هل أنت مع أو ضد ((الواسطه)) ؟

[الفيلكاوي_80]

السلام عليكم و رحمة الله و بركاته

أخواني و أخواتي الكرام

أنا حاب أطرح موضوع (( الواسطه )) الي هليام الواحد ما يقدر يستغني عنها

والواسطه مفيده و مظره بنفس الوقت لانها تخدم ناس و تظلم ناس

والناس قامت تتبهى بالواسطه و تتفاخر فيها و هذا الخطأ

و ملاحظ وين ما تروح تشوف الناس تتكلم بالواسطه بجميع الوزارات حتى بالمستوصف عندك واسطه تدش قبل

أخواني و أخواتي السؤال إلي ودي تشاركوني فيه :

هل انت مع أو ضد الواسطه ؟

هل تعتقد أن (( الحكومه الالكترونيه )) سوف تقضي على الواسطه ؟

مع السلامه

 

[بـو بدر]

موضوع مهم و اشكرك على هذا الطرح
لكن اسمح لي بطرح عدة أسأله تحمل في طياتها جواب لسؤالك !

أليست الواسطة نتاج لعدم المساواه في الحقوق !
وهي نتاج سلبي و ممارسه خاطئه لمجلس الأمة من خلال عرقلة الحكومة للأمور الأدارية و تعقيد الدوائر من خلال الروتين المرهق
ليلجأ المواطن للنائب لحل مشكلة هذا الخلل المتعمد وبالتالي يتحول النائب الى نائب خدمات ( مخلص معاملات ) ويكسب ود الناخب!!!
ومن يخالف هذا العرف من النواب يحارب ويتعطل معاملاته الخاصه بناخبيه ليخسر ود هذا الناخب !!

وفي نهاية الأمر يتحول كل المسؤولين والقياديين الى اصحاب مصالح لأبتزاز اصحاب السلطة وكل هذا على حساب المواطن المسكين ؟؟؟؟؟؟؟

حكومة الكترونية !!

قبل اكثر من 6 سنوات تم ترسية مناقصة الألياف البصرية لتحديث البنية التحتية للأتصالات في الكويت !
اين نحن من التنفيذ الأن ؟؟؟

نحن شعب قادر على التخطيط و أيجاد الحلول ولكن بعيدين كل البعد عن التفيذعلى ارض الواقع او الأستخدام الأمثل

وعمار يا كويت عمار

 

[yoyo1983]

هاي
انا عن نفسي ضد الواسطه بس للضروره احكام واعتقد فاهمين قصدي

 

[الفيلكاوي_80]

موضوع مهم و اشكرك على هذا الطرح
لكن اسمح لي بطرح عدة أسأله تحمل في طياتها جواب لسؤالك !

أليست الواسطة نتاج لعدم المساواه في الحقوق !
وهي نتاج سلبي و ممارسه خاطئه لمجلس الأمة من خلال عرقلة الحكومة للأمور الأدارية و تعقيد الدوائر من خلال الروتين المرهق
ليلجأ المواطن للنائب لحل مشكلة هذا الخلل المتعمد وبالتالي يتحول النائب الى نائب خدمات ( مخلص معاملات ) ويكسب ود الناخب!!!
ومن يخالف هذا العرف من النواب يحارب ويتعطل معاملاته الخاصه بناخبيه ليخسر ود هذا الناخب !!

وفي نهاية الأمر يتحول كل المسؤولين والقياديين الى اصحاب مصالح لأبتزاز اصحاب السلطة وكل هذا على حساب المواطن المسكين ؟؟؟؟؟؟؟

حكومة الكترونية !!

