للكبار فقط .. مواليد الستينات والسبعينات وأوائل الثمانينات

[قلم حر]

على طارى هدوم العيد ليش اول اذا كانت ليله العيد مانام ونشترى كل شى جديد ونالعلق الملابس بالكبت بس مو داخله لا على مسكه الباب مال الكبت ونضل انخز فيهم ونطالعهم ليمه انام شنو الحكمه مادرى

مانشوف الملابس الجديده الا بالعيد تشوفين الواحد قبل حتى
ريحة الملابس والجواتي الجديده قبل لازقه بخشمه ليما الحين

 

[kooonan2002]

ههههههههههههه

عجيييييييييييييبه والله ونستنى فيها الله يونسك بالعافيه

انت اللي و نستنا بالموضوع الله يونسك و يوسع عليك و يرزقك.

و هذه اغنية البداية لكارتون من قصص الشعوب ( حكايات عالمية).

http://www.youtube.com/watch?v=a8hAo9_cBH4

 

[trader_1]

سقى اللة أيام

عزه اللة ما بغت تطلع هالذكريااااااااااااااااااات لقيتة مغبرة عندي بالهارد دسك ... لحقت على أغلبهم

مع حمد قلم ... مصروف المدرسة 100 فلس .....الشنطة البلاستيكية اللي تحط فيها أكلك و الماي كنا ناخذها اول يوم و ثاني يوم نتهاوش فيها

أأأأأأأأأأه يا قلبي و اللة كبرنا .....

خذ السؤال عندك

هل لما كنت في ذاك العمر تتوقع إنك تصير مثل ما صرت أنت فية الحين؟؟

الحين عرفت ليش امي كانت تاخذ العصير من الفريزر و تنزلة تحت أما قبل كنت أقول لعانة ....

الحين عرفت ليش كانت تكووفني لما كنت أطلع بالشارع


و في وحدة مدري لحقتوا عليها ولا لأ

لما تطيح مريض وتروح الطبيب و يعطيك دواء .. قبل لا تعطيك أمك الدواء تشرب هي أول من الدواء بعدين تعطيك ....... كنت أسألها ليش تشربين دواي .... السؤال كان قبل عشرين سنة أو أكثر توني عرفت الإجابة

ما كانت تدري الدواء زين ولا مو زين تشرب عشان اللي يجيني من الداوء يجيها .... تحسبه سم

و كانت الحرمة تتغطى اذا طلع الرجال بالتلفزيون ... هذي لحقت عليها وشوف العين

 

[نوكيا]

الواحد لما يقرأ الردود واللي كان يحصل قبل يحس ان الجميع
كانوا عايشين بفريج او بيت واحد .
والحين كل شئ تغير .


نرجع لموضوعنا

تذكرون ملاهي الزهره والانوار لما نروح لها بالعيد كاشخين
الواحد لابس دشداشة العيد البيضاء وتحتها لابس
فانيله حمرا عليها رقم 6 ، ليش 6 مادري

هذى الفانيلات اللى كانت تنباع عن محلات بوقريص ؟؟

 

[ياقوت]

يدتي حبيبتي لما كنت اقعد بالصاله اشوف تلفزيون تقولي لبسي شيلتج عيب ما تشوفين ريال غريب ​

 

[قلم حر]

مشط حديد صغير مايبيعه الا (الحواج) + خرجه بيضا + زيت

+قعده بالحوش (الشمس)



لغز منو يعرف الحل

 

[ياقوت]

ما عرفت احل اللغز شنو يعني ​

 

[نوكيا]

مشط حديد صغير مايبيعه الا (الحواج) + خرجه بيضا + زيت

+قعده بالحوش (الشمس)



لغز منو يعرف الحل

المرحوم عبدالعزيز النمش فى دور ام حسين بن عاقول فى درب الزلق واهو يمشط شعر سعد

 

[InUrEyEs]

مشط حديد صغير مايبيعه الا (الحواج) + خرجه بيضا + زيت

+قعده بالحوش (الشمس)



