أيهما أكثر عائدا بنهاية 2007 بيت التمويل أم بنك بوبيان؟

freeweek

عضو نشط
التسجيل
13 سبتمبر 2005
المشاركات
214
والله ما قصرت وياها ومخليها ياميمه بجنب الخيمه يعني يا دهينه لا تنكتين بس كل ما تدعيلي اطيح بمصيبه ..

المهم أذا تبي تستثمر وفيك صبر فعليك بالأسهم اللي لامست القاع مثل الخليجي للأستثمار قيمته ب 275 أو تمويل خليج قيمته ب 500 فلس ..

مع الأخذ بعين الأعتبار أنه في حال لاحت في الأفق بوادر حرب بين أمريكا وأيران بمشيئة الله أو مصيبه بالديره بأذن الله .. أنك تسحب فلوسك من السوق فورا غير اسف علي ما فات .. وأعلم أن ما اصابك لم يكن ليخطئك وأتخذ لنفسك في الدوانية ركنا قصيا وتابع الأحداث عن كثب .. فأن هدأت العاصفه وألتحفت برياحها مغادره ..


فأعلم رعاك الله أن السوق قد تهيأ لك في أحسن صوره وأرتدي أجمل الحلل وبات يراودك عن نفسك فمكنه منها .. فعل يا ضامي قبل لا يحوس الطين صافيها ..

نحاستك لا تعجبنى و اسلوبك فى الكتابة يروقنى
 

khalid2002

عضو نشط
التسجيل
8 أبريل 2007
المشاركات
251
سلم على الوالدة وبوس راسها نيابة عنى 00 شوفلك صندوق واستثمر فية فلوسك ولايطوفك ( صندوق ثروة ) ترى قرب الاغفال يوم 7 على مااعتقد 00 ( دعوتى ليست للبيع والشراء الحذر واجب )000000
 

مساهم جديد2007

عضو نشط
التسجيل
2 أبريل 2007
المشاركات
288
سلم على الوالدة وبوس راسها نيابة عنى 00 شوفلك صندوق واستثمر فية فلوسك ولايطوفك ( صندوق ثروة ) ترى قرب الاغفال يوم 7 على مااعتقد 00 ( دعوتى ليست للبيع والشراء الحذر واجب )000000

يوصل سلامك مع البوسة....صندوق ثروة يتبع لأي شركة وهل هو إسلامي؟ومن وكلاء البيع؟ومانشاطه؟وشكرا لك.
 

alcaptin

عضو نشط
التسجيل
30 أبريل 2006
المشاركات
229
الإقامة
kuwait
الله يوفقك

يوصل سلامك مع البوسة....صندوق ثروة يتبع لأي شركة وهل هو إسلامي؟ومن وكلاء البيع؟ومانشاطه؟وشكرا لك.

وفق الله وتمنيت انك تسمع كلامى لكن تذكر كلام الكابتن على مدى المتوسط وستعرف انك اضعت الطريق
 

الشاطر

عضو نشط
التسجيل
20 يونيو 2004
المشاركات
1,489
اخوى انت بغيت النصيحه

النصيحه لا تحط افلوسك بصندوق والله يقهرونك

تقول عندك 10000 دينار ان حطيتهم بصندوق جم بيطلع الصندوق 7% 8% بعد سنه وماتقدر تطلع من الصندوق الابعد سنه او تجيب بديل وتروح عليك الارباح وجم 8% يعنى 800 دينار شنو 800 بعد سنه

اذا الله وفقك بالبورصه وباركلك تطلعهم بيوم بالمضارب

انا مع اخوى الكابتن انك تسثمر افلوسك اذا كنت ماتعرف للسوق ببنك بوبيان وانطر عليهم جم شهر انشاء الله تدوبلهم

يقول الرسول صلى الله عليه وسلم ((لايؤمن احدكم حتى يحب لاخيه مايحب لنفسه ))

