افضل طريقه للحصول علي العيش النثري ؟؟

stillhamad

موقوف
التسجيل
13 نوفمبر 2005
المشاركات
1,965
السلام عليكم

يا أخوان ويا خوات

أريد أفضل الطرق المجربه من قبلكم والتي أثبتت نجاحها في كل مره للحصول علي العيش النثري .. أي أن تكون كل حبة عيش مستقله بذاتها ومحافظه علي قوامها :d

وليش المطاعم نجدهم يطبخون العيش من الصبح ويظل نثري ألي أخر الليل علي العكس من طبخ البيت .. فما أن يبرد العيش ويتم تسخينه مره أخري ألا وتجده قد أصبح كالعجين ؟؟


أسئله مهمه ومصيريه بالنسبه لي يرجي الأجابه بأسرع وقت ممكن وقبل فوات الأوان وعض أصابع الندم حين لا يجدي الندم .. ..
 

NBK

عضو نشط
التسجيل
29 مارس 2006
المشاركات
5,323
الإقامة
الكويت الحبيبه
ان شاء الله ما يبخلون عليك الحريفه
خخخخخخخخخخخخخخ
 

NBK

عضو نشط
التسجيل
29 مارس 2006
المشاركات
5,323
الإقامة
الكويت الحبيبه
نسيت اقولك
بالعافيه مقدماااااااااااااا
 

stillhamad

موقوف
التسجيل
13 نوفمبر 2005
المشاركات
1,965
هلا اخوي الوطني

والله ما شفنا شي .. اللي يقول طالبهم طريقة تحضير السوشي ؟؟!!
 

ياقوت

عضو نشط
التسجيل
18 فبراير 2006
المشاركات
1,726
الإقامة
kuwait
بصراحه ماعرف بالضبط بس بقولك اللي سمعته :)
يقولون الماي لازم ما يكون وايد عشان يصير العيش نثري
وفي ناس تحط ملعقة خل عشان حبة العيشه تصير نثريه :)
عاد لو قارية الموضوع قبل لا اروح مغل محل اليوم جان سالتهم :) بس قريته متاخر


عفوا بس ليش تسال
بتسوي برنامج الشيف ستيل حمد على غرار الشيف رمزي :)
 

ألم وعشناه

عضو نشط
التسجيل
31 أغسطس 2006
المشاركات
300
كل كوب ارز يحتاج كوبين ماي
بس السر انك لمن تحط الرز لازم الماي يكون مغلى جدا
وبالعافيه
 

بو راس يابس

عضو نشط
التسجيل
20 أبريل 2006
المشاركات
1,661
الإقامة
كيفان
أزيدك شغلة ،،،

لما تحط العيش بالجدر لازم الماي يكون مغطيه بالكامل وزيادة صبعين يعني بحدود 3 سم ،،،،، و ادعي لي
 

الصـــــالح

عضو نشط
التسجيل
1 يوليو 2005
المشاركات
616
الإقامة
الكويت
أزيدك شغلة ،،،

لما تحط العيش بالجدر لازم الماي يكون مغطيه بالكامل وزيادة صبعين يعني بحدود 3 سم ،،،،، و ادعي لي

وانا بعد بزيد من خلال تجربه شخصية وانشالله تفيدك وهي بمجرد ماينشف ماي العيش تغطي وجه العيش بقطعة خبز وتغطي العيش فتره 10 دقايق او اقل،الخبزه راح تمتص الرطوبه الزايده من العيش وتحصل نتيجه حلوه،بس قبل الخبزه حاول تحرك حبات العيش بخفه حتى مايتكسر .
 

stillhamad

موقوف
التسجيل
13 نوفمبر 2005
المشاركات
1,965
ما قصرتوا يا اخوان ومشكورين علي مشاعركم الطيبه اللي غمرتموني فيها ومقيوله الخبر يقتل التحليل
 

أبو فلسين

عضو نشط
التسجيل
9 مارس 2007
المشاركات
4,498
لا اهو عندى كونى مريت بالمطبخ وايد بس انت اخذ هالتجربه منى كل كوب عيش ضيف عليه كوب ونص ماى وراح تجد العيش نثرى :)
وعوافى مقدما
 

