ما هو الفرق بين السوق الكويتي والاسواق الامريكيه والاوربية؟؟

[بو سعود2003]

1/ تسريب الاخبار
2/التظليل من اصحاب مجالس الاداره على سبيل المثال يطلع خبر بالجريده انه الشركه الفلانه رست عليها مناقصه او حققت ربح قوي من صفه وعند الاستفسار من الشركه تنفي الخبر وبعد لم الاسهم من الناس تعلن الشركه نفس الخبر ويعلقون السهم وبعدين يصرفونه على الناس .
لماذا لا يوجد قانون ضد هذي التلاعبات


وشكرا

 

[slack]

اسواقهم لها مصداقيه وشفافيه كامله لاحظ اسعار الاسهم
يعطيك ارباح + سعر السهم يزيد يعني مستفيد بالحالتين
اهني يعطيك ارباح ويتفصخ السهم وفوق هذا ينزل اكثر .
النقدي بجيب مالك الشركه ويوزع عليك منحه النصب شلون صاير !

 

[kokoko]

هل يوجد توزيعات نقدية في السوق الأمريكي ؟

 

[بو سعود2003]

ايه عدل كلامك اذا الشركه توزع ربح وبعدين ينزل السهم المساهم شنو يستفيد من هذي الارباح
الشركه مرات تحقق ربح حق سنه كامله تفترض 20 مليون توزع 10 مليون انزين ال 10 الثانيه وين راحت

 

[Pivotrend]

كل أسواق العالم يصير فيها تلاعب لأنها فيها فلوس
و كل شيء فيه فلوس أحتمال كبير جدا جدا يتعرض للتلاعب

السوق الأمريكي الأفضل بلا منازع
و الأقل تلاعب
و الأكثر أدوات
و الأكبر كقيمة
و الأكبر كتداول
و الأكثر كخبرة

 

[Pivotrend]

هل يوجد توزيعات نقدية في السوق الأمريكي ؟

يوجد توزيعات أرباح بالسوق الأمريكي بأغلب الأسهم الكبيرة و الربحانه
و تستطيع ان ترى توزيعات الأرباح تاريخيا لكل سهم
التوزيعات أسمها dividend
و بالسوق الأمريكي تستطيع أن ترى العائد على توزيعات آخر أربع أرباع على آخر سعر للسهم كنسبة مؤوية و أسمها yield أو dividend yield

لكن في مرض متفشى عند أغلب المتداولين أسمه " بني ستوك "
شوف قسم السوق الأمريكي بالمنتدى أغلب المواضيع عن الأسهم الي سعرها أقل من فلس و أغلبها أن لم يكن كلها أسهم خسرانه

 

[نيويورك]

الموضوع يعتمد على ادوات السوق المتوفره لديك .. يعني ممكن واحد يقول السوق الكويتي افضل له لأن عنده مصادره الجيده مثلا .. و ممكن واحد يقول السوق الامريكي لمعرفته مثلا بطريقه الحصول على المعلومات و الاخبار و التوصيات بسهوله مثلا ..
لكن السوق الامريكي من وجهة نظري افضل لتنوع طريقة التداول و لكن مقابل جودته فهو ايضا خطر ..

 

[Master-Leo]

مافي مقارنه لأسواق أمريكا بسوق الكويت

من كل النواحي اللهم ناحيه واحده فقط

الكويت تتميز فيها والحمدلله انها موجوده

انك لما تخسر ماتفلس وتروح فلوسك كلها بيوم واحد

سألوني عن السوق الأمريكي سنتين اشتغلت فيه

وربحت ربحت ربحت بالأسهم الكبيره ولما خسرت شوي

قلت اروح للأسهم الصغيره ومثل ماقال اخونا pivo ان الأسهم

الصغيره هناك غالبا خسرانه فعلى حظي شركتي فلست فأسهمي

بيوم وليلة صارت خرده حق الزقاير تخيلوا حمدلله على سوقنا رغم

المساوىء الكثيره اللي فيه يظل آمن نوعا ما

 

[kokoko]

هل يوجد توزيعات نقدية في السوق الأمريكي ؟

اسف بس محد جاوبني أكو نقدي اخر السنه ولا لا ؟

 

[adelq8stock]

اسف بس محد جاوبني أكو نقدي اخر السنه ولا لا ؟

http://www.indexsignal.com/vb/showthread.php?t=64549

 

[صوت الأمه]

لا ماكو شى

 

[مستثمر مبتدئ]

لا ماكو شى

أعتقد غالبية الشركات توزع أرباح نقدية بشكل ربع سنوي وليس سنوي

 

[بو سعود2003]

السوق الكويتي في حد اعلا وفي حد ادنى او الاسواق الاخرى لا يوجد بها قيود مفتوحه
الله يعينهم مخاطره كبيره

 

[بو سعود2003]

للرفع