للكبار فقط .. مواليد الستينات والسبعينات وأوائل الثمانينات

[sa3od29]

انا اخوى مواليد الثمانينات ملحق على الفخ الاخضر والبراحه الى جبال البيت فيها سدره احبل تحتها

لوعت الجبد اذا فج البالوعه ودور هل الزهيويه ويمعهم ابطل بيبسى وسده بكلينكس احنا البنات ماتشوف الا غبرتنا اذا طاح القطه ومشى الزهيوى مأسات

بس ياحلوها من ايام

ههههههههههههه ذكرتيني بواحد من الربع نسميه بوراسين.....لما ردينا الكويت بالتحرير راح يشوف المحباله الي حاطه عند المسجد بصوب البراحه لقاها على حطته وناشب فيها ركبت جرو وميت فيها راح نظفها وكمل المشوار

 

[دلوووعة ابوها]

ههههههههههههه ذكرتيني بواحد من الربع نسميه بوراسين.....لما ردينا الكويت بالتحرير راح يشوف المحباله الي حاطه عند المسجد بصوب البراحه لقاها على حطته وناشب فيها ركبت جرو وميت فيها راح نظفها وكمل المشوار

 

[al7bebe]

والله كان زمان حلو

انا من مواليد الستينات ولحقت على كل الالعاب الشعبيه
وكانت لكل مناسبه بالديره لها وزنها وحضورها الكثيف من جميع فئات العمر بنات وشباب ( أصبيان وأبنيات).
كنت العب مع بنات جيرنا وأصبيان الجيران ( لعبه الحجله - ولعبه المقصي- وعضيم ساري - حي الميت - العاب لغوية والغاز شعبيه ).
وكانت صلتي بالجيران في فريجنا علاقه اهل وزيارة متواصله دون مواعيد او طرق على الباب لانه كانت الابواب مفتوحه من فترة الصباح حتى مغيب الشمس . بسبب الامان والثقه بين الجيران.
واذكر ان والدتي وهي ملك فؤادي وسعادتي كانت في ذلك الزمان حصل معها مرض عارض ولاتستطيع ان تطبخ لوالدي الغداء والذي كان متواجد في العمل فترة الصباح ، حيث قامت أحدى نساء الجيران بزيارة والدتي ووجدتها مريضه ، ودون اخذ الاذن منها دخلت مطبخنا وعملت الغداء لوالدي ومن ثم ذهب الي منزلها وعملت الغداء لزوجها. حريم اول شعله من نور
وانتم تعملون ان في ذلك الوقت كانت تصميم منازل الكويت قديما نظام العربي .
اذكر انه في فترة الصباح وبعد الغداء فترة العصر كنا نجلس في الليوان نشرب جاي مخدر على الفحم وكان لون وشكل الغوري مثلاث احمر ابيض او ازرق ابيض او عوري صين صغير.
اذكر الدجه التي امام منزلنا كل عصر بعد الصلاه يتجمع رجال الجيران وبعض من رجال الجماعه وكنت انا الولد الوحيد لوالدي الذي اخدمه من دون تردد او كلمه اوف او الابتعاد عن الديوانية حيث اقوم بصب القهوة والجاي للضيوف اثناء المناسبات والزيارات وبمساعدة ابناء الاقارب او ابناء الجيران.
لااعرف شيء اسمه نوم الظهاري دايما حيويه ونشاط مستمر ولعب مع ابناء الجيران .
لانعرف المطاعم في ذلك الوقت وطعامنا دايما في بيوتنا مع انه يوجد مطعم وحيد فقط في منطقتنا وهو مطعم ايراني .
كانت الزيارات بين الاقارب مستمره على طول الاسبوع ويوم الجمعه في بيتنا زحمة بسبب تواجد كل الاقارب لزيارة جدتي الله يرحمنا التي توفت في السبعينات .
اذكر اذا شفت احد من رجال الجيران كان ماراً امام منزلنا وانا اكون جالس عند عتبه الباب ثم وقفت وذهبت اليه وسلمت عليه وانا في اشد الاحترام والخوف ويسألني عن حاله صحه والدي وهل هو جالس في الديوانيه
