حدث قبل اسبوعين

[Master-Leo]

قبل اسبوعين تقريبا حصل في بورصة الكويت أحد المتداولين خرج وهو في ضيق شديد

مما حدث له من خساره فما أن جاء العصر الا وحدثت له سكته قلبيه وتوفي

سمعت بهذه الواقعه اليوم وسبحان الله اسمعها في اليوم اللي انا

خسران فيه بالبورصه وتذكرت شلون الدنيا ماتسوى الواحد يعور قلبه

عشان هالفلوس وصج اذا قالوا الخساره بالعمر مو بالفلوس .

الله يرحم هذا الرجل ارتاح من البورصه والفلوس وهالدنيا وعوار القلب

والله يعوض علينا خسايرنا وفلوسنا بالبورصه بحسن الخاتمه يارب .

 

[KUWAITI MAN]

شمعنى هذا الكلام بس يطلع مع نزول السوق

ومع الارتفاع الكل يتحزم ويرقص أحلى من رقص فيفي عبده

 

[Master-Leo]

حمدلله انا في ربحي وبخسارتي قنوع ودوم أحمد ربي واسجد

له سواء خسران ولا ربحان لكن اليوم انا كنت منقهر بسبب

خسارة مو أنا سببها ومع ذلك قلت الحمدلله على كل حال

وماهمني نزول السوق أو صعوده ومادري جم نزل أساسا

اليوم ماتابعت السوق الا أول نص ساعه

و الخبر لو واصلني والسوق صاعد هم أكتبه

انا مو كاتبه الا عشان أقول للكل خسارة الفلوس تهون وناخذ عبره

واللي مايبي يعتبر مو لازم حتى يدخل للموضوع .

 

[KUWAITI MAN]

جزاك الله خيرا

والحمدلله على كل حال

 

[ياقوت]

الله يرحمه
ويوفقكم ان شاء الله ويعوض عليكم كل فلس اضعاف اضعافه
لا تضيقون خلقكم ما راح يصير الا الخير ان شاء الله

​

 

[sayer]

قبل اسبوعين تقريبا حصل في بورصة الكويت أحد المتداولين خرج وهو في ضيق شديد

مما حدث له من خساره فما أن جاء العصر الا وحدثت له سكته قلبيه وتوفي

سمعت بهذه الواقعه اليوم وسبحان الله اسمعها في اليوم اللي انا

خسران فيه بالبورصه وتذكرت شلون الدنيا ماتسوى الواحد يعور قلبه

عشان هالفلوس وصج اذا قالوا الخساره بالعمر مو بالفلوس .

الله يرحم هذا الرجل ارتاح من البورصه والفلوس وهالدنيا وعوار القلب

والله يعوض علينا خسايرنا وفلوسنا بالبورصه بحسن الخاتمه يارب .

رحمت الله عليه والله يدخله فسيح جناته انه على كل شيء قدير

 

[lary]

قبل اسبوعين تقريبا حصل في بورصة الكويت أحد المتداولين خرج وهو في ضيق شديد

مما حدث له من خساره فما أن جاء العصر الا وحدثت له سكته قلبيه وتوفي

سمعت بهذه الواقعه اليوم وسبحان الله اسمعها في اليوم اللي انا

خسران فيه بالبورصه وتذكرت شلون الدنيا ماتسوى الواحد يعور قلبه

عشان هالفلوس وصج اذا قالوا الخساره بالعمر مو بالفلوس .

الله يرحم هذا الرجل ارتاح من البورصه والفلوس وهالدنيا وعوار القلب

والله يعوض علينا خسايرنا وفلوسنا بالبورصه بحسن الخاتمه يارب .

كان الريال من عيال الرامزي الله يرحمه
وسبب زعله كان احد الدلالين الي باعله كل كميته بالمشاريع بالغلط

 

[بوجاسم2]

قبل اسبوعين تقريبا حصل في بورصة الكويت أحد المتداولين خرج وهو في ضيق شديد

مما حدث له من خساره فما أن جاء العصر الا وحدثت له سكته قلبيه وتوفي

سمعت بهذه الواقعه اليوم وسبحان الله اسمعها في اليوم اللي انا

خسران فيه بالبورصه وتذكرت شلون الدنيا ماتسوى الواحد يعور قلبه

عشان هالفلوس وصج اذا قالوا الخساره بالعمر مو بالفلوس .

الله يرحم هذا الرجل ارتاح من البورصه والفلوس وهالدنيا وعوار القلب

والله يعوض علينا خسايرنا وفلوسنا بالبورصه بحسن الخاتمه يارب .

