رؤية لبعض الأسهم المرشحه للصعود

[Master-Leo]

السلام عليكم ، اليكم بعض الأسهم المرشحه للصعود ان شاء الله

وباب المناقشه الفنية والاخباريه مفتوح لكم اخواني لأني لست سوى

ممارس للتحليل الفني رغم نجاح أغلب توصياتي الاخباريه والفنية

بالسابق والحمدلله بشهادة العديد من الأعضاء في المنتدى

لكن مافي شي اسمه توصيه ثقه 100% بسوق الأسهم

والشطاره تكون بالتنبيه على الأسهم اللي على وشك الصعود وليس

وقت صعودها فأليكم هذه الأسهم وبعض مؤشراتها الفنية والبيع

والشراء مسؤولية شخصيه وأي خطأ مني وارد فأرجو تنبيهي وشكرا :
---------------------------------------------------------------------------------------------

عقارات متحدة ​

سعر الدخول 188-190 المقاومة القادمه : 198

- مؤشر القوة النسبية : يقع في مستوى آمن للشراء ( 38.95 )

- مؤشر الستوكاستك : بدأ خط المؤشر بالتقاطع الايجابي للأعلى

- مؤشر الماكد : حاليا الخط تحت الصفر لكن على وشك التقاطع للأعلى

- أدنى وأعلى مستوى للسهم خلال 30 يوما : 188- 240

- توقع شخصي السهم قد يصل مستوى 204-210

- بعض المعلومات عن السهم : تم توزيع 10% منحه وزيادة رأس المال

بنسبة 25% عن سنة 2006

- كبار الملاك : بنك الخليج المتحد 34,32 %

 

[Master-Leo]

أصول​

سعر الدخول : 174- 178 المقاومة القريبة 180

- مؤشر القوة النسبية : يقع ضمن نطاق يعتبر آمن للشراء ( 43.13)

- مؤشر الستوكاستك : بدأ خط المؤشر بالتقاطع للأعلى

- نطاق حدود البولينجر للسهم ضيقة في الوقت الحالي وهذا مؤشر ايجابي

- مؤشر الماكد : تحت الصفر لكن على وشك التقاطع للأعلى

- توقع شخصي السهم قد يصل مستوى 196-198

- أدنى وأعلى مستوى للسهم خلال 30 يوما : 176 - 200

- معلومات السهم : الشركه صار عليها استحواذ من قبل المجموعه

الدولية وقامت ببيع بعض الأصول لتغطيه الخسائر المتراكمه وبلغت

4.42 فلس خسارة السهم الواحد في سنة 2006 .

- كبار الملاك حاليا : المجموعه الدولية : 30,48%

 

[NBK]

الف شكر لك

 

[yoyo1983]

مشكور على هالتوصيات الروعه

 

[rkk]

الله يجعله في ميزان أعمالك وتسلم يالحبيب...

 

[امبركو]

مشكور اخوى كنج ليو على المجهود والتحليل الرائع لبعض الاسهم
ونتمنى تزيد من الأسهم لتعم الفائده على الجميع ،،

والله يعطيك العافيه

 

[قاروه]

عساك عالقوه ليو باشا
عليك مخالفه !
صارلك جم يوم مختفي

ليو امانا خلك ويانا :d

 

[سهم استثماري]

قواك الله موضوع ممتاز ومفيد ..

وهذي هدية مني لكم

سهم ولا أحد منتبه له ((( لؤلؤه )))

وآخر شمعة أخترقت الخط العلوي للبولينجر مما يعطي دفع قوي للسهم للصعود ... وجميع المؤشرات الفنية ممتازة .

 

[Master-Leo]

عساك عالقوه ليو باشا
عليك مخالفه !
صارلك جم يوم مختفي

ليو امانا خلك ويانا :d

هلا بالحبيب اسمحلي والله ظروف بايخه صايره

لي هالجم يوم اللي حتى السوق ماقدرت اتابعه عدل

لكن أقدر اقولك باك والباكووو احمدو ان شاءالله

مشكور اخوي سهم استثماري أيضا على اضافتك لسهم

لؤلؤة للموضوع ودعوه ايضا لأي عضو عنده سهم مؤشراته

الفنية جيده يتكرم ويحطه لنا وان شاءالله الفائدة تعم للجميع

 

[قاروه]

هلا بالحبيب اسمحلي والله ظروف بايخه صايره

لي هالجم يوم اللي حتى السوق ماقدرت اتابعه عدل

لكن أقدر اقولك باك والباكووو احمدو ان شاءالله

مشكور اخوي سهم استثماري أيضا على اضافتك لسهم

لؤلؤة للموضوع ودعوه ايضا لأي عضو عنده سهم مؤشراته

الفنية جيده يتكرم ويحطه لنا وان شاءالله الفائدة تعم للجميع

الحمدالله على السلامه وعسى الله ايسرلك امورك ان شاء الله
ولكم باك

 

[صقرالبحر]

قواك الله موضوع ممتاز ومفيد ..