اذكر ان الرجال الكبار اذا غلط احد ابناء الجيران في تصرف غير مقبول يقومون بصفعه على وجهه واخذه الي منزل والده والاشتكاء عليه ومن ثم يقوم والده ايضا بضربه .
اذكر المدرسيين الفلسطينيين والعصا التي معهم وايضا الناظر والوكيل شنو يضربون بشكل قاسي جدا . واذكر الملابس والفطور والكتب مجاناً من الحكومة .
اذكر المحابيل منها الشبك وخيطها اخضر والحديد التي أقوم في عوج اسنانها الحادة حتى لاتقص راس الزرزو
اذكر من العصافير التي لا اراها الان (الحمامي- الزعره - حمر وش- ا م سالم- قوبعه. وكنت اصطاد بعضها بالنباطه ذات السلاسل الكثيره من السيور والرقعه من تيوب .
اذكر اننا لانعرف شيء اسمه مغازل بنات الي ان بلغ عمري 19 عام وعرفت هذا الشيء من خلال نقلنا الي منطقه اخرى بعد تثمين منزلنا من قبل الحكومة. مع انه كان هناك خوف واحترام وكانت فقط العيون التي هي تتكلم وفي خجل واضح بين الطرفين دون ان ينتبه الناس الذين حولنا.
اذكر القاري ابو سناده وانا اتسابق مع ربعي
اذكر اسماء الربع ( كل مجموعه فريج من الشباب يحملون مسمى لهم ) ودائما تحصل مشاجرات هوشه بينهم .
--
اذكر اننا نستمتع في يومنا بكامله ونأخذ حقه ولانفكر باليوم الذي مضى او في القادم. حياه بسيطه جدا.
--
الان وفي هذا الوقت لبعض الشباب المراهق الحياه لهم شرباكه ويهتمون في السياسه وتجميل مظاهرهم بشكل مشيه الغراب وراس عروه الديج واذا سألت احدهم اجاب لك كانه عالم فيزيائي او مخترع الذرة . ويعيش في اوهام واحلام اليقضه ولا يعرف من هو .
-
بس ودي أعرف عن التسريحه الي طاحين فيها بعض الشباب والتي تذكرني في فلم قديم ماكس المجنون وهم البانكس القذرين. مصيبه وكارثه بعض الشباب بعد فقدانهم الذوق الرفيع والشكل المناسب فيها واصبحوا مثل حضيرة دجاج منتف ريشه من الرأس .
ويعجبني بعض الشاب المتحضر علمياً وثقافياً ومتمسك بأصله ومعدنه ويتفاخر فيه امام العالم مثل الاجانب الذين يتفاخرون في ملابسهم وعاداتهم امام العرب.
وسامحونا ان اخطأنا

 

[" قاصد خير "]

al7bebe

شقردي والله ..

 

[sa3od29]

انا اذكر ان كان في بيتنا سوري وزوجته سوريه يشتغلون عندنا بالبيت وماكان في خدم وقليل البيوت الي كان فيها خدم.....واذكر سالفة الدواء لما امي تشربه قبلي....واذكر سالفة التلفزيون لما تغطى اذا طلع احد بالتلفزيون...وقبل جم يوم لقيت واحد من عيال شارعنا صغير بيده نباطه وحاط الرقعه نايلون مادري شنو....جان يقولي هذه انا مسويها اله نباطه اي كلام....قلت وين ايام زمااان لما اظبط النباطه اول شي تكون الرقعه من نعال تميمه اصليه مغبره يابسه ...عزكم الله...بس الشي الوحيد الي لاحظته بالزمن الحين مافي مزارع نفس قبل..والبراحات متروسه عيال وشباب قبل الحين فاضيه ولا احد يعرف للمحباله ولا احد يعرف للنباطه ولا احد يعرف المقصي ولا احد يعرف حي الميد....كله يعرفون انترنت وبليستيشن تو ومادري شنو...............................سؤال للجيل الي توه طالع...بعد عشرين سنه شنو راح تكون ذكرياتهم يعني ودي اعرف شنو بيسولفون عنه.....بيقولون مثلا(تذكرون لما شبكنا بالانترنت واله تذكرون لما رحنا المارينا واله تذكرون لما لعبنا بلي ستيشن مثلاااا ) وين الاتاري لعبت السيارات خط سير واحد بس ياتفوز ومافي شي وراها يا تموت وتعيد اللعبه

