صيده سهله

[الهامور]

السلام عليكم

هذا الموضوع للاخوان اللي يحبون المضاربه اليوميه وما يحبون المفاجات
ويرضون بالربح القليل 50 الى100 دولار يوميا . اقول لهم من خبره انا
اضع مبلغ 7000 الى 8000 تقريبا يوميا على اسهم معروفه مثل
msft اللى من مراقبتي له يرتفع وينزل في حدود 50سنت ومع كثره المتابعه لم اعد محتاج للتحليل صرت اعرف متى اشتريه وابيعه. اليوم مثلا شريت300سهم عند 25.80 لمجرد النظر للسعر ومقارنته بسعر الامس وبعدها بشوي بدقائق نزل الى 25.75 لكني ماهتميت ولا حطيت ستوب لوز زي ما نسوي مع البني ستوك لكني
وضعت امر بيع 40سنت زياده ونسيته ساعتين ولما رجعت كان بايع عند ال26.20صحيح ان هلحركه ما تضبط دائما لاكن مع سهم زي هذا اللي معدل الفليوم عليه 65,000,000,ما اتعطل اكثر من يوم او يومين وفي النهايه اطلع باذن الله كسبان.

 

[Qpeedo]

شي حلو والله , انا بشتغل جذي , بس على سهم wavx واذا عندك سهم زين خبرنا.

 

[المرساني]

مشكوووووووووووووووووور

يعطيك العافيه يالهامور على هذه المعلومه وشكرا

 

[آينشتاين]

الهامور فعلا الاسهم الكبيره مثل مايكروسوفت وسسكو افضل للمضاربه والاستثمار بعد واريح بال من البني ستوك بكثييييير

مجرد انك تطالع التشارت وتعرف الدعم والمقاومه للسهم وتتابعه كم يوم .. راح تعرف سعر الدخول والخروج المناسب بسرعه وسهوله
وممكن انك تضارب بالسهم تشتري وتبيع فيه اكثر من مره لنفس اليوم وتطلع بكل عمليه ربحان من 2 - 5 % شي طيب بالاسهم هذي

بعكس البني ستوك والشركات التعبانه اللي تلعب فيها الاخبار والاشاعات ومرات تخالف التحليل الفني وتعاكسه 180 درجه ومرات حتى الاخبار تعاكس تاثيرها .. يعني اخبار طيبه كل يوم والسهم من حال سيء لاسوأ !!!
وفي حالات كثيره تلقا السهم اليوم عليه فوليوم 30 مليون او اكثر لمدة يوم او يومين وبعدها الفوليوم اذا ذبح عمره 200 الف !!!
البني ستوك متعب ويحتاج الى محترفين

الهامور البني ستوك لا تدخل فيه الا اذا كان فرصه يعني خبر قوي عقد ارباح مرتفعه ... الخ والافضل الخروج منه بنفس اليوم بربح حتى لو بسيط

اما الاسهم الكبيره ممكن تضارب فيها باي يوم من غير اي اخبار وانت مرتاح

بالتوفيق ياالهامور

 

[bene stock]

مقارنه بين البيني ستوك والاسهم الممتازه

من الملاحظ ان اكثر المتداولين اللي رايتهم في هذا المنتدى ومنتدى الخليج مهتمين باسهم البيني ستوك لماذا لان الفائده فيها كبيره
ولكن اريد ان اقول ان البيني ستوك معناها اسهم مفلسه يعني معرضه للتوقيف باي لحظه ولكن الاسهم الممتازه الخطر فيها يكاد يكون منعدم

اريد ان اقول ان الاسهم الممتازه قليلة المخاطره وقليلة الربح بالنسبه لاسهم للبيني
والبيني كثير الربح وكثير المخاطره بالنسبه للاسهم الممتازه
والاسهم الممتازه يجب ان تكون بمبلغ قوي والاغلبيه هنا لايملكون هذه المبالغ اما البيني فالكل يستطيع الشراء منها تقريبا
اتمنى لكم التوفيق
والسلام ختام

 

[الهامور]

إبشر يا أخ qpeedo أي سهم أتابعه وأرتاح له راح أخبرك ولاشكر على واجب يا أخ مرساني والحمد الله إني اسمع هذه الردود منكم في أول مشاركة لي أنا ما اكون فيها السائل، صحيح إني اخذت الدورة مع الأستاذ بوعلي ولكن إذا كان هو نفسه وكذلك الأستاذ ابوناصر ما يتعاملون مع البني ستوك أجل ليش احنا نورط نفسنا ونشد أعصابنا وخصوصاً أشعر اني مقامر ولست مستثمر إلا إذا كان مثل ما قال الأخ أينستاين لا تدخل إلا إذا كنت عارف من أخبار ودراسة ومع كذا شد الأعصاب موجود لأن يبي له شهور علشان يرتفع مره ثانية هذا إذا ما فلس وعلى فكرة يا أخ benestock الموضوع هذا يتكلم عن الربح القليل 50-100 دولا يومياً حتى لو ما كان عندك كثير إن شاء الله بتزيد مع الوقت وهي ليست بالقليله مثلاً انا دخلي من عملي لو قسمته على 30 يوم ما يوصل 100 دولار يوميا يعني ممكن أدخل اكثر من راتبي، وانا تكلمت مع الإستاذ سيف العجمي بعد إنتهاء الدورة في الرياض وطلبت منه أسماء الشركات التي تنطبق عليها المواصفات هذي وبدون ادنى مسؤولية منه طبعاً فقط حتى نتابعها بنفسنا إن شاء الله ما تكون نسيتني يا بوعلي وأقترح متابعة نفس الأسهم يومياً مثلا 5 أو 10 من هذه الأسهم لأن المضاربه في أسهم معينة فقط يزيد معلوماتك عنها يوم بعد يوم حتى تتمكن منها أما البني ستوك فيمر عليك مثل سحابة الصيف.

 

[S500]

كلام جميل يالهامور

ارجو ان تزودنا بأسماء بعض الركات الكبرى اللتي تتكلم عنها

 

[الهامور]

عزيزي S500 انشاء الله كلنا نتعاون ونطلع اسماء الشركات هذي ونرتاح من البيني ستوك، أنا اليوم اشوف انه wavx عليه تداول رهيب وارتفاع صاروخي والتشارت ما عرفنا نحلله و احنا اللي نبي الفزعة ومنتظرين الرد.

 

[S500]

JDSU

sunw

لقد تكون للمضاربين افضل من المدى الطويل اذا كان المساهم بها يريد المكسب القليل وبشكل شبه يومي

وبالمناسبه انصح نفسي والمبتدئين والمحترفين بتقوى الله بالسر والعلن
وان يتحرو الحلال لأن المال ا لحرام لو ربحت منه شي فسيكون من ضمن رأس المال وبالتالي ستبني عليه مال حرام اخر حتى لو كان المصدر حلالا لأن ساسه حرام