بطلب شغلات من الانترنت

bo_walid

عضو نشط
التسجيل
22 يناير 2006
المشاركات
713
الإقامة
الكويـــت
كيف حالكم شباب
شباب ابي اطلب جم شغله من الانترنت بس ماعرف الطريقه يعني شلون ايبونها على عنوان البيت وله صندوق البريد وله شنو بالضبط مثل ماتعرفون احنا عندنا البريد تعبان حيـــــــل
ممكن تفيدوني رحم الله والديكم
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
هلا بو وليد أنا اقدر افيدك الكثير بهذا الموضوع لكن قولي

اخوي شنو نوعيه الطلبات أو شنو المواقع اللي تبي

تطلب منها وهل الشي مسموح بدخوله الكويت أم لا

اذا تحب اكتب هني او دزلي بالخاص على راحتك
 

Dublin

عضو نشط
التسجيل
22 مايو 2006
المشاركات
313
الإقامة
kuwait
اشترك في اراميكس
دق على 808080 واطلب رقمهم
واستفسر عن التفاصيل
:)
 

FreeTrader

عضو محترف
التسجيل
15 سبتمبر 2005
المشاركات
9,705
الإقامة
الكويت
شنو ارامكس ؟

شركه يابو وليد للنقل البريدي مثل DHL


يعتمد يا بو وليد على نوع البضاعه الي تبيها ووصلونها لك اغلب المواقع الى عنوان البيت باليد
بس انت قول شنو نوع البضاعه الي تبيها
 

متداول اسلامي

عضو مميز
التسجيل
7 أكتوبر 2005
المشاركات
2,099
الإقامة
في الميتاستوك
اي والله يابووليد نفس السؤال ونفس الي ودي فيه
كنج ليو ودبلين وفريتريدر

عن نقسي بطلب مثلا ساعات اقلام ملابس الكترونيات صغيره ومن الامور هذي
او اثاث شغل قطعه صغيره او مفارش او كرسي
مثل الامور هذي
هل لازم اول شي اطلع لي فيزا خاصه حق الانترنت للمواقع
وهل مفتوحه ولا فيها لمت محدد ؟
اكثر المواقع يطلبون اما ماستر كارد او فيزا
طبعا مايصير الكي نت العادي مال بيت التمويل صح؟

اطلب من امازون ومن إي بيي وبعض المواقع المشهوره الامنه ..

شرايكم
اول اطلع لي فيزا وبعدين اشترك بارامكس ولا شلون الطريقة
.........
صج الجهل في شي مثل الي يعيش في الضلام
والعلم نور:)
الله ينور دنياكم واخرتكم
 

bo_walid

عضو نشط
التسجيل
22 يناير 2006
المشاركات
713
الإقامة
الكويـــت
اي والله يابووليد نفس السؤال ونفس الي ودي فيه
كنج ليو ودبلين وفريتريدر

عن نقسي بطلب مثلا ساعات اقلام ملابس الكترونيات صغيره ومن الامور هذي
او اثاث شغل قطعه صغيره او مفارش او كرسي
مثل الامور هذي
هل لازم اول شي اطلع لي فيزا خاصه حق الانترنت للمواقع
وهل مفتوحه ولا فيها لمت محدد ؟
اكثر المواقع يطلبون اما ماستر كارد او فيزا
طبعا مايصير الكي نت العادي مال بيت التمويل صح؟

اطلب من امازون ومن إي بيي وبعض المواقع المشهوره الامنه ..

شرايكم
اول اطلع لي فيزا وبعدين اشترك بارامكس ولا شلون الطريقة
.........
صج الجهل في شي مثل الي يعيش في الضلام
والعلم نور:)
الله ينور دنياكم واخرتكم

اللــــه يامتداول أسلامي كيف حالك وشلونــك مالي خبر فيك من زمـان :)
بخصوص الفيزا انا عندي فيزا الي تصير شلون ادق عليهم اقولهم حطو فيها المبلغ المعيـن ويحطونه فيها واستخدمها .
اما بخصوص ارامكس دقيت عليهم وقالي تفتح عندنا بريد مشعارف ايش مدى الحياة بسعر 10.750 د.ك بريد عاد يكون بمريكا ونت ليمن تبي تشتري تسجل رقم البريد الي بل ارامكس الي بمريكا وبس :)
بس الي ماعجبني بهشغله ياخذون على نص الكيلو 1.5 د.ك مادري دينارين ونص مو هذا الي يوهقك انته ليمن تبي تطلبها ماراح تعرف جم وزنها .حلاته تطلبها من الموقع ويحسبها لك جم توصل البضاعه داخل الكويت احسن من الدندره .
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
السلام عليكم

