عاجل حده (التحييد)

[بديع الزمان]

المحكمة الكويتية تلغي قرار التحييد

تلفزيون الراي

 

[بومشاري]

وشنو تأثيرة على السوق
ممكن تفيدنا مشكورا​

 

[بديع الزمان]

وشنو تأثيرة على السوق
ممكن تفيدنا مشكورا​

أكيد خبر إيجابي والدليل صعود السوق وأكيد في ناس لحد الآن ما يدرون

أهم شي يرضى المعزب ( الخرافي ) ​

 

[xENGx_1]

ألف مبرووك الخبر صحيح 100 ب% وانشالله يردوون حق السوق هيبته

 

[الراقي]

أكيد خبر إيجابي والدليل صعود السوق وأكيد في ناس لحد الآن ما يدرون

أهم شي يرضى المعزب ( الخرافي ) ​

المعزب فك التحيد عن كل شركاته بتقديم الأستقالات ومو محتاج لهذا الحكم بس يمكن شي معنوي ان احنا طلعنا صح وانت يا الهاجري ولجنتك غلط

 

[q80mofa]

المحكمة الكويتية تلغي قرار التحييد

تلفزيون الراي

أن شاء الله السوق فوق فوق فوق مبروكين ياشباب

 

[راعي سيمنز]

فرحانين بالخبر ؟؟؟؟
انتو كيفكم بس انا رأيي غير .
لازم انعرف انه اللي سواه الخرافي غير قانوني ويعني لازم يتعاقب واللي سواه الهاجري صحيح 100%
انتوا إطالبون بالشفافيه ,,,,, ولما يتعاقب اللي يخالف (( يعني اقصد الخرافي )) للشفافيه ماتبون يصير له عقوبه !!!!!!!!
والسلام ختام

 

[Abo Yousef]

انا رايي من راي الاخ راعي سيمنز المخالف لازم يتعاقب والتحييد ولو انه اثر علي السوق لكنه يحد من بعض التصرفات الغير مسؤوله لبعض التجار اللي قاعدين يلعبون بالسوق ويرفعون وينزلون السوق علي كيفهم.

 

[بديع الزمان]

ياجماعة هذا حكم محكمة

يعني المحكمة قاعدة تطبق القانون

ليش زعلانين الله يوفقنا وإياكم​

 

[***بومحمد***]

فرحانين بالخبر ؟؟؟؟
انتو كيفكم بس انا رأيي غير .
لازم انعرف انه اللي سواه الخرافي غير قانوني ويعني لازم يتعاقب واللي سواه الهاجري صحيح 100%
انتوا إطالبون بالشفافيه ,,,,, ولما يتعاقب اللي يخالف (( يعني اقصد الخرافي )) للشفافيه ماتبون يصير له عقوبه !!!!!!!!
منو يكون الخرافي مواطن مثله مثلكم وكلنا لازم انكون احرار ولا انكون اتباع للخرافي او غيره
فقط فقط ( الله ثم الوطن ثم الأمير )
والسلام ختام

أخوي العزيز......
المسأله مومسألة ان الخرافي مايتعاقب وان الخرافي فوق الكل ...... الخ

بس العتب والخطأ الي خلا الناس تشيل على الوزير هو المفاجأه التي فاجأ الناس بها في تطبيقه أشد العقوبه بندفاع ودون انذا مسبق وعدم دراسة ماسيترتب عليه التطبيق للعقوبه وعم تقديم المصلح العامه على الخاصه في هذا التطبيق والتي نجم عنها النزول الحاد للسوق ككل مع العلم بأن أكثر من 70% من الشركات لاعلاقة لها بالموضوع نهائيا الى أنها تأثرت بالقرار المفاجئ مما ترتب على ذلك خسائر فادحه لكل المتداولين وهم كما أشرت لاعلاقه لم بالموضوع .....
ثم أنه أليس من المخزي أن يقوم الوزير بااصدار قرار فسخ العقود الخاصه بال B O T ونتيجه طبيعيه وكما أشرت أن ينعكس ذلك على السوق... ثم يتبين خطأ ذلك القرار..... وهاهو القضاء يحكم الآن ببطلان التحييد .....