صاج والله

الواحد من يدش السوق لازم يتوقع الخسارة قبل الربح، حتى لمن يخسر لاسمح الله، لا تسبب الخسارة صدمة له.

والعافية أهم من الصحة والله

والله يرحم الريال

كان الريال من عيال الرامزي الله يرحمه
وسبب زعله كان احد الدلالين الي باعله كل كميته بالمشاريع بالغلط

لا حووووول

والله ابتلشنا ويا هالدلالين

وانا من جم يوم قلت حق اللي اتعامل وياه، بيع بـ 800 ولا يبيع بـ 790، بكيفه يعني ههههههههههههه

يامعودين تبون نصيحتي؟

بيعوا انتوا واشتروا بالكمبيوتر احسن ، يعني عن طريق الشركات العروفة مثل المتدوال ولا الاوسط وغيرها، صحيح انها مرات بعد تصير أغلاط، بس يكون الغلط من عندك مو من عند الشركة او الدلال، مثل مرة شفت السوق تمام مال دخول يعني، جان اقوم بسرررررعة اخلي الكمية واكتب السعر(620) واضغط على زر التأكيد وانا مستانس حلاة ويهي ، ولا اروح اشوف شنو صاير على الأمر، ولا آثاري انا علامة صح امام البيع مو الشراء ، يعني خليت امر بيع مو شراء هههههههههههه.

يبه ... اللي له نصيب من رزقة، ياخذها ياخذها ، فلا تزعلون من الخساير .... Take it easy

والله يرزق الجميع

تحياتي

 

[الشرقاوي]

السلام عليكم
انا ماعتقد انه زعل لان احد الدلالين باعله بالغلط لان الكميه كانت 10 آلاف سهم مشاريع وباعها فرق 30 فلس يعني 300 دينار وانصح كل شخص يبي يدش البورصه انه يفكر بالخساره قبل الربح والريال الله يرحمه يعرف هالشي وقديم بالبورصه

 

[sarem]

والله انا اليوم تسببلي الأوسط بخسارة كبيرة حيث اني في اول السوق اول ما صار في دخول على المجموعة د دخلت معاه علشان اقط فوق بتكة .

ولا يقولي الأمر معلق وما تفعل الأمر الا بعد ما انعرض مرة ثانية بالحد الأدنى بعد نص ساعة .(

وطبعا تفعل الأمر وشرالي من المعروض بالأدنى , خسارتي منو يتحملها , بس يالله عساها خيرة .

 

[Master-Leo]

تكفون لا اتييبون طاري الأوسط والله كرهت نظامهم

محد خسرني غيرهم وماودي أزيد بكلامي عنهم

حمدلله على كل حال وهذا شي مكتوب لنا .

الله يعوض علينا والجايات أكثر من الرايحات بإذن الله

أمس واليوم صحيح خسرنا لكن بمشيئة الله

راح نسترجع خسايرنا ونربح بعد وعلها تكون خيرة

مثل ماتفضلوا اخواني بالمنتدى وأرد وأذكر روحي

قبل أي أحد إن الخساره بالعمر مو بالفلوس .

 

[mdf]

السلام عليكم

متى ما كان الانسان قنوع ويعلم علم اليقين ان كل شئ بأمر الله فلا يأبه ابدا بما يضره والله لو خسر كل ملايين الدنيا ولو فقد كل ابنائه وعشيرته فهذا أمر الله ولا نقول الا ما يرضى الله ويرفع درجتنا عنده .

القناعة كنز لا يفنى

فالدنيا بما فيها زائله ، والله خسرت الآلاف ولكن هذا قدري والحمد لله ومهما حرثت الارض فلن آخذ الا نصيبي وما كتبه رب العباد ، ولكن يبقى هناك صدق التوجه الى الله ومصدر المال .

 

[Al-Marzouq]

allah yhawwen 3aleina kellena khasayerna
wel floos troo7 oo teyee
ahham shay el 9e77a

 

[Fayez]

الله يرحمه وانشالله اتكون اخرته الجنه .... وياليت يكون سبب وفاته من بيع اسهم لان الموت بسبب الفلوس موته مو طيبه

اللع يغفرلله ويسكنه الجنه برحمته

 

[ابو جراح]

جزاك الله خيرا

والحمدلله على كل حال والله يجعلنا من الذين تهون عندهم مصائب الدنيا ويقنعنا بما رزقنا وقسمه لنا

 

[fawaz74]

الله يرحمه ويغفر له