متعود انت علي بوس الروس ؟
شوف يانت مسكين يانت من ربعه
ماتقولي شستفدنا من اخباره اللي انت مستانس منها ؟
الاسهم معلقه من 4 ايام والحبيب توه يجيب اخبارهم ومو بعيده يدري
هو مع ربعه من زمان وماخذين الاسهم قبل التعليقه وياينا ثالث يوم من تعليقهم وعاجل وعاجل لااحنا قدرنا ندش عالاسهم مبكر ولا احنا قادرين ندش عليها اللحين والاسهم بتوصل حدها وهو قبل شوي يقول السبت بيشتغل البيع عليهم قولي البيع بيشغل علي روس منو ؟
هذي حركات مكشوفه وبعرف من اللي استفاد من موضوعه اللحين
وبعدين تكلم باحترام علشان تلقا احترام وكل واحد له حرية الراي
وخافوا الله علي حلال المساكين
ياصقر البحر يالاخو اهدا مثل ماطلبت
من الاخ زنكلوني الهدوء ابيك تهدا اشوي
والحكمه اهي ظالة المؤمن
ونعم بالله
يالاخو ابيك تكون اكثر حكمه من هالكلام الي
قلته بحق اخوك بالمنتدى
ان كنت تعتقد اني من المطبلين والمهرجين
الله يسامحك
انا بالفعل تربطني علاقات كثيره وكبيره مع كل
موظف بالسوق ومع اغلب مدراء المحافظ والصناديق
في الكويت وقليل منهم في الخليج
صدقني ماقصدت من اي خبر عاجل الا ان افرح
من يملك السهم
ومن لا يملك وعنده احساس او تحليل بان السهم
راح يستمر بالصعود فهذي اهي فرصته
بعطيك مثال يالاخو صقر البحر
خل نفترض اليوم واحد من الشباب ضبط له
بروكر وقاله ارجوك ابي اول امر لي اسماك او
صناعات متحده تطلبه لي بالحد الاعلى
وقدر يحصل هالطيب كميه من اي سهم منهم
وراح باعها يوم السبت
بناء على معلومة المنتدى او خبر المنتدى
وان كان هالخبر او هالمعلومه من صقر البحر
او من اخوك اتجاهات
ماتعتقد ان كل الشخصين استفادوا
الي حصل كميه يوم الاربعاء
والي كان يملك باسعار اقل من قبل ؟
انا اتشرف بمعرفة زنكلوني وبمعرفتك
وابيك تعرف اني ماطبلت ولا قلت ان البيع
راح يبدا من يوم السبت بالمعنى الي انت
قصدته لاني وضحت هالكلام فوق
وصدقني الاخبار بالطريج والمعلومات ماراح
اتوقف عن بثها وكتباتها بالمنتديات
ان كنت بتسمع وبتقرا كلامنا ارجوك لا
تكون قاسي معانا ترانا نحب الخير
ونبيك تحب الخير
ولك مني بوسه على راسك وخشمك
وخدك اليمين قبل اليسار
راسك سالم