طلب رأي

[yoyo1983]

هاي

انا صراحه ودي اشتري سهم صناعات التبريد والتخزين
السؤال هل تنصحوني فيه وهل سعره في هذا الوقت مناسب للشراء
وشكرا

 

[TAKE-OVER]

حسب الشارتات السهم عند مستوى الدعم 500 ولم يعطي اشارة دخول علما بان 510 تعتبر مقاومه ونظرا لقلة التداول لم يستطع كسرها منذ 1-4-2007 والامر متروك لكم

 

[أبو فلسين]

التبريد عاد
هالاسهم ميته ومال استثمار طويل

 

[Master-Leo]

السلام عليكم

اختي سهم التبريد نادر التداول عليه ففرصة الشراء موجودة

لكن فرص بيعه بربح يمكن ماتحصلينها الا بالشهور مره وحده فقط

فإذا تبحثين عن الاستثمار الأفضل شراء الأسهم القياديه للسوق

كالتمويل أو الوطني أو المخازن أو الهواتف أو وطنية للاتصالات أو الصناعات

الوطنية أما اذا تبحثين عن المضاربه فالأفضل المضاربه بأسهم ذات حركة

دوران وتداول عاليين . بالتوفيق

 

[سهمكووو]

تبريد ............ والصيف على الابواب .... خوش تفكير

بس المشكلة من كثر التبريد راح تجمد فلوسك ......


والصراحه انا اعتبر كل صاحب قرار شجاع ....

طبعا بعد سماع اراء الاخوه الكرام .... هنا يبدأ التفكير بإتخاذ القرار

اذا كان القرار فوري وبدون تردد ... اعلمي انك شجاعه و لا تهابين المخاطر

اما اذا كان القرار بعد محاورات وشكوك مع النفس فإعلمي انت ضعيفه

وفراراتك تحتاج لمراجعه

 

[كويت2]

من أولها جذي !!!!!


نصيحه : حطي فلوسج وديعه أضمن

 

[slack]

سهم جامد وقليل التادول عليه , فكرت فيه قبل سنتين ولكن نفس النظام .
ممكن تكون نظرتج صح للسهم , بس بوضع السوق وايد في اسهم بديله مهيئه للصعود . = مستثمر دولي 240. فلس حاليا , المنتجعات , الساحل ,
وقرار الشراء والبيع لكم مجرد وجهة نظر , وشكرا

 

[stillhamad]

نصيحتي لج تشترين بفلوسج ساعه شانيل توها نازله لا تشوفينها واااااااااااااااااااااااااااااااااااي تهبل أمبيييييييييييييييييييييييييييييييه ..

ووباجي فلوسج روحي روبي تيوزدي تعشي فيهم ستيك وبفلو وينغز والسلطه بوفيه مفتوح بدينار وربع

احسنلج من البورصه وعوار الراس

 

[yoyo1983]

هاي
اشكر كل الي رد علي
واشكر الي نصحني بالساعه الشانيل وهم فكره حلوه

 

[بوخمسين]

دشي على الهواتف أبرك لج

 

[الخبر]

انا احد الاشخاص اللي المستثمرين بكميه كبيره بالسهم من 3 سنوات (و كنت اضارب فيه)اول سنه وزع 70 فلس اللي وراها 50 فلس و السنه هذي 15 فلس و 5 % منحه ... الملاحظ تنازل الارباح و تنازل التوزيعه و كذلك تنازل السعر من فوق الدينار الى 500 فلس..... و السنه الحاليه ارباح الشركه تثير الاستغراب لأن 9 اشهر كانوا محققين حوالي 56 فلس تفاجأنا اخر السنه حققوا 52 فلس على الرغم من التوقع تحقيق 70 فلس.... و الأرباح هذي السنه اغلبها غير محققه.....الي اشوفه من خلال متابعتي للسهم خلال 3 سنوات ان سعره الحالي 500 فلس مناسب للشراء... واتوقع(توقع شخصي وليس تحليل) ان السهم الى قبل الجمعيه العموميه في ارتفاع حوالي 100 فلس.......... الشركه جيده جدا.... المشكله في الادااااااااااااااااااره......

 

[yoyo1983]

مشكور على هالمعلومات القيمه

 

[أبو فلسين]

اخذى الاهليه اجل مده سنه واذا ربحتى بيكون النص بنص واذا خسرتى بسدد الى خسرتيه بس شرطى ما تبيعين الا بأمر منى

 

[yoyo1983]

بتوهقني بالآجل الله يسامحك ( صج ابو فلسين اتغشمر

 

[أبو فلسين]

لا والله أتكلم جد انا

 

[yoyo1983]

مشكور ابو فلسين خلاص انا خذيت اليوم بنك بوبيان والله اوفقني انشاله واوفقكم كلكم انشاله وياي