آسف جدا لتأخري بالرد عليك اخ بوليد اسمحلي كنت مشغول جدا اليوم

بالنسبه لاستفسارك

أولا اذا كنت تبي تطلب شغلات من أمريكا أو لندن فممكن تفتح حساب

من شركة توصيل اسمها ارامكس . شلون طريقتهم اشرحها لك الحين :

- يفتحون لك حساب يسمونه shop and ship

- قيمه الحساب اعتقد بين 9 الى 18 دينار غير متأكد

- الطريقه مالتهم انهم يفتحون لك صندوق بريد في امريكا وفي لندن اذا

تحب وطبعا من تدخل أي موقع الكتروني وتطلب بضايع فراح تحط عنوان

صندوق بريدك اللي في امريكا اذا كان الموقع الالكتروني امريكي

أو تحط صندوق بريدك في لندن اذا كنت في موقع بريطاني .

- اذا طلبت من أمريكا تقريبا ياخذون وقت من 7 الى 10 أيام توصيل للكويت

ويوصل لك الى باب البيت واذا من لندن تقريبا 5 - 7 ايام .

- احذر من طلب شي ممنوع لأن الجمارك ممكن يصادرونه منك

- لاتطلب ذهب أو مجوهرات لأن هم ممكن تتصادر واسأل فيها ارامكس احتياط .

- المقر لشركة أرامكس في منطقة العارضيه هذا رقمهم 4345444 دق

عليهم وقولهم شلون الطريقه أبي افتح وياكم

حساب shop and ship فيقولون لك شنو تسوي .

- أي استفسارات أخرى للأخوان الأعضاء حاضرين :)
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
وقبل لا انسى احب اضيف ان صح يحاسبونك على الوزن

أول نص كيلو ياخذون منك دينارين ونص وبعدين كل زياده

نص كيلو ياخذون دينار و 750 فلس .

ميزة أرامكس انك تقدر تطلب اشياء أو بضايع لاتباع الا داخل

امريكا فقط فهذه هي الميزه لأن مايصدرون كل شي خارج امريكا

لكن بما ان ارامكس موفرين لك صندوق بريد في امريكا فالعمليه

تصبح أسهل :) مو جني سويت لهم دعايه هههههه
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
اخر شغله احب اضيفها ... دير بالك تطلب بضاعه ضخمه

بقصد المتاجره ترى ماتطوف الا ومجمركين عليك جماركنا :)

تبي تطلب للمتاجره اطلب اشياء بسيطه وقليلة الكمية

وآسف للاطاله اللي يحب يستفسر بعد حاضر :)
 

شاطر

عضو نشط
التسجيل
27 أكتوبر 2003
المشاركات
355
الإقامة
KuwaiT


ماشاءالله عليك King-Leo

.. من طـأطـأ للســـلام عليكم .. :D

مافكرت أشتري بالانترنت بس من كلامك بفتح حساب عند أرامكس وأدورلي شغله اشتريها .. :)

الله يعطيك العافية وعساك على القوة
 

Abdulazeez

عضو نشط
التسجيل
7 سبتمبر 2004
المشاركات
5,643
الإقامة
Kuwait
السلام عليكم

أهم نقطه للأخوان ebay و Amazon صفحات للبيع وللعرض يعني أي شركه أو فرد يبي يبيع يحط سلعته هناك .

