حسافه والله على العادات و التقاليد المنسيه

[الفيلكاوي_80]

شاركونا يا جماعة الخير في الموضوع خل نستفيد و نفيد غيرنا

حتى الفائده تعم

دمتم سالمين

 

[سهم مرتاح]

اكو انواع
ناس تلقاهم بالطلعه يغير شكله ولبسه وحتى لهجته ولمن يرد البيت يرد طبيعي..انفصام بالشخصيه تقدر تقول
وناس من اهله فسقو على قولت صاحبنا ستيل حمد وصارو مودرن واهو طب الدنيا جذيه ينهق معاهم
ولكن الى الان نسبتهم قليله
بس لما تخلي هالاماكن وتروح دوانيات واماكن داخل المناطق تشوف الدنيا غير..كويتك ماتغير الا المناظر

وهذا اللي اشوفه

 

[الفيلكاوي_80]

اكو انواع
ناس تلقاهم بالطلعه يغير شكله ولبسه وحتى لهجته ولمن يرد البيت يرد طبيعي..انفصام بالشخصيه تقدر تقول
وناس من اهله فسقو على قولت صاحبنا ستيل حمد وصارو مودرن واهو طب الدنيا جذيه ينهق معاهم
ولكن الى الان نسبتهم قليله
بس لما تخلي هالاماكن وتروح دوانيات واماكن داخل المناطق تشوف الدنيا غير..كويتك ماتغير الا المناظر

وهذا اللي اشوفه

هلا والله أخوي

يا أخي تشوف شباب و بنات بالمجمعات و الاسواق و الاماكن الترفيهيه والله ما تقول هذوله كويتيين .. وين الرقابه الاسريه على الشاب او البنت لما يطلعون من البيت بهذا الشكل ؟؟ وين (( العادات و التقاليد )) باللباس الاسلامي المحتشم

هذا يا جماعه مره بمجمع صاعد بالمصعد الكهربائي كان معاي شايب و اثنين شباب اعمارهم تقريبا 16 او 17 واحد من الشباب موقف شعره و شعره طويل جان يقوله الشايب (( يا يبه لي شعرك جذي جنك زرزور منقع بماي )) هاهاها انا مت من الضحك

مو هذي النسبه القليله مع الوقت تكثر شوي شوي

مشكور على المشاركه طال عمرك

دمتم سالمين

 

[مجدولين]

مومشكله ترك العادات وتقاليد فيه عادات وتقاليد يجب تركها ...ممكن الواحد يلبس ويروح ويجي مافيه حرج عليه لاكن اهم شئ لايتعدى الحدود التي وضعها الدين ..الاسلام جاء وغير عادات وتقاليد لدى العرب..كا واد البنات والعصبيه القبليه ...حلو ان يكون الانسان منفتح ويقبل الشئ الجيد ويترك السيئ..لان هذا الذي يقيم الحضارات ويطور الدول ...لاكن نضع لنا معيار يضبطنا وهو الدين الاسلامي...
جايبه هديه من وحده قصيميه بهذا الموضوع لشاعر ماعرفه ههههه
--------------------------------------------------------------------------------





عتاب زوج لزوجته على تأثرها الكبير بالحضارة والمدنية الحديثة حيث يقول:



نسيتي المـزح بالقبـه ونسيتي لعبنـا الطبـه نسيتي كشختـي دايـم بثـوب دوبليـن خبه

نسيتي غتـرة الملمـل تغطينـي تقـل جـبـه نسيتي الركض بالطايه لاصار بدارنـا شبـه


لاجابوا فضلة القرصان نتسابـق ودنـا نلـبـه نسيتي إزعاجنـا لمـك وهي بالحـوش منكبـه


نسيتي معلف ام العوف تنظفينـه وانـا اكـبـه نسيتي ثوبـك الترتـر وغيظك لأنقطـع حبـه




نسيتي خرطه الماصـل يجيب الحكي من عبـه نسيتي بسطـة عزيـز ايلاجاء العصر بالقبـه




نسيتي القربـة الشنـه وماهـا البـارد نقبـه نسيتي قولك معصقـل وانـا اعيـرك يالدبـه




نسيتي نعالنـا التليـك هي الموتر ونلعب بـه نسيتـي موعـد الحنـا ايلا جاء صابكن خبـه




نسيتي طيحتـك بالليـل وهي ظلماء وانا السبـه نسيتـي اكلنـا الهبـود نتناقر والسبـب حبـه




