اعتذار عن نشر اي معلومات عن السوق الكويتي

[star2007]

يعطيك العافيه اخوي بوجاسم

انزين اخوي على الاقل يتم تنبيه اخوانك عن الاسهم اللي تم الخروج او الدخول عليها

فقط اذكر الاسهم

بعد هذي ما فيها شي

شاكرين لك مجهوداتك

 

[almared]

أخوي بو جاسم ...


أقرأ الجملة اللي عليها دائره ..

 

[سويسرا]

السلام عليكم



بوجاسم انا اقول جزاك الله خير نزل الجدول افضل لانة مافي بالموضوع شي

لانة احنا امس الحاجة الى المعلومات الكافية وضروري نعرف الملكيات

ترى في حق ناس وناس بس انا لوعندي اشتراك انزل مافي اي مشكلة اشمعنى الحين البورصة ودير البورصة عندة عيوب

واغلاط وايد حتى لجنة السوق شباب شرايكم

ولا نشترك بالاشتراك احسن نسوي غطية ياشباب يطلع رخيص علينا

كل واحد يبدي راية 100 شخص على الاقل يشتركون فية جماعي بلاش

ولا من الاساس البورصة مقطوعة المعلومات نورونا ياشباب

 

[أبوجاسم]

يعطيك الف عافيه اخوي star2007 فكرتك معقوله وفكرت فيها ولكن بصراحه المهمه شاقه وصعبه حيث اني مشترك بكذا منتدى وعملية البحث صعبه شوي

المشرف العزيز almared نعم فى السابق كنت اسوي مثل الجمان لكن حاليا موقع البورصه اضاف شرط الموافقه الخطية منهم والذي لم يكن مشروطا بالسابق

الاخ العزيز سويسرا انا مؤيد لك ولكن ماكو بيدي غير اني اطلب الاذن من اصحاب المواقع وللحقيقه راسلت كذا جهة 2 ماكو رد وجهة ماعندها مانع بشرط ذكر المصدر ولكن الاهم سوق الكويت ساحاول الاتصال بهم واخذ منهم الاذن

وللفائده هذا نص القانون الذي يمنع النقل او الاقتباس

بالباب الاول ماده 1 الفقره الثانيه

ويعتبر مؤلفا الشخص الذي يبتكر المصنف أو ينسب اليه عند نشره سواء أكان ذلك بذكر اسمه على المصنف أو بأي طريقة أخرى إلا إذا قام الدليل على خلاف ذلك .

فالموقع ينسب لسوق الكويت

والباب الثاني حقوق المؤلف الفصل الأول أحكام عامة ماده 8

إذا قام شخص بعمل نسخة واحدة من مصنف تم نشره أو قام بترجمته أو الاقتباس منه أو تحويره بأي شكل آخر وذلك لاستعماله الشخصي فلا يجوز للمؤلف أن يمنعه من ذلك .
على أنه لا يجوز نشر هذه الأعمال إلا بإذن من صاحبها والمؤلف .


لايجوز النشر الا باذن صاحب العمل او المؤلف

 

[قاروه]

السلام عليكم

اخوي بوجاسم تقدر تاخذ الموافقه منهم عن طريق الايميل ؟
لهم بريد الكتروني بالسايت

 

[khalid2002]

بوجاسم طلعت ماعندك سالفة للاسف 00 شنو موافقة يعنى مو فاهم شى 0 تتكلم جد انت والا تتغشمر 00

 

[الزاجل@2]

اعتذر الى الاخوه والاعضاء الكرام بنشر اي معلومات تخص سوق الكويت وذلك للحاجه الى موفقه خطية من اداره السوق لنشر اي معلومات.

فأرجو منكم العذر والسموحه وذلك حفاظا لحقوق سوق الكويت للاوراق الماليه .