حبيت النصح والقرار راجعلك
 

أبو فلسين

عضو نشط
التسجيل
9 مارس 2007
المشاركات
4,498
ياباحث عن النصيحه او ماتعبت من النصح :) مو انت اللى تقول ابى ابيع بيتنا واشترى الهواتف ونصحونى :) وبعدها تم نصحك بأنجاز ورديت وقلت ابى ابيع سياراتى الثلاث وقيمتهم 20 الف وبشترى الهواتف وتم نصحك وبعدها حرضت الناس على بيت التمويل وتمت معاقبتك من المشرفين نزين وتاليتها معاك يعنى وبعدين الحين طالعلى بسالفه 10 الاف وامى ومادرى شنو اخوى ترا طريقتك غلط بغلط ويجب علينا انه نوجهك لطريق الصواب انى أرى الاكاذيب بين كلامك وحدسي لا يكذبنى ابدا انت داش البورصه وعندك اسهم وتضارب بالبورصه ومضاربتك بشكل عشوائى بس ماشيه معاك حلاوه الحين سمعت بالتيشارت والتحليل الفنى وتبى معلومه عشان تدش على السهم وتربح الكثير :) انت ماراح تدش بيت التمويل انت راح تدش بنك بوبيان لانك سامع انه هناك محفظتين داشه على السهم وتبى تأكد المعلومه من الشباب اختصرها على نفسك ولا تطولها على الشباب وكل يوم طالعلى بنصح وتحتاج الى النصح اوكيه عندك اخوى اعلامى عنده رابط ودش عليه وقوله شرايك بالسهم وعندك اخوى وااو نون عنده رابط ودش عليه عندك اخوى فلود اهم راح يعطونك مسيرة السهم واختصرها على عمرك وبلاش قصص وحزاوى وأكاذيب مالها اى داعى :)
تحياتى للجميع
 

السيد الأصلي

عضو نشط
التسجيل
8 أبريل 2007
المشاركات
361
الإقامة
الكويت
يوصل سلامك مع البوسة....صندوق ثروة يتبع لأي شركة وهل هو إسلامي؟ومن وكلاء البيع؟ومانشاطه؟وشكرا لك.

اخي العزيز بنك بوبيان رأس ماله 100,000,000 مائة مليون دينار كويتي

والارباح السنوية لعام 2006 5 مليون فقط لاغير ؟؟؟

والله عيب والله شي يفشل انا لو عندي هالـ مائة مليون وحاطهم وديعه في بيت التمويل الكويتي جان عطاني عليهم 8,6 مليون دينار كويتي لأن بيت التمويل يعطي اعلى نسبة ارباح بالبنوك حاليا بالنسبة للودايع 8,6% يعني لو الشباب في بوبيان امسوين نفس مسرحية سوق المناخ وامسوين لهم مكتب مع كرسي واحد لا غير ( نفس مكتب صخي الديك أو بو حظين ) جان احسن لهم ... اتمنى ان الرساله وصلت :rolleyes:
 

السيد الأصلي

عضو نشط
التسجيل
8 أبريل 2007
المشاركات
361
الإقامة
الكويت
وشي ثاني بعد ؟؟

ولا ازيدكم من الشعر بيت سياسة التنفيع في بنك بوبيان التعيس مو طبيعية حسب مصدر موثوق فيه في البنك ....

مصري كان يشتغل محاسب صار في بوبيان مدير ادارة مع زيادة 1000 دينار كويتي بالراتب ؟؟

واحد من الشباب الحلوين كان في بنك سابق وعليه اشكاليه ( يقولون مختلس ) يا بوووه وحطوه مدير بعد

هندي معاشه بالهند 200 ربيه هنديه يعني تقريبا 16 دينار كويتي (اذا مو اقل ) يا بوووه وعطوه 500 دينار كويتي يعني تقريبا معاش وزير عنهم بالهند وهالشخص للحين مو مصدق ؟؟؟:d
 

almoress

عضو نشط
التسجيل
9 ديسمبر 2005
المشاركات
925
الإقامة
دولة الكويت
almoress شكرا على النصيحة ..كم كان آخر توزيع أرباح للتمويل الخليجي أفرض أنا أملك 20 ألف سهم تمويل خليجي كم كانت أرباحي مع آخر توزيعة أرباح لتمويل خليج؟

