عاجل... وزير النفط يعلن اكتشاف حقل نفطي جديد شمال الكويت

[(واحد من الناس)]

وزير النفط يعلن اكتشاف حقل نفطي جديد شمال الكويت

الطاقة والثروة المعدنية 30/04/2007 02:54:00 م



الكويت 30 - 4 (كونا) -- اعلن وزير النفط الشيخ علي الجراح الصباح اليوم اكتشافا نفطيا مهما وجديدا في منطقة الظبي شمال الكويت حيث يقع جنوب حقل الروضتين .(يتبع) م غ ع/ا ح ج كونا301454 جمت ابر 07

 

[boalons]

الله يزيد ويبارك

 

[قاروه]

ماشاء الله الله يزيد ويبارك

لا ويقولك عندنا عجز !

العجز من كثر المخابي المشقوقه الله يكافينا الشر

 

[Master-Leo]

ماشاء الله الله يزيد ويبارك

لا ويقولك عندنا عجز !

العجز من كثر المخابي المشقوقه الله يكافينا الشر

انت شيوعي بالحزب الاشتراكي عدل ؟

قاروه بطل من هالسوالف وخلك على الحداق والسمك فاهم قصدي

ترى اذا طاحوا عليك وقت الصجيه ماعرفك بقول أنا أول مره اصلا اشوفه

هني و الفائض موجود بسلامتكم بس وين يروح هني الكلام

أنا بعرف يعني شصير لو الحكومه قضبوا كل رب أسره وقالوله هاك مليون

وابتلش في أجيالك القادمه اهم يفتكون واحنا نفتك بس لايسمعونا

الحريم يغتالونا

 

[قاروه]

انت شيوعي بالحزب الاشتراكي عدل ؟

قاروه بطل من هالسوالف وخلك على الحداق والسمك فاهم قصدي

ترى اذا طاحوا عليك وقت الصجيه ماعرفك بقول أنا أول مره اصلا اشوفه

هني و الفائض موجود بسلامتكم بس وين يروح هني الكلام

أنا بعرف يعني شصير لو الحكومه قضبوا كل رب أسره وقالوله هاك مليون

وابتلش في أجيالك القادمه اهم يفتكون واحنا نفتك بس لايسمعونا

الحريم يغتالونا

هااا لا يبا اخوك مسكين حده البحر والحداق والزفره

ليوووووووو شلون ما تعرفني انا اعرفك انت كينج ليو

لو يقضبون كل رب اسره مليون لا تشوف جناط الحريم على 4 و 5 الاف لا وهدا انا وبوعلي ليلحين ما تزوجنا
لا يبا خلنا جدي ابرك

والحكومه ابخص

 

[Abdullah Alhajeri]

الديره تنباق ياجماعه

كل واحد يغرف لان الظاهر مافي احساس بالوطنيه ولا المسؤولية

 

[khaled999]

قامو ينظرون علينا احساس بالمسئولية - احساس بالوطنية - ذبحوووووووونااا يبا كل الكويتيين وطنيين ومايحتاجون احد يعلمهم- المهم انا لو مسئول كبير كبير (موكبير وايد وايد كان دعيت الكويتين الى صلاة الشكر والحمد لله على هالنعمه وعلى هالالفة بينا
قووووولوووووو الحمدالله : "ولئن شكرتم لأزيدنكم "

 

[مستثمر فقير]

هو اكتشاف للكبار وبلاء لصغار

الحمد لله الذي لايحمد علي مكروه سواه

 

[wwwQ8]

الله يزيد ويبارك

 

[البواردي]

ما شاء الله تبارك الرحمن الله يزيد ويبارك
لكن وين هذي الظبي ؟؟؟
انا بواردي شمالي ودايماً بذيك القاع ما اعرف ولا مكان اسمه الظبي

 

[Nagooshy]

هههههههههه

السلام عليكم

ما فرقت معانا

راح يبيعون النفط ويتبرعون حق دول العالم

​

 

[Ali Baba]

ماشاء الله الله يزيد ويبارك

لا ويقولك عندنا عجز !

العجز من كثر المخابي المشقوقه الله يكافينا الشر

خله يا كنج لوو .... تراااه

قلبااااااا مترووووووسااا

 

[خبير النفط]

السلام عليكم
مو مهم الاكتشاف فقط المهم الكميه والنوعيه ومتى يتم انتاجه بكميات تجاريه. للعلم فأن جميع الاكتشافات النفطيه فى شمال الكويت والتى اغلبها فى الطبقات الجوراسيه لم يتم وضعها على خط الانتاج حتى الان والسبب ان نوعيه النفط وان كانت خفيفه الا انها تحتوى على كميلت من الكبريت وجميع المنشآت النفطيه فى الشمال لا يمكنها معالجه هذه النوعيه من النفط ومع ذالك تحيه للمخلصين من الكويتيين فى مجموعه الاستكشاف والحفر العميق بشركه نفط الكويت على المجهود الخارق الذى عجز عنه الاجانب

 

[Nasser pwc]

نبارك لدول الضد على هالاكتشاف​

 

[hi-tech]

هههههههههه

السلام عليكم

ما فرقت معانا

راح يبيعون النفط ويتبرعون حق دول العالم

​

يتبرعون!

احنا نأخذ منه اتعاب انتاجه بس
ولا النفط مو لنا
احد قال لنا؟
60$ ومستانسين والله مساكين
والله يعين

 

[ChanZeeN]

السلام عليكم
مو مهم الاكتشاف فقط المهم الكميه والنوعيه ومتى يتم انتاجه بكميات تجاريه. للعلم فأن جميع الاكتشافات النفطيه فى شمال الكويت والتى اغلبها فى الطبقات الجوراسيه لم يتم وضعها على خط الانتاج حتى الان والسبب ان نوعيه النفط وان كانت خفيفه الا انها تحتوى على كميلت من الكبريت وجميع المنشآت النفطيه فى الشمال لا يمكنها معالجه هذه النوعيه من النفط ومع ذالك تحيه للمخلصين من الكويتيين فى مجموعه الاستكشاف والحفر العميق بشركه نفط الكويت على المجهود الخارق الذى عجز عنه الاجانب

الله يعطيهم الف عافيه

 

[roads]

عاشوا شباب النفط

فعلا الشباب بالقطاع النفطي يثبتون جدارتهم يوما بعد يوم و هذا يعني ان الفلوس اللي ياخذونها حلال عليهم بل هو قليلة مقارنة بالدول الاخري.............
عاش مدير الحفر المهندس عياد الكندري...........والمهندس نايف العنزي ....والمهندس السعيدي...

 

[modeer]

الله يا بعض الناس .. بيستانسون يااااااااااااووو

موقصدي الدول الي يطرون .. خخخخخ

 

[نقوشي]

الوناسة

للعراق ولدول الضد بإكتشافاتنا النفطية ...

منح نفطية بالهبل واسقاط قروض عليهم

وتسهيلات غير مسبوقة ...

اما الكويتي المديون شاطرين يلحقونه من مكان لمكان

على جم الف

لا ويدفع الفوائد المرتفعة قبل لايدفع دينه