$$$$$$$$$$$$$ شــــــــاعـــر المـــــــليون $$$$$$$$$$$$$

[wazer]

مبرووك لمحمد بن فطيس المري ويستاهل

 

[السلامين]

مبروك لبن افطيس
ويستاهل
اما ما حصل هوا فقط توقع
وصح الخمسه كلهم كلمه حق يستاهلون المليون
لانهم كلهم مبدعين

 

[almoress]

يستاهل محمد بن فطيس


والبقيه فائزين في قلوبنا


وصورهم خالده في الذاكره


تحياتي

 

[مستثمردولي]

ألف مبروك يابن فطيس

وفوز الشاعر باللقب نجاح للبرنامج ولو مانجح يفقد المصداقية

ماني بمن ياتي و لا يدرى به
شطرٍ حفظته ما اعرف كتابه


شطرٍ يناسبني لمثل الليله
و آشوفني في ذا المكان أولى به


أباتكل بالله و نعمٍ بالله
اللي ما يوصد دون خلقه بابه


باقول و اللجنة تقيم قولي
و من كثرة الشعار ماني آبه


الحمد لله واثقٍ من روحي
و إن كنت ذيبٍ فالرجال ذيابة


ما أقول أنا أشعر واحدٍ في العالم
لكن قصيدي كفو و أنا ادرى به


الشعر جمعنا لو تفرقنا
حدودنا و ظروفنا الغلابة


الله يبيض وجه راعي الفكرة
عز الله انها تنحسب لحسابه


و الله يبيض وجه من يرعاها
محمد الله يحفظه لأحبابه


محمد ولد زايد عريب المجنى
ولي عهد الديرة الخلابة


الشعر تاريخٍ لنا من مبطي
و إعلامنا يوم السنين نهابة


الشعر بيتٍ و الوزن عمدانه
معناه طنب و قافيته حجابه


الشعر وادٍ فيه صيدٍ واجد
و كلٍ على الوادي يهج ركابه


و الأفكار صيد و كل شاعر قانص
و كلٍ يدسم شاربه مخلابه


أحدٍ خياله حر .. و أحدٍ وكري
و أحدٍ خياله كوبجٍ بقطابه


و أنا خيالي كل ما هديته
حول على الوادي و صاد عقابه


شاركت أمثل ديرتي و ربوعي
و كلٍ يمثل ديرته و أقرابه


و الله إلى الله راد و الله قاله
إني لاسلمها الفخر و كتابه


داري قطر و أنا هنا أمثلها
المجد مطلوبي و أنا طلابه


عهدٍ علي إني لاشرف داري
ترْك صبيٍْ ما يعز ترابه


شوفوا دمي من حبها عنابي
و حماستي من ضوها شبابه


شاعر خليجي و العروبة بيتي
و البيت ما ياقف بدون أطنابه


و إن عودت بين القبايل فزعة
أنا أشهد أن لي في اللوازم لابة


لي في القبايل ربع .. و أقدْرهم
ماني بمن يجهل مقام أصحابه


و إن عودت لأصلي فأنا أصلي مرْي
من صلب يام أهل القنا و خضابه


قومٍ لنا فوق المعالي بيرق
و السيف قوة سلْته بنصابه


الشعر طوْقني و أنا طوْقته
قمت آتمشى به و أفك أبوابه


يا بنت ياللي تفرقين بعودش
ما ألومهم لا كثروا الخطابة


لا مر بش دربش على خلق الله
قالوا كذا .. بالإصبع السبابة


زينش يزينه فعل أبيش و جدش
و أنتي بدورش للنقى كسابه


قومي تباهي بي و فلي راسش
عليش من ستر الشرف جلبابه


و إن ما سترتش بالفعول و باسمي
فعقبني الفنجال يا صبابه

 

[السلامين]

يعلم الله اللي انظلم بالمسابقه ثلاثه00 تركي البكر وبن ساقان القحطاني والملك السكيبي 00اما باقي الشعراء اعتقد عبد الرحمن الشمري الاول والثاني بن فطيس والثالث محمد مريبد00عبدالرحمن شاعر مثقف وهو قريب من العقل00ومحمد مريبد شاعر عذب وهو قريب من القلب00ومحمد مريبد العازمي شاعر جزل وشعره مقبول للكل00 اما تركي الفين شاعر جيد لكن تقليدي بحت واللي مثله كثيرين 00اما العتيبي زوين لويترك عنه الفزعه00

هاردلك يا يوسف ومبروك لبن افطيس