حسافه والله على العادات و التقاليد المنسيه

ياقوت

عضو نشط
التسجيل
18 فبراير 2006
المشاركات
1,726
الإقامة
kuwait
عين الرضا عن كل عيب كليلة ... لكن عين السخط تبدي المساوىء

:)
 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
عين الرضا عن كل عيب كليلة ... لكن عين السخط تبدي المساوىء

:)


امركم غريب تمدحون الامهات اللي قبل وطايحين ذم
بالامهات اللي الحين مع العلم كلهن امهات وكويتيات
يبه توبه اقول رايي بالمرأه المسلمه الكويتيه الشريفه العفيفه
المقدسه الجميله الشاغوله الحنونه الام البنت
 

ياقوت

عضو نشط
التسجيل
18 فبراير 2006
المشاركات
1,726
الإقامة
kuwait
يا سيدي الفاضل
منو ذم بالحريم الحين ؟
يعني عشان ننتقد وجود الخدم المره مو زينه ؟
المره مضطره تحط خدامه لانها تشتغل ومو كل وحده امها تمسك عيالها
احنا قاعدين نتكلم عن واقع موجود
يعني خلاص اذا قلنا راينا بشغله الحريم يكونون مو زينين
الحريم قبل مثل الحريم الحين مثل حريم بعد مليون سنه بس الظروف تتغير والوضع يتغير
ومدى سوء طبع الانسان ما يعتمد على انه ريال او مره
الزين زين والشين شين

:)
 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
يا سيدي الفاضل
منو ذم بالحريم الحين ؟
يعني عشان ننتقد وجود الخدم المره مو زينه ؟
المره مضطره تحط خدامه لانها تشتغل ومو كل وحده امها تمسك عيالها
احنا قاعدين نتكلم عن واقع موجود
يعني خلاص اذا قلنا راينا بشغله الحريم يكونون مو زينين
الحريم قبل مثل الحريم الحين مثل حريم بعد مليون سنه بس الظروف تتغير والوضع يتغير
ومدى سوء طبع الانسان ما يعتمد على انه ريال او مره
الزين زين والشين شين

:)

سيدتي الفاضله

انا ذكرت ان وجود الخدم افضل وحطيت شاهد ( قمله ) :)
معنى كلامي لا نحط اللوم على النساء الان انهن اتكاليات
لان قبل الرجال عنده دشداشتين مثل ما قلتي والمره اللي
قبل تغسل كل يوم دشداشه ووزار :) يعني ما فيه تعب
لكن مو مثل الحين غسيل كل يوم بقشة ملابس
وهي مسكينه دوام عندها
اكثر من هيك مافيه اوضح
 

ياقوت

عضو نشط
التسجيل
18 فبراير 2006
المشاركات
1,726
الإقامة
kuwait
هذا كان قصدي ايضا
انه المره قبل ما عندها ذاك الشغل عشان جذي ما تحتاج خدامه هذا غير انها متفرغه لبيتها تمام على عكس حريم الحين المساكين اللي فوق مسؤوليه بيتها عندها شغلها
وتدريس الياهال اللي يرفع الضغط واييب السكر
وسلامتكم


:)
 

الفيلكاوي_80

عضو نشط
التسجيل
11 يناير 2007
المشاركات
3,079
الإقامة
الكويت الحبيبه
السلام عليكم

يا جماعه العتب كله مو بس على الحريم حتى على الرياييل لانه بعض الرياييل مو الكل غاسل أيده من البيت كلش الصبح دوام و يرجع يتغدى و ينام و يقوم المغرب يبدل و يروح الديوانيه او القهوه ما يرجع الا تالي الليل و يحط راسه و ينام

وين دوره بالبيت بالله ؟ وين دوره بالتربيه ؟ وين دوره بالجو الاسري ؟ اكرر البعض من الرجال و ليس الكل :)

وانتو يا جماعه قاعدين تتكلمون عن الخدم و نسيتو الموضوع الرئيسي :)

