عدد الابناء في مجتمعنا

الموضوع في 'إستراحة المنتدى' بواسطة الخليجي 1, بتاريخ ‏17 مارس 2007.

  1. الخليجي 1

    الخليجي 1 عضو نشط

    التسجيل:
    ‏11 ديسمبر 2006
    المشاركات:
    782
    عدد الإعجابات:
    0
    هل الجيل الحالي ( الشباب) يختلف عن الجيل السابق ( الأجداد والآباء) في عدد الابناء الذين ينجبهم ؟
    حسب ما هو معلوم أن الجيل السابق كان عادي جدا 10 أو 15 ولد وبنت عنده بالعايلة الواحدة , والحين هل هذا موجود وإلا صار هناك تغيير في المفاهيم والقيم بما يتعلق بعدد الابناء .
    حسب ما أري أن الجيل الحالي يحسب حساب لهذا الموضوع ويحسبها من أكثر من ناحية والبعض يكتفي بعدد محدد بحجة ( التربية والمتابعة الأفضل ووغيرها من أمور ) , لكن بالطبع مو الكل جذية لكن هل أستطيع أن أقول أن صار هناك فرق بين الماضي والحاضر فيما يتعلق بهذا الموضوع ؟

    قال رسول الله صلى الله عليه وسلم ( تزوجوا الودود الولود فإني مكاثر بكم الأمم يوم القيامة ) .
     
  2. ياقوت

    ياقوت عضو جديد

    التسجيل:
    ‏18 فبراير 2006
    المشاركات:
    1,726
    عدد الإعجابات:
    0
    مكان الإقامة:
    kuwait
    فعلا هذا اللي صاير الحين

    عدد الابناء قل عند الاغلبية لانه طريقة الحياة تغيرت
    الام قبل بالبيت وما عندها مسؤوليه ثانيه غير بيتها وعيالها وتربيتهم .. الحين الزوجة تشتغل ووقتها مو بس لعيالها لانه عندها مسؤوليات ثانية هذا شي ..


    الشي الثاني الفريج كله كان يربي وعلى قلب واحد لو الجار يزف الولد الابو يقوله ما تقصر انك تربي عيالي .. الحين لو الجار بس يتكلم مع الولد الابو يتناجر معاه وتصير سالفه .. طبعا هالشي مو عند الكل انا اتكلم عن الاغلبية

    والشي الثالث الحين مستوى التعليم للاسف من سيء لاسوا هذا شي يعني الاهل غير المصاريف اللي عليهم .. يدفعون بعد للمادرس الخاصة وهالمدارس مصاريفها مو شويه

    الشي الرابع حدث ولا حرج عن المستشفيات يعني الحين المواطن متجه للمستشفيات الخاصه لانه مستشفياتنا زحمه واذا كنت تعبان وبتروح تراجع تموت على ما اييلك الدور غير جذي عدد المستشفيات ثابت ما يتغير مع انه المواطنين والمقيمين في ازدياد
    غير جذي في ظاهره انه محد يراجع مستشفى الا لما يكون له واسطه فيها لانه يدري انه بيحوس حوسة العالمين اذا كان رايح عادي وما يعرف احد فيها ماعلينا مو موضوعنا هذا .. الشكوى لله

    في اسباب وايده بصراحه بس هذا اللي خطر على بالي الحين

    :)
     
  3. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    السلام عليكم

    مدري ليش تذكرت مسلسل درب الزلق

    لما بوصالح يسأل صالح ويقوله وين صالحه رد عليه صويلح وقال

    تغسل الملابس هنيه اشقال بوصالح _ وبو صالح صاج _ قال :


    اي ملابس دشداشتها وعليها ودشداشتي وعلي

    نفهم انه قبل الملابس بالصيف وحده وبالشتاء وحده

    ومافيه قبل مطاعم _ المدارس تعطي كتب وملابس _ مواصلات للمدارس

    الاسعار ممتازه _ مافيه رواتب خدم _ مافيه موبايلات _ مافيه مهايط


    الحين الله يعين