مضارب جديد واطلب مساعدتكم

مشعل^الكويت

عضو نشط
التسجيل
26 فبراير 2007
المشاركات
10
يا اخوان انا مضارب جديد بالعملات وودي اعرف وين شركات الوساطه الموجوده بالكويت واي شركه تعتبر الافضل واذا ممكن اعرف وين يقيمون دورات لتداول العملات اكون شاكر لكم واتمنى مساعدتكم لي باسرع وقت شكرا" لكم
 

أوتاد

عضو نشط
التسجيل
20 يناير 2006
المشاركات
535
الإقامة
الكويت
السلام عليكم ورحمة الله وبركاته...

شركات الوساطه اللي اعرفهم ,,,

الشركه السويسريه ...
شركة ملك التداول ...
شركة الوفره...

الدورات..حسب علمي السويسريه عندهم دورات ..بس مو بشكل دائم..
وماانصحك فيهم...

بالنسبه لأفضل شركه ...

فـ السؤال هو...
انت بتضارب لنفسك او بتعين احد يضارب بدالك...؟؟؟

عموما ...
اذا انت بتضارب لنفسك فـ اغلب الشركات عمولتهم مرتفعه ..
((اسأل الاخوان عن طريقة فتح حساب بالشركه الام بدون وسيط))
واقرأ الموضوع ..
http://www.indexsignal.com/vb/showthread.php?t=55833

اذا بتعين احد يضارب بدالك...
فـ اقولك ...معظم الشركات اذا مو كلها يعطونك ربح بسيط اول مره وممكن يعطونك ثاني مره ..وبعدها ...يقولون خسرت المبلغ..وهالشي صار معاي ومع غيري كثير ...

وللعلم الشركه اللي تعاملت معاها هي السويسريه ..

وشركة الوفره مامدحوها في المنتدى ...

**خذ وقتك وجرب في حساب الديمو قبل لاتفتح حساب حقيقي ...
الخساره مو بسيطه في هالسوق ابدا وشركات الوساطه اذا بتتعامل معاهم..تعامل بحذر ..

بالتوفيق ...
 

مشعل^الكويت

عضو نشط
التسجيل
26 فبراير 2007
المشاركات
10
السلام عليكم ورحمه الله وبركاته
مشكورين على الرد والاهتمام بالاجابه بس بغيت اسأل يا اوتاد شلون شركه الوساطه يقولون لي خسرت المبلغ وشنو مصلحتهم اذا كانو ياخذون عموله من عدد العقود ؟ وهل تقدر شركات الوساطه تحول المبالغ اللي بحسابي الى حساب شركه الوساطه نفسها؟ يعني يسرقوني ؟؟؟
 

أوتاد

عضو نشط
التسجيل
20 يناير 2006
المشاركات
535
الإقامة
الكويت
وعليكم السلام ورحمة الله وبركاته...

شركة الوساطه ماتقدر تحول المبلغ من حسابك لحسابهم...

اما شلون خسرت ..فـ الله اعلم انا هالحركه صارت معاي وصارت مع غيري
ممكن عدم اهتمام ...او قلة خبره ...

بس اذا انت تضارب لنفسك افضل بكثير ..واماان ...
 
أعلى