فرصة لموظفي المواصلات للتظلم عن الدرجة بالاختيار

الموضوع في 'إستراحة المنتدى' بواسطة الفهلوي, بتاريخ ‏5 ابريل 2007.

  1. الفهلوي

    الفهلوي عضو مميز

    التسجيل:
    ‏22 سبتمبر 2003
    المشاركات:
    4,244
    عدد الإعجابات:
    11
    مكان الإقامة:
    في قلب أمي
    صرف الأعمال الممتازة خلال الجاري
    فرصة لموظفي المواصلات للتظلم عن الدرجة بالاختيار

    أصدر وكيل وزارة المواصلات المهندس عبدالعزيز العصيمي تعميماً إدارياً ينص على منح فرصة للموظفين الذين يرغبون في التظلم عن الدرجة بالاختيار خلال الفترة من 2007/4/2 إلى 2007/4/11 على ان يتقدم الموظف إلى ادارة التسجيل بمقر الوزارة الرئيسي بطلب للنظر فيه.
    وأكد العصيمي في تصريح صحافي بانه سيتم النظر في جميع تظلمات الموظفين وفقا للأسس وقرار مجلس ديوان الخدمة المدنية رقم (37) لسنة 2006 الخاص بالمفاضلة بين المرشحين للترقية بالاختيار.
    وأضاف بانه سيتم صرف الأعمال الممتازة خلال ابريل الجاري وفقا لقرار وزير المالية رقم 13 لسنة 1977 الذي يوضح المبالغ المخصصة لكل فئة من حيث المدراء ورؤساء الأقسام والموظفين لمن يقع عليهم الاختيار بشرط ان يكون تقديره لهذا العام (امتياز).
    من جهة أخرى قامت إدارة الرقابة الهاتفية امس بجولة تفتيشية بمنطقة الوفرة بالتعاون مع اجهزة الداخلية وفريق المباحث اسفرت عن ضبط موقع للمتاجرة بالاتصالات الدولية وتم مصادرة الأجهزة المستخدمة.

    تاريخ النشر: الخميس 5/4/2007​
     
  2. بو عثمان

    بو عثمان عضو جديد

    التسجيل:
    ‏15 مايو 2007
    المشاركات:
    3
    عدد الإعجابات:
    0
    الله يعطيك العافيه الفهلوي

    اما موضوع الاعمال الممتازه اللي قلته صح لكن الواقع لا والله مو صح
    انصرفت الاعمال الممتازه لكل من عنده تقدير امتياز ولكن .....
    انا موظف فيها وتقديري امتياز مو بس السنه هذي كل تقاريري امتياز
    والله لاشفت اعمال ممتازه ولاشفت استثنائيه ولا غيره وكل اللي قالوه
    لي رااااااحت عليك وقرار وزاري صكوه بعرض الطوفه
    شرايك وين راحت باقوها يعني
    وزارة المواصلات فيها العجب دام عصب الوزاره الشئون الاداريه
    وما ادراك ما الشئون الاداريه

    وسلامتك
     
  3. Abdulazeez

    Abdulazeez عضو نشط

    التسجيل:
    ‏7 سبتمبر 2004
    المشاركات:
    5,644
    عدد الإعجابات:
    5
    مكان الإقامة:
    Kuwait

    السلام عليكم

    حالك من حالي بوعثمان .. أنا موظف فني بوزارة الكهرباء ما يقارب 12 سنه لا شفت لا درجه بالإختيار ولا حتى علاوه تشجيعيه وحده وكل واحد تعين بعدي حصله شيء من علاوه ودرجه .. والأعمال الممتازه تتوقف عند الوكيل وتسحب منها ناس ويحطون ناس ويحاولون يقللون العدد لأكثر نسبه عشان تزيد لهم المكافأه من التوزيعه ... يعني قبل سنيين كانت ميزانيتها مليونين ونص تقريبا ووزعوا تقريبا على كل الناس حتى الأجانب أخذوا وقبل سنتين وصلت 4 ملايين ونص الكويتيين ما حصلوا ولا الأجانب ... ولما رحت عند الوكيل المساعد .. قالي وأقسم بالله :(( أن العدد كان كبير وقال لي سجلنا ناس والسنه الجايه إن شاء الله الي ما أخذ راح ياخذ )) وعلى هل الحال ... وزاره ماشيه على القبليه والأحزاب .. يعني لو عندك درجتين وعندك 3 موظفين واحد يشتغل عن عشره والثاني من قبيله تابعه للمسؤول والثالث عنده واسطه .. فراح يستبعدون الي كارف نفسه ويشتغل .