العفو أخوي

آخر توزيعه سلمك الله كانت

63 فلس نقدي و12% منحه إن لم تخني الذاكره

على إفتراض عندك عشرين ألف سهم مثل ما تفضلت

نحسبها مع بعض

20000 سهم * 0.063 نقدي = 1260 دينار كويتي
20000 سهم * 0.12 منحه = 2400 سهم

اسهم المنحه الــ 2400 على افتراض ان السعر بعد سنه لم يتغير

2400 سهم منحه * 0.500 فلس = 1200 دينار

النقدي + المنحه = المجموع
1260 + 1200 = 2460 دينار كويتي

إذن من خلال الارباح السنويه الي قلنا 2460

الناتجه من إستثمار مبلغ 10000 دينار تقريبا

يتضح أن العائد السنوي للمبلغ المستثمر

:) هو 24.6% :)


شرايك؟؟؟


للمعلوميه نسبة الارباح لودائع بيت التمويل الكويتي لهذا العام


كانت 8.4% وتعتبر جيده


يعني على مبلغ الــ 10000 دينار يطلع لك 840 دينار كويتي


فما بالك بالــــ 24.6% ؟؟؟ 2460


في الختام


قرار الشراء أمر يرجع لك انت شخصيا ولا يتحمل عقباه أحد


والله ولي التوفيق
 

بورصاوي

عضو نشط
التسجيل
13 مايو 2004
المشاركات
315
العفو أخوي

آخر توزيعه سلمك الله كانت

63 فلس نقدي و12% منحه إن لم تخني الذاكره

على إفتراض عندك عشرين ألف سهم مثل ما تفضلت

نحسبها مع بعض

20000 سهم * 0.063 نقدي = 1260 دينار كويتي
20000 سهم * 0.12 منحه = 2400 سهم

اسهم المنحه الــ 2400 على افتراض ان السعر بعد سنه لم يتغير

2400 سهم منحه * 0.500 فلس = 1200 دينار

النقدي + المنحه = المجموع
1260 + 1200 = 2460 دينار كويتي

إذن من خلال الارباح السنويه الي قلنا 2460

الناتجه من إستثمار مبلغ 10000 دينار تقريبا

يتضح أن العائد السنوي للمبلغ المستثمر

:) هو 24.6% :)


شرايك؟؟؟


للمعلوميه نسبة الارباح لودائع بيت التمويل الكويتي لهذا العام


كانت 8.4% وتعتبر جيده


يعني على مبلغ الــ 10000 دينار يطلع لك 840 دينار كويتي


فما بالك بالــــ 24.6% ؟؟؟ 2460


في الختام


قرار الشراء أمر يرجع لك انت شخصيا ولا يتحمل عقباه أحد


والله ولي التوفيق

100%
افضل وديعه
 

مساهم جديد2007

عضو نشط
التسجيل
2 أبريل 2007
المشاركات
288
شكرا للجميع على نصائحهم الذهبية التي تدل على أمانتهم وحرصهم وفقني الله وإياكم لما يرضاه ولن أستغني عن نصائحكم ولكم الأجر من الله فإن ربحت الفضل لله ثم لكم أحواني وإن لم يحالفني الحظ فمن نفسي وقلة خبرتي لكن التجارب تصقل المواهب
 

beginner25

عضو نشط
التسجيل
10 أبريل 2007
المشاركات
150
الإقامة
الكويت
مفهوم

اخوي حطهم في احد الصناديق الاسلامية اضمن لك ونام قرير العين والله يبارك لك فيهم

ممكن تعطيني اسم صندوق اسلامي زين ومضمون .. لانهم وايد ماشالله بس مادري شنو الاحسن
 
أعلى