رؤية لبعض الأسهم المرشحه للصعود

[Master-Leo]

انا شلون نسيت أبارك لملاك الصفوه أيضا !

مبروك للى شرى اليوم 112 واللي كان صابر

على السهم كذلك كان سعر مغري للمضاربه اليوم

السهم عنده مقاومه على 118 نتمنى يكسرها ونشوف

أسعار جديده للسهم حمدلله الأسهم اللي بالموضوع

صعدت صعود حلو و ماشيه بطريقة جيده ماعدا سهم

العقارات المتحده وسبه زيادة رأس المال التي أقرت للشركة

لكن نتفائل دايما ان شاءالله نشوفه يصعد قريبا موفقين اجمعين

 

[Master-Leo]

السلام عليكم

الكويتية للصناعات الهندسيه الثقيله وبناء السفن ​

مؤشرات فنية جيده للسهم :

- الماكد ايجابي فوق الصفر

- الستوكاستك على وشك التقاطع للأعلى ايجابيا

- مؤشر القوة النسبية في وضع جيد وبدأ بالتصاعد

- أدنى سعر للسهم خلال 30 يوم كان 320 والأعلى 375

- السهم كما هو معروف تابع لشركات الخرافي لهم نسبة تقارب 42%

كما تملك عائلة مراد بهبهاني 10% ايضا كما هو وارد بموقع البورصه

- الشركة لم تعلن نتائج الربع الأول حتى الآن ولم توزع أرباح لسنة 2006

- السهم في ترند صاعد وحاليا أفضل سعر للمضاربه 335 ( سعر الدعم ) أما الدعم الثاني 320 و المقاومه الحالية هي 355

- السهم اذا اخترق 355 بكميات تداول عالية فالهدف ان شاءالله بين 380 - 390 0

- البيع والشراء مسؤولية شخصيه وبالتوفيق للجميع ولاننسى مراقبة

السوق ومؤشراته بصفه عامه لتحديد أسعار الشراء للمضاربه

 

[_عبدالعزيز_]

هلا فيك اخوي

بالنسبه للأولى للوقود طبعا كسهم استثماري ماعليه

كلام ان شاءالله صاعد في حالة نمو أرباحه السنوية .

بالنسبه للمضاربه أعتقد أنسب سعر الحين اهو سعر

الدعم وهو 430 ومن بعده 415 .

المؤشرات الفنيه للسهم :

- مؤشر الماكد سلبي ومتقرب من خط الصفر

- مؤشر الستوكاستك سلبي أيضا

- مؤشر القوة النسبية مقترب من نقطة 40 فبذلك يكون

متقرب جدا من الدعم .

- توقع شخصي :

اذا السوق استمر بالصعود اشتر على الدعم 430 أما اذا

السوق بدأ بالتصحيح وسهم الوقود لحقه بالنزول فممكن

تصيده 410-415 ويكون سعر حلو للمضاربه والاستثمار

كذلك وأتمنى لك التوفيق وللجميع

الله يوفقك على هالخدمه لخوانك بالمنتدى حقيقه جهود تشكر عليها مليار مره اخذتها على 435 اشرايك فيها عندي احساس مو تحليل احساس انها بتصعد الاسبوع القادم الله كريم الف شكر لك مره ثانيه

 

[hamed666]

مبروك لملاك أصول الارتفاع بالحد الأعلى والله عوض صبركم خير

ومنها للأعلى ونشوف الأهداف المتوقعه والفال لبقية الأسهم المذكورة بالموضوع أيضا

الله يعطيك العافيه kig-leo قول غير هالكلام !! أرتفاع و بعدها نزول ( يافرحه ما تمت ) المهم أبي تحليل تفصيلي لسهم ومشكور مقدماً

 

[قاروه]

ليو السفن مكون كوب وعروه ؟

 

[Master-Leo]

الله يوفقك على هالخدمه لخوانك بالمنتدى حقيقه جهود تشكر عليها مليار مره اخذتها على 435 اشرايك فيها عندي احساس مو تحليل احساس انها بتصعد الاسبوع القادم الله كريم الف شكر لك مره ثانيه

