رؤية لبعض الأسهم المرشحه للصعود

[Master-Leo]

هلا فيك اخوي melenia

- اسمنت الخليج : مؤشرات السهم سلبيه وخصوصا الماكد

الدعم الحالي 470 اذا نزل عنه وهذا وارد حاليا فأعتقد راح

يلامس 445 - 450 اذا وصل هالأسعار قد تكون فرصه جيده

للمضاربه للشراء والخروج بالربح بنفس اليوم والله أعلم .

- المدينة : المؤشرات الفنيه كالستوكاستك والقوة النسبيه ايجابيه

ومؤشر الماكد تحت الصفر لكن بطريقه للتقاطع الايجابي للأعلى

الدعم بسيط على 365 احتمال يحوشه لتأكيده وللتأسيس عليه

الدعم اللي بعده 355 والأقوى على 340 والمقاومه 375 ثم 385

بالتوفيق ان شاءالله

 

[yoyo1983]

بنك بوبيان - برقان

 

[مضارب1]

لوسمحت دلاجاره والثمار؟؟؟؟؟؟؟؟؟؟؟؟؟؟؟

 

[FOREVER]

السلام عليكم

سفن . انابيب . مشاريع . ص متحده

 

[melenia]

الأخ ليو العزيز تعتقد من الشارت المرفق .. السهم ممكن يكون حرف W ويرتد للأعلى .. ؟

 

[Master-Leo]

بنك بوبيان : مؤشر الماكد سلبي يتداول فوق خط الصفر

الدعم على 550 واللي بعده 530 ان شاءالله مايقل عن

هالسعر والمقاومه بسيطه على 560 والأقوى 580

برقان : مؤشراته طافحه قد يحدث عليه جني أرباح

اللهم اذا صار خبر يكسر التحليل لاننسى ان من جروب المشاريع

وماشاءالله الجروب ماشي قطاره الدعم الحالي 1 دينار والمقاومه

1060 بالتوفيق ان شاءالله sweet_laila

 

[q8-q8]

الله يعطيك العافيه على الجهد الطيب

شاكرلك

 

[Master-Leo]

لوسمحت دلاجاره والثمار؟؟؟؟؟؟؟؟؟؟؟؟؟؟؟

د للاجارة : الماكد ايجابي اخترق الصفر للأعلى

الدعم 510 و 495 والمقاومه 520 وباقي المؤشرات

بصفه عامه تبشر بالخير لكن السهم اللي اعرفه

ممل نوعا ما بسبب قلة التداول عليه وهو استثماري اكثر مما هو مضاربي

الثمار : الماكد فوق خط الصفر لكن بدأ النزول السلبي

وباقي مؤشراته تشير الى احتمال تراجع سعري للسهم

الدعم 132 ومن بعده 126 والمقاومه الحاليه 136 وبعدها مقاومه

بسيطه على 142 وقوية جدا على 150

وبعيدا عن التحليل راقب المشاريع لأن الثمار تملك فيها فاذا ارتفعت

راح تشوف الثمار ترتفع وياها والله أعلم بالتوفيق .

 

[قاروه]

ليو مجهود تشكر عليه
ماشاء الله
وملاحظ شغله بتوصياتك
الكيف وليس الكم
قواك الله خيووو

 

[Master-Leo]

ليو مجهود تشكر عليه
ماشاء الله
وملاحظ شغله بتوصياتك
الكيف وليس الكم
قواك الله خيووو

حبيب ياخوي قاروه شكرا لمرورك وعسى كحلت عينك بالسفن

عشان تشتريلي بوم الهاشمي3 نهاية السنه

 

[قاروه]

حبيب ياخوي قاروه شكرا لمرورك وعسى كحلت عينك بالسفن

عشان تشتريلي بوم الهاشمي3 نهاية السنه

الله يرزقنا بكوب احسن منه ان شاء الله

كحلت وشكله فيه تعليقه باجر والله يوفق ملاكه
بدال بوم تستاهل مرسى يا ليو

شرايك بالسكب ليو ؟

 