وامــك لاتهاوشـنـا وتحـط بعيوننـا شبـه نسيتي ثوبـك الكرتـه ننكـت فيـه ونشـبـه




نسيتـي كحـة المـذن قبل يـذن يبـي ينبـه نسيتي تريكنا المصنـق نغسله قبـل مـا نشبـه




وندعى ربنا يكود العنز تجيب وليد نلعـب بـه نسيتي كيـف اوصـف لك زمان يعلمـه ربـه




حلو رغم الفقر بالحيـل زمـان راح ونحـبـه نسيتي ليـه مـا ادري دخلتي الوقت من جبـه




لك الفديو لـك التلفـاز لك المكياج مـا احبـه لك الدنيـا بزخارفهـا وعطيني حظار مع قربه

ومعهـن مسفـع بالـي وثوب الاس والطبـه

من يجتاج ترجمه يقول لايستحي ترى انا اختكم منكم وفيكم

 

[سهم مرتاح]

والله انا مافهمت شي..مره لهجه خليجيه ومره مادري شنو
ترجمي يالله

 

[مجدولين]

مادري شنو تصير قصيميه

الطبه...لعبة بنات تتكون من اربع حصيات
دبلين خبه.. يعني نوع اقماش وخبه كبير عليه يخبخب يروح ويجي الثوب
الطايه ..السطح..شبه ..عزيمه او حفله
فضلة القرصان ..الباقي من طعام القرصان
منكبه ..يعني مستلقيه
معلف.. مايوضع فيه طعام البقره
خرطه الماصل ..يعني كلامه الغثيث
من عبه ..هذي مادري يمكن بطنه يعني يكذب
نعال تليك ..جزمه بلاستك
الهبود ..نوع من الفصفص الصغير جدا...حب
تريكنا المصنق ..سراج مصدي
..................................
فيه مترجمه احسن مني ما اظن ..وحده ماتعرف الغرور::d :d :d

 

[تلميذ المؤشر]

سال النبي صلى الله عليه وسلم انهلك وفينا الصالحون قال نعم اذا كثر الخبث او كما قال صلى الله عليه وسلم

المعادلة واضحة احبتي كل ما كان المنكر قليلا نسبيا ومعزول والناس تنكره وما تتساهل معاه كل ما كنا بامان والديرة بامان والعكس صحيح اذا بدى المنكر يطلع وبدت الناس تستحسنه ولا تنكره فنتظر الهلاك نسال الله العافية

وهل المنكر يصبح فيما بعد معروف ....؟
نعم اذا ترك على حاله ولم ينكر فيالفه الناس ويتعايشون معه وكما قيل كثرة المساس يذهب الاحساس
ومراتب الانكار (مع الاخذ بشروطه)كما وضحه النبي صلى الله عليه وسلم في الحديث من رأى منكم منكرا فليغيره بيده فان لم يستطع فبلسانه فان لم يستطع فبقلبه وذلك اضعف الايمان . او كما قال النبي صلى الله عليه وسلم

والله اعلم

 

[الفيلكاوي_80]

سال النبي صلى الله عليه وسلم انهلك وفينا الصالحون قال نعم اذا كثر الخبث او كما قال صلى الله عليه وسلم

المعادلة واضحة احبتي كل ما كان المنكر قليلا نسبيا ومعزول والناس تنكره وما تتساهل معاه كل ما كنا بامان والديرة بامان والعكس صحيح اذا بدى المنكر يطلع وبدت الناس تستحسنه ولا تنكره فنتظر الهلاك نسال الله العافية

وهل المنكر يصبح فيما بعد معروف ....؟
نعم اذا ترك على حاله ولم ينكر فيالفه الناس ويتعايشون معه وكما قيل كثرة المساس يذهب الاحساس
ومراتب الانكار (مع الاخذ بشروطه)كما وضحه النبي صلى الله عليه وسلم في الحديث من رأى منكم منكرا فليغيره بيده فان لم يستطع فبلسانه فان لم يستطع فبقلبه وذلك اضعف الايمان . او كما قال النبي صلى الله عليه وسلم

والله اعلم

رحم الله والديك

الخبيث شوي شوي قام ينتشر و الناس تقول عادي و عادي لما تشوف الناس قامت تخترب شوي شوي

الله يحفظنا و يحفظكم من كل مكروه

فمان الله

 

[الفيلكاوي_80]

يا جماعه هليام أحنا نشوف الغلط عينك عينك و كل واحد فينا يقول أنا شكو

واذا الواحد كلم الغلطان او الغلطانه بكل وقاحه يقولك انته شكو أبوي راضي أمي راضيه أخواني راضين و انته مو شغلك

معناة كلامهم الخلل بالاسره و في التربيه .. الله يهديهم

وهذي من (( العادات و التقاليد )) الي بدأت تتلشى و تتناسى مع مرور الزمن

فمان الله

 

[الفيلكاوي_80]

شاركونا بأرائكم الطيبه

شرايكم (( بالعادات و التقاليد المنسية )) و تأثيرها على المجتمع الكويتي بشكل خاص و الامه العربيه و الاسلاميه بشكل عام