وهذا نص اعلان السوق


حقوق النشر والحقوق الفكرية الواردة في هذا الموقع، تحفظ لسوق الكويت للأوراق المالية ولا يجوز إعادة نشر أو توزيع البيانات والمعلومات المنشورة في هذا الموقع الا بموافقة خطية من إدارة السوق .

يعطيك العافيه يا بو جاسم والله يحفظ جسومي لك ان شاء الله

اصراحه ما قصرت
اذا شفت أنك تقدر تكمل فهذا طيبة منك واذا وقفت فالله يشهد أنك ماقصرت مع اي عضو في المنتدى الكل بلا استثناء استفاد من مشاركاتك الذهبيه
اطالب المراقبين بتسميتك العضو الذهبي

 

[قاروه]

بوجاسم طلعت ماعندك سالفة للاسف 00 شنو موافقة يعنى مو فاهم شى 0 تتكلم جد انت والا تتغشمر 00

صراحه انت الي ما عندك سالفه
اخونا ما قصر بالفتره السابقه ينقل المتغيرات طيبة منه اول باول وجزاه الله عنا خير الجزاء

 

[Discovery]

بوجاسم يعطيك الف عافيه علي المجهود الواضح بس وايد يا خوي كبرت المسأله صدقني نشرك للتغييرات مافيها سرقه لحقوق الملكيه وياليت تعاود نشاطك وتفكر بالموضوع من جديد

الله يعطيك الف عافيه سواء اكتفيت او تتواصل بالموضوع

 

[white soul]

انا لها...

اذا بو جاسم اصر على عدم الاستمرار بمتابعة التغييرات الاسبوعيه

راح اكون معاكم ابتداءا من الاسبوع المقبل

بس اذا صار ما صار وقطوني النظاره بتهمة القرصنة الالكترونيه دزولي كفيل مو تخلوني ​

 

[Bo_Ahmad]

انا لها...

اذا بو جاسم اصر على عدم الاستمرار بمتابعة التغييرات الاسبوعيه

راح اكون معاكم ابتداءا من الاسبوع المقبل

بس اذا صار ما صار وقطوني النظاره بتهمة القرصنة الالكترونيه دزولي كفيل مو تخلوني ​

توكل على الله, واذا طلبوا كفالة مالية عطيناهم أسهم المجموعة د

 

[بو سليمان]

انا لها...

اذا بو جاسم اصر على عدم الاستمرار بمتابعة التغييرات الاسبوعيه

راح اكون معاكم ابتداءا من الاسبوع المقبل

بس اذا صار ما صار وقطوني النظاره بتهمة القرصنة الالكترونيه دزولي كفيل مو تخلوني ​

جزاك الله خير بو جاسم ادي الامانه و انت ان شاء لتكملها
صدقني استفدت منك خليجي

 

[ستوك]

يظهر إن الأخ الكريم ابو جاسم فاهم الموضوع غلط ..

إذا اللي تقول عنه ملكية فكرية عيل حتى اقفالات الميتاستوك مايصير ناخذها لأن ملكية فكرية .. كلام مايدش العقل ..
اذا السالفه جذي راح تصير عملية متابعة الأسهم مستحيلة !
الله وموقعهم أخاف بلومبيرغ بس :d

تسهلها تسهل .. تصعبها تصعب
خذ الأمور ببساطة وانت مو مسوي لا منكر ولا جريمة لا سمح الله

وبالنهاية إذا أصر بو جاسم على رايه نقول له ماقصرت وكثر الله خيرك

ونقول للأخ وايت سول قواك الله وان شاء الله قدها وقدود

 

[zgombi]

ماقصرت يابوجاسم ورايتك بيضه واقل شئ اقدر اقوله بحقك هو الله يرحم والديك .

 

[ChuCky]

شدعوه ترى على كلامك حتى الداتا للميتاستوك ما نقدر ناخذها الا بموافقتهم !
وانت ماتاخذها منهم زاهبه مزهبه تتعب على ما تجمعها بس اذكر مصدرها
وهذا اللي يبونه