لغز منو يعرف الحل

الظاهر اطلعون القمل الى براسهم:d

 

[قرطبه]

​

كله ابصوووب
ومعجون بو ريحه خايسه اللي انسوي منه تفاخيه

 

[تاجر نت]

مواليد 59 ..
تذكرون أول مافيه اخبار اول بول .. نقرأ جريدة بعد المدرسه بأن اليوم في مباراة القادسيه والكويت .. نطلع من المدرسه وحده على طول نتيمع بالفريج أحنا الصبيان ونطلع حق المباراة بباص .. طبعاً المباراة 3 العصر بدون اضواء كاشفه .. ندش الملعب نلقى الملعب فاضي ماكو أحد .. تدرون لبش طاق مطر بالليل والصبح والملعب صار كل مكان خبره برجه .. نروح حق لاداره مسافه عن الملعب نطقها مشي بين الخباري ونلقى قبل ندش الاداره خبره جبيره ندشها والماي لي نص الساق طبعاً حنا بالشتا جواتينا سلم عليهم .. ندش على الكبار بالاداره ننطف ماي نسئلهم شلون عالمباراة يقولون المباراة تأجلت .. ونرد البيت بعد معناه لاشفنا مباراة ولاغيره ..
تعرفون أول مافيه أنترنت ولاكافيه رياضي الساعه عشر مسكر التلفزيون ..
وايد كانت تحصل معنا هالدقات الملعب خبره .. أيام حلوه طبعاً ربع الطفوله نقعد سنين ماشوفهم إلا بصدفه ..
تصدقون واحد من ربعي الي كانوا معاي بهذه الفتره قعدت ثلاثين سنه ماشفته بعد ماشلوا من فريجنا وحنا بالمرحله الثانويه حصلته قبل سنتين بالحج وعرف اسمي وانا عرفته ويذكرني بسوالفنا وسئلني عن ابوي يعرفه أيام الفريج وقلتله مات واسئلته عن ابوه هم اعرفه ايام الفريج وهم قال لي مات تصدقون جدام الناس قعد يبجي وبجيت معاه ..أيام حلوه ماراح ترجع لنا

 

[قلم حر]

ما عرفت احل اللغز شنو يعني ​

علينا ما عرفتي الحل !!!!!

عيل انتي مو من مواليد الستينات والسبعينات

انتي من مواليد الخدامات

 

[ياقوت]

الحمدلله مو من مواليد الخدامات ​

 

[قلم حر]

الحمدلله مو من مواليد الخدامات ​

مو من مواليد الخدامات وماتعرفين المشط الحديد يجوز قضيتها قرعه

 

[تاجر نت]

مشط حديد صغير مايبيعه الا (الحواج) + خرجه بيضا + زيت

+قعده بالحوش (الشمس)



لغز منو يعرف الحل

جلسة حنا أو زيت زيتون قواطي :d

 

[ياقوت]

​

 

[متداول برو]

ايام زمان

 

[بو راس يابس]

كانت أيام حلوة ،،،، وطعمها مميز

 

[دلوووعة ابوها]

وموااااااليد التسعينات يعني الغزو شنو حاااااااالنا مالنا ذكريات (

لا اضحك بس

وذكرتوني اروح من بيتنا لبيت خالتي مشي اكثر من كيلو متر علشان اقول لخالتي امي تقولج شنو اخباركم علشان التلفون خربان

وإلا مره صليت مع اخواني صلاة جماااعة وبنفس الصف تخيلو خلط ولما يينا نسلم تذكرت اني مو لابسة حجاب

 

[sa3od29]

بصراحه عجييب الموضوع هذا

اذكركم بتلفزيون الكويت قبل الساعه 12 تصير الشاشه الوان بالطول ويطلع الصوت العجيب رنه وحده طوووووووووووووووووووووووووووووووووووووووووووووووط
لين يشتغل التلفزيون الساعه ست ويطلع النشيد الوطني بصوره ابو مبارك الله يرحمه الشيخ جابر بعدين يحطون توم سوير.......