احسن سفريات فى الكويت

kuwait77

موقوف
التسجيل
27 أكتوبر 2005
المشاركات
512
السلام عليكم
ممكن كل واحد يذكرلنا السفريات اللى سافر معها وكيف تجربته معاها طبعا بالنسبة للجروبات لان السنة هذى انشالله ناوى اروح مع جروبات ويفضل الى اوربا الغربية
 

yoyo1983

عضو نشط
التسجيل
22 أبريل 2007
المشاركات
22,665
الإقامة
DaMBy
سفريات المستقبل غيرها لا تدور
 

نوكيا

عضو مبدع
التسجيل
1 ديسمبر 2004
المشاركات
3,280
الإقامة
الكويت
سفريات المستقبل غيرها لا تدور

انا اقول LBC او روتانا





سفريات عالم الصالحيه
سفريات الباز
سفريات البوابه الذهبيه
سفريات ديسكفرى
 

الخليجي 1

عضو نشط
التسجيل
11 ديسمبر 2006
المشاركات
781
أنصحك ب

سفريات الغانم ( في شارع الجهراء ) بالديرة

سفريات السيد ( لهم فرع في المطار)

سفريات داناتا ( مجمع بيروت ) حولى ممتازة جداً جداً
 

KUWAITI MAN

عضو نشط
التسجيل
5 مارس 2006
المشاركات
370
سفريات المكتب

سفريات السيد

سفريات الرابية
 

الفيلكاوي_80

عضو نشط
التسجيل
11 يناير 2007
المشاركات
3,079
الإقامة
الكويت الحبيبه
أحسن سفريات من تجربه شخصيه لي و وايد أتعامل معاه

(( سفريات المستقبل ))

رقمهم : 2453411 - 2453412

صج غالي شويه عن السفريات الثانيه بس مضمون و مضبوط من ناحية التذاكر و من ناحية الفنادق و من ناحية الطيران الداخلي

وعندهم نظام (( الجروبات )) و شغل منظم و حلو من تطلع من مطار الكويت ليما ترجع بالسلامه

فمان الله
 

فيصل2

عضو نشط
التسجيل
21 مايو 2006
المشاركات
1,633
كلهم نفس الشي صدقني بس الواحد لازم يتثقف من خلال الانترنت من خلال السعار والديرة الي رايح لها والفنادق ويعرف الاسعار من خلال مواقع الحجز وبجي يوم وراح تسكر كل السفريات لان الواحد يقدر يحجز ويصدر التذكرة وفوتشر الفندق وهو بالبيت
 

الفيلكاوي_80

عضو نشط
التسجيل
11 يناير 2007
المشاركات
3,079
الإقامة
الكويت الحبيبه
كلهم نفس الشي صدقني بس الواحد لازم يتثقف من خلال الانترنت من خلال السعار والديرة الي رايح لها والفنادق ويعرف الاسعار من خلال مواقع الحجز وبجي يوم وراح تسكر كل السفريات لان الواحد يقدر يحجز ويصدر التذكرة وفوتشر الفندق وهو بالبيت

والله صدقت ياخوي الواحد الحين يحجز التذاكر و يحجز الفنادق و يضيط كل شي عن طريق الانترنت ولا مكتب ياخذ عليه فايده ولا عموله ولا شي

فمان الله
 

q8_chamber

عضو مميز
التسجيل
24 سبتمبر 2005
المشاركات
7,553
الإقامة
الكويت
السلام عليكم
ممكن كل واحد يذكرلنا السفريات اللى سافر معها وكيف تجربته معاها طبعا بالنسبة للجروبات لان السنة هذى انشالله ناوى اروح مع جروبات ويفضل الى اوربا الغربية

ياخوووووي
انصحك نصيحة حلوة


كل سفرة روووح مكتب غير

لان كل مكتب يعطيك خدمة حلوة في اول زيارة و بعدها يكوع فيك و يعطيك اسعار
أغلى
 

على الوعد

عضو جديد
التسجيل
27 أغسطس 2008
المشاركات
1
مرحبا للجميع
انا احذر الجمييييييع من سفريات السيد وتعاملهم السيئ جدا
انا بهدلوني وحرموني من السفر السنه هذي
حسبي الله عليهم
وخاصه قسم الاقروبات
جيتهم من السعوديه ياقافل لك الله علي ماسمعنا عنهم انهم خوش سفريات
وحجزت عندهم علي الاقروب اللي يطلع من الكويت -ماليزيا -سنغافورا-قولد كوست -سدني -بانكوك- الكويت
وفرشولي الارض ورد وحجزت في 30-7 -2008
ودفعت عربون 200 دينار
قبل الرحله بسبوعين كلموني وقالو ترا قدمنا الرحله ليه
قالو ماكتمل العدد في 30 -7
طيب انا ماقدر عملي مايسمح لي
بكل برود ردو وقالو براحتك مافيه الا هذا الموعد
ولا راح عليك العربون
هذا رد سفريات محترمه
وراحت فلوسك ياصابر


هم المتسببين فيني وياخذون فلوسي
الان احاول اكلمهم يصرفوني المسئول مو موجود مشغول انواع التصريف
ماقول الا حسبي الله ونعم الوكيل فيهم
 

بومحمد1974

عضو نشط
التسجيل
18 أغسطس 2008
المشاركات
61
انا ياخوك بنصحك بسفريات (حط رجلك ) اعتمد علي نفسك بالسفره قص تذاكرك من النت والفنادق اخذهم من البلد اللي بتروح له ووفر فليساتك بمخباك وبالذات انتوا قروب يعني سهالات لان بصراحه انا شفت القروبات وفعايل السفريات فيهم بماليزيا مساكين باللوبي يدورون مشرف الرحله والحبيب قاعد بشارع المطاعم بالكويت :)
 

P.Engineer

عضو نشط
التسجيل
13 أغسطس 2008
المشاركات
538
أنا أشوف سفريات الرابية .. بس أفضلك لو تنظم سفرتك بروحك من خلل الأنترنت وايد أوفرلك .. بس شكلك ماتبي تدش بهل معمعة ههههه ..
 

