومنتشر بين الناس هو عندك مبلغ ادفع كل فلوسك واخذ سهم وانتظر عشان تفسخ العقد باول فرصه وهذي مغامره والسوق مايرحم انا كل كلامي بخصوص الناس العامه مو المتابع اليومي المحترف

 

[أبوجاسم]

اخي العزيز ماينطبق على اختيار السهم بالسوق الرسمي ينطبق عليه بالاجل مع الاخذ بالاعتبار مده سريان العقد وتلك هي خطوره الاجل (تحديد المده) على الرغم من الربح المضاعف بالاجل فكذلك الخساره مضاعفه وقد تكلفك كامل المبلغ فى حالات تراجع السوق او انهيار السهم .

 

[الوزير1]

أخوي الوزير1
السلام عليكم
بالنسبه للأجل أنا يمكن أكثر شخص تدمر منه وصارلي ثلاث سنين ما ربحت ولا ربع دينار بسبة الأجل .
الاساب
الطمع أغلب الي يدش أجل يكون طماع ويبي الغني بسرعه والأعتراف بالحق فضيله ولكن كل واحد وحسب ظروفه
يعني ما يجيب راسك ألف ولا ألفين دينار تبيلك ضربات قويه!! ما أقولك ما تصير بالعكس تصير بس أذا كان عندك معلومه قويه أو شنص قوي.
وصدقني أبتعد عنه ولا تدش ألا وانت متأكد من معلومه ومضمونه ؟
وصدقني قليل دائم ولا كثير متقطع
والسلام عليكم ورحمة الله وبركاته​

السلام عليكم
الله يعينك اخوي الجنتل 1
لتوصيل معلومة اول شئ :
انا خسران بالاجل بالمجموعة د +بترو غلف
بس من زمان بعت واشتغل بالمضاربة
فقط ...وكنت احذر الاخوان عن الاجل
هذه للمعلومة فقط لان السوق هالفترة الماضيه كل واحد يصيح باي دوله ينزل السوق بقوة ومثالها :
1-حرب لبنان .....مدري شنو العلاقة
2- تحييد اسهم الشركات
3- استقاله الركيبي
4- مشكله المخازن وربعها
5 - وباقي الامور اللي تهز السوق بقوة
بس هالفترة السوق قاعد يريح وفي اسهم سعرها معقول
>>>>>>>>>>>
ولذلك عنوان الصفحة
علي اي اساس تختار السهم في سوق الاجل
لمحاولة منع الخسارة او التقليل منها في قدر الامكان او الامتناع عن الاجل بالاصل
>>>>>>>>>
وبصراحة استفيد من كلامك عن الاجل بوجود الطمع الكبير عند المتداول يعني :
انت كنت تربح ربح قليل بالاجل بس ما تبيع وتطمع بالزيادة وتخسر اكثر
اخوك الوزير1 ​

 

[الوزير1]

هذي اهي المفروض سياسة المضارب القنوع اخوي الجنتل

القناعه بالقليل لو كل اسبوع تربح 100 ترى هذي 400 بالشهر

و في سنه ممكن توصل 4000 دينار ليش لأ


وانا وياك اخوي الوزير مثل ماتفضلت فيه ناس تاخذ آجل ومالهم

خبره فيه بس ياخذونه من كلام ناس آخرين ..... وهذا اللي يسبب الخساير

هلا اخوي الملك
اتفق معاك في القناعة وعدم الطمع .......
>>>>>>>>>>>>
سؤال ليه ما تكون قنوع في الربح القليل بالاجل نفس القناعة اللي عندك في السوق النقدي ؟؟؟؟؟؟؟؟؟
اخوك الوزير1 ​

 

[الوزير1]

عدل كلامك بس الاجل الي حاصل بسوقنا ومنتشر بين الناس هو عندك مبلغ ادفع كل فلوسك واخذ سهم وانتظر عشان تفسخ العقد باول فرصه وهذي مغامره والسوق مايرحم انا كل كلامي بخصوص الناس العامه مو المتابع اليومي المحترف

السلام عليكم
يعني القصد من كلامك كل واحد عنده فلوس اخذ سهم اجل حتي تفسيخة عليه ...........مع تحمل الخسارة الكامله
هذه هي الفائدة من الموضوع للنصح والتنبيه علي خطورة الاجل
اخوك الوزير1 ​

 

[الوزير1]

اخي العزيز ماينطبق على اختيار السهم بالسوق الرسمي ينطبق عليه بالاجل مع الاخذ بالاعتبار مده سريان العقد وتلك هي خطوره الاجل (تحديد المده) على الرغم من الربح المضاعف بالاجل فكذلك الخساره مضاعفه وقد تكلفك كامل المبلغ فى حالات تراجع السوق او انهيار السهم .

السلام عليكم
هلا اخوي ابو جاسم
جزاك الله خير علي موضوعك التغيير في نسبة الملاك
في البداية :
كل شئ في حسابه اللي يدور الربح المضاعف يتحمل الخسارة المضاعفة (اشرايك بالحكمة )
اخوك الوزير1 ​