قبل اكثر من 6 سنوات تم ترسية مناقصة الألياف البصرية لتحديث البنية التحتية للأتصالات في الكويت !
اين نحن من التنفيذ الأن ؟؟؟

نحن شعب قادر على التخطيط و أيجاد الحلول ولكن بعيدين كل البعد عن التفيذعلى ارض الواقع او الأستخدام الأمثل

وعمار يا كويت عمار

هلا اخوي بوبدر

الاعضاء صارو سلاح ذو حدين يا يجابل المجلس و قضايا تهم الناس و البلد يا على قولتك يصير نائب خدمات و يكسب ود الناخبين

بس السؤال الي على قد حاله لا محسوب من القبيله الفلانيه او العايله الفلانيه او له معرفه مع ناس تخلص شغله شيسوي ؟؟

فمان الله

 

[الفيلكاوي_80]

هاي
انا عن نفسي ضد الواسطه بس للضروره احكام واعتقد فاهمين قصدي

هلا والله

ضد الواسطه كلام جميل

بس للضروره احكام .. هذي الاحكام ممكن تظلم ناس على حساب ناس و هذا الخطأ

للضروره احكام .. ممكن توضيح السبب ؟ علشان تتضح الرؤيه ؟

مو كل الناس تقول للضروره احكام و تدخل الواسطه و الفقير المسكين ينظلم فيها

فمان الله

 

[ياقوت]

انا طبعا ضد الواسطه
بس مثل ما تفضلت وقلت حتى بالمستوصف اذا تبي تدش لازم واسطه
وبالمستشفيات وبكل مكان
لما نزل اسمي بديوان الخدمه احتجت واسطه عشان اكمل اجراءات تعييني
لو الانسان ما يحب يتعامل بالواسطه بس يضطر انه يستخدمها لانه مافي حل غيرها ما تقدر تمشي بالكويت من غير الواسطه لانك ما راح توصل للي تبيه تاخذ وقت اكثر وجهد اكثر وما توصل لنتيجه فتضطر انك تييب واسطه


​

 

[Director]

مع الواسطه لانه مهما تسوي ماتقدر تلغيها بدمنا صارت
اتحداك اذا في كويتي يراجع بدون لا يسأل ربع الديوانيه
ما تعرفون احد بالهجره ما ... ما .... ما صار الكويتي مايراجع قبل
لا يلقى احد يمشي اموره بالمكان اللي رايحله والسبب الموظفين
ما كو معرفه يقولك باقي اربع ايام ويخلص الاسبوع ما يمدي تعال الاسبوع الجاي واخذ انت

 

[الفيلكاوي_80]

مع الواسطه لانه مهما تسوي ماتقدر تلغيها بدمنا صارت
اتحداك اذا في كويتي يراجع بدون لا يسأل ربع الديوانيه
ما تعرفون احد بالهجره ما ... ما .... ما صار الكويتي مايراجع قبل
لا يلقى احد يمشي اموره بالمكان اللي رايحله والسبب الموظفين
ما كو معرفه يقولك باقي اربع ايام ويخلص الاسبوع ما يمدي تعال الاسبوع الجاي واخذ انت

لانه صارت الواسطه قناعه ذاتيه عندنا ف لا نحب نصبر ولا نحب الروتين ولا نحب النظام كله نبي شغلنا يخلص قبل الناس و هذا مع الاسف ظاهره غير حضاريه

والواسطه بدأت من الاكبر فا الاصغر فا الاصغر إلى ان صار الكل يتكلم فيها .

الواسطه شي جميل لي كانت بالخير و بالاصلاح للمواطن و المجتمع مو في امور تنفيع ناس على حساب الفقاره المساكين

فمان الله

 

[الفيلكاوي_80]

انا طبعا ضد الواسطه
بس مثل ما تفضلت وقلت حتى بالمستوصف اذا تبي تدش لازم واسطه
وبالمستشفيات وبكل مكان
لما نزل اسمي بديوان الخدمه احتجت واسطه عشان اكمل اجراءات تعييني
لو الانسان ما يحب يتعامل بالواسطه بس يضطر انه يستخدمها لانه مافي حل غيرها ما تقدر تمشي بالكويت من غير الواسطه لانك ما راح توصل للي تبيه تاخذ وقت اكثر وجهد اكثر وما توصل لنتيجه فتضطر انك تييب واسطه


