خبراء المسابيح .. تعالوا :)

[يعقوبيان]

السلام عليكم ..
رحت اليوم محل المسابيح اللي بالسالمية خلف الوطني (ابو غريب) وشفت عنده كهرب بولندي مدور حجمه مو كبير لا السوط المعتاد
سامه لي بخمسين ، ولونه اللاصفر بس على ابيض اكثروقالي مع الاستعمال يقلب اصفر غامق

يسوى سعره والا لا ؟؟
وهل بالمباركية ارخص ؟؟
وكم تقريبا الكهرب اسعاره يعني تتراوح بين شنو وشنو ، وشنو نوع زين؟
انا ابيه لعمي ومابي شي غالي

واللي يعرف بالمباركية محل زين واسعاره زينة يدلني عليه وعلى اسمه

 

[مرور الكرام]

انا مثلك ادور ياغالي

 

[fesalll]

اتوقع والله اعلم انه اللى بالمباركيه ارخص لانه اجار محلاتهم ارخص من السالميه ومايحاول ايطلع هالتكلفه عليكم

بس لازم اتيب معاك خبير بامسابيح

 

[يعقوبيان]

شدعوة محد يعرف

 

[stillhamad]

السلام عليكم ..
رحت اليوم محل المسابيح اللي بالسالمية خلف الوطني (ابو غريب) وشفت عنده كهرب بولندي مدور حجمه مو كبير لا السوط المعتاد
سامه لي بخمسين ، ولونه اللاصفر بس على ابيض اكثروقالي مع الاستعمال يقلب اصفر غامق

يسوى سعره والا لا ؟؟
وهل بالمباركية ارخص ؟؟
وكم تقريبا الكهرب اسعاره يعني تتراوح بين شنو وشنو ، وشنو نوع زين؟
انا ابيه لعمي ومابي شي غالي

واللي يعرف بالمباركية محل زين واسعاره زينة يدلني عليه وعلى اسمه

هذا ضب ولا مسباح ؟؟

 

[abanos]

اخوي روح المباركيه احسلك لانه سعره غالي تقريبا

الجرام البولندي يتراوح من 1ونص الى دينار وربع

يعني بالخمسين تقدر تشتري 25 جرام وراح يسويلك خصم طبعا

وفي محل بالمباركيه اتعامل معاه عنده مسابيح حلوه وسعره حلو بس اغلب بضاعته اوكراني مو بولندي سعره الجرام ب 1و100 فلس

واذا عمك ريال عود تره الشياب يحبون المرجان + الفيروز واذا تبي شى زين
اخذله عاج يتراوح من 20 الى 30 بس العاج سعره فيه بس دير بالك يقصون عليك ويعطونك عظم بدال العاج لانه نفس اللون ابيض

واذا ما تبي شى غالي اخذلك كبس كهرب سعره بحدود 10 دنانير وشكله حلو احلى من الكهرب الصافي

والهديه مو بقيمتها

وتبي نصيحتي حط الكركوشه فضه (سعره من 2ونص وانت رايح )

 

[فراموش]

السلام عليكم ..
رحت اليوم محل المسابيح اللي بالسالمية خلف الوطني (ابو غريب) وشفت عنده كهرب بولندي مدور حجمه مو كبير لا السوط المعتاد
سامه لي بخمسين ، ولونه اللاصفر بس على ابيض اكثروقالي مع الاستعمال يقلب اصفر غامق

يسوى سعره والا لا ؟؟
وهل بالمباركية ارخص ؟؟
وكم تقريبا الكهرب اسعاره يعني تتراوح بين شنو وشنو ، وشنو نوع زين؟
انا ابيه لعمي ومابي شي غالي

واللي يعرف بالمباركية محل زين واسعاره زينة يدلني عليه وعلى اسمه

أخوي بالنسبه للمسابيح الكهرب ( بحر)

يعني في عدة مواصفات ,, فيه منه ( الالماني و البولندي و الاكرواني

واللتواني والروسي وغيره ...)

واذا تبي مسباح كهرب زوين وحليو

عندك بالمباركيه اللي عند مدخل القهوه اللي بالوسط داخل

محل اسمه بيت الكهرب ,, راعيه واحد لبناني اسمه بو زيد

اذا اول مره تجي عنده يراعيك بالسعر ,, وانت ناشبه

يمكن تحصل سعر الجرام على 1,350 الى دينار و1.500 بس حده

اذا كان حلو واهم شي تاكد منه ان المسباح بولندي

وفي محل ثاني هم اسعاره مناسبه

محله بشارع الالكترونيات بسطرة المقاصيص بالنص

عند واحد اسمه سليم اول محل بالفجه

هم اسعاره حلوه وناشبه بالسعر وطيحه بالحظيظ

بس اهم شي تاخذ بولندي تقريبا هو افضل خامه للكهرب من بعد الالماني

وشكرا

واذا تبي اي شي دزلي رساله على الخاص

وانا حاضر​

 

[HUMMER]

اخوي في محل مسابيح اللي بالمخازن عنده مسابيح كهرب شي طيب بس لازم تعرف جم يحسبلك الغرام وبعدين سو نفس واحد من الربع فل 5 مسابيح وطلعله مسباح واحد وشكله موطبيعي بس اكيد اول ماتاخذه ساعات اييلك ابيض وبعدين يصوفر عادي وطبعا كلما اغمج لونه زاد سعره

 

[louzany]