 

[salem.srsr]

:

d :d :d :d :d :d :d :d
هههههههههه واللة ضحكتني من صج مع السهم نازل​

 

[بو راس يابس]

للرفع ،، وسلم لي على المواضيع المسروقة ،، طبعا هذا الموضوع هو الاصلي ،، اتوقع عرفتوا الموضوع الثاني

 

[I T C]

يا الله شنهو مغبر

اييييييييييييييييييييييي ياحزم الضامي


والله ذكرتنا بشغلات اصرعتني من الضحك

تذكرون ببسي صباح

وتذكرون كتكات ابو قصدير

كان الببسي ب20 فلس

قبل كان يعطونا قميص وبنطرون ماكنه نشتري الوزاره هم الي يعطونا ملابس مدرسه اههههههههههههههههه

قبل الواحد يطلع من البقاله بعد مايشتري اهو وربعه يقول محد نصي اله بطني يعني ماعطي احد نص اكلي الي شريته من البقاله الى بطني

كنا مشافيح

وذا لقيت شي طايح اقول لقيته بارض الله معطيه خلق الله

لووووووووووووووووووووول ايام الله يذكر ربعنا بالخير

الحين وعوذو بالله كثر الحسد وكثرت الامراض والعياذ بالله الله يستر على الجميع ​

ههههههههههههههههههههههاى

 

[ALSERHAN]

 

[zoya_y]

بدون تعليق على الموضوع وهو من الذكريات

مكتوب للكبار فقط .. مواليد الستينات والسبعينات وأوائل الثمانينات ؟؟؟

صج وين مواليد الخمسينات ؟؟؟ ومواليد الثمانينات ... أو أوائل الثمانينات !! أكثرهم ما يذكرون أشياء عن الأزمه ؟!! إشلون تبيهم يذكرون قبل الأزمه بسنيين ؟؟!! يعني بالأزمه كلهم كانوا بالإبتدائي

على العموم مجرد مداخله والله يطول بعمر الكل على الخير والعمل الصالح وتصير هل السنه بالمستقبل مثل الستينات

امبــلى مواليد 85 يــذكرون اشيا صــارت بالغزو .. منو الي قــال مــا يذكرون ​

 

[المستثمر22]

وتلك الايام نداولها بين الناس

ياحلات ذيك الايام

والله عورت قلبى

 

[Camaro]

طلعت راعي طويله خيي


تذكر قبل كان في ككاو لون قرطاسه اصفر يقولون عنه يطول الشعر ؟ وينه انقرض لول

 

[بوجلنبووو]

- تذكرون لما كنا نصور فوري عند مصور الجمعية وطبعا غصبن عليك
>> الخلفيه زرقه مو بكيفك ولازم تمشط شعرك بالمشط اللي عنده كله
>> شعر
>> ووصاخه وبعدين يقصلك الصورة بالآله اللي عنده ام ذراع والاطراف
>>مشرشره يعني
يكون حركه.

===========

10- تذكرون يوم الجمعة ... نقعد من الصبح علشان نسمع أغنية في
>> >> >>>عالم الشعوب قصائص لا تنتهي وعالم حلو بهي يسكن في قلوب في قصص
>> >> >>>الشعوب.