تلميذ المؤشر

مشرف قسم الإستراحه
التسجيل
19 أغسطس 2003
المشاركات
1,445
الإقامة
الكويت
السلام عليكم

شكلك يا متهاوش مع مرتك او ريال تدرس بره او راعي كشتات الله العالم :)

المهم افيدك ابطريقة دايمن كنت استخدمها ايام الدراسة


وهي:
1- حط لك في باديه شم شيله عيش على حسب الرغبة والعدد
2- بعد تنظيفه بالماي (اكثر من مره ليمن يصير الماي ماله لون) تشخله بسرعة وتكون في هالوقت حاط جدرك على النار والماي يفوح
3- حط على الماي المفيوح تقريبا على كل شيله قفشة زيت (يساعد على عدم الالتصاق) وملح على الرغبة
3- كب العيش المشخول مباشرة فوق الماي الي يفوح وخل الجدر مفتوح
4- تنطر عليه دقايق وانت يم الجدر لا توخر عنه كل اشوي تشوف حبة العيش - اذا شفتها نص مستوية (يعني لمن تحطها ابحلجك وتعلجها اتحس تسمع صوت تكسر خفيف كلش)
5- عند هاللحظة شيل الجدر واشخل العيش في المشخال (ماي العيش المشخول لا تقطه )ورد الجدر على النار بس هـــــــــــــــــــــــــــــــا ؟
6- قصر على النار (ويفضل تحط فوقها اتنكه وفوق التنكه الجدر)
7- كب العيش المشخول (النص مستوي) على طول في الجدر الفاضي
8 - الحين اتيي الغمنده .... النار هاديه وفوقها اتنكه وفوق التنكه الجدر وفي الجدر العيش النص مستوي شنو الي بقالنا؟....تصب من ماي العيش المشخول فوق الجدر قلاص تقريبا (تعتمد على كمية العيش )
-الكمية تقدر اتقدرها بعدين على الخبره وكمية العيش_
9- غط الجدر بالمغطاة ولا تبطله لو شنو
مدام النار هادية والماي الي كبيتها اتحس انه ابقاعةالجدر فما راح يحترق العيش
10- ان حسيت انه يحتاج بعد 5 دقايق ماي صب لك اقلاص ثاني ورد سكر الغطا مره ثانية وخله يطبخ على نار هادية
11- بعدها افتح الغطا وحط السكينه داخل الجدر للقاعة وشوف السكين نهايته في ماي او ناشف؟ اكل من العيش راح اتشوف انه شبه مستوي واذا لا زيد ماي وسكر الغطا وانطر

------

------فرقاعة البصل------

عندي انا اهم شي فوق العيش المشخول هو فرقاعة البصل اشلون طريقته؟

يبلك بصل ( الكمية الي تبيها) انا افضل يكون وايد
وقطعهم اقطع صغار يعني تقريبا قد حبة النخي

وحط لك مقلة فوقها دهن (وحالته عداني اذا كان متوفر لك)وكب البصل المقصقص فوقه وطبعا نار متوسطه لا تحرق البصل
قولب فيه وقولب فبه ليمن يصير لونه ذهبي واحلى شي يكون مقرمش (مو اسود)
ويكون اب نفس الوقت العيش النثري الي تكلمنا عنه استوى
انجب العيش بالغنشة وكب فوقه البصل مع الدهن العداني (وزعه بالتساوي)
وادعيلي

ان شاء الله هالطريقة تتيييازلك وبالهنا والشفا
 

ياقوت

عضو نشط
التسجيل
18 فبراير 2006
المشاركات
1,726
الإقامة
kuwait
ماشالله مو هينين عيالنا
تطبخون احسن منا


:)
 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
سلم نفسك للخادمه والله يعينك

يطلع العيش حب ، يطلع ملبوتش ، يطلع الفنكوش

يطلع اللي يطلع عليك بالدقوس ينسيك الطعم والله يعين
 

stillhamad

موقوف
التسجيل
13 نوفمبر 2005
المشاركات
1,965
ما قصرتوا اخواني وبالأخص تلميذ المؤشر علي هالشرح التفصيلي وراح اجربه بأقرب فرصه ..
 
أعلى