كان في شركة اسمها كاظمة :(

[الكويت غاليه]

إستني إنت خسرانه خسرانه، تخسرين إشوي ولا تخسرين وايد

أنا أقول إستني ومن إستنه ظفر

 

[الساحل]

يعلن سوق الكويت للأوراق المالية، أن شركة بيت الاستثمار العالمي (جلوبل) قد ‏
افادت بأنها ستنفذ عملية بيع بموجب نظام صفقات 5% المطبق بسوق الكويت ‏
للاوراق المالية، لما يعادل 41,440,000 سهم من أسهم شركة كاظمة القابضة ‏
أي ما يعادل 65,78% من رأسمال الشركة، بسعر ابتدائي 318 فلس للسهم الواحد ‏
وبقيمة اجمالية 13,177,920 دينار كويتي، ومن المتوقع تحقيق ربح بحدود ‏
ِ 8,500,000 دينار كويتي، علما بأن المشتري الابتدائي شركة المدينة للتمويل ‏
والاستثمار .‏
وعليه سوف يتم إعادة سهمي شركة بيت الاستثمار العالمي (جلوبل) وشركة كاظمة ‏
القابضة إلى التداول بعد عشر دقائق من نزول الإعلان

ان شاء الله بداية الخير

 

[دايما خسرانة]

اوكي والحين المدينة اشترت ... شيصير بعدين؟ أستنى شوي؟

 

[ALMFJR]

والله مادري شسوي فيها !! على الأقل أحد يتداول فيها ،، ماكو

شوفى كلامج قبل والحين قبل تتمنين احد بس يتداول عليها حتى تبيعين ولما صار تداول قلتى ابيع والا انطر سبحان الله يظل ابن آدم طماع طمعتى بالحركة ولما صارت قمتى تدورين ربح البيع او الامساك بالسهم راجع لج بس حبيت انبهك لمشاركتك المقتبسة فوق بعدين شوفى نفسج ربحانة والا خسرانة ان بعتى اليوم وسلامتج اخوج المفجر

 

[دايما خسرانة]

مو أنا أصلاً للحين خسرانة ... وما عوضت خسارتي !!! أقصد أنني أبيع الحين بهالسعر وأكون خسرت شوي ولا أنطر؟ وأخاف إني لي نطرت ينزل السهم مرة ثانية وأكون خسرت أكثر... أرجو النصيحة

 

[Master-Leo]

خسرانه شوفي بالسوق هذا كل سهم وله دورة يرتفع فيها

متى اتيي لكاظمة الله أعلم ... شوفي المال من 300 فلس

صعد الى 700 بدون لا أحد يتوقع ... المركز المالي كذلك ...

الوطنيه العقاريه هالأيام .... ع عقارية .... أسهم البدر ...

الانتظار في مثل حالتج هو أفضل حل على الأقل لما

يصعد وقت ذروته تبيعينه بخساره أقل أو يمكن بربح الله يوفقج

السلام عليكم اختنا دايما خسرانه ان شاءالله تكونين مابعتي سهمج

كاظمه ليما الحين انا رفعت الموضوع لتذكيرج ان مثل ماقلت لج بهالمشاركه

المقتبسه ان كل سهم بالسوق لازم له دورة صعود ان شاءالله تكون الحين خسارتج

فيه بسيطه أو تكونين ربحانه بالتوفيق

 

[q8_chamber]

مو أنا أصلاً للحين خسرانة ... وما عوضت خسارتي !!! أقصد أنني أبيع الحين بهالسعر وأكون خسرت شوي ولا أنطر؟ وأخاف إني لي نطرت ينزل السهم مرة ثانية وأكون خسرت أكثر... أرجو النصيحة

القناعة حلوة

و الخسارة إللي عوضتيها اهي ربح

لان كان غير متوقع صعود الشركة - ماشاء الله ​

 

[دايما خسرانة]

اي والله معكم حق !! بس والله حاسة انو فيها إن !! ليش فجأة ارتفع؟ شكرا أخ king Leo على مباركتك

 

[دايما خسرانة]

q8 chamber شكرا لك وشكرا على النصائح أخواني جميعا

 

[الساحل]

:d :d :d

 

[دايما خسرانة]

 

[البيروتي]

اذا كان السهم عندك كاش انسي السهم بالمره وانشاله يجيله يوم ويرتفع

اما اذا كنتى ماخذه السهم آجل ما اقول الا الله يكون بعونك ويصبرك

الله يرزقك ويوفقك اختى

وانشاله تكونين عوضتى خسايرك

 

[شرياص العديلية]

دايما ربحانه ...

 

[Master-Leo]

اذكر الله اخوي شرياص عساها دوم ربحانه

واللي ربحها يربحنا وبالتوفيق للجميع وأختنا خسرانه

حطي بالج الطمع الزايد مو زين

موفقين أجمعين ومبروك لملاك كاظمه

وعقبال فريقكم يخسر الدوري ههههه

 

[jeme_E]

اذكر الله اخوي شرياص عساها دوم ربحانه

واللي ربحها يربحنا وبالتوفيق للجميع وأختنا خسرانه

حطي بالج الطمع الزايد مو زين

موفقين أجمعين ومبروك لملاك كاظمه

وعقبال فريقكم يخسر الدوري ههههه

كلك عدل

 

[الساحل]

انا رفعت الصفحه امس من كثر ما انا مستانس حق الاخت لانها ذكرتني بمعناتي انا والشباب اللي كان عندنا سهم المال يوم تدبسنا فيه بسعر 570 ونزل علينا لين وصل 240 والحمدلله ان صار عليه استحواذ من الخرافي خلانا نبيعه بربح بعد سنتين :d

 

[الفيلكاوي_80]

على كاظمه السلام

الله يعوضكم خير اشاء الله يا جماعه

فمان الله

 

[دايما خسرانة]

والله يا جماعة الخير أكيد الطمع مو زين بس أنا مستغربة أن في عليه طلب !! والله وأنا معاناتي كبيرة ، كل ما أشتري سهم ينزل ثاني يوم !!! حظي مو حلو، بس هالمرة انشاءالله انتبهت ومارح أكرر الأغلاط...

 

[JoKaR]

تستاهلين كل خير .. والله يعوضج ويبارك لج


ومبروك لكل ملاك السهم

 

[الفيلكاوي_80]

والله يا جماعة الخير أكيد الطمع مو زين بس أنا مستغربة أن في عليه طلب !! والله وأنا معاناتي كبيرة ، كل ما أشتري سهم ينزل ثاني يوم !!! حظي مو حلو، بس هالمرة انشاءالله انتبهت ومارح أكرر الأغلاط...

أول شي الله يعوضج خير انشاء الله و ثاني شي لا تتحسفين على شي ترى الخساره بالعمر و الحمد لله على كل حال

وانشاء الله شركة الاتصالات الثالثه احتمال كبيره جدا تنزل شهر 8 الياي وقطاع الاتصالات انشاء الله ما فيه خساره

والله يوفق الجميع قولو (( أمين ))

فمان الله