​

هلا أخوي ياقوت

المشكله يعني بديوان الخدمه المدنيه لانهم يحطون الرجل المناسب في ( غير ) المكان المناسب طبعا هذا بسبب الواسطه شفت شلون الواسطه خربت مكان بأكمله و انته بتعالج الخطأ بخطأ
لو كل أنسان حسب شهادته و تخصصه يعينونه بالمكان المناسب كان لا احد احتاج حق واسطه ولا شي بس للاسف

الله يعين الجميع و يوفق الجميع

فمان الله

 

[أبو فلسين]

الواسطه امر ضرورى الحين واهم اللى يبون الواسطه

 

[الفيلكاوي_80]

الواسطه امر ضرورى الحين واهم اللى يبون الواسطه

هلا أخوي بوفلسين

الله (( الواسطه )) صارت شي ضروري الله وأكبر يا جماعه

بسئلك : ليش صارت الواسطه قناعه ذاتيه عندنا ؟ يا فينا نقص او قصور أو عدم احترام للقانون الكل يبي يخترق القانون و يتحايل بأي طريقه سوأ صح او خطأ

مشكور على المشاركه يا طويل العمر

فمان الله

 

[الفيلكاوي_80]

شاركونا يا أخوان و يا أخوات في الموضوع

وشكرا

 

[أبو فلسين]

عشان تمشى معاملتك والوكيل مايبى يمشيها الا بواسطه والوزير ما يبى يوعها الا بواسطه والمدير ومساعد المدير ورئيس القسم الكل يبى واسطه مطلب اساسي عندهم

 

[q8ia_edaria]

الله لو بيدي جان يبت واسطة وانقل وزارة ثانية غير الي انا فيها

على قولتكم<<<< لازم واسطة

بس شنسوي انتوكل على الله ،، اكبر واسطة

 

[Master-Leo]

زين شرايكم باللي تعرض للظلم وسبه الواسطه ؟

ناس خدمت في وزارات الدوله سنين آخرتها اييبون

ناس أقل خبره وأقل كفاءه ويحطونهم رؤساء على الأقدم منهم !!

ليش ؟ لأن المدير تربطه مصالح مع هالنائب فمشى الترقية حق

الموظف الأقل كفاءه .... الدنيا قامت تمشي جذي عندنا ماتتعين

الا بواسطه ماتترقى الا بواسطه ما تمشي معامله الا بواسطه

يخلون اللي يكره الواسطه غصبن عليه يضطر يلجأ لها والسبب

منو ؟؟؟ شنو اللي يخلي الناس تتجه للواسطه لقضاء معاملاتها ؟

انعدام مبدأ المساواة وهضم حقوق الآخرين هو السبب الرئيسي

لكل الواسطات عندنا لكن لما يكون في عدالة بين الجميع ماراح

تلقون أحد يحتاج واسطه بعد اليوم لكن وين التطبيق !!!!؟؟؟؟

 

[الفيلكاوي_80]

الله لو بيدي جان يبت واسطة وانقل وزارة ثانية غير الي انا فيها

على قولتكم<<<< لازم واسطة

بس شنسوي انتوكل على الله ،، اكبر واسطة

طبعا التوكل على الله قبل كل شي

مشكلتنا طال عمرج بالكويت بالنسبه للوزارات مديري عطاني أوامر ما يعجبني بنقل و فلان محسوب على فلان عطوه احسن مني بنقل و أمور كثيره و السبه (( واسطه )) لو كل انسان يعمل و يجتهد اكيد راح يلاقي الي يرضيه من غير لا واسطه ولا وسيط

بس هل (( واسطه )) خربت بلد بأكمله

الواحد في البدايه و في النهايه يقول الحمد لله على كل حال

فمان الله

 

[الفيلكاوي_80]