وأهم شيء الأخوان الي يقولون أن بهل الموقعين فيهم أمـان فهو مخطأ 100% لأنك لما تطلب من فرد يمكن ما يرسل لك الشغله بعد ما يستلم فلوسه وإذا تعتقد أن إدارة صفحة الموقعين بيوقفون معاك فماراح يسوون شيء ، وأنا من خبرتي خلال آخر 9 او 10 سنوات طلبت أكثر من 200 طلب عبر الإنترنت من أوروبا والولايات المتحده خاصه ومثل ماكو حراميه هني هم عندهم هم محتالين ، أهم شيء تتأكد أن صاحب الشغله المعروضه حاط بيانات عن نفسه من رقم تلفون أو عنوان وأهم نقطه أن تقييمه يكون عالي أو 5 نجوم ، وعاده دام أنك مشتري دولي تقريبا غالب الشركات ما توافق على الفيزا ويمكن يطلبون حواله ماليه Wiretransfer ، لا تقول أنك راح تشحنها داخل إمريكا وراح يقبلون visa كويتيه، بس هم راح يطلبون طريقه للدفع وراح يعرفون من وين أنت ، ووضح لهم أنك راح تدفع من الكويت مثلا وراح تشحن القطعه داخل إمريكا مثلا حق ولاية نيويورك ، وإذا الشركه جيده راسلهم أو أتصل على خدمة العملاء وأطلب منهم وحاول تقول لهم أنك تبي يشحنون القطعه حق دولتك وأنا أكثر من مره كانوا يرفضون بس لما أكرر شرائي منهم يدرون أنك أصبحت مشتري وعميل لهم وراح يوافقون 80% أنهم يشحنونها حق دولتك حتى لو ما يتعاملون بالشحن خارج إمريكا ، لا تشتري شيء مو متأكد منه عشان ما ترده وإقرأ شرو طالشراء للشركه أو صاحب العرض وتأكد إذا حاط ملاحظه إذا كانت مستعمله أو جديده أو مجدده مثل أجهزة الكمبيوتر وأسأل عن الكفاله إذا خرجت القطعه خارج إمريكا .

بصراحه كان تعاملي 70% أجهزة كمبيوتر وملحقاتها 20% أجهزة الكترونيه 5%كتب 5% أشياء مختلفه . وإذا شريت شيء من الــ ebay تأكد من الدوله ممكن تكون القطعه معروضه بإمريكا بس يقول لك الشخص حول المبلغ لدوله ثانيه وهذولي 99.9% نصابين يكونون ، وللعلم هناك أعتقد 4 دول لا تشحن لها ولا توافق أغلب الشركات أنها تشحن لها شيء أو تتعاون معاها ولو بمليون دولار ، ليس السبب من أمور سياسيه أو شيء والدليل بعضهم يرضى يشحنه حتى حق أفغانستان ولكن في دول مثل أندونيسيا مثل يعتبرون تجارها نصابين وما يحبون الإمريكان التعامل معاهم .

أغلبهم يرضى أنك ترجع أي شيء شريته بس الشحن عليك وراح يخصمون أعتقد حسب الشركه ما بين 10% إلى 20% من سعر شراءك وهذولي أغلبهم شركات كمبيوتر أو أجهزة الكترونية بس .

إذا شريت أكثر من كم قطعه لشيء معين فعادي أنهم يخصمون لك نسبه بدون ما تطلب أو بعد ما تطلب ، يعني عادي تكاسرهم .

هذا كل ما أتذكره الحين :)

ولأي سؤال أنا حاضر .. مع السلامه
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
يعطيك العافيه اخوي عبدالعزيز على مشاركتك

وبالفعل موقع E-bay ماهو ثقه 100% خصوصا

ان البياعين اللي فيه قد يكونون محتالين لذلك

انا ماجربته ولا راح أجربه لكن موقع امازون حمدلله

من اكثر من 7 سنوات وانا اطلب منه وما صارت لي

أي مشكله أو احتيال معاهم لأني لما اطلب أتأكد

ان الشراء يتم عن طريق موزع معتمد منهم أو مشارك معاهم

يعني ماطلب من البضاعه من أشخاص :)
 

Moshaks_777

موقوف
التسجيل
26 أكتوبر 2005
المشاركات
3,518
الإقامة
الكويت
أنا صارلي 6 شهور أبي اطلب نوكيا N95 ومولاقي ،، ممكن أحد يفيدني ؟؟
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
طلبك صعب اخوي مشاكس :) دورت بالنت انا بعد

ومالقيته من وين طايح عليه ههههه بس خوش جهاز شكله

حلو ومواصفاته قويه جدا مثل الكاميرا وضوح الصورة 5 ميغا بكسل !
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
أعلى