مع السلامه

 

[الفيلكاوي_80]

شاركونا بالموضوع المهم هذا

 

[al7bebe]

يعجبني في ايران التمسك بالقيم الدينية مهما كان التطور

23/04/2007 طهران - شاكر حسين:
بدأت السلطات الإيرانية أمس تنفيذ أكبر خطة من نوعها منذ عام 1979'لمكافحة التبرج والحجاب غير الكامل' تستمر طيلة الربيع والصيف في محاولة للحد من انتشار 'الحجاب على الموضة'، أو الذي لا يغطي الشعر بالكامل.
وشارك في انطلاقة هذه الحملة في طهران والمدن الكبرى شرطيات محجبات ويرتدين التشادور والهدف هو إرشاد النساء والفتيات وإسداء النصح بعدم لبس ملابس وسراويل قصيرة، وتغطية الشعر، المرحلة الأولى من الحملة تقتصر على النصح وعدم المواجهة بالقوة، أما في المرحلة المقبلة فسوف يلقى القبض على غير الملتزمات أو اللواتي يظهرن العناد ولن يفرج عنهن إلا بعد أخذ ضمانات بعدم التكرار، وإلا فالقضاء سيقول كلمته.
ويرى معارضو هذه 'المعمعة الشارعية' انها تأتي للتغطية على المشاكل الاقتصادية والحياتية التي تعجز الحكومة عن حلها.. فيما رأى بعض معلقي الصحف ان سبب التبرج المتزايد وارتداء الثياب الضيقة هو التأثر بالمحطات التلفزيونية وبمواقع الإنترنت..
-------

هذي من العادات و التقاليد المنسيه ((الحجاب الموضه )) و هذي الظاهره موجوده بالكويت بعد .. الحمد لله على كل حال.
مع السلامه

المشكله فينا لبعض الجيل الجديد في دول الخليج لانقتبس العلم من الاجانب وانما نقتبس عادتهم السيئة واخلاقهم المنحطه . للأسف جدا
حتى الحجاب أصبح موضه .......!!!!!!!!!

 

[الفيلكاوي_80]

المشكله فينا لبعض الجيل الجديد في دول الخليج لانقتبس العلم من الاجانب وانما نقتبس عادتهم السيئة واخلاقهم المنحطه . للأسف جدا
حتى الحجاب أصبح موضه .......!!!!!!!!!

اي والله الاجانب عندهم وايد شغلات مفيده بس للاسف احنا ما ناخذ منهم الا الشغلات السيئه و الرديه

يا اخي الموضه ضيعت ناس وايد قامو يتقمصون شخصيه مو شخصيتهم

الحمد لله على الصحه و العافيه

 

[ابوعايض]

اليوم قرأة في الوطن " ان احد سيدات المجتمع في الكويت افتتحت ديوانيتها للتواصل الايجابي واغراض انتخابيه وتقول الدواوين ليست حكرا للرجال .
السؤال هل من العادات والتقاليد المرأه تفتح ديوانيه

 

[الفيلكاوي_80]

اليوم قرأة في الوطن " ان احد سيدات المجتمع في الكويت افتتحت ديوانيتها للتواصل الايجابي واغراض انتخابيه وتقول الدواوين ليست حكرا للرجال .
السؤال هل من العادات والتقاليد المرأه تفتح ديوانيه

لا والله هذي مو من عاداتنا و تقاليدنا أنه المرأه تفتح ديوانيه بس صارت بكثره هليام التجمعات النسائيه

و موضوع المرأه بين نارين مؤيد و معارض والله يستر

والحمد لله المرأه اهيا الام و الاخت و الزوجه .. الله يخليهم لنا و يحفظهم

 

[الفيلكاوي_80]

مشكورين يا جماعه على جميع المشاركات

مع السلامه و في امان الله

 

[yoyo1983]

العفو

 

[الفيلكاوي_80]

العفو

شرايج بالدواوين النسائيه و التجمعات النسائيه و شنو الهدف منها ؟؟ ولا مجرد تجمعات للترفيه و التسليه ولا في وراها خطط علشان شغلات ثانيه ؟؟

فمان الله

 

[yoyo1983]

الفيلكاوي_80

مااحب الدوواين النسائيه ومااشوف منها هدف غير الحش والنميمه والله اعلم

 

[الفيلكاوي_80]

الفيلكاوي_80

مااحب الدوواين النسائيه ومااشوف منها هدف غير الحش والنميمه والله اعلم

اي والله صدقتي عزيزتي

بس على ما افتكر انه الحين اغلبهم تجمعاتهم علشان الانتخابات و الوصول السياسي و اكثرهم حق الحش و القرض بس مو الكل البعض

بس هل ظاهره مو من عاداتنا و تقاليدنا

فمان الله