عندي فلوس كاش وابي النصيحه

[ebety]

السلام عليكم

انا عندي مبلغ كاش واريد اشتري اسهم بكره انشاء اللة فالرجاء النصيحة

 

[كويت2]

أنا باجر بدش على أجيليتي 2,100

ادش وياي ؟؟؟؟

 

[خالد الفارس]

السلام عليكم

انا عندي مبلغ كاش واريد اشتري اسهم بكره انشاء اللة فالرجاء النصيحة

خل فلوسك عندك احسن لا انصح بالشراء حاليا انطر لاخر شهر 4

 

[بو سعود2003]

اخوي مشكلت داش في وقت حرج واغلب الاسهم اصعدت يعني احتمال السوق يريح بعد الربع الاول واحتمال يصعد بس قبل فتره اسبوعين السوق كان قوي ومبين عليه الصعود المهم يا خوي اذا انت مضارب اشتر وبيع بفس اليوم قبل يوم الاربعاء واذا انت مستثمر انطر ليوم السبت الساعه 10 الصبح وشوف اتجاه السوق بالنسبه حق نوع السهم انا انصح بالاسهم الاسلاميه شوف عندك اصول اتوقع فيه صعده عندك اعيان حلو ومحمل ارباح عندك الصفوه شكلها فيها طلعه اخوي هذي توقعات بو سعود يعني ما يندرى شنو بصير والله اعلم
موفق انشاء الله

 

[بوجاسم2]

السلام عليكم

اذا عندك فلوس، تعال ابيعك اللي عندي وخلصني منهم ههههههه

أتغشمر

خلني أقولك ...

شوف ، انا اتكلم عن الاسهم اللي اعرفها بس، يعني اللي اتابعها دايما

فلازم انت تعرف بالاول انت مستثمر (يعني تشتري وتنام عليهم وتنطر الارباح والمنح كل سنة) ولا مضارب (يعني تشتري علشان بس يصعد السهم شوي تبيع)؟

اذا انت مستثمر، فأنا انصحك بسهم النور، لأن 100% راح يصعد يوصل فوق 500 فلس

واذا انت مضارب، فهذه مشكلة، كل واحد والله راح يقول لك رايه ويفتي لك هههه

وانا افتي لك انك تشتري عقارات الكويت باجر على 0.160 الى 0.166

وان شاء الله تعالى بتربح فيه ، لأنه راح يصعد هاليومين

وموفق

 

[أبو فلسين]

انطر المجموعه الدوليه لما توصل بسعر 300 لانه توزيعتها مو شى واتوقع بتوصل لسعر هذا ودش عليها وحاول تطلبها 295 ودعيلى من قلبك

 

[سناعيس]

خل فلوسك عندك احسن لا انصح بالشراء حاليا انطر لاخر شهر 4

خله يشترى سفن مو احسن​

 

[abbass]

اذا كنت مستثمر عليك ب

بالتمويل الخليجى

خذه باسعاره الحالية وانساه

افضل سهم حاليا من حيث سعره الى ربحيته

والله اعلم

 

[الجارح]

دش على الاهليه او الغلف ما راح اتشوفهم على الاسعار الحاليه

بس موتقول حق احد

 

[ابن صفير]

السلام عليكم

انا عندي مبلغ كاش واريد اشتري اسهم بكره انشاء اللة فالرجاء النصيحة

اذا كان عندي كاش
ادش على اسمنت الفجيره بسعر 305 او 310
ونساه الغاية شهر 11 سهم استثماري مايخوف
والله كريم

 

[خالد الفارس]

خله يشترى سفن مو احسن​

انت اشتر سفن احسن

 

[azizan400]

السلام عليكم

انا عندي مبلغ كاش واريد اشتري اسهم بكره انشاء اللة فالرجاء النصيحة

أشتر بيت التمويل الكويتي

 

[فوركسي]

MTCبيتك وادعيلي نهاية السنة

 

[خسران جداً]

تصدق فيهم احسن من لا تخسرهم نصيحه

 

[abbass]

بالاسهم الزينة ما مفى خساير ان شاء الله

تصدق فيهم احسن من لا تخسرهم نصيحه

والله كلامك صح بالطبع الصدقة استثمار مضمون المثوبة ان شاء الله

وبالدنيا من ثماره البركة والستر

لى راى شخصى اعتقد فيه بقوة بالنسبة للمستثمر اللى نفسه طويل واللى يحسن اختيار اسهم جيدة
ان شاء الله ما فى خساير مع طول البال ومهما تقلب السوق

 

[بوجاسم2]

ههههههههههه

تراكم دوختو الريال هههههههههههه

اشقلت لك انا يا أبتي ؟؟ وأقص ايدي اذا شريت شي ههههههههههه

الله يعينك

 

[alcaptin]

اشتر بنك بوبيان

السلام عليكم

انا عندي مبلغ كاش واريد اشتري اسهم بكره انشاء اللة فالرجاء النصيحة

بنك بوبيان جدا ممتاز واذا تقدلا تصيده ب 530 وايد ممتاز واذا شريته ب 600 هم ما انت خسران لان السهم رايح فوق باذن الله والسهم الان سعره 550 بالتوفيق

 

[nabhaan79]

السلام عليكم

يبا نصيحه ترا كلنا كنا نفسك عندنا فلوس وكنا نبي ندوبلهم وأحلام درب الزلق

نصيحتي قبل لا تخسر فلوسك وصحتك

روح سافر لماليزيا إقعد ثلاث أسابيع وإنت راد خذلك عمره إنت والأهل

وخش فلوس للحج السنه الجايه

وإذا معزم تدش للبورصه لا تطمع أكثر من طقتين إرضا بالقليل أحسن من الخساره

وتوكل على الله يا شيخ

 

[FLOOD]

السلام عليكم

انا عندي مبلغ كاش واريد اشتري اسهم بكره انشاء اللة فالرجاء النصيحة

نصيحه منى لك ادخل دورة المؤشر نت وتعلم قواعد التداول والتحليل (سلح نفسك) بعدين دش السوق هذا افضل سهم انصحك فيه لاتدخل السوق اذا تفتقد مهارات التداول لان مهما ربحت اليوم سوف تقع بخطأ كبير يفقدك توازنك

ممكن الشباب مايقصرون يساعدونك سهم سهمين 5 وبعدين !!
لازم انت تعرف طريقة اختيار السهم

السوق مؤشراته عاليه لاتدش بهذه الاسعار اذا تفتقد المتابعه وسرعة ردة الفعل انا نصحتك وانت كيفك


موفق اخوى

 

[دربيل]

شركة الاستثمار الخليجي

الاستثمار الناجح طويل الاجل