فياترا ماهو جديد الوزير ...... الله يستر

 

[النــاقــد]

يعني الحين افلسنا من الناحيتين !

يوم حيدوا الاسهم خسرنا فلوسنا بهبوط جايد ...!

قلنا "ماشي ... فداء الوطن " المهم يصير السوق سيدا من غير لف و لا دوران !

و الحين بعد ما خسرنا فلوسنا شالوا قرار التحييد !!

يعني فلوسنا راحت "هباءا منثورا" ... مو فداء للوطن طلعت فداء "للخرابيط" ..!

 

[Master-Leo]

أولا مبروك للي أستفاد من ارتفاع اسهم الخرافي اليوم

لكن عندي أسئله جوهريه نحتاج من يجاوبنا عليها

ليش مافي اعلان من البورصه بخصوص حكم المحكمه ؟!

وليش الأسهم مالت الخرافي مو موقفه عن التداول من

الصبح عشان محد يستغل المعلومات لصالحه الى ان تأتي

النتيجه ؟!

وليش أصلا شركات الخرافي اللي بالبورصه وعلى رأسهم المال

ما اعلنت إن اليوم فيه جلسه للحكم بهذه القضيه ؟!

مو المفروض تنلغي الصفقات اللي تمت اليوم على المال أسوة

بما حدث من قبل مع المخازن في حالة مشابهه !!!؟؟؟

 

[أبو فلسين]

وانا اشوف اسهم الخرافى حد اعلى الله يبارك فيهم

 

[بديع الزمان]

أولا مبروك للي أستفاد من ارتفاع اسهم الخرافي اليوم

لكن عندي أسئله جوهريه نحتاج من يجاوبنا عليها

ليش مافي اعلان من البورصه بخصوص حكم المحكمه ؟!

وليش الأسهم مالت الخرافي مو موقفه عن التداول من

الصبح عشان محد يستغل المعلومات لصالحه الى ان تأتي

النتيجه ؟!

وليش أصلا شركات الخرافي اللي بالبورصه وعلى رأسهم المال

ما اعلنت إن اليوم فيه جلسه للحكم بهذه القضيه ؟!

مو المفروض تنلغي الصفقات اللي تمت اليوم على المال أسوة

بما حدث من قبل مع المخازن في حالة مشابهه !!!؟؟؟

أسئلة فعلاً وجيهة ، بس الناس اللي متابعين القضية يدرون عن موعد الجلسة

بس غاسلين إيديهم إن الحكم راح يصدر الخرافي

بس أكرر كلامك وأؤكد عليه ( المفروض يعلنون بالبورصة ) حتى أمس قناة CNBC وقناة العربية

كانوا يوجهون بعض هذي الأسئلة للضيوف ، طبعاً ماكو إجابة ​

 

[راعي سيمنز]

للأخ المشرف almared مع التحيه
ليش أتعدل على كلامي ؟؟؟؟؟؟
**** التعديل الأخير تم بواسطة : almared بتاريخ 02-04-2007 الساعة 01:24 PM. الوصف: منو يكون الخرافي مواطن مثله مثلكم ****

ماقلت شئ غلط علشان أتعدل عليه ولا مو عاجبك كلامي عن الخرافي أو لايكون من ولاة الأمــر في هالبلد .....

المهم أرجوا مايكون فيه احد يكبت الحرية الكتابيه دام انه مافيه غلط او سب وشكراااااااااااااااااااااااااااااااااااا

----- هذا كلامي -----
**** منو يكون الخرافي مواطن مثله مثلكم وكلنا لازم انكون احرار ولا انكون اتباع للخرافي او غيره
فقط فقط ( الله ثم الوطن ثم الأمير ) *****