رفع قيمة الدينار

[بو سعود2003]

شائعات رفع قيمة الدينار تشعل المضاربة على العملة الكويتية



يعني في ناس قاعده تشتري دينار كويتي شنو اهدافهم من هذا الشراء


يعني يمكن ناس يبون دينار كويتي عشان يشترون شي بالكويت

يعني شراء اراضي وهذا ما اعتقد لانه الاراضي اسعارها نار وصاعده وايد
الشي الثاني شراء الاسهم الكويتيه اتوقع هذا اكثر من الصحه لانه الاسهم رخيصه وعائدها تقريبا يوصل اكثر من 15% والله اعلم يا جماعه اتوقع هذا باثر على السوق تاثير ايجابي


المصدر جريدة الوطن 29-3-2007 الصفحه الاولى جريدة الوطن

 

[كويت2]

مضاربين العملات والشركات قاعدين يشترون الدينار الكويتي عقب رواج شائعة بأن البنك المركزي يخطط لرفع قيمة الدينار مقابل الدولار ... شلون تسربت هالشائعة .... الله أعلم

 

[أبو فلسين]

عسي مضاربين العملات يدشون عندنا بسوق ويضاربون عندنا ويخلون الدينار بحاله وياخذون اسهمنا والله يوفقهم بس احد يفتحلهم درب عشان يدشون

 

[بوجاسم2]

والله ابتلشنا بهالعالم

حاطين عيونهم على هالدينار

الله يحميه، ولو صار فيه شي ، رحنا وطييييي هههههههههههه

 

[فوركسي]

بالعكس هذا شي زين قدرة الدينار الشرائية زادت

 

[Ali Baba]

ما اعتقد .... الديره تبي سياحه وهذا الشي يضر " بالسياحه " والله اعلم

 

[كويت2]

بالعكس هذا شي زين قدرة الدينار الشرائية زادت

تخيل تشتري دينار ألحين .. والبنك المركزي عقبها يزيد قيمة الدينار مقابل الدولار

طبيعي .. راح اترد اتبيع الدينار اللي شريته وتاخذ دولار مكانه


تخيل هالعملية تصير على نطاق آلاف من المضاربين والشركات
وبمبالغ قد تصل للمليارات ... تخيل ... شراح يصير بالدينار عقبها ؟؟؟

 

[Cha3bar]

مو إشاعة

نبيل المناعي مصرح أمس إن البنك المركزي يدرس الخيار

 

[بوجاسم2]

ما نقول إلا ان الله يحفظ ديرتنا ، وأهم شي ............... الدينااار هههههههه

تحياتي

 

[نوخذه 15]

خبر من داخل البنك المركزى ... راح ينزلون سعر الفايدة

 

[Cha3bar]

خلصنا من التضخم عشان ينزلون الفايدة؟

أبشر بإرتفاع أسعار العقار مرة ثانية عيل

 

[بو سعود2003]

بنسبة 46% مقارنة بالشهر السابق
ارتفاع قيمة أصول البنك المركزي الكويتي وسط تكهنات برفع قيمة العملة




الكويت – رويترز

شهدت الاصول الاجنبية للبنك المركزي الكويتي أكبر ارتفاع شهري لها في خمس سنوات على الاقل خلال مارس / آذار 2007 مع رهان المضاربين على احتمال رفع قيمة الدينار الكويتي. وارتفعت الاصول الاجنبية لدى البنك المركزي بنسبة 46 % الى 6.02 مليار دينار ( الدولار يعادل 0.289 دينار) أي بأكثر من ضعف معدل الزيادة في الشهر السابق.

والدينار الكويتي مثل عملات خليجية أخرى مربوط بالدولار لكن التكهنات تزايدت بأن الكويت العضو في أوبك ستسمح لعملتها بالارتفاع مع تراجع الدولار.


وقال رئيس البحوث الاقليمية في ستاندارد تشارترد في دبي ستيف بريس يوم أمس الأربعاء 18-4-2007 "يبدو ان ذلك يعكس مشتريات الدينار للمضاربة التي كان على البنك المركزي تعويضها لتجنب اتخاذ اجراء بشأن ربط العملة بالدولار".

وقالت كبيرة الاقتصاديين في بنك الكويت الوطني رندا عازر خوري إن المضاربات على الدينار ربما تكون زادت كذلك بسبب شراء قطر للاتصالات "كيوتل" حصة أغلبية في الشركة الوطنية للاتصالات المتنقلة الكويتية مقابل 3.72 مليار دولار في مارس/ اذار الماضي.

وبلغ صافي الخصوم الأجنبية للبنوك المحلية في الكويت خلال مارس الماضي 36.4 مليون دينار بالمقارنة مع أصول أجنبية قدرها 906.5 مليون دينار في فبراير / شباط. وقال بريس ان البنوك المحلية والصناديق الاجنبية تزيد على الارجح ما بحوزتها من الدينار متوقعة أرتفاعه.

وقالت الكويت التي وردت في استطلاع أجرته رويترز الشهر الماضي باعتبارها أكثر الدول الخليجية المرشحة لرفع قيمة عملتها إنها قد توسع نطاق تأرجح الدينار أمام الدولار أو تربط العملة بسلة عملات لحماية الاقتصاد من التضخم.

وفي مارس الماضي حذر البنك المركزي من المضاربة على الدينار قائلا إنه غير راض عن عمليات شراء للدينار لاغراض غير تجارية.

http://www.alaswaq.net/articles/2007/04/19/7391.html

 

[بو بندر]

اولا
خبر فك ارتباط العمله طلع بعد اعتذار عمان عن الالتزام بموعد المقرر لطرح العمله الخليجيه الي عقبها صرح الكويت والامارات باحتمالية فك الارتباط

ثانيا

هذي الودائع لما تنسحب كلها مره واحده بعد فك الارتباط بالدولار را اتأثر تاثير مباشر علي العمله من هذي المضاربه

السبب في هذي الودائع
نزول الدينار الكويتي الذي يقيم الان باقل من الثلثين من قيمته الحقيقيه وعند فك الارتباط راح ينزل سعر صرف الدولار عن اسعاره الحاليه تقريبا 20 فلس اذا مو اكثر

فاحسب كم الفرق عند تحول الدينار للدولار بعد فك الربط وكم المربح تقريبا 20 % وهي نسبه مغريه بالنسبه للمضاربين

دمتم

 

[بو سعود2003]

يمكن يبون الدينار عشان يدشون سوق الكويت للاوراق المالية

 

[جاد جدا]

رفعوا الفايده نزلوا الفايده مو مستفيد إلا التاجر زي المنشار طالع واكل نازل واكل

 

[فوركسي]

تخيل تشتري دينار ألحين .. والبنك المركزي عقبها يزيد قيمة الدينار مقابل الدولار

طبيعي .. راح اترد اتبيع الدينار اللي شريته وتاخذ دولار مكانه


تخيل هالعملية تصير على نطاق آلاف من المضاربين والشركات
وبمبالغ قد تصل للمليارات ... تخيل ... شراح يصير بالدينار عقبها ؟؟؟

بعد رفع القيمة يقدر البنك المركزي يضيق نطاق تحرك السعر لمنع المضاربة بالدينار

 

[qatel4]

• ارتفاع سعر الدينار مصلحة كبيرة للبلد ومدخراته
• ثانيا : لاتنسون الدينار فقد الكثير من قيمته بسبب ؤبطه بالدولار
• رفع سعر الدينار ينزل سعر اليورو يعني راح تصيف عندهم بلندن هالسنة