هلا اخوي عبد العزيز اتمنى احساسك يكون صح

تحليليا الماكد اقترب من الارتفاع للأعلى قد نحتاج 2 الى 3 أيام

لتأكيد الاختراق للأعلى ومؤشر الستوكاستك شكله ايجابي

واذا تبي احساسي السهم مدام أسس على أسعار الدعم

ان شاءالله ينطلق وتجني أرباحك اذا تحب على 450 - 455

لأن المقاومه 460 وبالتوفيق ان شاءالله

الله يعطيك العافيه kig-leo قول غير هالكلام !! أرتفاع و بعدها نزول ( يافرحه ما تمت ) المهم أبي تحليل تفصيلي لسهم ومشكور مقدماً

هلا اخوي انا قلت توقعي لسعر السهم يوصل 196-198 لكن

خون فينا ووصل 194 لكن لابأس النزول كان 2 فلس فقط ومؤشراته

لازالت جيده لكن انا مادري انت على جم ماخذه هل ربحان فيه

ولا متدبس فيه من أول اذا ربحان انت وقناعتك بالربح واذا متدبس

أقولك الله يعينك ومن صبر ظفر الكلام كثير على أصول انها راح

تتعدل ويعاد هيكلها فماتدري يمكن اييك اليوم اللي تربح فيها

والله يوفقك فيها وفي غيرها

ليو السفن مكون كوب وعروه ؟

قاروه انت شكلك كنت شايفني وانا اكتب بالموضوع تدري اني بغيت

اكتب ان السفن شكلها قاعده تسوي كوب وعروه بس هونت

بس للأمانه اقولك النموذج فعلا مقارب للكوب والعروة لكن هل شروط

النموذج محققه ؟ يبيلها محلل أخبر وأقدم مني بهالمجال يعطينا

رأيه في الشكل الموجود لسهم السفن و بالتوفيق لنا اجمعين

ملاحظة ( انا ملاحظ عليك تحب سهم الأسماك والسفن الظاهر عاشق البحر انت شنو السر في حبك للبحر والزفره )

 

[قاروه]

قاروه انت شكلك كنت شايفني وانا اكتب بالموضوع تدري اني بغيت

اكتب ان السفن شكلها قاعده تسوي كوب وعروه بس هونت

بس للأمانه اقولك النموذج فعلا مقارب للكوب والعروة لكن هل شروط

النموذج محققه ؟ يبيلها محلل أخبر وأقدم مني بهالمجال يعطينا

رأيه في الشكل الموجود لسهم السفن و بالتوفيق لنا اجمعين

ملاحظة ( انا ملاحظ عليك تحب سهم الأسماك والسفن الظاهر عاشق البحر انت شنو السر في حبك للبحر والزفره )

يبيلها سبرايت

والله على الشروط مادري ياخوي بس الشكل جنه

(والزفره ياخوي ترى شي طيب وزينه وسرها بحر )

 

[Master-Leo]

يبيلها سبرايت

والله على الشروط مادري ياخوي بس الشكل جنه

(والزفره ياخوي ترى شي طيب وزينه وسرها بحر )

أي محلل ذو خبرة يحب يدلي بدلوه ويصحح أو يؤكد كلامنا يتفضل

بدون مايطق الباب بعد نشيله بالعيون اذا ماشاله الموضوع

الموضوع ماحطيته الا عشان الكل يستفيد منه ويشارك فيه سواء

محللين أو أعضاء الكل مدعو للمشاركه الايجابيه وتبادل المنفعه

قاروه شكلك بتاخذ أرباح سنوية من السفن بيعطونك بوم

وتروح تحدق على الأسماك مو تنسى تعزمنا عاد موفق يا الحبيب

 

[قاروه]

محليلينا كلهم فيهم الخير والبركه ولا قصورا باحد ورايتهم بيضه ومجهودهم واضح يشكرون عليه


من دروس 2006

لا يحووووشك ارباح ! =مستثمر
لا يفتح الله هسه ماعاد بيها امان
اشتر عالدعم وبيع عالمقاومه ما بتخسر

 

[MaLoOoK]

الاخ كنج كيف الحال ...........
في اي تغيير بالنسبة حق الخليجي بعد تداول الاربعاء والاغلاق270 ؟

الله يعطيك العافية مقدما ً

 

[BO-MUBARAK]

