لمن لدية معلومات عن الماجستير

[trader_1]

شاب كويتي حاصل على البكالريوس من جامعه الكويت و تخصص علمي ويرغب بإكمال دراسة الماجستير .... وحاليا موظف بالحكومة

شنو الحل .... تفرغ أو يدرس وهو بالوظيفة .... مع العلم ان الجامعة تطلب إذن من السفارة ؟؟؟؟؟؟؟؟؟؟؟؟

 

[ياقوت]

اذا كان تخصص علمي اتوقع انه لازم تفرغ بس مو متاكده
التخصصات الادبيه ما يشترط التفرغ يعني تروح اتوقع اسبوع او اثنين تناقش مع دكتورك وترجع مو مشكله بس اتوقع انه التخصص العلمي يختلف شوي لانه فيه مختبرات

بس بصراحه ما انصحك تاخذ الماجستير من جامعة الكويت لانه ما مدحولي ياه بره الكويت يكون افضل

واذا تبي تعرف بالضبط ليش ما تسال ادارتك احسن لك لا تمسع من هني وهني اضمن

والله يوفقك ​

 

[trader_1]

يعطيج العافية ياقوت .....

 

[الامبراطور]

طويل العمر إذا بتكمل بالكويت ماله داعي اذن سفاره ولا تسوى تفرغ علمي..بس احسن لك تحدد الهدف من اكمال الدراسة ..
يعني إذا حاب تشتغل بعدها مدرس اكاديمي بالجامعة او اي كلية ثانية لازم تحط ببالك ان يكون تخصص الماجستير مطابق لتخصص البكالريوس ونفس الحجي للدكتوراه..لان التعيين فيهم يشترط المطابقه ..

الماجستير بالكويت بالكثير سنتين..بره الكويت ببريطانيا او بامريكا سنه وحدة بس..

بعدين اذا تبي تدرس بره..أنا افضلك هالشي أذا ماعندك مسئوليات بالكويت
اطلب من العمل بعثة لاستكمال الدراسة وبعد الموافقة تجيب انته القبول من اي جامعه بره تكون وزارة التعليم العالي معترفه فيها..طبعا البعثه يفترض يمشيلك فيها راتب دبل ..

وسلامتك
الامبراطورة

 

[trader_1]

شكرا الإمبراطورة ...... في قوانين بالكويت بخصوص إكمال الدراسة للموظف يشترط عدم إكمال الدراسة إلا بعد سنتين خدمة بعدها تاخذ تفرغ دراسي بدون مرتب ..

 

[just_a_guest]

سلام اخوي تريدر ..بالنسبه للماجستير ...ممكن تدرس ماجستير على طريقتين يا تفرغ أو بدون ..التفرغ يشترط انه تدرس على الاقل مادتين كل فصل ..غير المتفرغ ماده وحده فقط ..الدراسه تكون عادة بعد الساعه 2 الظهر ..يعني مو شرط تطلع من الدوام ..بس بالنسبه للقبول شوي صاير صعب شوي ..يعني يبون معدل شوي مرتفع ..يعني اقل شي 3.0 من 4.0
واذا حاب تستفسر اكثر مافي مانع تراسلنلي على البرايفت ...أنا ممكن افيدك ان شاء الله ..سلام

 

[alakhal]

اخوي جرب الاردن يوم الخميس تداوم عندهم وهو اجازة وانت على راس عملك واذا تضبط معك محاضرة عصر الاربعاء ومحاضرة الخميس العصر