(( العادات و التقاليد المنسيه ))

فمان الله
 

بو راس يابس

عضو نشط
التسجيل
20 أبريل 2006
المشاركات
1,661
الإقامة
كيفان
مشكور اخوي عالموضوع الجميل ،،، ودي اضيف شغلة

اعتقد في بعض المفاهيم تغيرت عند الناس بسبب :

1) الفضائيات
2) ثورة الاتصالات
3) الانترنت

هذي دخلت بيوتنا وعلى عيالنا وبناتنا غصبن علينا ،،، عدل

انزين وشالمشكلة ؟؟؟؟؟؟

المشكلة يا طويلين العمر ان احنا تعودنا نشوف الغلط وشوي شوي قمنا نسويه ولا كأنه في شي ،،،،،،، مثال :

قبل إذا في هتلي بالسوق عمره 15 - 17 ما يتجرأ يرفع صوته يسب رفيجه اللي يبعد عنه عشر امتار يابن ال .... (محشومين) ليش ؟؟؟؟ لأنه يدري انه راح يي له طراق من أقرب ريال موجود يمه !! عدل ؟؟ واذا ابو الصبي درا ان فلان مسنع ولده بطراق يتشكر منه تقول عازمه على ذبيحة ،،، عدل ؟؟

الحين لنفرض الولد سب رفيجه ،، وسمعه الشرطي (وهذي جنحة يعاقب عليها القانون) من يفج حلجه الشرطي بكلمة رد عليه الولد بعشر ويا ويله هالشرطي اذا الولد وراه ظهر ،، يلعن الساعة اللي دش فيها العسكرية ،،،، هذا واقع عدل ؟؟؟؟؟؟

مثال ثاني: علاقة الرجل بالمرأة الغريبة ،،،،،

في السابق والله ان اي وحده تمشي بالشارع في احساس لدى الناس عموما بوجود هاله تحيط بها فلا يتجرأ احد يجرح مشاعرها او سمعها بكلمة او حركة ودايما اي حرمة بالشارع نعتبرها اختنا واذا عودة امنا ،،، عفة بالفطرة
تحس المرة محترمة نفسها والريال محترم نفسه والكل يعرف اللي له واللي عليه ،، الحين والله نعرف بنات الله يستر علينا وعليهم ان عليهم حجاب وعباة وماشيين حدر الساس وييونك شباب ما يستحون ولا ينتخون اللي يقط رقم واللي يقول كلمة ،، والعكس اعرف واحد عينه على ريوله وتيي له بنت من بنات هالوقت وتلفت نظره بحركة او صوت او نغزة !!!!!!!! ليشششش هالنظرة الحيوانية ؟؟؟؟؟

(يا جماعة ترى ما نعمم بس انقول ترى في جذي)
 

الفيلكاوي_80

عضو نشط
التسجيل
11 يناير 2007
المشاركات
3,079
الإقامة
الكويت الحبيبه
مشكور اخوي عالموضوع الجميل ،،، ودي اضيف شغلة

اعتقد في بعض المفاهيم تغيرت عند الناس بسبب :

1) الفضائيات
2) ثورة الاتصالات
3) الانترنت

هذي دخلت بيوتنا وعلى عيالنا وبناتنا غصبن علينا ،،، عدل

انزين وشالمشكلة ؟؟؟؟؟؟

المشكلة يا طويلين العمر ان احنا تعودنا نشوف الغلط وشوي شوي قمنا نسويه ولا كأنه في شي ،،،،،،، مثال :

قبل إذا في هتلي بالسوق عمره 15 - 17 ما يتجرأ يرفع صوته يسب رفيجه اللي يبعد عنه عشر امتار يابن ال .... (محشومين) ليش ؟؟؟؟ لأنه يدري انه راح يي له طراق من أقرب ريال موجود يمه !! عدل ؟؟ واذا ابو الصبي درا ان فلان مسنع ولده بطراق يتشكر منه تقول عازمه على ذبيحة ،،، عدل ؟؟