اخوي ليو بارك الله فيك

لو تشوف لنا هالسهمين

سهم (نور ) وسهم (الاهلية )
والله يجزاك عنا كل خير

 

[_عبدالعزيز_]

مشكووووور اخوى كنج والله تستحق الرياده والقياده يكفي قتك اللى معطيه المنتدى وتحليلك واجتهاداتك لخوانك ولكن قررت استثمر وبنساها واذا ارتفعت عن قريب ابشر بمطبق زبيدي 7 نجووم ذااااااااات خلطه غريبه وعجيبه وماادراك مطبق زبيدي يااسااتر يسيل له العاااب مره ثاانيه الله يجزاك خير الجزاء

 

[بوجاسم2]

مساكم الله بالخير

انا ما قريت الموضوع من اوله، فما ادري شسالفة، بس شفت الربع طابين على حبيبي فحاشتني داء الفزعة ههههههههه ، تبيني اطب وياك ليو؟؟ انا حاضر تره :d

 

[صوت الأمه]

للرفع

 

[Master-Leo]

الاخ كنج كيف الحال ...........
في اي تغيير بالنسبة حق الخليجي بعد تداول الاربعاء والاغلاق270 ؟

الله يعطيك العافية مقدما ً

هلا اخوي بخير الله يسلمك عساك تكون بخير دوم

الخليجي الشارت ماله مافي شي جديد سعر الدعم الأقوى

260 والمقاومه بسيطه على 275 وقوية على 280

آخر شموع التداول بينت قوة البائعين على السهم مع وجود

شمعه ايجابيه لآخر يوم تداول بعد وصول السهم لسعر الدعم

وارتداده منه و حاليا المؤشرات الفنية للسهم لا تتنبأ بقرب

الصعود وبالتوفيق ان شاءالله

مشكووووور اخوى كنج والله تستحق الرياده والقياده يكفي قتك اللى معطيه المنتدى وتحليلك واجتهاداتك لخوانك ولكن قررت استثمر وبنساها واذا ارتفعت عن قريب ابشر بمطبق زبيدي 7 نجووم ذااااااااات خلطه غريبه وعجيبه وماادراك مطبق زبيدي يااسااتر يسيل له العاااب مره ثاانيه الله يجزاك خير الجزاء

حبيبي تسلم ماقصرت ان شاءالله تربح من استثمارك الناجح بأذن الله

 

[FLOOD]

يعطيك الصحه والعافيه ليو مجهود تشكر عليه

 

[Master-Leo]

اخوي ليو بارك الله فيك

لو تشوف لنا هالسهمين

سهم (نور ) وسهم (الاهلية )
والله يجزاك عنا كل خير

هلا فيك اخوي

سهم الأهلية : المؤشرات الفنيه سلبية لكن أعطت بوادر

انعكاس و نحتاج لأيام لتأكيد الانعكاس وأعتقد أخبار الأرباح

للربع الأول ستحدد المسار القادم للسهم ، الدعم : 242 والمقاومه : 260

سهم نور : مؤشراته بالفتره الماضيه تنبأت بحدوث جني أرباح

نتيجة صعود السهم مع صعود الصناعات الوطنيه فعينك على

الصناعات تداولها يحدد بشكل كبير مسار سهم نور ، الدعم : 380 ومن بعده

360 المقاومه : 400 ومن بعدها 410 بالتوفيق ان شاءالله وعينك

على مؤشرات السوق قبل مؤشرات الاسهم

 

[Master-Leo]

يعطيك الصحه والعافيه ليو مجهود تشكر عليه

هلا بوطلال الله يعافيك ياخوي

ومبروك على أسمنت أبيض منها للأعلى ان شاءالله نشوفها تحقق أهدافك

وعينكم ياجماعه السبت على جروب المخازن اذا تداول المخازن ايجابي

ان شاءالله بنشوف صعده للجروب هالاسبوع ولاتنسون مابقي شي على

جمعياتهم العمومية موفقين

 

[AL.MOUSAWI]

صرنا ننتظر موعد إعلان الجمعيات العمومية مثل ما ننتظر هلال العيد، بصراحة يبيله وقفة مع إدارة البورصة التي تدعي الشفافية والمحافظة على صغار المستثمرين

 

[المستشار2007]

للمتابعه