=================


31- تذكرون لما اتهاوش مع ولد جيرانكم وتقوله وخر عن بيتنا وعن
>> >> >>>رصيفنا يقولك مو رصيفكم هذا رصيف الحكومه.....كلام منطقي
>> >>الصراحه
>> >> >>>لووول ويقعد يحوس جبال بيتكم ويمر يمك ويقولك ماحشتك ماحشتك
>> >>خخخخخ.

====================

33- تذكرون لما يروحون الصبيان السوق
مع الوالد يشتري لهم
>>خامات
>> >>حق
>> >> >>>العيد ..اخر شي شاري طاقه كامله نفس اللون
>> >> >>>.... وتشوف باول يوم العيد من الوالد لي الاخو الصغير نفس
>> >>الدشاديش (
>> >> >>>تقول فرقة التلفزيون لوووووول.)

================

37- تذكرون المسجل السوده مالت استاد الانجليزي لي دش علينا
>> >>فيها قمة
>> >> >>>الوناسه اليوم ليسيننج يعني مافي اسئله ورووووح سكشن فايف
>> >>ترررررن
>> >> >>>تررررررن سكشن فايف.....هاي سوبر فالكون ههههههههه.

===================



ههههههههههههههههههههههههههههههههههههههههههههههههههههههههههههههههههههههههههههههههههههههههههههههه( من قلب ) ههههههههههههههههههههههههههههههههههههه


ااااااااااااااااااه يابطني بطنااه هههههههههههههههههههههههههههههههههههههههههههههههه
هههههههههههههههههه


بمووت من الضحك InUrEyEs حسبي الله عليك وييين ذكرتني ايام الاضطهاد العاطفي
هههههههههههههههههههههههه



موضوووع ممتاز تسلم تسلم عليه يالغالي

اثاري الناس كانو يعانون مثلي وانا مادري ههههههههههههههههههههههههههههه

 

[Navigator]

ههههههههههههههههههههههههههههههههههههههههههههه

حلوة

 

[نوط بو 1000]

بطني يعورني من الضحك قاعد اضحك بروحي مثل المينون :d

الله يعطيج ١٠٠٠ عافيه على هالموضوع من أحلى المواضيع اللي قريتها بالمنتدى..

أيام حلوه و ذكريات ما تتكرر و حياة بسيطه و الناس على نياتها..

إللي ما عاش هالأيام طافه نص عمره فعلاً كان كل شي له طعم رغم بساطته..

 

[دحيم 06]

من يذكر فلوسنا قبل!!!والدورية القديمة...ايام حلوووة حيل ,,,
مشكور لصاحب الموضوع,,,,

 

[InUrEyEs]

من يذكر فلوسنا قبل!!!والدورية القديمة...ايام حلوووة حيل ,,,
مشكور لصاحب الموضوع,,,,

مشكور خوش صور تسلم اييدك

 

[مظارب]

لوووووووول


ايام جميله جدا لايمكن ان تنسى


موضوع ممتع جدا جدا ان يور ايز


ويهم شريحه كبيره بالمجتمع لووووووول

 

[نوط بو 1000]

والله خووش ذكريات والفريج كله بيبانهم مبطله على بعض ماكو تطلع من بيتكم مشتهي تدش البيت اللي جدامكم عااادي جدا تدش ولا بعد تتغدى معاهم.
أذكر كنت رايحة فرع الجمعية اللي بفريجنا بيننا وبينه براحة وطبعا عادي اروح بروحي والشعر غرقان حنه وملفوف بخرجه ماادري من وين يايبتها ولا هذاك الصبي اللي على الجاري يبي يتحرش مره يلف يمين ومره يجي طاير يمي كان أقوم أهفه بالكيس اللي معاي ولا الصبي متوسد الارض طبعا لان الكيس فيه غرشتين دقوس حار عادي ماكنه مسوية شي راده البيت والحلج كله برد ..إجرام منذ الصغر

هالشي يفسّر إختيارج للنك..!!

 

[maha_Q8]

مشكوره الامبراطورههههههههههه
خوش سوالف عندج