الحين لنفرض الولد سب رفيجه ،، وسمعه الشرطي (وهذي جنحة يعاقب عليها القانون) من يفج حلجه الشرطي بكلمة رد عليه الولد بعشر ويا ويله هالشرطي اذا الولد وراه ظهر ،، يلعن الساعة اللي دش فيها العسكرية ،،،، هذا واقع عدل ؟؟؟؟؟؟

مثال ثاني: علاقة الرجل بالمرأة الغريبة ،،،،،

في السابق والله ان اي وحده تمشي بالشارع في احساس لدى الناس عموما بوجود هاله تحيط بها فلا يتجرأ احد يجرح مشاعرها او سمعها بكلمة او حركة ودايما اي حرمة بالشارع نعتبرها اختنا واذا عودة امنا ،،، عفة بالفطرة
تحس المرة محترمة نفسها والريال محترم نفسه والكل يعرف اللي له واللي عليه ،، الحين والله نعرف بنات الله يستر علينا وعليهم ان عليهم حجاب وعباة وماشيين حدر الساس وييونك شباب ما يستحون ولا ينتخون اللي يقط رقم واللي يقول كلمة ،، والعكس اعرف واحد عينه على ريوله وتيي له بنت من بنات هالوقت وتلفت نظره بحركة او صوت او نغزة !!!!!!!! ليشششش هالنظرة الحيوانية ؟؟؟؟؟

(يا جماعة ترى ما نعمم بس انقول ترى في جذي)

هلا والله أخوي بو راس يابس

والله الفضائيات و الاتصالات و الانترنت لها حسناتها و لها مضارها

مثل الفضائيات فيها قنوات دينيه فيها قنوات تعليميه و فيها قنوات ثقافيه بس للاسف ( بعض ) الناس يستخدمها بقنوات تعبانه و رديه

والاتصالات بعد فيها خدمات عجيبه غريبه و حلوه و مفيده للناس بس ( بعض ) الناس يستخدمها بالفضايح و التصوير التعبان و هل أمور إلي لا تودي ولا تييب

والانترنت بعد وايد وايد مفيد وخله العالم يكون قريب يمك وكل ما تحتاجه من متطلبات الحياة من جميع النواحي يكون قريب إليك بس ( بعض ) الناس يستخدمونه استخدام سيئ للاسف

و مشكور ياخوي على المشاركه

فمان الله
 

jemee

عضو نشط
التسجيل
21 أغسطس 2006
المشاركات
1,470
1

السلام عليكم

ياخي كل وقت مايستحي من وقته

الله يستر علينا وعلى جميع المسلمين
 

الفيلكاوي_80

عضو نشط
التسجيل
11 يناير 2007
المشاركات
3,079
الإقامة
الكويت الحبيبه
السلام عليكم

ياخي كل وقت مايستحي من وقته

الله يستر علينا وعلى جميع المسلمين

وعليكم السلام

مادري والله العتب على الوقت ولا على الناس نفسهم؟؟

امين يا رب العالمين (( الله يستر على جميع المسلمين و يحفظهم ))

و مشكور على المشاركه

فمان الله
 

ياقوت

عضو نشط
التسجيل
18 فبراير 2006
المشاركات
1,726
الإقامة
kuwait
اسفين اذا طلعنا عن صلب الموضوع :) بس المواضيع تشد بعضها البعض​
 

قاروه

بوعبدالعزيز
التسجيل
22 نوفمبر 2005
المشاركات
7,976
السلام عليكم جميعا

يا جماعه مرات يأتيني شعور غريب اقول ليش العالم بالكويت تغيرت و نست شي اسمه عادات و تقاليد طبعا مو الكل . يعني مرات ادش مجمع او جمعيه او امشي على البحر اشوف ناس ولا جنه قاعدين بالكويت من الرجال و النساء من ناحية الشعر و اللبس و طريقة الكلام و يحزن قلبي على الدشداشه و الغتره و العبايه و الحجاب الي صارو الناس يقولون عنها تفشل و قديمه .. حسبي الله و نعم الوكيل :(


