عندي فلوس كاش وابي النصيحه

[مجرد رأي]

دام تبي النصيحه خل فلوسك معاك هاليومين شوف الاوضاع وين تستقر وبعدين قرر.

 

[modeer]

حبيبي قطهم ببيت التمويل ..وديعه وفك عمرك لاتفكر ولا شي"

 

[دكتوراسهم]

الوضع مو مستقر

 

[ali17]

انطر المجموعه الدوليه لما توصل بسعر 300 لانه توزيعتها مو شى واتوقع بتوصل لسعر هذا ودش عليها وحاول تطلبها 295 ودعيلى من قلبك

حرام عليك لاتكسر مجاديفنا شنو 300 فلس آنه من ملاك السهم وغرقان بهالشركه الدايخه
قول غير هالسعر تكفه

 

[شرياص العديلية]

السلام عليكم

انا عندي مبلغ كاش واريد اشتري اسهم بكره انشاء اللة فالرجاء النصيحة

عندك سلف 10 آلاف دك

جد والله مو غشمره

 

[دخيل الله]

ضمد ايدك يعترضك امية طبيب

اذا ما تعرف اي سهم تشتري، هذا السوق مو لك

اذا مصمم بعنف ،،،،،،،، على راي الشباب تعلم تحليل فني والسؤال لغير الله مذله

 

[bo jassem]

السلام عليكم

انا عندي مبلغ كاش واريد اشتري اسهم بكره انشاء اللة فالرجاء النصيحة

السلام عليكم,,,

تبي نصيحه من أخ الى أخوه...؟

خل فلوسك عندك و أخذ دوره تحليل عشان تعرف شلون تتصرف.

نصيحه اختار سهمك بنفس حتى تكون المسؤول الوحيد عن ربحك أو خسارتك.

الشباب فيهم الخير لكن مرات يكون قصد التوصيه على أسهم معينه لغرض التصريف (و يا ما شفنا و في ناس خسرت خساره كبيره)

بعدين الوقت هذا من السنه حرج بسبب توزيع أرباح السنويه و نهايه الربع الاول.

هذا رأيي يحتمل الصواب و يحتمل الخطأ و الله أعلم ما في نيه المعبودين.

يمكن كلامي ما راح يعجبك بسبب ما عطيتك أسم شركه لكن اعتقد بالله كلامي هذا تحس لما تشتري شركه و تروح فلوسك بلد (يعني قاع) الله لا يقوله.

و الله ولي التوفيق

 

[KUWAITI MAN]

سهم اعيان العقارية سعره عند 255 وايد حلو

لا وازيدك بعد 10% نقدي و 10% منحة في 8 ابريل انشالله

 

[أحمـــــــد]

والله أنا ما أنصحك بشي

لأن الأخوان ما قصروا مافي شركة بالسوق ما أنصحوك فيها

أخذ السوق كله وريح بالك على كلام الأخوان

 

[husss]

انا اقولك اشترلك سيارة يديدة أو سافر أحسن من السوق وخلاجينة

 

[سهمكووو]

بتروجلف

520

اذا تبي ربح سريح حتى موعد الجمعية

 

[AALZUBI]

ينصحك واحد من اهل السوق عندي ع عقاريه

 

[alcaptin]

بنك بوبيان جدا ممتاز واذا تقدلا تصيده ب 530 وايد ممتاز واذا شريته ب 600 هم ما انت خسران لان السهم رايح فوق باذن الله والسهم الان سعره 550 بالتوفيق

شرايك بالنصيحه الحين

 

[ebety]

شرايك بالنصيحه الحين

والله خوش نصيحه بس الله ماكتب لنا نصيب فيها وتشكر عليها

؟؟؟؟

 

[فوركسي]

MTCبيتك وادعيلي نهاية السنة

اشرايك بنصيحتي انا بيتك كان 2.200 والحين 2.800 والهواتف 3.300 والحين فوق الاربع دنانير لا واحنا ما كملنا سنة ليلحين

 

[bnyder2002]

الصفاة للأستثمار,,,,,,,,,,القرين

 

[خبير النفط]

السلام عليكم
اذا من شهر 3 وللحين ماشريت احسن لك لاتشترى انطر الى اخر الصيف

 

[حكيم الراي]

ياجماعة صارلي فتره بعيد عن السوق وابي اضارب يومي من يدلني على الخير جزاه الله الف خير .
والله يوفق الجميع

 

[كويتي صعب]

ياجماعة صارلي فتره بعيد عن السوق وابي اضارب يومي من يدلني على الخير جزاه الله الف خير .
والله يوفق الجميع

أخذ بوبيان بتروكيماويات على 980 او990 وإن شاءالله فيها ربح سريع ليوم الاحد( والله أعلم)

 

[فلسني البدر]

الله يوفقك ويرزقك ويبارك لك

وخر عن البدر