تحياتي

والله ولد عمي صح يقلب لونه اصفر مع الاستعمال روح احمد الجابر الي بديره وشوف وذا تعرف في واحد من عيال بوعركي اهو يبيع مسابيح ويقولون شقل عدل بس انا مااشتري مسابيح كلش بس استفسر


بس ولد عمي هل ايام هابين في نوع جديد من المسابيح مصنوع من جام الطيارات ولجام ماله قوي يعني لو يطيح ماينكسر هذي الموضه الي موجوده الحين ولي يبي مسباح من جام طيارت يحط رقمه وسومته
يالله ترزقني

 

[ahaji]

السلام عليكم

موضوع شيق ومعلومات حلوة

شكرا لكم

 

[أحمد ظاهر]

بسم الله الرحمن الرحيم

حبايبي اخواني ... السلام عليكم ورحمة الله

شباب اسمحوا لي ترى انا غشيم بهذا الموضوع .. وودي تفيدوني بهذا الموضوع

اول شي الكهرب هذا عبارة عن ايش؟ .. يعني مثلا هل هو حجر كريم مثل الياقوت والفيروز والعقيق وووووووووووووو؟ ..

قبل مدة كان احد الاخوة عارض مسباح كهرب وكان حاط صورته .. فكان يبدو لي من تدرجات اللون كأنه يشبه الرخام .. فهل هو نوع من انواع الرخام مثلا؟

وبعدين اخونا الان قال انه لونه مع الزمن يصفر اكثر .. ليش يا ترى؟

وليش ينباع بالجرام .. ذهب هو؟

سامحوني طولت عليكم وكثرت اسئلتي .. لكن مثل ما قلت لكم انا ما عندي فكرة بخصوص هذا الموضوع تحديدا .. وأنا من النوع اللي احب اتعلم ..

وسبحان من علم الانسان ما لم يعلم

 

[abanos]

اخوي اهو حجر

والكهرب متحجر عضوي أصله أصماغ متحجرة لأشجار معينة من الصنوبريات أو الأشجار المزهرة

وسبب تغيير اللون من هذا من اسرار الكهرب او مزاياه

بيني وبينك الكهرب افضل من الذهب تدري ليش الذهب احيانا يصعد واحيانا ينزل سعره
بس الكهرب يصعد سعره وما ينزل

 

[أحمد ظاهر]

ما شاء الله .. اشكرك اخي ابانوس على هذه المعلومات القيمة

يعني على حسب ما فهمت من كلامك، يكون الكهرب هو نفسه الكهرمان .. صح ولا أنا غلطان؟

 

[abanos]

اخوي هل حجر له كذا اسم بالخليج يقولوله كهرب
القطرون) أو الكترون باللغة الرومية
وفي إيران يسمى ( كوربّا )
مدينة الموصل العراقية من يسمى ( الشيح )
مصر يطلق عليه اسم الكهرمان
اللغة الإنجليزية يسمى أمبر (Amber)
اللغة الألمانية فهو يسمى برنشتاين

ويستخرج هل حجر من بحر بلطيق

 

[أحمد ظاهر]

ما شاء الله عليك اخي أبانوس ..

ألف ألف شكر على هذه المعلومات القيمة جدا

 

[_العميد_]

مسابيح كهرب

الطلب موجود عندي مسباح كهرب بولندي اصفر مع ابيض شويه وتقريبا قاعد يتغير لونه فيه 36 جرام و45 حبه ومدور وعلي فكرة هذا المسباح ميزته انه من صخره وحده مو مشكل من حجر ثاني هذا يرفع سعره شويه معلومه هذه بس حلو ابصراحه المسباح . وبعد عندي مسباح كهرب بولندي شفاف 27 جرام قديم متغير لونه خالص بس ماعرف كم عدد حباته وبس . وبعد العيد انشالله يكون عندي غيرهم

 

[_العميد_]

عندي مسباح كهرب اصفر وابيض وعندي مسباح كهرب شفاف

 

[I T C]

اخوى حط صورة لو سمحت

 

[حفار قبور]

السلام عليكم ..
رحت اليوم محل المسابيح اللي بالسالمية خلف الوطني (ابو غريب) وشفت عنده كهرب بولندي مدور حجمه مو كبير لا السوط المعتاد
سامه لي بخمسين ، ولونه اللاصفر بس على ابيض اكثروقالي مع الاستعمال يقلب اصفر غامق
يسوى سعره والا لا ؟؟
وهل بالمباركية ارخص ؟؟
وكم تقريبا الكهرب اسعاره يعني تتراوح بين شنو وشنو ، وشنو نوع زين؟
انا ابيه لعمي ومابي شي غالي
واللي يعرف بالمباركية محل زين واسعاره زينة يدلني عليه وعلى اسمه

أنصحك بمسباح حباته برميلية يعني شكلها مثل البرميل ، مو مدورة ، وحجمها متوسط ، والشاهد يكون طويل مو قصير ، والخيط يكون زين ، يعني إذا كان ضعيف غيره بخيط زين وإنت هناك بالسوق مرة وحدة ، وبالنسبة للمحلات ، في محل لبناني ما اعرف إسمه موجود في الشارع الجديد ، شارع الوكالات في السوق ، جنب فندق البحرين وهو يقع خلف محلات الوكالات في نفس الشارع وتقريبا بنص الشارع ، إسأل المحلات عن فندق البحرين وإن شاء الله ما تضيع

 

[_العميد_]

هذي صورة المسباح

اخوى حط صورة لو سمحت

هذي صورة المسباح الكهرب والشفاف احط لكم صورته في وقت ثاني
ان شاء الله