عندي جم سؤال :

في احد يفكر نفس تفكيري ؟ ولا انا اصبحت رجعي بنظر الناس لاني محافظ على العادات و التقالد ؟

هل تأثرنا بالغرب بالزين و الشين ؟ صارت عندنا ميزت التقليد في كل شي


الله يحفظنا و يحفظ جميع المسلمين من كل مكروه

دمتم في رعاية الله و حغظه

وعليكم السلام ورحمة الله

الاجابه باختصار شديد
للاسف قلة الوازع الديني
 

الفيلكاوي_80

عضو نشط
التسجيل
11 يناير 2007
المشاركات
3,079
الإقامة
الكويت الحبيبه
اسفين اذا طلعنا عن صلب الموضوع :) بس المواضيع تشد بعضها البعض​

عادي طال عمرج .. مثل ما تفضلتي المواضيع تجر بعض .. و احنا نسولف و نستفيد و نفيد غيرنا انشاء الله :)

دمتي في رعاية الله و حفظه

فمان الله
 

الفيلكاوي_80

عضو نشط
التسجيل
11 يناير 2007
المشاركات
3,079
الإقامة
الكويت الحبيبه
وعليكم السلام ورحمة الله

الاجابه باختصار شديد
للاسف قلة الوازع الديني

هلا والله قاروه

اي والله قلة الوازع الديني .. رحم الله والديك

الناس قامت تنشغل بالربامج الغنائيه و التصويت حق فلان و علنتان و فلان الاضعف و فلات الاقوى و هذا فاز و هذا خسر و لو تقوله حط على قناة دينيه ربع ساعه و استفيد قالت مالي خلق

و هذا كله يعتمد على صمام الامان في البيت اذا كان ريال راعي دين و صلاة و عباده و ذكر صلح البيت و اذا كان العكس فا حدث ولا حرج

مشكور على المشاركه طويل العمر

فمان الله
 

الفيلكاوي_80

عضو نشط
التسجيل
11 يناير 2007
المشاركات
3,079
الإقامة
الكويت الحبيبه
هلا والله يا جماعه

من العادات و التقاليد المنسيه (( الاحترام )) نشوف هليام الاحترام شبه معدوم نلاحظ لا الولد يحترم أبوه ولا البنت تحترم أمها ولا الاخو او الاخت الصغار يحترمون الكبار ... طبعا (( مو الكل ))

و هذي الظاهره اذا الواحد او الوحده ما تعلمت عليها بالبيت تتسبب بمشاكل بره البيت (( بالدوام او في التعامل مع الناس او بطريقة و اسلوب الكلام ))

فمان الله
 

الفيلكاوي_80

عضو نشط
التسجيل
11 يناير 2007
المشاركات
3,079
الإقامة
الكويت الحبيبه
يا جماعه مو ملاحظين شغلة ( عدم الاحترام ) هليام منتشره بكثره (( طبعا مو الكل ))

فمان الله
 

قاروه

بوعبدالعزيز
التسجيل
22 نوفمبر 2005
المشاركات
7,976
والله ياخوي انا معاك بكل الي تقوله
وادا بنتكلم بهالموضوع ماراح نخلص
واجابتي نفسها
واسال الله الهدايه للجميع
 

الفيلكاوي_80

عضو نشط
التسجيل
11 يناير 2007
المشاركات
3,079
الإقامة
الكويت الحبيبه
والله ياخوي انا معاك بكل الي تقوله
وادا بنتكلم بهالموضوع ماراح نخلص
واجابتي نفسها
واسال الله الهدايه للجميع

هلا أخوي

الموضوع بدأ ينتشر (( عدم الاحترام )) و هذي الشغله ما تأثر على الفرد نفسه تأثر على المجتمع بأكمله

الله ييسر أمور الجميع و يوفق الجميع الي كل ما فيه الخير و الصالح

دمتم في رعاية الله و حفظه
 
أعلى