عشان تمشى معاملتك والوكيل مايبى يمشيها الا بواسطه والوزير ما يبى يوعها الا بواسطه والمدير ومساعد المدير ورئيس القسم الكل يبى واسطه مطلب اساسي عندهم

هلا والله أخوي

شفت شلون الخراب من الاكبر فا الاصغر فا الاصغر .. يعني لو كل واحد يشتغل بذمه و ضمير من غير لا محسوبيه ولا (( واسطه )) كان العالم كلها مرتاحه و معاملاتها ماشيه و الامور تسير بأروع ما يمكن

الحمد لله على كل حال

فمان الله

 

[الفيلكاوي_80]

زين شرايكم باللي تعرض للظلم وسبه الواسطه ؟

ناس خدمت في وزارات الدوله سنين آخرتها اييبون

ناس أقل خبره وأقل كفاءه ويحطونهم رؤساء على الأقدم منهم !!

ليش ؟ لأن المدير تربطه مصالح مع هالنائب فمشى الترقية حق

الموظف الأقل كفاءه .... الدنيا قامت تمشي جذي عندنا ماتتعين

الا بواسطه ماتترقى الا بواسطه ما تمشي معامله الا بواسطه

يخلون اللي يكره الواسطه غصبن عليه يضطر يلجأ لها والسبب

منو ؟؟؟ شنو اللي يخلي الناس تتجه للواسطه لقضاء معاملاتها ؟

انعدام مبدأ المساواة وهضم حقوق الآخرين هو السبب الرئيسي

لكل الواسطات عندنا لكن لما يكون في عدالة بين الجميع ماراح

تلقون أحد يحتاج واسطه بعد اليوم لكن وين التطبيق !!!!؟؟؟؟

هلا والله بطويل العمر

رحم الله والديك .. شفت شلون (( الواسطه )) اظلمت ناس على حساب ناس

اييبون ناس اقل خبره و أقل كفاءه و يعطونهم المناصب و السبه عندهم (( واسطه )) و الي على قولتك صارلهم سنين بالوزاره أو المؤسسه و ما عندهم واسطه (( مكانك راوح )) و ينظلم الشخص

فمان الله

 

[بـو بدر]

هلا اخوي بوبدر

الاعضاء صارو سلاح ذو حدين يا يجابل المجلس و قضايا تهم الناس و البلد يا على قولتك يصير نائب خدمات و يكسب ود الناخبين

بس السؤال الي على قد حاله لا محسوب من القبيله الفلانيه او العايله الفلانيه او له معرفه مع ناس تخلص شغله شيسوي ؟؟

فمان الله

سيدي الكريم الفيليكاوي

مشكلة النواب و المجلس صعب شرحها من خلال مثل هذا نقاش ,, و بلاش تجرني بالكلام و توهقنا

اما من ليس له قبيله او عائلة يتكل على رب العالمين الذي لا يضيع حق أحد من عباده.

من السذاجه ان يبحث الشخص عن المثالية ولكن لك الحق في مسائلة ناخبك في أي موضوع فهو بالتالي من يمثلك في المجلس .

 

[ياقوت]

اخي الفاضل الفيلكاوي

ردا على كلامك وضع الرجل في المكان غير المناسب
لمعلوماتك انا فنيه وشهادتي في نفس مجال عملي الحالي وتوظفت فيه بس الواسطه احتجتها عشان اكمل اوراقي بدال لا اقعد اشهر وانا اسوي اوراقي اختصرنا الوقت

يا سيدي انت مو عايش في مدينه افلاطون الفاضله عشان تقول ما استخدم الواسطه .. اقدر امشي بالروتين
بس الروتين سخيف يحتاج وقت طويل وعلى اشياء تافهه مع احترامي

لما اتييبلك واسطه مثلا ومثل ما تفضل اخونا الفاضل ليو وياخذ شي مو من حقه غير لما اييب واسطه عشان اسوي شي انا من حقي اخذه ولكن التخلف في المعاملات الحكوميه يحول دون ذلك يعني انا ما اخذت حق احد ولا مكان احد


​