السلام عليكم هذا شارت له علاقة بالسوق السعودي يبدأ من 29 /11 /2006 حتى إغلاق هذا اليوم. أبي ملاحظاتكم على هالشارت قبل كشف هويته طبعا هالشارت ما يشوفه غيري يوميا فلا أحد يتعب نفسه ويدور بالسوق ما راح يلاقيه لا هو شارت شركة ولا قطاع شارت من بنائي الخاص فخل التعب على ما في داخل الشارت يعطيكم العافية
اتوقع هذا شارت المؤشر الجديد بالدولار ظهر قبل فتره نسيت رمز المؤشر والظاهر علي التشارات من بدايه تفعيله والله اعلم
أبو ياسر .. مالك لوى ماله علاقة بالمؤشر العام ( هارد لك ) المستعار يا كثر ما تفلسف ( تراني أمون عليه ) مستثمر للأبد يعطيك العافية شاب ضو شكرا لمرورك ابن الخطاب يعطيك العافية ------------- هذا الشارت لا وجود له عند أحد وهو من بنائي الخاص وسأفضح هويته بس لازم أبو محسن يسير علينا ولا يهونون الشباب كلهم خير وبركة
اخوي تكتيك اتمنئ ان ترسل اسمك هذا اولا ثانيا هذا شارت السوق خالي الدسم ان اسميه كذا وهو = بيانات متوسط اسعار الشركات للافتتاح والهاي واللو والاغلاق والمفروض مقسومه علئ 88 مع الفوليوم الحقيقه للسوق حقيقه سبق وان بحثت عن انسان يصلحه لي ومن ضمنهم مبرمج قبل شهرين وهو عبدالرحمن العرعور وغيرهم وايضا اخرين علئ العموم ما قضوا لزومي واذا كان عندك ترانا نمون عليك وعنطناه عموما يااخوان ان لي في السوق مده طويله وعندي افكار والان بيني وبين واحد مبرمج ابن حلال اتفاق علئ انشاء برنامج قوئ الاداء عالئ المصداقيه وهو الان في طور الانتهاء منه وبأمانه بيني وبينه اتفاق انه يصير لي ان وياه فقط اما الافكار ابشركم لاتزال لدي الكثير منها واذا في واحد مبرمج محترف نفسه طويل وامين ويسكن الرياض ابصلحلكم برنامج غير الي ان متفق معه لان بيني وبينه لكن بامانه لا يقل اداء عنه وهو هديه منئ لكم وهو كرد جميل لاعضاء هذا المنتدئ الاساسيين و بالعاميه ان لي خمس سنوات او اكثر ماتعلمت التحليل علئ اصوله الا منكم فجزاكم الله خير اخوكم ابو عبدالمحسن
ابو عبدالمحسن انت مدرسه وحنا اللي تعلمنا التحليل منك وبالنسبه للبرمجه بحاول اشوفلك شخص اذا الله يسر الامور والله وماندري عن تكتيك يمكن يتكتك معاك
عشان عندك واسطه في الهيئه جايب لنا شارت جديد ياخي طيب جيب لنا نسبه مانقول تدبيله خبر نستفيد منه فركه على العالي قبل مايكسرون ترند ههههههههه لو تقول بس ايش هذا الشارت ؟
و لاتهونون كلكم أبشروا أخي ضيف الله نخدمك بعيوننا بس إنت آمر أنا محمد التويجري أبو محسن ما بعدك حساب وكل ما عندي جزء مما عندك أخوي zx_redeye تصدق فكرة حلوة بس ليه عينك حمراء الله يستر أسأتذتنا. هذا الشارت ليس له اسم ممكن نسميه ( مؤشر تكتيك للأسهم عالية التذبذب) أي أسهم المضاربة أو الأسهم اللي نطاق تذبذبها واسع. أو مؤشر يزن أو مؤشر المدام يشترط لاحتساب الشركة فيه أن تكون عالية التذبذب دائما وليس لفترة ما وتقف عند حد معين أساس المؤشر 1000 نقطة الشركات المكونة للمؤشر المتطورة معدنية س القصيم الباحة ثمار شمس الأسماك الشرقية ز بيشة الغرض منه مراقبة الشركات المكونة له بعيدا عن باقي السوق طريقة احتسابه هي نفسها طريقة احتساب المؤشر العام ومؤشرات القطاعات. الفائدة منه يا ناخذ نياقهم يا ياخذون ... ( ما ياخذون شي )
اخي محمد التويجري والله والنعم فيكم السبب اني سالت عن اسمك اخي الحبيب هو انك خلف معرف وطريقتك متطابقه بالوهله الاولئ لفكره ذكرتها سابقا لاشخاص عرفتهم واعتقدت انك واحد منهم فسامحني اخي الحبيب بمداخلتي التئ اتسمت بالقلم الجاف اخوي عالم الابداع اقول بيض الله وجهك انت والاخوان اذا تخبرلي مبرمج محترف سعودي بالرياض ولديه الرغبه بأنشاءه فراسلني بارك الله فيك