وهذي هدية مني لكم

سهم ولا أحد منتبه له ((( لؤلؤه )))

وآخر شمعة أخترقت الخط العلوي للبولينجر مما يعطي دفع قوي للسهم للصعود ... وجميع المؤشرات الفنية ممتازة .

المؤشرات في شارتك عاليه في منطقة جني ارباح
شلون تكتب عليها ايجابي ؟ ماعدا الماكد

السهم اخترق خط البولينجر للاعلي يعني باكر السهم احمر والله اعلم
احمر

تحياتي

 

[البواردي]

المركز المالي في لقمه حلوه بالمضاربه انا جربته هالاسبوع وان شاء الله في خير

 

[سهم استثماري]

المؤشرات في شارتك عاليه في منطقة جني ارباح
شلون تكتب عليها ايجابي ؟ ماعدا الماكد

السهم اخترق خط البولينجر للاعلي يعني باكر احمر

تحياتي

يا عزيزي أنت تشوفها سلبيه بكيفك

rsi صعود
ماكد أشارة شراء قوية
ستوستيك السريع عمل دبل بوتم والبطء يغير اتجاهه للأعلى ولحد الآن ما وصل مرحلة التشبع .
adx ما يبي شرح اكثر زيادة في انفراج التقاطع الايجابي .
cci ممكن يطوف الـ 200 ويتعداها وما عنده مشكلة


باجر إذا الله سهل وشفت السوق اخضر بتشوفها فوق

* بخصوص الشمعة اللي تخترق البولينجر العلوي ... راجع الشارت نفسة وشوف كل مره لما شمعة تخترق البولينجر العلوي شنو الشمعة اللي بعدها

 

[شبروح]

ربى يخليك لاخوانك ذخر وعون اخى العزيز

والله يوفجك دنيا واخره

 

[Bo_Ahmad]

يفيدكم ربي, مثل ما أفدتونا

 

[البواردي]

المركز المالي في لقمه حلوه بالمضاربه انا جربته هالاسبوع وان شاء الله في خير

الله يرزق اللي شراه اليوم الصبح

 

[khalid2002]

برافوووو عليكم شباب 0000

 

[ommosh]

يا عزيزي أنت تشوفها سلبيه بكيفك

rsi صعود
ماكد أشارة شراء قوية
ستوستيك السريع عمل دبل بوتم والبطء يغير اتجاهه للأعلى ولحد الآن ما وصل مرحلة التشبع .
adx ما يبي شرح اكثر زيادة في انفراج التقاطع الايجابي .
cci ممكن يطوف الـ 200 ويتعداها وما عنده مشكلة


باجر إذا الله سهل وشفت السوق اخضر بتشوفها فوق

* بخصوص الشمعة اللي تخترق البولينجر العلوي ... راجع الشارت نفسة وشوف كل مره لما شمعة تخترق البولينجر العلوي شنو الشمعة اللي بعدها

اخوي سهم استثماري,,,خير ان شاء الله ليش ماتبي تشارك عسى المانع خير

اختك ommosh

 

[Master-Leo]

السلام عليكم

شركة المشاريع الكبرى (جراند) ​

- مؤشر القوة النسبية : 43.07 يعني في بداية صعوده الايجابي

- مؤشر الستوكاستك : في بداية التقاطع الايجابي للأعلى وهذه

قد تكن بوادر ارتداد ان شاءالله

- نطاق حدود البولينجر ضاقت أكثر من بداية شهر ابريل وهذا ايجابي

- مؤشر الماكد : سلبي حاليا ولكن في طريقه للتقاطع الايجابي للأعلى ان شاءالله

- سعر الدخول : 385- 390 المقاومه القريبه : 400

- خروج من السهم في حال كسر 385 بكميات عاليه

- أدنى وأعلى سعر للسهم خلال 30 يوم : 375 - 435

- توقع شخصي : هدف مبدأي ان شاءالله مستوى 410 - 415

- معلومات عن السهم : ارتباطه كبير بالمجموعه الدولية متى

ماتحركت المجموعه يلحقها الجروب والعكس صحيح لكن بعض الأوقات

ممكن جراند تصعد لوحدها وهذا يعتمد على صانع السوق للجروب

- كبار الملاك : المجموعه الدولية 18.32%
المجموعة الخليجيه للمال 22.9%
بنك المستثمرون 7,35%

لدى كبار الملاك نسبة تقارب 50% من جراند

- بالتوفيق للجميع والبيع والشراء مسؤولية شخصيه

 

[ommosh]

قواك الله موضوع ممتاز ومفيد ..

وهذي هدية مني لكم

سهم ولا أحد منتبه له ((( لؤلؤه )))

وآخر شمعة أخترقت الخط العلوي للبولينجر مما يعطي دفع قوي للسهم للصعود ... وجميع المؤشرات الفنية ممتازة .

​

بارك الله فيك ماقصرت

تستاهل نجمة تقدير

اختك ommosh