    وما راح أتكلم عن إدارتي ... ناس تداوم كل يوم ويشتغلون عن عشره ولاغين منهم بدلاتهم ... وناس تداوم كل 3 أو 4 أيام مره بس وبدلاتهم كلها ماشيه والبونص وكل شيء .

    وناس تطلب إجازات دراسيه من 7 سنوات .. يقولون له لين الحين ما وصل دورك وناس متوظفه قبل سنتين وطالعه تدرس برا وبكشوف الدوام كلها محضره وكاتبين منتدب بعد عشان يقطون عليهم .

    ومدير إداره أعرفه وكلمني واحد يصير لي عنه أمر بإلغـاء بدلات لإداره خارجيه تابعه له ووظف عنده الله يكرم السامع بنات وجنس وياخذون حتى بدل خطر وبدل نائيه وبدل موقع وهم عنده بالمكتب بالسكرتاريه .

    والله لولا الحرام كنت قعدت بالبيت وأخذت راتبي ... بس كل واحد راح يشيل ذنبه وأثمه يوم القيامه ومو هامتني الدنيا ... لولا أن الظلم والفساد طاغي بالوزاره والمسؤولين كل واحد بحاله وخايف على كرسيه .
     
  4. bo fawaz

    bo fawaz عضو نشط

    التسجيل:
    ‏25 يونيو 2006
    المشاركات:
    4,890
    عدد الإعجابات:
    2
    ابوعثمان كل موظف اخذ امتياز عطوه اعمال ممتازه راجع اذا ماانزلتلك

    والشئون الاداريه تبى تتسنع من عقب شسمه راح تتضبط
     
  5. بو عثمان

    بو عثمان عضو جديد

    التسجيل:
    ‏15 مايو 2007
    المشاركات:
    3
    عدد الإعجابات:
    0
    عبدالعزيز
    كلامك صح بس وصلت فيهم
    قرار من الوزيره قبل تمشي من الوزاره
    وهم قرار من الوكيل
    اي موظف عنده امتياز تصرف له

    اخوي بو فواز
    راجعت بس مو بقوه بس بلغتهم وردوا علي راحت عليك
    انا عارف ان كلمة راحت عليك ماتمشي لما اوصلها فوق
    بس بوصل الموضوع للوكيله المساعده هند المسعود
    وبشوف شراح تسوي لان الاداره المشئومه تابعه لها

    وبعدها راح يكون الطريق للوكيل والوزير لانها صيده شكبرها
    قرار وزاري وموظف عنده امتياز شنو العذر ماتصرف له

    متي بس متي تضبط وشسمه متي يفكون الوزاره منه
    ومن جذبه وحقده

    الله كريم
     
  6. الشاطر

    الشاطر عضو نشط

    التسجيل:
    ‏20 يونيو 2004
    المشاركات:
    1,357
    عدد الإعجابات:
    4
    ياجماعه الاعمال المتازه صارت تلقائيه بوزاره المواصلات اللى تقريره سنتين ورا بعض ممتاز ياخذها واعتقد نزلت لك الموظفين اذا مو اغلبهم وهى عباره عن 400 دينار بدون لايراجعهم

    اما الاكلام والاعتراض على العلاوه الفنيه اللى وزاره المواصلات (الدايخه )
    مانزلتها كل الوزارات نزلتها اللى اهى والكلام هذا من شهرين (يقولون بينزلونها بدون اثر رجعى )مدرى منو حللهم الاشهر اللى طافت

    والنقطه الثانيه بدل الموقع اللى على كيفهم اللى يحبونه يعطونه واللى ما مايحبونه ما يعطونه مع ان القرار بدوان الخدمه كل من يحمل شهاده فنيه ياخذها وهذا هو اللى حاصل بكل الوزارات بس وزارتنا لها الله كل يوم وزير وقرارات على كيفه يقولون لك اذا راجعتهم ما ياخذها الا اللى يشتغل برا مراكز السنترالات تصدقون لما قريت اسماء اللى صدر لهم بدل موقع قبل سنتين لقيت فيه اسامى بنات على شنو ياخذونها البنات ما ادرى اذا كلامهم ما يخذها اللى الى يشتغل برا المراكز :confused:

    والنقطه الثالثه على اختيار رؤساء العمل الجدد :) تلقى الجامعى والمهندس كاتب والبواب رئيس قسم ومراقب بالانابه والله هذا هو اللى حاصل جانا واحد من الجيش كان بواب بالعسكريه وهم جانا وصار موظف امن وسلامه وبعد سته اشهر موظف فى خدمات المشتركين وبعدها بشهرين رئيس قسم المشتركين وبعدها مراقب بالانابه :) عينى عليج بارده ياوزاره المواصلات نسيت اقولكم ان شهاده رابعه متوسط والجامعين خدمه وكتبه على الطاولات (المهم سألت هذا الواسطه شنو قال لى والله ست كتب اللى دخلتها على الوزير عشان يقبلنى رئيس قسم وقبلنى )عينى عليج بارده ياوزارة المواصلات


    رابع نقطه وهى الاهم عندى لما جانا المعوشرجى فرحنا فيه وقلنا بيصلح الوزاره والمصيبه انه اول شئ سواه ممنوع الموظفين يوصلون الدور الثالث اللى اهو فيه مكتب الوزير والوكيل العصيمى وحط له حرس اثنين كوتيين وثالث مصرى ومحد يدش الا ويا عضوه :eek: خوش اصلاح

    الملاحضات والشكاوى بوزارة المواصلات واصله السماء

    اللى ابى اقوله اللى يقدر ينقل من وزاره الموصلات ينقل لايقعد فيها وزاره تخبط وقراراتهم كل يوم شكل

    بس تنقل من وزاراه المواصلات لاى وزاره راح تشوف الفرق فى المعاش والفرق فى التعامل مع الموظفين

    وشكرا لفاتح الموضوع
     
  7. bo fawaz

    bo fawaz عضو نشط

    التسجيل:
    ‏25 يونيو 2006
    المشاركات:
    4,890
    عدد الإعجابات:
    2

    صدقت بكل الى قلته والمراقب هذا اعرفه كان بالحرس الوطنى

    موبالجيش:D
     
  8. الفهلوي

    الفهلوي عضو مميز

    التسجيل:
    ‏22 سبتمبر 2003
    المشاركات:
    4,244
    عدد الإعجابات:
    11
    مكان الإقامة:
    في قلب أمي
    معقوله جندي حرس وطني

    وفي وزارة فنية !!!!!!!!!!!
     
  9. الشاطر

    الشاطر عضو نشط

    التسجيل:
    ‏20 يونيو 2004
    المشاركات:
    1,357
    عدد الإعجابات:
    4

    لا الله يخليك لى اللى انا اعرفه جاى من الجيش وانا متأكد من هالكلام
    اذا فيه واحد جاى من الحرس بعد والله مصيبه
     
  10. بو عثمان

    بو عثمان عضو جديد

    التسجيل:
    ‏15 مايو 2007
    المشاركات:
    3
    عدد الإعجابات:
    0
    والله يا الربع شي يضحك

    فيه بالجيش وفيه بالحرس

    والله صدقتوا وكله هواش ونجره وتوصل للايادي مع الموظفين

    بس يا الشاطر انت تقول سنتين امتياز تنزل بحسابك

    عشره يا الشاطر والله عشره مو سنتين

    قالوا راحت عليك هذا وهو قرار وزاري نازل فيها

    الشي المضحك يقولون ليش ماتظلمت يوم فتحنا باب التظلم

    بشهر (اربعه) ليييييييييييييييش

    انا تقديري امتياز وموقع عليه وطالع من رئيس القسم والمراقب

    زين اتظلم علي شنو علي اني امتياز فهموني هذولا شنو من بشر

    يا جماعه مو سالفة حارس وطني اوجيش السالفه اكبر

    مادري بوق عينك عينك مادري غابه وانا الاسد

    جنهم دافعين من حلال ابوهم

    شي خارج نطاق العقل والله
     
  11. الشاطر

    الشاطر عضو نشط

    التسجيل:
    ‏20 يونيو 2004
    المشاركات:
    1,357
    عدد الإعجابات:
    4
    الله يعينك يابوعثمان ويعوضك الله خير منها

    بس لاتخليهم دش بلعومهم لو انا مكانك ادق على اقرب عضو لى واخليه يطلعها من جبدهم معطينك من فلوسهم هم عشر سنين امتياز ومااخذها (وزاره دايخه)