العثماني77

عضو نشط
التسجيل
5 أكتوبر 2008
المشاركات
89
والله يا شباب عليكم بمواقع النت المشهورة أسهل وأرخص ..

لحجز التذاكر أدخل مواقع الطيران ..

ولحجز الفنادق .. شوف موقع

موقع حجوزات
وموقع booking

سهالات والله جرب .. مو خسران
 

al_buloshi_32

عضو نشط
التسجيل
28 أبريل 2006
المشاركات
637
الإقامة
كويت يا كويت
سلام عليكم
والله ابعد عن سفريات السيد
مابي اقول حراميه نصابين
لا ولا بقول باقوني

بقول قصوو علي واتعس رحله رحتها معاهم
كان الجدول ماليزيا وتايلند
وبعد مارحنا كنسلو وخلو بس ماليزيا طول السفره وقالو احسن الفنادق وطل اتعس الفنادق
وتخل القايد مفروض معاك لا الحبيب رايح يودي اهله و يونسهم
وانا لو بتكلم والله ماخلص



وانصلح بسفريات الفصول الاربعا
 

anas979

عضو جديد
التسجيل
19 ديسمبر 2009
المشاركات
1
مالك للسياحة والسفر

بالنسبة لي وحسب التجربة ، فقد وجدت أن مكتب مالك للسياحة والسفر أفضل مكتب على الإطلاق ، من حيث الأسعار ومستوى الخدمات المقدمة ، وأسلوب التعامل الممتاز
فأنصح كل الناس بالتعامل مع هذا المكتب والتجربة خير برهان
عنوان المكتب في الكويت : الصالحية : شارع فهد السالم ،بجوار مطافي الصالحية ، هاتف : 22444434
 

مراقب الاسهم

عضو نشط
التسجيل
14 سبتمبر 2005
المشاركات
870
احسن مكتب سفريات

لاتعتمد على مكتب معين ابحث عن الجميع

اليك هذا الموقف واحكم

مكتب سفريا كنت اتعامل معاه بحولي بمجمع جديد وفخم وايضا المكتب موطبيعي من ناحيه المعامله وفخامه المكتب

كنت بحجز غرفه ببرج العرب لقيتها عندهم 385 لليله

واثناء حديثي مع احد الاصدقاء (قالي انا اضبطك) بارخص من هالسعر باحد مكتتب السفريات بالفروانيه لاتتعدى مساحته 3*5 لو تفتح الباب وانت طالع على طول تلقي نفسك بالشارع بوسط السيارات
المهم لقيت عنده في ذاك الوقت سنه 2006 قبل الغلا نفس الغرفه اللي ابيها بنفس الفندق اخذتها ب 335 لليله الفرق 50 دينار الليله فرق كبير جدا
اخذت 3ليالي وفرت 150

والحين ومن وااقع تجربه شخصيه ونحن مقبلين على 2010
افضل سفريات

((((((الحجز عن طريق مواقع الانترنت ))))

بوكنج
اسيا روم
اسيا ترافيل


الفرق بالاسعار ما بين 15 الى 25% مقارنه بارخص سفريات بالكويت

زمن مكاتب السفريات انتهى بتوفر اسهل وافضل الطرق على مواقع النت وانت ببيتكم
 

ريّس نفسه

عضو نشط
التسجيل
17 يناير 2009
المشاركات
587
كلهم نفس الشي صدقني بس الواحد لازم يتثقف من خلال الانترنت من خلال السعار والديرة الي رايح لها والفنادق ويعرف الاسعار من خلال مواقع الحجز وبجي يوم وراح تسكر كل السفريات لان الواحد يقدر يحجز ويصدر التذكرة وفوتشر الفندق وهو بالبيت


صدقت، وللعلم ترى مكاتب السفريات ما تربح من حجوزات الطيران شي يذكر.. لكنها تطلع كل ربحها من حجز الفنادق

وعلى قولة الاخوان.. اذا كانت الحجوزات من النت ارخص من السفريات بنسبة 25% فالصراحة أنتوا اولى فيها من المكاتب

بالتوفيق
 

Winchester SX3

عضو مميز
التسجيل
4 يناير 2009
المشاركات
7,922
الإقامة
الكويت
سفريات أصابعك للإنترنت

دش على الطيران اللي تبيه وإحجر تذكرتك

ودش على الفندق اللي تبيه وإحجر غرفتك
يدقون عليك الفندق ويأكدون الحجر

وكل أمورك تمام التمام

الا اذا في عرض من السفريات
قارنه بالإنترنت أحسن لك :) بعدين سو اللي يعجبك


خذ هالسالفه تعجبك:
مره الشباب بدبي ما أذكر أي فندق كانوا فيه
راحوا للريسبشن وقالوله نبي نحجز قالهم سعر الغرفه 200 درهم مثلا
قالوله عطنا عشر دقايق ونرجعلك
اشبكوا انترنت واحجزوا الغرفه بــ 150 وردوله نفس الموظف قالوا عندنا حجر بإسمنا :)
ووفروا على روحهم

موفق
 
أعلى