[Master-Leo]

سفن . انابيب . مشاريع . ص متحده

سفن : حاط له تحليل موجود ياريت ترجع له

انابيب : المؤشرات الفنيه جيده جدا وخصوصا مؤشر

الستوكاستك غدا نشوف سلوك السهم مع المقاومات

القريبه وهي 435 و 455 وأعتقد هذا السهم صار يمشي

مع مشية السفن

مشاريع : الماكد لازال ايجابي لكن بدرجه أقل من السابق

قد يتراوح السهم حاليا بين سعر الدعم وهو 860 ومن بعده

840 وبين سعر المقاومه الحالي وهو 900 .

ص متحده : الماكد فوق خط الصفر وايجابي بدرجة طفيفه

ومؤشر الستوكاستك ايجابي كذلك الدعم 375 ومن بعده

355 والمقاومه 390 .

بالتوفيق ان شاءالله

 

[Master-Leo]

الله يرزقنا بكوب احسن منه ان شاء الله

كحلت وشكله فيه تعليقه باجر والله يوفق ملاكه
بدال بوم تستاهل مرسى يا ليو :d

شرايك بالسكب ليو ؟

قاروه شكلي انا بعطيك سكب !!! من وين يايب هالسهم

السهم واقف عند مقاومه 1340 اذا تجاوزها بنشوفها يطق 1400

ان شاءلله ومؤشري الماكد والستوكاستك ايجابيان والدعم على 1260

بالتوفيق يا بو توفيق ادعيلي خل تصير دوسة بنزين على الوقود هههه

 

[قاروه]

قاروه شكلي انا بعطيك سكب !!! من وين يايب هالسهم

السهم واقف عند مقاومه 1340 اذا تجاوزها بنشوفها يطق 1400

ان شاءلله ومؤشري الماكد والستوكاستك ايجابيان والدعم على 1260

بالتوفيق يا بو توفيق ادعيلي خل تصير دوسة بنزين على الوقود هههه

هههههههههه هالسهم اشوفه سهم حديدي ماشاء الله ما يهمه النزول صج ان حركته خفيفه بس سهم
الله يفكك منها بتعليقيتين اعلى ان شاء الله

 

[moer]

اخوى كينك يا ليت تفيدنى سهم صكوك شنووو وضعة شنووو تنصح فية

 

[Master-Leo]

اخوى كينك يا ليت تفيدنى سهم صكوك شنووو وضعة شنووو تنصح فية

تامر اخوي

سهم صكوك : الدعم الحالي 208 ومن بعده 204 والمقاومه 210 - 212

ومؤشرات السهم سلبية نوعا ما لكن ينفع للاستثمار المتوسط المدى

والقرار لك بالتوفيق ان شاءالله.

وأضيف أيضا تم بحمدلله تحقيق هدف سهم السفن 390 ومبروك للملاك

واللي استفاد من التوصيه

 

[الوزير1]

الله يعطيك العافية

جهد تشكر عليه اخوي ليو

تابع العقارية ​

 

[Master-Leo]

الله يعطيك العافية

جهد تشكر عليه اخوي ليو

تابع العقارية ​

تسلم حبيب يا اخوي الوزير شكرا لمرورك وان شاءالله اتابعها

 

[melenia]

الأخ ليو العزيز .. اتمنى تكون بخير وعافية ..
اشرايك بسهم سفن والتداولات اللي حصلت عليه اليوم .. وما هو تحليلك لسهم المدينه واللي حصل فيه اليوم .. ولك كل شكر وتقدير .

 

[abbasmos]

السلام عليكم جميعا

اخوي ليو اذا ما عليك امر 3 اسهم يا الحبيب واكون لك شاكر جدا جدا

1 ) اللؤلؤه العقارية

2) دولية م ا

3) منتجعات


ولك مني جزيل الشكر والاحترام والامتنان